حول محاضرة المحاسبة الضريبيه

السلام عليكم و رحمة الله و بركاته


الموضوع دة يا جماعه ان شاء الله نبقى نتناقش فيه عن احداث كل محاضره من محاضرات المحاسبة الضريبيه

و لو اى حد عنده سؤال حول المحاضرة او ناقصله حاجة فيها او فاتته محاضرة و عايزها

و يا رب نكون ايد واحده و نساعد بعض فى كل حاجة

سلااااااام عليييييكم و رحمة الله و بركاته

قولولى بقى حصل ايه النهارده

بالتفصيييل

يا رب دى تكون اخر مرة ما احضرش

الحمد لله
سلاااااااام عليييكم و رحمة الله و بركاته

اللى حصل فى المحاضرة ان الدكتور ادانا حبه تعريفا يعنى تعريف الضريبه والرسم والثمن
وانواع ضرائب الدخل وجهاز جبايه الضرائب فى مصر
وتقسيمات الضرائب من حيث(موضوع الضريبه-امكانيه نقا العب-مراعاة الناحيه الشخصيه-النظام الضريبى-سعر الضريبه-تحصيل الضريبه)
واخر حاجة خدناها خصائص الضرائب عاى دخل الاسخاص الطبيعين

اقتباس :

سؤال : الدكتور كويس؟

الدكتور بالنسبه للشرح يعنى هو ادى حاجات خفيفه

اما بالنسبه له كشخصيه اللى حد ما كويس يمكن علشان المدرج مكنش فيه كتير بس ماعتقدش انه هيكون كويس لو فضلنا فى ب والطلاب كلها جات


وعسى الله ان يخيب ظنونى

العفو يا حبيبى وان شاء الله اشوفك يوم الاتنين

انا عندى كورس انجليش فى الجامعه الامريكيه فى الزمالك بيخلص الساعه 12
يعنى يا دوب احضر التانيه وبعدين هم كانوا ادونا السبت اجازه احسن
زانا كمان سايب رجاله فى المدرج تجبلى اللى اتقال بالحرف

ايه كل اللى اداهولكوا دة انا زعلانه منه

اقتباس :

اللى حصل فى المحاضرة ان الدكتور ادانا حبه تعريفا يعنى تعريف الضريبه والرسم والثمن

مش دى ذى بتاعت دكتور عبد الله شحاته ؟

وانواع ضرائب الدخل وجهاز جبايه الضرائب فى مصر

مقلكوش مصلحة الضرائب ..مصلحتك اولا

وتقسيمات الضرائب من حيث(موضوع الضريبة
-امكانيه نقا العب-مراعاة الناحيه الشخصيه-النظام الضريبى-سعر الضريبه-تحصيل الضريبه)

برضه هى دى ذى بتاعت دكتور عبد الله

واخر حاجة خدناها خصائص الضرائب عاى دخل الاسخاص الطبيعين

طب عموما هل اللى فاتته المحاضرة هيحس انها مشكله ؟

اللهم لا سهل الا ما جعلته سهلا

اقتباس :

لا مش باين اني هنزل الكليه الترم ده


بس المهم انتوا بخير
وسلملي علي كل الناس

ويا رب يكون ترم كويس

ايه ده

دة خروج عن اهم مبدا من مبادىء الدستور الكوميرساوى






ليه بس دى المحاضراا ت مهمممممممه اوى و اكيد حضرتك عارف كدة
حاول تحضر بعضهم حتى

و ربنا يوفقنا جميعا

سلااااااااام علييييكم و رحمة الله و بركاته

هو الحاجات اللىاداها نظرى وبسيطهع جدا وخدناها قبل كده جزء مع د عبد الله

والمحاضرةكانت بسيطه خالص

الحمد لله

شكرا اوىىىىىى ربنا يكرمك

علي فكرة


الدكتور كويس جدا


بس احساسي انه يندرج تحت قائمة

اتقي شر الحليم اذا غضب

واظن انه حليم اوي اوي

فربنا يستر لو غضب اوي بس من غير اوي كمان


وهو شخصية محترمة جدا

وطول المحاضرة

حضراتكم / لو سمحتم / الكلام ده



وهو كويس جدا

وما حسيتش بالوقت معاه تقريبا

ودي اهم ميزة فيه




والمحاضرة كانت تافهة جدا جدا


مالهاش اي صعوبة


يعني ممكن كلها تتكتب في ورقة وش وظهر فلوسكاب


وسهلة

فمافيش اي قلق مش من المحاضرة دي

يمكن من المادة كلها



وتيرم سعيد عليكم

أنا بقول برضه إن الدكتور كويس وطيب بس الخوف منه لما المدرج يتملي زي ما قال حيحا
أنا حاسس والله أعلم إن السيطره هتبقى ضعيفه على المدرج خصوصا في الجزء اللي ورا بتاع السلم في ناس بتقعد تضحك وتشغل موبايلاتها أثناء المحاضره وأعتقد إنه لازم يكون حازم معاهم
بس هو دكتور طيب أوي ومن النوع اللي بيحترم الطلبه
والمحاضره كانت سهله وجميله وحيحا قام بالواجب

فعلا الموضوع ده كان مضايقنى اوى
بجد انا قلت اكيد الصوت كان جاى من برة
مش ممكن يكون الدكتور كان ساكت على كده يعنى

ربنا يستر بجد علشان فى ناس بتجيب الاذى للمجموعه كلها واحنا اتظلمنا بسببهم اكتر من مرة قبل كده
يلا ربنا يستر

يا رب

و فعلا لدكتور لما شفته النهاردة طيب و محترم جداااااااااااااااااا جداااااااااااا و دمه خفيف و لذيذ اوى و شرحه حلو
ربنا يكرمه
بس انا مصرة انه شبه حد اعرفه ..بس مش فاكرة مين ..هو شبه حد معروف ؟

و ربنا يكرمنا و يفضل كدة حلو و كويس و امتحانه يكون حلو و تصحيحه

يا رب وفقنا و ترم سعبد عليييكوا كلكوا

سلاااام علييكم و رحمة الله و بركاته

الدكتور والماده لذيذة بس الخوف من ان المحاضرة تخرج عن السيطرة

والظاهر ان نص تالتة ج ماتوا او حولوا طب

علشان كده المدرج كان فاضى وتقريبا ده اللى خلى المسئولين عن الجداول يرمونا فى ا-ب

بعد الشر على تالته ج

لا هما يمكن بس فى ناس بتروح فى اجازة نص السنه تسافر مثلا فبيكونوا لسه مرجعوش الاسبوع الاول لان حتى فى بنت ان قابلتها فى المطار و انا مسافرة و قالتلى انها هتتاخر اسبوع كدة عشان الاجازة صغيره فاكيد فى زيها كدة

و برضه لو تفتكروا بداية الترم اللى فات مع ان الاجازة كانت طويله الا ان كان المدرج فاضى جداا و رخم اوى عشان كان العيوطى كمان

ان شاء الله كل الناس تيجى بس الدكتور يعرف يسيطر و احنا فى نفس الوقت عايزين نبقى ايجابيين و لو الدكتور مكانش حازم معاهم احنا اللى نزعقلهم و ل واحد شاف واحد من المستهترين دول يزعقله و يهدده انه هيقول للدكتور عنه

و ربنا يستر الترم يعدى على خير

يارب خير يارب ليه كده بس يا مها
ههههه

لا انا يمكن مش كنت مركزة بصراحه في المحاضرة من اقلق اصحابي حنبي

بس كانت حلوة وخفيفه
وهوا انا مش هقدر احكم عليه في نظري لان الماده عملي اصلا
فربنا يستر ويطلع طيب يارب

يا حيحا


محدش مات ولا حد حول


تقريبا دول بس اللي نجحوا في التيرم الاول


هههههههههههههههههههههه


ربنا يجازي اللي كان السبب

يا تري مين وراهم؟؟؟ بيبسي هههههههههههه

اقتباس :

يا تري مين وراهم؟؟؟ بيبسي هههههههههههه

يعنى تفتكر انا الطلبه اللى مبتحضرش ده هتجيب الكاس