مصر كلها منوفيه وكل سنه وانتى طيبه يامنوفيه

أعياد المنوفية

بقلم د. محمود عمارة ٢٩/ ٦/ ٢٠٠٩

بمناسبة العيد القومى للمنوفية.. وصلنى «كتيب» من اللواء سامى عمارة بيد بلدياتى الشهم صلاح عمار السكرتير العام.. وفيه تقرأ أسماء بعض القادة.. والعظماء.. والمشهورين فى شتى ميادين الحياة من الذين أنجبتهم هذه المحافظة الخصبة.. ومنهم: الزعيم محمد أنور السادات.. والرئيس محمد حسنى مبارك كرئيسين للجمهورية.. يليهما:
■ من النواب.. ورؤساء الوزارات: حسين الشافعى.. محمود فوزى.. كمال الجنزورى.. وحسن التهامى.. ود.أحمد سلطان.
■ ومن وزراء الحربية: محمد فوزى.. أمين هويدى.. شمس بدران.. وعبدالغنى الجمسى.
■ ومن وزراء الداخلية، والتنمية المحلية: عبدالعظيم فهمى.. أحمد رشدى.. زكى بدر.. محمد عبدالحليم موسى.. مصطفى عبدالقادر.
■ ومن وزراء العدل: عبدالعزيز باشا فهمى.. صبرى أبوعلم باشا.. أحمد حسنى.. فخرى عبدالنبى.. وأحمد سميح طلعت.
■ ومن وزراء الزراعة والرى: محمد أبوعلى باشا.. أحمد عبدالغفار باشا.. عباس أبوحسين.. عبداللطيف محمود باشا.. د.أحمد المحروقى.. ود.عبدالمحسن أبوالنور.. وللرى: عبدالقوى باشا أحمد.. د.عبدالخالق الشناوى.. د.عبدالعظيم أبوالعطا.. ود.محمد عبدالهادى راضى.
■ ومن وزراء التعليم: د.عبدالعزيز السيد.. د.لبيب شقير.. د.عمرو سلامة.. د.عبدالسلام عبدالغفار.. ود.عزت سلامة.
■ ومن وزراء الصناعة: على عيسى.. عيسى شاهين.. محمد طه زكى.. ود.إبراهيم فوزى (وهو شقيق الشهيد البطل الذى دمّر السفينة الحربية الإسرائيلية إيلات).
■ وللتنمية الإدارية: كمال الدين الحناوى.. ود.يحيى الجمل.. وللسياحة: فؤاد سلطان.. ود.محمد درويش.. وللصحة: إسماعيل سلام.. ومحمد عوض تاج الدين.. وللمالية: د.صلاح حامد.. وللقوى العاملة: د.عاصم عبدالحق.. وللكهرباء: عزت سلامة.. ود.أحمد سلطان.. وللبترول: حمدى البنبى.. وللتموين: د.أحمد على فرج.. أحمد نوح.. د.ناجى شتلة.. وناصف طاحون.. وللنقل والمواصلات: إبراهيم كريم باشا.. سليمان متولى.. ود.حمدى الشايب.. ولمجلسى الشعب والشورى: كمال الشاذلى.. ورئيس الجهاز المركزى للمحاسبات د.صفوت النحاس.
■ ومن أعلام الأدب والشعر: الدكاترة: زكى مبارك، إبراهيم عبدالقادر المازنى، د.عبدالرحمن الشرقاوى، «بنت الشاطئ» عائشة عبدالرحمن، عزيز فهمى جمعة (ابن عبدالسلام باشا جمعة رئيس مجلس النواب وزعيم الوفد)، محمد التهامى.. و.. و.. ونسوا اسم: الشاعر العظيم عبدالحميد الديب، وعميد الشعراء أحمد عبدالمعطى حجازى وغيرهما من قلب المنوفية!
ومن مشايخ الأزهر الـ٤٢ حتى اليوم، جاء ٨ منايفة + ٣ «باباوات» على رأس الكنيسة!
■ ومن مشاهير قراء القرآن الكريم: الشيخ عبدالفتاح الشعشاعى، والشيخ عبدالرحمن الدورى، والطوخى، والطبلاوى، وشعبان الصياد.
والمفاجأة أن الداعية «عمرو خالد» من شبرازنجى بالباجور، والشيخ «خالد الجندى» من سرس الليان.
■ ومن رؤساء الأحزاب: مصطفى كامل مراد، ود.نعمان جمعة.
■ ومن رجال القضاء، وهم بالآلاف: شيخ القضاة عبدالعزيز باشا فهمى، أول رئيس لمحكمة النقض، تلاه محمود عياد، وإبراهيم زغو، ومحمد محمود باشا، وعلى قورة، وعاطف زكى ثم أول سيدة تتولى رئاسة النيابة الإدارية المستشارة هند طنطاوى، ثم المستشارة ليلى جعفر.
■ ومن أعلام الطب: د.ذهنى فراج، د.ياسين عبدالغفار، د.أحمد شفيق، أسامة عبدالعزيز، فاروق قورة، أحمد عمار، محمد كامل حسين، ود.عادل مطر، أستاذ الطب النووى بأمريكا.
■ ومن الفنانين: توفيق الدقن، صلاح السعدنى، ماجدة الصباحى، شفيق نورالدين، إبراهيم سعفان، فايز حلاوة، شهرزاد، مصطفى شعبان، فاروق الفيشاوى، ممدوح عبدالعليم، عزيزة راشد، صفاء أبوالسعود، والفنان عزت أبوعوف وشقيقاته.
■ ومن الكتاب والصحفيين والإعلاميين: العالم د.مصطفى محمود، محمود السعدنى، مكرم محمد أحمد، وجدى قنديل، جلال عيسى، والأستاذ أمين بسيونى، والإعلامى الشهير حمدى قنديل، ومن قريته كفر عليم أيضاً المذيع القدير أحمد سمير، وعبدالله حسن وحمدى رزق وممتاز القط، ونسوا الكاتب الصحفى إبراهيم عيسى، ود.عبدالمنعم سعيد، وعهدى فضلى وغيرهم وغيرهم.
وبما أن المساحة لن تتسع لذكر كل الأسماء الواردة بهذا الكتيب أرجو أن تتم مراجعته من جديد حتى لا نتجاهل أو يسقط منه بعض الرموز أو الشخصيات المميزة أو المتميزة!
وفى النهاية، أكرر ما قاله عمنا الكبير الأستاذ محمود السعدنى عندما جلسنا فى «إدجوار - روود» بعاصمة الضباب، نحكى عن الباجور والمنوفية، ومن جاءوا منها.. فقال بطريقته الساخرة: دا المنوفية دى مذكورة فى الكتاب ياولاد.. فسأله أحد الحاضرين: إزاى يعنى.. وفين؟.. فأجاب بجدية مصطنعة: هوه «مِشْ» فيه آية بتقول: لا شرقية.. ولا غربية.. تبقى إيه؟ تبقى منوفية.. طبعاً!!

اكيد طبعا كفايه ان فيها قريتى اجمل مكان فى الدنيا ممكن تشوفى فيه مناظر جميله
وبعدين كفايه ان انا منها ولا ايه؟؟؟؟؟؟؟؟؟

كل سنة و انتوا طيبين و بخير

و يا رب محافظتكوا تبقى احلى و احلى هى و كل مصر

هو دة العيد السنوى للمحافظة مش كدة؟؟
اصلى مش حافظة غير عيد الجيزة Very Happy

تقريبا كده
نا نفسى مش عارف والله ياندى ميعاده
بس انا بحب الكنوفيه جدااااااا وخصوصا مركز الباجور قريه الكتاميه
هما بيقولوا علينا حاجات كتير
بس انا عارف ان اى مكان فيه الحلو وفيه الوحش والحمد لله عزمت اصحابى هناك وشافوها
وبجد مكانوش عايزين يرجعوا
وبدل ما كانوا عمالين يزنوا عشان يقعدوا يوم بس
قعدنا اربع ايام
وان شاء الله ابقى اصورها عشان تشوفوا جمالها

اكيد جميلة عشان مصر كلها جميلة

و هى الناس اصلا مش سايبة اى محافظة او بلد او شعب او امه حتى الا و بيطلعوا عليها كلام غلط

اذا كانوا بيوصلوا لانهم يقولوا كلام على امتنا العربية و هما منها

ربنا يهديهم و يهدينا كلنا

كل سنه وإنت طيب يا حماده والمنوفيه كلها بخير

كفايه ان انا منها ولا ايه؟؟؟؟؟؟؟؟؟اكيد طبعا مناعارفه انك منها وكل سنه والمنوفيه احلى بلد ومركز الباجور اجمل مكان والكوتاميه اطيب واحلى ناس انا بس نفسى اعرف ايه فيهابيخلى معظم ناس عظماء وبرده اقصد انها اجمل بلد بس من زمان اسمع معظم الناس اللى لها مكانه من المنوفيه مش مستغربه بس عايزه اعرف السبب

عشانك انتى طبعا يا سنو بيطلعوا عظماء لما يشوفوكى Very Happy

ربنا يكرمك يا اجمل ندود عرفتها وربنا يجازيكى خير

كل سنة وانا طيب بقى

لانى من المنوفية من شبين الكوم

بس للاسف انا روحت هنا يوم واحد زيارة وركبت الحمار وقعدت على الغيط عندنا ومصيت قصب

وكلت فطير ونمت مع الناموس هههههههههههههههه

كان يوم حلو ونفسى اكرره لكن الظروف بقى

وانتوا طيبين وشكرا يا محمد ويا اسماء ويا ندي
علي كده انا وانت بلديات يا مصطفي مع اني افتكرتك صعيدي. ومش عارف صحيح ليه عندنا ناس كتير في مراكذ مهمه ممكن حاجه في شخصيتهم وفي الآخر اهو ربنا كاتبلهم كده وهما كمان علاقاتهم كويسه .

طب يا سنو يعنى عندك غيط و حمار و طبيعه حلوة و زعلانه انك عايزة تروحي الازهر بارك

يا بنتى انتى عندك الاصل و احنا رايحين التقليد Very Happy

يا ريتنا نعرف نروح غيطان و مزارع و حااجات حلوة كدة

على فكره ياندى انا مش من المنوفيه انا من كفر الشيخ كلها ارياف وخضره اصلا بيتى فى قلب الارض وجيرانى ارياف اللى هما اهلى اصلا من اللى قلبهم ابيض ناس بسيطه اووووووووووووووووووووووووووووى وبموووووووووووووووووووووووووووووووووووووووت فيهم يارب ماتحرمنى من طيبتهم

يا بختتتتتتتتتتتتتتتتتك ما شاء الله

و بتزعلى و تكتئبى ازاى بس يا بنتى

ما شاء الله ..مفيييييييش اجمل من طبيعه جميلة و هدوء تعيشي فيه

انتى اصلا مش محتاجة تخرجى ..انتى فى فسحة اصلا Very Happy

شيلي يلا بقى الصور الزعلانه دى

شوفتيني انا شاطرة و شلت البنت الزعلانه ازاى ...يلا انتى كمان يا قمر حطى صورة حلوة زيك كدة warda

و ممكن تعزمينا عنك بقى Very Happy

..بس يا خسارة محدش هيوافق طبعا Very Happy

ربنا يفرحك دايما و يملا حياتك حاجات حلوة

ليه محدش هايوافق طب والله بتكلم جد على فكره احنا كرمه اوى وبنحب الناس تيجى عندنا فكرى بس وتعالى والله تنورونا جااامدوعشان خاطرك بس هااشيل الصوره

هى مش هتعرف قيمه اللى هى فيه ده غصب عنها
انا كنت كده بس حسيت قيمه بلدنا لما سبتها
كنت بقوم على صوت العصافير وكنت بحب اصحى الفجر واصلى واصطاد ع البحر
ع الصبح كده والجو كان سحر
دلوقتى بقوم بعد الضهر وعلى صهد الحر وتحت المروحه بنام ولا حتى بقوم مرتاح
وصوت العربيات
بقيت اتمنى ارجع استقر هناك
وممكن اعملها لو الظروف سمحت

ومين قالك انى مش حسه بيه بالعكس وشكلى كمان هااستقر ف بلدى

الموضوع ده بيفكرني بفيلم عوكل

لما قال ، الانجليز احتلوا البلد

اهوه المنايفة احتلوا البلد برضه

وعموما دايما لما حد يقولي ان البلد اللي ماسكها المنايفة ، اقوله لأ

المنياوية هما اللي ماسكنها

يقولي ازاي ، ده الريس منوفي ، وهو الحكومة كلها

اقوله لا ، بس المدام من المنيا ، والمدام دايما هي الحكومة ، يعني حكومة الحكومة

فلتعيش المنيا والمنياويين ، وانا منياوي جدا هههههههههههههههه

» كل سنه وانتى طيبه وبخير يا لولا
» كل سنه وانتى طيبه يا احلى وردة
» يوم ميلاد نودى بالهجرى كل سنه وانتى طيبه يا قلبى
» كل سنة وانتى طيبة يا ندى
» كل سنه وانتي طيبه يا لوليتاااااااااااا