معنى كلمة مصر, ومعنى كلمة Egypt

السلام عليكم و رحمة الله و بركاته



عتقد ان هذا المقال هام جدا لكل مصري , لانه عيب جدا ان تقول انا مصري و لا تعرف معنى اسم بلدك


بغض النظر عن عن كل مايعانى المصريين من غلاء المعيشه وضيق الحال وحاله الغم والنكد والهم وانعدام الانتماء وقول كل واحد او معظم من سيقراء الموضوع (مصر ايه ياعم ارحمنا انت هتعمل نفسك احمد عرابى ولا سعد زغلول ولا حتى ابوتريكة )



فاقول لكم نحن ننتسب الى مصر ككيان ووجدان وبلد نشاءنا بها وتربينا على خيرها فمصر ليس هى مسؤليها الظالمين او الفاسدين


المهم يعنى نرجع لموضوعنا



اولا كلمة مصـــــــــــــــــــر



نعرف جميعا ان لنبي الله نوح عليه السلام ثلاثة اولاد , هم حام و سام و يافث
و اللذي يهمنا الان هو حام , و له اربعة اولاد هم :
1- كوش , و قد سكن كوش بلاد السودان , و سميت قديما باسمه حيث معروف ان اسم السودان قديما هو بلاد كوش , و اليه ينسب اهل السودان و الافارقة .
2- فوط , و سكن الشمال الافريقي , و اليه ينسب شعوب بلاد المغرب .
3- كنعان , و سكن منطقة فلسطيا ( او فلسطين ) و لهذا كان اسم فلسطين قديما هي بلاد كنعان و اليه ينسب الكنعانين و الفلسطينين اجمالا .
4- مصرايم , و هذا الاخير سكن منطقة مصر العليا , و مصرايم هي الاسم العبري لمصر وفقا للميثولوجيا التوراتية . فاذن اشتقاق اسم مصر في الاصل من الاسم العبري مصرايم , و يقال ان معناه هو البلد او المكنونة الحصينة , و يقال ايضا البسيطة الممتدة .
و عليه فان اصول المصريين اجمالا هي لحام بن نوح ( حاميين ) , لكن حقيقة بعد اختلاط الشعوب و تزواجها من بعضها البعض فمسألة نقاء السلالة تعد الان من المستحيلات بل و الخرافات مالم تسند باسناد نسبي معتمد ( في رأيي الشخصي ) .




معنى كلمة Egypt


اسم مصر القديم اللتي عرفها بها المصريون القدماء ( الفراعنة ) هو : ( هاك - اك - بتاح ) , و معناه : أرض الاله بتاح , و بتاح هذا هو كبير الالهة عند القدماء المصريين ,و نظيره زيوس كبير الالهة عند اليونان . فسيمت مصر عند المصريين القدماء باسم الاله بتاح . و تنطق ( هيكو بتاح ) , و ظل هذا اسم مصر حتي دخل اليونانيون الي مصر مع فتوحات الاسكندر المقدوني في عام 332 قبل الميلاد , ثم حكمها البطالمة من بعده الي سنة 31 قبل الميلاد , ومن بعدهم الرومان حتي فتحها عمرو بن العاص سنة 640 بعد الميلاد , اي ان الرومان و اليونان حكموا مصر بعد ما طردوا الفرس منها لمدة 972 تقريبا , في البداية سمعوا اسم مصر كما ينطقها اهلها ( هيكو بتاح) اي ارض الاله بتاح , و لانه يصعب عليهم نطق هذا الاسم , فنطقت عندهم ايجيبتوس Aigyptus بالجيم الجافة المصرية , و اضافة الخاصية ( وس ) في اخر الكلمة شأنهم دوما مع اسماء الاعلام , فمثلا مارك ينطق ماركوس , و انطونيو ينطق انطونيوس و هكذا ايجيبت تنطق ايجيبتوس . ( و مازالوا حتي الان ينطقوها بالجيم الجافة و كذلك بعض الدول الاخري كما في روسيا ينطقونها ( يجيــبت ) بالجيم الجافة .
بعد ذلك انتقل هذا الاسم الي قبائل الجرمن اللذين عطشوا الجيم فاصبحت Egypt الحالية , كما نعرفها باللغة الانجليزية .
و اما كلمة ( قبط و جمعها اقباط ) فجاءت من نطق اليونانين لمصر , ايجيبت ( بالجيم الجافة ) و العرب يقلبون الجيم الجافة الي قاف و العكس , و بالتالي نطقت قبط عندهم . هذا و الله اعمل حسب علمي , ولو حد عندة معلومات او تصحيح للمعلومات دى ياريت يضيفها.

و هناك اسماء اخرى عرفها المصريون القدماء عن مصر , و منها ( كيمبيت ) و تعني الارض السوداء , و ايضا ( ثيميرا او ثامير ) و تعني الارض السمراء الخصبة .

بتهىء لى ان معنى كلمه مصر هى (بلد الخيرات)
انا قراتها قبل كده
وممكن تكون غلط
وشكرااا ع الموضوع الجميل

تسلم ايييدك ربنا يكرمك

بس احنا لما نشوف الموضوع اكيد بنقول مصر حبيبتنا بلدنا اللى بننتمى ليها و نفخر باننا مصريين
و نقول ان انت مش سعد زعلول و احمد عرابى بس لان دول بس نماذج اتشهرت بحبها لمصر
لكن الحقيقه ان كل مصرى بيحب مصر

و انا برضه سمعت ذى كوتوميه ان مصر هى ارض الخيرات و جاز ارض الخيرات ذى الارض ابسيطه الممتدة اللى انت قولتها

و اخويا الصغير بيقولى انها يعنى المنطقه المحصنه باسوار عاليه و دى شبه برضه ذى ما انت ما بتقول المكنونه الحصينه


بس ايجيبت دى كدة مش مستريحالها

هل بتاح مقصود بالكلمة دى ربنا سبحانه و تعالى بس باللغه بتاعتهم و لا ده استغفر الله العظيم حاجة كانوا بيعبوها غير ربنا



نخلي عندنا حسن نيه و نقول انهم كانوا موحدين

و انا فعلا سمعت ان قدماء المصريين كان منهم كتير موحدين بالله

و فاكرين المحاضرة بتاعت سنة اولى لما دكتور منصور حامد عمللنا ندوة عن لعنة الفراعنه كان اتكلموا عن حاجة ذى كدة لما قال انهم كانوا موحدين بس بمرور الزمن كان ساعات بييجى فترات فعلا يشركوا بالله (مش كلهم اكيد )

و طبعا فى انبياء كتير جم مصر و امن بيهم ناس كتير


المهم دلوقتى

الحمد لله اننا مسلمين و مصريين

ميرسي يا مصط بس انا بتهيألي سمعت قصه تانيه عن ايجيبت
فيا ريت اللي عارف حاجه تانيه يقولها

هو كنا خدنا فى التاريخ نفس الكلام بس مش من بدايته كدة

احنا خدنا ان ايجيبت يعنى القبط
و ان كلمة قبطى يعنى مصرى و مش مرتبطه بالديانات


طب ما تقولنا الحكاية اللى انت عارفها

شكرا عالموضوع


يكفي ذكر اسم مصر في القران


هذا اكبر معني ليها

شكرا يا مصطفى على الكلام ده وانا اتفق معاك عليه
لانى قرايته قبل كده فى موسوعة ويكيبيديا

جزاك الله خير يا مصطفى
موضوع جميل
تسلم ايدك على المعلومات الحلوة دى

BASBOSA كتب:

بجد فى ناس كتير مش فاهمة معنى كلمة مصر
مصر هى ام ...............
المفروض ان ده اكمل مكان النقط ولا ايه ؟
طيب كده فى ناس هتفتكرك كنتى عايزة تشتمى ولا حاجة ومرضيتيش
يعنى مثلا ام اربعة واربعين لقدر الله :lol: