حاجة لينا

أزيكم يا أحلى أعضاء ؟

الدراسة قربت ورمضان كمان قرب كل سنه وانتم دايما بخير

أنا وآلاء كنا عاوزين نعمل حاجة لينا

وهي إننا عايزين نعمل قسم لينا إحنا ( للثانوية العامة )

ونكتب لينا حجات في المنهج زي ما أنتم بتعملوا في المواد بتعتكم

فهل ممكن تحققولنا ده

إحنا هنبدأ شهر 9

وأنا إن شاء الله هاخد درس بيئة جيولوجيا من يوم 13- 8 وهبدأ أذاكر فيها

سلاااااااااااااااااام عليييييييييييكم ورحمة الله وبركاته

بص يا درش

انت طبعا عارف ان المنتدى دة معمول فى الاساس عشان طلبة سنة تالتة كلية تجارة جامعة القاهرة

مش طلبة الثانوية العامة

و يمكن هو دة هيكون الاعتراض الوحيد اللى ممكن تتعرضلو

بس انا فى رأى انها حاجة سهلة و ممكن تتعمل و مفيش مشكلة فيها

خصوصا ان العملية هيبقى فيها فايدة للغير

اينعم الغير دة عبارة عن نفريين بس

بس انا فى رأى حتى لو العدد قليل بس مش مشكلة ان يتعملهم حاجة تفيدهم

خصوصا لما تكون مش بتكلف فلوس ولا حتى جهد

و دة رأى الشخصى

و طبعا الرأى فى الاخر للمديريين

معلش يا مصطفى بس أنا لازم أقولك رأيي :
متعملش الموضوع ده يا مصطفى بجد أفيدلك إنك متعملوش
وأنا شايف كمان إنك لازم تظبط مواعيد قعادك على الكمبيوتر
لازم النت ده تسيبه شويه وتركز أكتر في مذاكرتك وممكن النت يبقى كل يوم خميس مثلا أو مرتين في الأسبوع
يمكن هتضحك من كلامي وتقول مش معقول
بس أنا شايف كده

الكلام ده في وقت الدراسه طبعا

طيب أنا الموضوع ده مش لوحدي

المفروض آلاء تقول رأيها برده

سورى يا مصطفى انى مشفتوش غير حالا لان النت كان فاصل عندى والله

يا جماعه احنا اكيد مش هندخل كتير على الانترنت زى دلوقتى

اكيد الوقت اللى بندخل فيه على النت هيقل جامد جدااااااا


بس احنا كنا عاوزين نعمله علشان نكتب حجات فى المنهج بتاعنا كده يعنى

و بعدين لو انتم مش عاوزين نعمل قسم اوكى

خلاص نعمل موضوع فى ساحه المناقشات


و خلاص
بس احنا قولنا نقترح عليكم الاول

فكره كويسه يا مصطفي و تطبيقها عادي جدا و لو حتي في موضوع صغير و طبعا الراي الاخير للاداره
بس رايي هنا انه من الافضل ان الموضوع ما يتنفذش لان يا مصطفي انت هاتبقي محتاج تركيز و حكايه المنتدي دي هاتقل عندك شويه
بس في الاخر اللي انت شايفه اصلح ليك و حاسس انه هايفيدك امشي فيه و ربنا يوفقك

لا عادى ما هو احنا مش هندخل كتير اوى يعنى زى ما بندخل دلوقتى

و بعدين حتى لو دخلنا كتير هندخل علشان خاطر الموضوع ده وبس

انا عن نفسي كنت شايفه ان مفهاش حاجة و متهيالى مرة اقترحت عليكوالفكرة

بس هو كلام محمد مجدى برضه عنده حق ان النت تقللوه فى الدراسة

و فعلا النت بيعطل جدااا و اللى بنعمله ايام الدراسه ممكن يعطل اكتر ما يفيد بس الا لوعرفت ازاى تظبط وقتك صح خلاص

هى الفكرة ان ممكن احنا كمان نفيدكوا شوية بخبراتنا طبعا مش بالمذاكرة نفسها لان حاجات كتير ممكن نكون مش فاكرينها بالظبط

بس هو الحكاية تكمن فى هل دة محتاج ساحة كاملة و طبعا دة مش تخصص المنتدى برضه و اللى لازم نراعى تخصصه

و لاممكن تبقوا بتشاركوا فى احدى الساحات اللى موجودةبافعل عشان كمان اصلا فى شكوى من ان منتدانا عدد ساحاته كتيرة


و برضه المستفيدين م الموضوع لن يتعدوا العضوين ابدا و لو انتوا نويين تجيبوا اصحابكوا يبقى كدة هننسى تخصص منتدانا خااالص ..

على فكرة فى منتدى للثانويه العامة اصلا كنت بشوفه ايام ثانوى دة ممكن ينفعكم اكتر اكيد هتلاقوا عليه ناس كتير

فانا فى رايي ان تشاركوا اللى انتو عايزينه فى المنتدى منغير ساحة عشان برضه تخصص المنتدى و انتوا عارفين ان بنحب نحافظ عليه و عشان متعطلوش نفسكوا برضه

و دة راي و يا رب ميزعلكش بسن عارف ان المنتدى ذى مصطفى ما قالك تخصصه (لرابعه بقى ) تجارة
و طبعا بيدخل معانا اصحابننا و قرايبنا

عشان كدة مش بينفع ان احنا نغيره و يبقى فيه تخصص للثانويه العامة او لكلية تانيه .. وانت هتاخد فى الاقتصاد اهمية التخصص ان شاء الله

وفى نفس الوقت فى فعلا منتدى للثانويه العامة حول تعمل سيرش هتلاقيه ان شاء الله انا بس ناسيه اصل من 3 سنين بقى و كمان مكنتش متابعه خالص معاه

و برضه دة رايي و قولى تعليقك عليه لو انا شايفة حاجة غلط

و متنساش مش معنى دة انكوا متنزلوش مواضيع عن ث ع انا اقصد بس عدم وجودساحة مستقله

انا و الله يا جماعه كنت هدخل اقول موافقه و معنديش اى مانع
بس فكرت فطلع معايا الكلام دة

قولولى رايكم ايه

بصوا يا جماعه باختصار شديد

الاء ومصطفى كانوا عايزين ينزلوا موضوع فى المنوعات او المناقشات مش قسم كامل يعنى هو

ممكن يكون مصطفى قالها قسم بس هو متفق مع الاء على انه موضوع

لانهم زى ما احنا عارفين اتنين بس

وانا مش شايفه ان موضوع ممكن يضايق الاداره او اى فرد على المنتدى ما مصطفى عمل

موضوع الثانويه العامه لطمتنى بشده


محدش قاله لا ده منتدى تجاره ومالناش دعوه

وحكايه ان النت هياثر على مذاكرتهم اولا كل واحد عارف مصلحته وهما جربوه وحسوا بطعم الظلم والمجاميع الوحشه فلا يمكن هيسيبوا نفسهم يحصلهم كده تانى

ده غير اننا ماننساش ان مامتهم وباباهم مش هيسيبوهم يعنى فى رقابه فى البيت دول ثاويه مش
حاجه عاديه
بس هو ده كل الموضوع باختصار

يعنى اصلا هما كان ممكن يعملوا موضوع وعادى محدش كان هيتكلم لان موضوع واحد مش

هياثر سلبيا يعنى على المنتدى دول حتى ممكن يتناقشوا فى الموضوع اللى كان مصطفى عامله ايام النتيجه

يعنى الحكايه سهله وبسيطه
وسلام عليكم

ايوة الحكاية سهلة فعلا

حتى لو قسم فهو سهل برضو

بس انا بقول يخلوة موضوع احسن

و ربنا معاهم

طبعا لا يمكن حد يقلهم حاجة حتى لو اكتر من موضوع و هنفرح بيه كمان و ندخل نرخم هههه

و هو ذى مصطفى ما قال هى فعلا سهله جداب الافضل يبقى موضوع

و على فكرة زماااااان كوميرس 2009 كان تقدرى تقولى عبارة عن موضوع واحد فى منتدى تانى وكنامعتبرين الموضوع دة منتدى كامل و مسيين اسم الموضوع منتدى سنة ... (حسب السنه اللى بنكون فيها )
و كانبنحط فيه اى حاجة و نتكلم فيه و كل حاجة

فايه رايوا تعملوا موضوع فى ساحةمنوعات اسمه منتدى الثانويه العامة و يبقى عامل ذي موضوعنا دة

ممكن تشوفوا الموضوع دة عل موقع كل الطلبه هتلاقوه بيبقى شغال لغايت دلوقت بس طبعا نشاطه قللل خااالص بعد ما عملنا منتدى منفصل

بس انا بحب دخل اشوفه عشان ذكريااته الجمييله

على فكره يا جماعه نعمل قسم او موضوع كله عندى زى بعضه

المهم يكون فى حاجه للثانويه العامه وخلاص

أنا قرأت كلامكم كلكم وعجبتني أرائكم وانتقاضتكم

أولا الموضوع هيتعمل بالأسم اللي أختارتوا ندى لأنه عجبني

ثانيا الموضوع هيتعمل في شهر 9 ومعلومة إن الدراسة 20-9

ثالثا أنا عايز أعرف من آلاء أنتي هتبدأي الدروس أمتى ؟؟

رابعا أنا بدي الحق لأي عضو أو مشرف يلاحظ في أيام الدراسة أننا بنخش كتير
ليه الحق إنه يتكلم ويحق أنه ينصحنا وممكن توصل الى أنه يلغي الموضوع (ده لو لقانا بنخش كتير وبنشارك في لعب كتير وكده )

خامسا زي ماقالت فداء إن الأب والأم ليهم دور معانا وهما إن شاء الله اللي هيحددوا الميعاد والمدة اللي هنقعدها على الكمبيوتر وأنا بقترح إنها تكون بالليل يعني آخر اليوم لأن الواحد هيكون ذاكر وفي آخر اليوم يتذكر اللي ذاكرو ويكتبوا في الموضوع اللي هنعملوا على المنتدى وبكده تثبت المعلومات بإذن الله

سادسا الواحد بيستفيد من أخطائه وإحنا عرفنا أخطأنا ولايمكن أننا نعملها تاني ( خبتطين في الرأس توجع )

سابعا لاتنسونا بدعائكم في الصيام وكل سنة وانتم طيبيبن

ثامنا أنا كده خلصت كلامي

كلامكوا جميييل و موضوعكوا هينورالمنتدى ان شاء الله و ان شاء الله يكون كله خير و ااجى اقركوا كل شويه فيه و افتكر ذكريات الماضى القديم

انا هبدأ الدروس بتاعتى فى 1-9

بالظبط

رببنا معاك يا مصطفى إنت و ألاء
وحكاية يا مصطفى إن أي مشرف شايف إنك بتدخل كيتر أو إن الموضوع ده شاغلك يمسحه ملهاش لازمه وطالما إنت حددت أخطائك ومش هتكررها على حد كلامك يبقى خلاص إنت حر
رأيي أنا قلتهولك في الأول
ربنا معاك

فداء كتب:

بصوا يا جماعه باختصار شديد

اوانا مش شايفه ان موضوع ممكن يضايق الاداره او اى فرد على المنتدى ما مصطفى عمل

موضوع الثانويه العامه لطمتنى بشده

مفيش مضايقه ولا حاجه كل الموضوع إني خايف عليه وعايزه يكون أفضل ويجيب مجموع أعلى السنه اللي جايه
أنا جبت في تانيه مجموع قليل وكنت مبذاكرش وبرضه كان في سنتنا إمتحان الفرنساوي كان صعب وجديد وشوية حاجات كده بس جيت في سنه تالته وشديت حيلي وجبت مجموع عالي رفع المجموع الأولاني ودخلت تجاره الحمد لله
فكلامي لمصطفى وألاء لأني خايف عليهم زي إخواتي الصغيرين وعايزهم دايما يكونوا أفضل


محدش قاله لا ده منتدى تجاره ومالناش دعوه

وحكايه ان النت هياثر على مذاكرتهم اولا كل واحد عارف مصلحته وهما جربوه وحسوا بطعم الظلم والمجاميع الوحشه فلا يمكن هيسيبوا نفسهم يحصلهم كده تانى

أكيد كل واحد عارف مصلحته

ده غير اننا ماننساش ان مامتهم وباباهم مش هيسيبوهم يعنى فى رقابه فى البيت دول ثاويه مش
حاجه عاديه
بس هو ده كل الموضوع باختصار

يعنى اصلا هما كان ممكن يعملوا موضوع وعادى محدش كان هيتكلم لان موضوع واحد مش

هياثر سلبيا يعنى على المنتدى دول حتى ممكن يتناقشوا فى الموضوع اللى كان مصطفى عامله ايام النتيجه

يعنى الحكايه سهله وبسيطه
وسلام عليكم

مش موضوع المنتدى خالص أنا بس قصدي عليه هو

ربنا يخليك يا محمد

واحنا عارفين والله ان انت عاوز مصلحتنا

ربنا معاكو

ركزو فى المذاكرة وسيبكو من المواضيع ديه

انا مش فارقه معايا

وانا معاكو موافق على اى حاجة تسعدكو

ميرسى ربنا يخليك

هى فكرة كويسة جدا
بس انا حاسة انها هتشتغلكم اكتر ما هتفدكم كفاية تضيع الوقت فى الكتابة وكدة
بس ممكن تعمل موضوع كدة صغير للحاجات المهمه والاسئلة الا مش عرفناة وهيفيدكم
يعنى لو موضوع صغير ممكن مايضيعيش وقتكم
وربنا يوفقكم ويكرمكم باحسن مجموع,,,,,,,,,,,,,,,
لو شيفين انه ليه فايدة ليكم يبقى نفذة الفكرة
ودة راى
بس كدة

شكرا يانسمة

وإن لقينا الموضوع هيأثر علينا هنشيله

ربنا معاكوا و انا اقترح حاجة كمان بنزلوا موضوع تسالوا كل واحد قدر ينجح و يحقق ننجاح كبير فى تالته ثانوى عمل ايه

عشان تستفيدوا من خبرات غيركوا