سكشن تكاليف

موضوع: سكشن تكاليف الخميس نوفمبر 01, 2007 7:46 pm

السلام عليكم
ياريت تقولو دكتور حلو بتاع تكاليييف عشان مش فهمت من د\ عبد الحميد

ليه

دة شرحه حلو اوى

بس مشكلته انى شكلى هفتن للدكتور عليه ههههه

كل شوية يقول حاجات كدة عايزنا نحفظها و الدكتور بيقولنا اوعوا تصدقوا الحاجات دى

بس هو شرحه كويس

بس عموما يا ريت اللى حضروا لناس تانيه يقولوا برضه

لا مش عجبني حاسيت
انه بيسمع

مش بيشرح حتي شرحه للتكاليف في الاول مش حلو
ويمكن عشان شرح الدكتور احسن منهه بكتيييييييير

الله اعلم بس ياريت تقولو اسماء تانيه احتياطي

انا حضرت مع فاطمة وهى بصراحة كويسه جدا وفى حاجات كتير جوبتهالى سالت معيدين فيها قبل كده محدش فهمنى بس هى بسطت حاجات كتيرة

وربنا يوفقنى جميعا

امتي فاطمه طيب

وقاعه كام

هى حضرت فى قاعة 204 من 12.5 الى 2 هو المفروض ان منطاش هو اللى كان فى القاعة ده بس هى اللى دخلت وقالت ان هى اللى هتدخل كل مرة وان الجدول كان في حاجه غلط

انا حضرت مع نرمين وبجد شرحها جميل
بس بتتك على حاجات بتكون صغيرة وسهلة
يعنى بتشرح بضمير اوى
قاعة 211 من 12.30 - 2

نرمين كانت كويسه فى سنه اولى فعلا

بس فاطمه اللى هى مين

انا كنت فاكرة ان د\ عبد الحميد دخل فى 204

دة على كدة الجداول اتلخبطت تماماااااااا

بصراحة انا مش عارف الجدول كله اتلغبط ولا سكشن التكاليف بتاع قاعة 204 بس ود/فاطمة هى اللى جات اول واحدة يوم الاثنين السابق

شكرا

ربنا يكرمك

موضوع: رد: سكشن تكاليف السبت نوفمبر 03, 2007 4:41 am

شكرا علي مواعيد يا جماعه
وانا سمعت ان دكتورة نرمين حلوة قوي بس كده ميعادها يتضارب مع بتاعت التامين

بس ان شاء الله تتنظم

وشكرا يا جماعه ليكو

موضوع: رد: سكشن تكاليف السبت نوفمبر 03, 2007 7:50 am

سكشن المحاسبة (1) لنرمين

شرحت تبويب التكاليف زى ما هو موجود فى اول صفحة فى التطبيقات (بدون ذكر اقساط استهلاك الاصول الثابتة )

وحلت الاختبار الاول ص 17 فى التطبيقات ( لغاية بند اعلانات تهنئة لبعض الموظفين )

وكان ليها بعض الاحظات اثناء الحل :-

1- حصة المنظمة فى التأمينات عن اى اجر يعامل معاملة الاجر نفسه

يعنى لو الأجر ( ت. تسويقية غ .ش ) يبقى حصة التأمينات هتكون ( ت.تسويقية غ .ش ) هى كمان

2- كل المبالغ التى تدفع للعمالة تحسب عنها حصة للمنشأة فى التأمينات الاجتماعية فيما عدا مكافأة اعضاء مجلس الادارة

3- ايجار المبنى يوزع على اساس المساحة على ( المصنع ،ادارة التسويق ،الاقسام الادارية )

4- الدعاية والاعلان دائما ( ت. تسويقية غ .ش ) ما عدا الدعاية لمنتج معين تكون ( ت . تسويقية ش )

معلش يا موها كبرت الخط عشان كنت هرجع البس نظارة تانى

ميرسى اوى على تعبك يا قمر

بس متهيالى كدة يبقى عبد الحميد شرح احسن

لانه شرح التقسيمات اللى فى الاول دى بس مش عناوين بس لا كمان قال شرحههم يعنى المباشرة يشرحهها و بعيدن يمليها و كدة

و بعد كدة حل الاختبار الاول دة بس مش فاكرة لغايت فين بالظبط

لكن كان بعد خطابات التهنئه دى

و كمان ادانا ملاحظات كتيييرة اوى مهمه

ان شاء الله بس اكمل اول السكشن الجزء اللى فاتنى منه و هحاول استاذن المعيد و ابقى انزلهولكوا ان شاء الله

و ربنا يوفقنا كلنا

سلاااااام عليييكم و رحمة الله و بركاته

موضوع: رد: سكشن تكاليف السبت نوفمبر 03, 2007 4:02 pm

شكرا على المعلومات وجزاكم الله خير

د/فاطمة شرحة التبويبات بصراحه بدقه عاليه جدا واحن من اللى فى التطبيقات"يعنى واحد واحده وتبويب تبويب وبالنسبه للمثال اللى فى ص 17 هى حلته شبه شفوى وقالت ان هى هتحله تانى المحاضرة الجايه عشان هى طولت فى شرح التبويبات

موضوع: رد: سكشن تكاليف الأحد نوفمبر 04, 2007 7:52 am

لا المعيدة نرمين حلت المثال بالكتابة لان الطلبة طلبو منها كده
وعلى فكرة يا ندى هى شرحت تبويب التكاليف بالتفصيل بس اللى كتبتو كان زى اللى فى التطبيقات وانا قلت كده بس علشان انا مكتبوش تانى والناس تكون فاهمة هى كتبت ايه
بس هى شرحت كل حاجة بالتفصيل حتى اثناء حل المثال
دى بجد يا جماعة بتتك اوى فى الشرح يعنى عندها ضمير جدا وبتشرح الحاجة مرة واتنين واكتر
يعنى اللى فاته حاجة فى المحاضرات ممكن يحضر معاها وان شاء الله هيفهم كويس جدا

موضوع: رد: سكشن تكاليف الأحد نوفمبر 04, 2007 9:46 pm

برضه ذى ما قلت فى التمويل

اكيد كلهم حلوين
و بجد اهم حاجة تكونى مستريحه نفسيا للى بتاخدى معاه عشان تفهمى منه

انا لسه مصرة على رايي اللى قلته قبل السكاشن ما تبدا

اهم حاجة الاحساس Very Happy

اصل السكاشن دى احساس يا خلف ههههه

(صعيدى فى الجامعه المريكيه - بس كانت الاوبرا -))

» اخر سكشن (د.رغدة)
» سكشن وليد
» سكشن التأمين
» سكشن تخطيط ورقابة
» سكشن اقتصاديات مشروع