فى احدى الليالى .................

في احدى الليالي جلست سيدة في المطار لعدة ساعات في انتظار رحلة لها .

وأثناء فترة انتظارها ذهبت لشراء كتاب وكيس من الحلوى لتقضي بهما وقتها ,

فجأة وبينما هي متعمقة في القراءة أدركت أن هناك شابة صغيرة قد جلست بجانبها وأختطفت قطعة

من كيس الحلوى الذي كان موضوعا بينهما . قررت أن تتجاهلها في بداية الأمر,,

ولكنها شعرت بالأنزعاج عندما كانت تأكل الحلوى وتنظر في الساعة بينما كانت هذه الشابة

تشاركها في الأكل من الكيس أيضا . حينها بدأت بالغضب فعلا ثم فكرت في نفسها قائلة

' لو لم أكن امرأة متعلمة وجيدة الأخلاق لمنحت هذه المتجاسرة عينا سوداء في الحال '

وهكذا في كل مرة كانت تأكل قطعة من الحلوى كانت الشابة تأكل واحدة أيضا

وتستمر المحادثة المستنكرة بين أعينهما وهي متعجبة بما تفعلة ,,

ثم ان الفتاة وبهدوء وبابتسامة خفيفة قامت باختطاف آخر قطعة من الحلوى

وقسمتهاالى نصفين فأعطت السيدة نصفا بينما أكلت هي النصف الآخر.

أخذت السيدة القطعة بسرعة وفكرت قائلة ' يالها من وقحة كما أنها غير مؤدبة حتى أنها لم تشكرني '.

بعد ذلك بلحظات سمعت الاعلان عن حلول موعد الرحلة فجمعت أمتعتها وذهبت الى بوابة صعود الطائرة

دون أن تلتفت وراءها الى المكان الذي تجلس فيه تلك السارقة الوقحة .

وبعدما صعدت الى الطائرة ونعمت بجلسة جميلة هادئة أرادت وضع كتابها الذي قاربت عل انهائه في الحقيبة ,

وهنا صعقت بالكامل

تري ماذا حدث

وجدت كيس الحلوى الذي اشترته موجودا في تلك الحقيبة بدأت تفكر

' ياالهي لقد كان كيس الحلوى ذاك ملكا للشابة وقد جعلتني أشاركها به',

حينها أدركت وهي متألمة بأنها هي التي كانت وقحة , غير مؤدبة , وسارقة أيضا.

يا ريتها كانت اتكلمت


لأن البنت دي من أدبها وسكوتها واقتسامها لأخر قطعة ، ده كله يدل علي انها مش هتقول كلام وحش لو حصلت مشاجرة


بجد يا ريت كانت اتكلمت


وفعلا الواحد كتير بيتحط في مواقف بايخة زي دي


قصة جميلة أوي اوي اوي يا آلاء


تسلم ايديكي

انا اول ما قريتها قولت انا لو كنت مكانها

كان زمانى ايه ...............

انا عارفه نفسى

و خصوصا انى هخد شهاده تقدير فى المواقف المحرجه

طيب ما تكملي النقط


وتحكيلنا شوية من المواقف المحرجة





انا عن نفسي عايز جنازة وأشبع فيها لطم ، او بمعني أصح عايز مواقف واشبع فيها تهييس

انا فرحانه بيكى يا الاء والله,,استمرى يا بنتى


ربنا يهديكى ياا رب وتقرأى كمان وكمان

اقتباس :

طيب ما تكملي النقط


وتحكيلنا شوية من المواقف المحرجة





انا عن نفسي عايز جنازة وأشبع فيها لطم ، او بمعني أصح عايز مواقف واشبع فيها تهييس

هههههههههههههههههههه

ده انا ميعديش يوم الا لما يكون فيه موقف محرج بعيد عنك

على يدك بتاعه الكونسلفتوارههههههههههههه

و طبعا دى حاجه قليله


-----------------------------------

و ربنا يخليكى يا فداء و منوره يا بت

بت ؟؟؟ دى علامة الحب بتاعك طبعااا

'طبعا هل عندكى شك

علي كده لو حبت خالد في يوم


هتقوله يا بت برضه يعني ولا ايه



وبالنسبة للمواقف


يا ريت تحكي علي طوووووووووووول


وانا اول لما ارجع احتك بالناس هأبقي احكي برضه

ههههههههههههههههههههههه

ما بلاش بقولك بلاش هههههههههههههه

لا لا لا لا قوووووووووووولي يللااااااااا

ههههههههههههههه

تموت انت اوى فى الحجات دى

انا فيه موقف تقريبا انا حكيت عليه قبل كده

اللى هو كنت فى درس ايام الثانوى و احنا كنا بنقعد على ديسكات وكده

زى البنشات بس من غير البتاع اللى بنسند عليه ده

المهم كنت قاعده انا واتنين اصحابى

و معانا ولا طبعا قاعدين فى الديسك اللى جنبى

فيه بنت جت كانت عاوزه تقعد فقمت علشان تشد الديسك كده علشان تعرف تقعد

قمت و افتكرتهم شدوه وخلاص

جايه اقعد

قعدت على الارض هههههههههههههههههههههههههههههههههههههههههههه

لا وايه ببص جنبمى لقيت رجل ولد

ههههههههههههههههههههههههههههههههههههه

قلت انا ايه اللى جبمنى هنا

انا شبه نمت على الارض


ههههههههههههههههههههههههههههههههههههههه

يا لهوى على ده موقف

انا برضه مرة حبيت أستعرض قدام صحابي زي ما كلهم بيستعرضوا كده في الفصل


وقومت عامل حركة كده علي الديسك

وانا كنت قاعد في اول ديسك في الفصل


روحت واقف عليه وواخده ونازل من فوووووووووووق حتة نزلة قصاد الفصل كله


طبعا ده غير ان هزارنا كان هزار بوابين اصلا

كنا بنشيل الديسكات ونحدفها علي بعض

هههههههههههههههههههههههههههههههههههه

المشكله انى لقيت رجل الولا و ببص عليه لقيته ميت من الضحك

واحده صحبتى بقولها الموقف ده بتقولى انتى كنت نمتى حبه


عملتى نفسك مغمى عليكى ههههههههههههههه

لا خالتي علمتني حاجة


قالتلي لما تقع اوعي تضايق او حتي تكشر


اضحك ، لأنك هتلاقي الناس بتضحك عليك وعلي الموقف ده

فلما تضحك انت كمان مش هتحس انهم بيضحكوا عليك

هتحس ان انت اللي ضحكتهم وضحكت عليهم


والموضوع ده ماشي عليه بقالي سنين

بالنسبة للموقف بتاع ابن عمتي والترعة زي ما قولتلك


كنا زمان متعودين نروح غيط بتاعنا في مدينة اسمها ديرمواس ، هي آخر مركز في محافظة المنيا


المهم كنا بنروح عند اولاد عم ابويا واولادهم كمان ، علشان هما اللي ماسكين الارض وكده

المهم طبعا بنروح نركب حمير وكده


فمتعودين بنركن العربية علي الطريق ونعدي ترعة صغيرة كده علي جزع نخلة

فطبعا معانا بنات عمامي وعمتي وبنات قرايبنا والعيال الصغيرة وكده

طبعا مش اي حد يعرف يعدي علي جزع النخلة دي ، خصوصا لما يكون بيخاف من المرتفعات زيي كده

فلما روحنا المرة دي لقينا الترعة ناشفة

ومافيهاش ولا نقطة مية

وكلها عبارة عن طين ناشف ومشقق وشكلها أرض صلبة


وطبعا الكلام ده بيبقي في العيد فكنا صغيرين وبنبقي لابسين لبس العيد


فابن عمتي حب ينجز وما يستناش في الطابور ده بتاع النخلة

راح قال انا هأنزل امشي علي أرض الترعة الناشفة


واول لما نزل

طلع ان وشها بس اللي ناشف

وباقي الارض من جوة عبارة عن طينة طرية جداااااااااا


ولقيناه بيغوووووووووووووص في الطين

وغاص في الطين بتاع متر الا ربع


وعمال يتنطط علشان يوصل للبر التاني من الترعة ويطلع ، وما يغوصش اكتر




طبعا احنا هيصنا ولعبنا وركبنا حمير ومصينا قصب وكل الحوارات دي

وهو ما شاء الله فضل طول اليوم يدور علي مناديل وحاجات ينزل جبال الطين اللي عليه


واللي دخلت جوة الكوتشي

ههههههههههههههههههههههه

يا عينى و بلبس العيد كمان هههههههههههههه

اه


يللا قولي واحد جديد ، وانا احصلك


ولا نعمل موضوع جديد وكله يشارك


او تقريبا كان فيه موضوع عاملاه ياسمين قبل كده ، اللي اسمها منة عالمنتدي


ممكن نكمل فيه او هنا

ايه رأيك؟

لا عادى

اقول هنا وخلاص

شوف الموقف ده بقى

انا المدرس بتاع علم النفس بتاعى معروف فى البيت يعنى كان بيجى يدينى درس فى البيت وكده

و فداء كانت بتخد عنده كمان

المهم كنا فى اجازه 3 ثانوى ماشيه فى الشارع انا ومامتى وفداء

و بعدين وقف يسلم وكده و كان معاه بنته

سلم على فداء وبعدين انا بقى بهبلى هههههههههههههههههههههه

دخلت سلمت و عارف لما تيجى تسلم على واحد صاحبك كده

يعنى و انت بتقرب منه علشان تبوسوه

انا كنت لسه بعمل كده
هههههههههههههههههههههههههههههههههههه

افتكرت انه المدرس بتاعى بقى

و لقيتلك ماما وفداء ميتين من الضحك

و انا وشى جاب الوان جديده كده غير الوان الطيف

هههههههههههههههههههههههه

كان موقف محرج اوى بجد

مرحب يا عرب

فينك يا راااااااااااااااجل

هههههههههههههههههههههههه


بجد موقف محرج محرج

انا جاي قريب بموقف برضه محرج من مواقفي


بس فيه موقف حصل معايا قريب ساعة عيد ميلادي


موقف غرييييييييييييييب جداااااااااا


كنت في مشوار وراجع عالبيت ، وكنت سايق العربية

وانا اتعودت ما اتكلمش في الموبايل وانا سايق


فجالي تليفون من رقم غريب


بس انا عارفة ، بس مش فاكر مين صاحبه ( اصلي بحب احفظ الارقام بدل ما اسجلها لأسباب معينة تخص الموبايلات وحظي )

المهم لما رديت عرفت انه واحد قريبي في مقام عمي


واصلا ماليش علاقة بيه خااااااااااااااااااااااالص ولسه عارفه قريب عالفيس

ودي اول مرة يكلمني عالموبايل

المهم عقبال ما اخدت قرار اني ارد عالموبايل

كانت الرنة طولت حبة قليلة

المهم رديت

فهو ما اخدش باله من اني رديت

سمعته بيقول


بعدين في الـ ( شتيمة ) اللي مش عايز يرد ده


فقولت الو

قالي اهلا ازيك عامل ايه ، وايه اخبارك

كل سنة وانت طيب وعقبال مليون سنة

قولتله وحضرتك طيب وربنا يخليك ومعرفش ايه

وقعد يتكلم معايا ويناقشني في حاجات وأشخاص عقليتهم غريبة متضافين عندي انا وهو عالفيس


وفضل يرغي لحد ما خلصت المكالمة وقفلنا


طيب يعني لما انت عايز تقولي كل سنة وانت طيب ، كان حد ضربك علي ايدك

وبتشتم كمان ، وبعدين بتغير اسلوبك ومقضيها حبيبي وكل سنة وانت طيب


بجد


لا تعلييييييييييييييق

هههههههههههههههههههههههههههههههههههههههه

يا نهارى بجد

انت عارف انت لو كنت قولتله سمعتك وكده كان زمانك احرجته جامد

وعلي ايه اصلا احرجة


يا بنتي الدنيا علمتني


ما تبكيش الا اللي يبقي عليكي


ولا ايه؟