أى حاجة ..

كنت مرة برسم و معايا استيكة..اعدت ارسم و امسح كتير اوى ..و هند صاحبتى قالتلى طول ما دي فى ايدك مش هتعملى حاجة

فعلا لما برسم عادى و معييش استيكة برسم كتير و مابقفش .. و الغلطة بحولها لشكل جديد

بس اللى اكتشفته من مذاكرتى ان الكوريكتور من اهم ادواتى ..لانى بغلط كتير و امسح

و حتى عالمنتدى كتير اوى اكتب مشاركة و اعدلها

لكن ساعات فى قرارات بناخدها فى حياتنا ما لهاش و لا استيكة و لا كوريكتور

هل ممكن زى الرسم نحول التصرف دة لشىء جميل!!!



دة مجرد بس تساؤل جه فى مخى ..بس اكيد ..جايز يكون ممكن

مش برضه احنا لازم نتفكر فى الحاجات اللى بتحصللنا..مش ممكن ربنا بيعلمنا بالرسم ان ممكن نحول اى حاجة مش عجبانا لشىء جميل!!

بس ازاى !!!

اكيد فى حل بس احنا مش شايفينه

ربنا يهدينا و نعرف نحول كل حاجة لاحلى حاجة ..و يحليلنا كل حاجة


------------------------

يعني انا قلت دى ساحة خواطر و دى حاجة جت فى بالى قلت اكتبها هنا و خلاص

عشان نحاول نتامل فى كل موقف بيمر علينا و نتعلم منه

معلش لو صدعتكوا

سلااااام علييييييييييكم و رحمة الله و بركاته

اكيييييييد ممكن

لو بصينا للامور بشكل مختلف وحاولنا نطلع احسن مافيها اكيد هنستفيد ونتعلم

يا مسهل
و اكيد كل واحد مننا كمان حصلله مواقف قدر يغير فيها حاجات من وحش لحلو

بس يمكن ساعات حاجات بنقف قصادها و نفتكرها صعبة و مفهاش تراجع ..بس متهيالى اكيد كل حاجة ليها حل ..يا رب نوصل لحلول لكل شىء بيواجهناو نقدر نغيره لاحسن حاجة و نستغل احسن حاجة فيه

تمااااااام

واحيانا ممكن نلاقى حلول بسيطه ومباشره نحل بيها المشكه بس احنا الى مابنخدش مثلا يعنى ممكن مثلا فى الرسمه دى باضافه خط واحد مثلا او حتى نقطه ممكن الرسمه تتغير 180 درجه

أنا غالباً مش بحب أشطب حاجة .. بحاول أغير من الشكل وأجمله أكتر
يعني لو كنت كاتب رقم تليفون حد مثلاً في الكشكول وروحت البيت نقلته وعايز أشطبه بعمل فيه أشكال كدة بحيث محدش يشوفه ومبوطش الشكل العام
لأني بعتبر الشطب مش حلو .. لكن أحياناً بشطب طبعاً .. لكن في الغالب بحس إنها زي لو حصل موقف وحش في الحياة بستفيد من المواقف الوحشة أكتر من الحلوة أو من الخسارة أكتر من المكسب لأن المكسب خلاص مش محتاج .. لكن الخسارة يا توَقَّع يا ترفع

الموضوع ليه أبعاد تانية برضه لكني مش في ذهني حاجة دلوقتي غير الرسومات اللي فيها أشكال تبدو ظاهرياً مش هي جوهرياً زي دول كدة

[ندعوك للتسجيل في المنتدى أو التعريف بنفسك لمعاينة هذه الصورة]

تمااام كويس اوى ..يا رب فعلا نتعلم كدة و منيأسش..و ربنا يجعل لنا من كل ضيقٍ مخرجاً و من كل همٍ فرجاً

بس انا مش شايفة الرسمة اللى فى مشاركة ترافيلر هى فيها ايه ؟

أظن إنه مش قصدي رسمة موجودة
كان مجرد تطرُّق للرسمة اللي في أصل الكلام اللي كنتي بتقولي عليها أصلاً
مش حاجة معينة .. حالة تعميم إن الرسمة دي اللي رسمتيها و باظت فيها حاجة وحطيتي فيها ولو مجرد نقطة هتغيرها وتكون حاجة تانية خالص والله أعلم

اه ممكن ..أصلى لما لاقيتك حاطط رسومات جه فى مخى ان الموضوع مليان رسومات بقى

لا اصل انا افتكرت ان المشاركة نفسها فيها صورة ..

و حلوة فكرة اننا نشيل الاستيكة ..فعلا بنتعلم اكتر و بنركز اكتر ..

زى لما حد يبقى عارف انه ممكن يموت فى اى لحظة و انه لو مات و هو مبيرضيش ربنا هتبقى كارثه اكيد هيحاول طول عمره يرضي ربنا و يتقيه ..و مش هيقول هعمل حاجة و هتعدى و استغفر..لانه ما يضمنش يعيش لغايت ما يستغفر
اما لو غلط زى كل البشر فعلا فطبعا بيستغفر و ربنا ارحم الراحمين بيغفرلنا ..بس لازم دايما نجاهد نفسنا و نحاول نكون بعاد عن الغلط على قد ما نقدر

فكرة حلوة قوي وجتي في نقطه غيرت تفكيري اصلا
وانا كاتبه كتير قوي في مجال ده وفكرة نرسم حياتنا
انا دايما مدرس الرسم كان بيقولي شوفي اللوحه متبصيش عليها

يعني حتي لو لوحه وحشه هلاقي حلو فيها لو شوفتها صح وترجمتها صح
عموما ليا عودة في نقطه دي لاني اصلا شخصيتي كلها دي من محاورها

وربنا يوقنا في امتحانات

وتسلم ايديك ياقمر حلوة

بس انا كنت داخله اسلم علي هند




بجد رقيقه قوي فكرة

حبيبتى وحشتيينى

عاملة ايه و ايه اخباراتك

و ميرسي على كلامك يا امورتى

بس كدة عشان هند بس طوويب