الشلل داخل المدرجات

السبب هو الحوارات الفاشلة

اولا اهلا بيك معانا فى المنتدى و فى انتظار المواضيع و الشاركات المتميزة ان شاء الله
ثانيا
هو ممكن تكون فى بعض الشلل دى بتنفصل بالذات اللى اتكونت فى بداية الدراسه اول ما دخلنا اولى

و دة لان الواحد بيبقى لسه داخل الجامعه و مش عارف حد فاى جروب بيلاقيه بيبقى معاهم و خلاص
و بعد كدة ممكن يحس انهم مختلفين عنه او مش متفاهمين اوى فبيسيبهم و يشوف غيرهم

بس متهيالى بعد ما بقينا فى تانيه و خلصناها خلاص بقى لكل واحد شله معينه هما دول اصحابه الاساسيين و مش بيفكر يغيرهم لانه اكيد خلاص عرفهم

انا عن نفسى اتصاحبت على ناس كتيرة اوى و مكنتش بلاقى ناس اتفاهم معاهم واو بلاقى اختلاف فيهم عنى
بس الحمد لله السنه دى بقى خلاص ليه شله معينه هما دول اصحابى الاساسيين و عارفه ان فى ناس بعتبرهم انتيماتى و ناس يعنى اصحاب بس اناتيم و ناس مجرد زميلاتى و عارفاهم كدة و بس

لكن متهيالى صعب بعد سنتين يكون فى ناس لسه بيغيروا فى اصحابهم
الا لو كانواا فشلوا لغايه دلوقتى يلاقوا حد يفهمهم

و كمان فى ناس من اول ما دخلوا و هما اتصاحبوا و لقوا نفسهم متفاهمين من الاول و اصحاب من اول يوم لغايت دلوقتى

و ربنا يرزقنا جميعا بالصحبه الصالحه

سلاااااااام علييييييكم و رحمة الله و بركاته

الشلل موجود

علشان مفيش دم

بس

هههههه
لا مش شلل (الشين عليها فتحه ) هى شلل (عليها كسرة) يعنى جمع شله

سلام عليكم و رحمة الله و بركاته

ههههههههههههههههههههه

صح الشلل عاملة زحمة وخنقة

ههههههههههههههههه
انا كنت فاكراها شلل برضه

بس ماعلينا
انا شايفه ان الشلل دي
بتكون مجموعه من اصحاب كتير
بس في الاصل ببقي في واحده انتيمي
يعني
بتبقي مجرد زمايل او اصحاب مش انتيم

فطبيعي انها تنهار
لانها مش قايمه علي صداقه كبيره قوي
صح ولا ايه

اه اكيد يا زمزم
يعنى كل واحد ليه اناتيم بس مثلا ممكن تلاقي اننا واقفين مع 20 بنت اكيد مش كلهم اصحاب اوى

سلام عليكم و رحمة الله و بركاته

ايوة يا ندي
انا كدده رديت علي سؤال صاحب المووضع
اكييد انا متاكده ان لكل واحده انتيم بس الشله شيئ مختلف

صح

وده اكيد

لا يا جماعة انا فاهمة هو يقصد اية لانى مريت بالموضوع دة ومش شرط ان علشان الشلة مكونة من زمايل يبقى لازم تنهار طالما بيحترموا بعض وطالما كمان اهدافهم مشتركة
يعنى مثلا بالنسبة ليا احنا كنا اصحاب كتير فى سنة اولى كلنا فى مجموعة واحدة واتفرقنا بعد النتيجة لان فى اللى حول انتظام وفى اللى عاد السنة وفى اللى نجح ولسة فى انتساب زى كدة
ومع ذلك كنا لسة اصحاب ولازم نشوف بعض كل يوم قبل او بعد المحاضرات ودة لان كان الاحترام متبادل بينا كلنا لكن اللى فرقنا ان اهدافنا كانت مختلفة جدا وماكناش كلنا ماشين على وتيرة واحدة وبداءت احس انى معاهم برجع لورا ودة علشان ماكنش فى حد لية نفس ميولى علشان علشان نتقدم مع بعض وفعلا انفصلت عنهم
يعنى كون انك يكون ليك شلة دة شى بعيد عن صحبك الانتيم او صحبتك الانتيم
والسلام عليكم ورحمة اللة وبركاتة

هو انا مفهمتش اوى

بس برضه الشلل مش لازم تنهار

يعنى انا مجموعة اصحابى الاساسيين كلهم اعرفهم من الترم الاول فى سنه اولى

بس انتيماتى اتصاحبت عليهم فى سنه تانيه (لكن لقيت انهم قريبييين اوى منى الحمد لله )

لكن الباقى لسه اصحاب طبعا و بموووووت فيهم ربنا يكرمهم كلهم


سلام عليكم و رحمة الله و بركاته

الشلل اللى بيقويها تجممعهم حور فكرة"ايا كانت الفكرة او الهدف" يعنى لو الهدف التهريج وتضيع الوقت كل اما يعملوا هيقربوا لبعض

انا سعات كونت ببقى مستنى اصحابى علشان نروح بعد المحاضرات بس صعب اجبهم من المدرج"عدد الطلاب اللى خرجين ميخليش حد يشوف حد" بيبقى تلقئى ان احنا بنتقابل فى الجامع علشان نصلى لو كنا فى ميعاد صلى ده سبب يقوى الشلل

اما سبب اضعافها ان هما ميكنوش متحدين او بمعنا اصح ماهمش كبير فكل واحد عايز يبقى كبير ومش معنى كبير انة كل كلامة اوامر

وربنا يكرم الجميع

فعلا ان الاصحاب يكون ليهم حاجات كتيرة بتربطهم دة بيخليهم يفضلوا اصحاب و متجمعين

و خصوصا الصلاة

و اجممل اصحاب هما الاصحاب اللى يجمعهم المسجد (الجامع )

و برضه لما يتمعوا فى المحاضرة و يحضروا كلهم و يحجزوا لبعض

و اى حاجة جميله كويسه تانيه هتخلى الصحاب يفضلوا دايما كويسين مع بعض ان شاء الله

و بالذات لو كانت صحوبيتهم لبعض و حبهم لبعض فى الله هيفضلوا كويسين اكيد

غير اللى بيصاحبوا مصلحه او مجامله دول اكيد بتنهار صداقتهم بسهوله



ربنا يخليلى اصحابى و يخليلكوا اصحابكوا

سلااااااام علييييكم و رحمة الله و بركاته

ايوة فعلا هو دة اللى انا كونت اقصدة
ان لازم الشلة تكون فى حاجة بتجمعهم
بس مش لازم تكون الحاجة دى كويسة
يعنى فى شلل بيكون هدفهم التهريج وتضيع الوقت ومع ذلك بتفضل الشلة ومش بتنهار لانهم كلهم هدفهم كدة
غير لو كانت الشلة كدة لكن فيها واحد جد ومش بيحب طبع باقى الناس اللى فى الشلة اكيد هاينفصل عنهم وواحد ورا التانى تنهار الشلة
يارب تكونى فهمتينى قصدى المرة دى يا ندى
والسلام عليكم ورحمة اللة