أيهما تفضل ولماذا ؟؟؟؟

بعد المناقشة الراااااااااااااائعة اللي تمت بعنوان ( عمل المرأة بين القبول والرفض ) واللي بجد طلعنا منها بأراء ومعلومات اعتقد كلنا استفدنا منها

دلوقتي عايزين نتكلم في موضوع جديد ...

رمضان خلاص فاضل عليه حوالى اسبوع .. كل سنة وانتوا طيبين .. ومعظم الأحاديث التليفزيونية دلوقتي بتتكلم عن الاستعداد لرمضان والخطة اللي هنضعها عشان نحقق اكبر استفادة من الشهر العظيم ده اللي الصحابة كانوا قبله شهور بيدعوا ربنا ( اللهم بلغنا رمضان ) ، وبيدعوا بعده بشهور ( اللهم تقبل منا رمضان ) .

لو تابعنا معظم الدروس دلوقتي هنلاقيهم بيتكلموا في رأيين :-

* الرأي الأول : إن يكون رمضان فرصة إن إحنا نتدرب فيه على شكل يومنا اللي بنحلم بيه في حياتنا العادية يكون إزاي وندرب نفسنا طول الشهر على تحقيق اليوم ده .. من منطلق حديث النبي ( صلى الله عليه وسلم ) : ( خير الأعمال إلى الله ادومها وإن قل )

بمعنى إن ألأعمال اللي بيحبها ربنا - سبحانه وتعالى -الأعمال الدائمة المستمرة ولو كانت قليلة

فاحنا هنشوف احنا عايزين يومنا يكون ازاي ونطبقه لمدة 30 يوم والمدة دي كافية جداااا زي مابيقول العلماء لاكتساب عادة جديدة

فبالتالي هنحدد :-

- مدة قرائة القرآن اللي عايزنها في حياتنا العادية قد إيه

- عدد ركعات قيام الليل في كل ليلة

- السنن اللي عايزين نطبقها

- عمل الخير اللي حابين نعمله تكون ايه مواعيده

قد يعترض البعض على هذا الإقتراح لأن شهر رمضان فرصة ذهبية لإكتساب أكبر قدر من الحسنات والخير فيه بيضاعف

رداً على هذا الإعتراض .. يقول النبي صلى الله عليه وسلم ( يبعث المرء على ما مات عليه ) .. بمعنى أنه إذا كان شخص يريد أن يختم القرآن وحفظ اليوم ثلاث ايات من القرآن بهذة النية .. وتوفى بعد ذلك بيوم يبعث كأنه حافظ للقرآن الكريم كله .. لا تتعجب !! .. فهذا كرم الله - سبحانه وتعالى -

وأيضاً نتيجة الاقبال على الاعمال دون تمهيد لها وتحديد وقت لانتهاءها وهو نهاية شهر رمضان .. يؤدي إلى إنقطاع هذة الاعمال في نهاية المدة .. وهذا ليس ما قاله النبي ( صلى الله عليه وسلم )


* الرأي الثاني :

رمضان فرصة عظيمة لإكتساب الحسنات لذلك عليك أن تجهز جدولا تحضر فيه كيف ستحقق أقصى إستفادة من هذا الشهر الكريم ...

يقول النبي ( صلى الله عليه وسلم ) أن أداء النافلة في رمضان = أداء فريضة

وأداء فريضة = اداء 70 فريضة فيما سواها

لذا فعليك أن تكثر من الأعمال الصالحة بقدر ما تستطيع حتى تكسب أكبر قدر من الحسنات في هذا الشهر الكريم

لذلك فمن الآن حدد :-


- المسجد الذي ستحافظ فيه على الصلوات الخمس

- كم مرة ستختم القرآن

- عدد النوافل التي ستقوم بأدائها


وصلى اللهم وبارك على سيدنا محمد وعلى أله وصحبه وسلم

والله الاتنين اجمل من بعض
مينفعش نطبق الاتنين

فعلا اجمل حاجه اننا نعمل الاتنين مع بعض
والاجمل اننا نعمل كـــــــــــــــــــــــــــــــــــــــــل اللى نقدر عليه

انا جربت الطريقه الاولى قبل كده وطلعت منها بحاجه جميييله الحمد لله

وفعلا فضلت سنين مواظبه عليها يوميا وربنا يرزقنى الثبات والاخلاص ياارب

والراى التانى حلو جداااااا بس انا ماجربتهوش بصراحه

يعنى دايما بسيبها على ربنا

لالا افتكرت انا فكرت فى عدد الختامات بتاعه القراءن مره

وفعلا عملت نفس العدد اللى كنت مقرراه

(مكنش كبير والله علشان ماحدش يحسد )

بس هى الطريقه التانيه الحاجه الوحيده فيها اللى بقررها

هصلى فى انهى جامع

بجد ربنا يكرمك يااااارب على الموضوع الروعه ده

وخلانى انوى حاجات كتيير جديده ربنا يجعلها فى ميزان حسناتك

يارب نقدر نعمل الاتنين
بس ان شاء الله
انا داخله رمضضان بنيه انه اخر رمضان وناويه مرتبه نفسي علي حاجات كتير يارب تتحقق
يارب


ويارب تحددو نواياكم فيه ايه وترتبو يومكو وتعملو جدول تعلقوه في اوضه بتاعتكم بجد بيفيد جداااا
وده غير الصحبه الصااااالحه دي بتبقي زي حافز اللي بينشط واحد علي طول هيا وبرامج وبرامج السنه دي بجد
روعه وان شاء الله هنزل موضوضع بيها قريبا



بس بجد رمضان ده اعتبره اخر رمضان ليك
ربنا يديم في عمرنا كلنا بس انا مش ضامنه عمري
يمكن واحد ضيع رمضانات كتير

بس ان شاء الله يارب وكلمه يشهد علي بيها
رمضان ده غير
وانا هبقي غير

فاكرمني يارب ووفقني فيه يا رحمن
واللهم بلغنا رمضان يارب

ارى ان نغتنم الفرصة و نحاول عمل اكبر قدر من الاعمال الخيرة

و لا ننسى ان الاعمال الخيرة ليست فقط عبادات ..فعمارة الارض شىء مهم جدا يجب ألا ننساه و ننوي نية صادقة ان يكون العمل و العلم لوجه الله و سنجزى به كثيرا ان شاء الله

فشهر رمضان هو شهر انتصارات المسلمين ..ليس فقط للعبادات

و كل عام و انتم بخير

اقتباس :

وتعملو جدول تعلقوه في اوضه بتاعتكم بجد بيفيد جداااا

انا اتعقدت من الحته دى عمرى ماعملت جدول ومشيت عليه

علشان كده بحدد عامه الحاجات اللى عايزع اعملها واقرر وربنا يعنا جميييعا اارب

بس من اجمل الحاجات اننا نحط فى دماغنا ذنب معين بنعمله ومش عارفين نتوب عنه

ونقرر ان رمضان ده هيكون الوسيله اللى تقربنا من رمضان ووسيله اننا نبطل الذنب ده

وكمان لو فيه طاعه معينه نفسنا ننتظم عليها ومش عارفين ندرب نفسنا فيه

بجد النقطه دى رااااائعه وكمان عمرو خالد بيقول اهو

اللى بيصوم رمضان بجدد هيطلع من رمضان متغير واى حد عايز يعرف ربنا قُبل ولا لا

يعرف من سلوكه بعد رمضان يعنى كان بيعمل ذنب فلانى

وبطل بعد رمضان يبقى رمضان ان شاء الله قُبل

وبيتهيالى النقطه دى عاشق الجنه اتكلم عنها فوق (بس انا رغايه )

وربنا يعنا كلنا ان شاء الله

ربنا يكرمك على الموضوع يا جوهري

و جزاك الله كل خير

لسة بيقولوا في التليفزيون أهو نمسك جدول ونعمل و كدة

لكني طول عمري مش بلتزم بالورق والقلم

بحب أخرج على النص

ربنا يسهل و نتعود على الطاعة كلنا

ربنا يكرم الجميع .. و إن شاء الله رمضان ده هيكون ليه فضل كبييييييييييييير أوي عليا وهيغير فيا حاجات كتير فعلاً

ربنا يوفقنا جميعاً ويهدينا

من السنة إن تكون الأعمال مستمرة ودائمة ..

ومن السنة أيضاً أن يكون الإجتهاد في شهر رمضان أكثر من غيره من الشهور ..


إذا تأملنا في أحاديث النبي ( صلى الله عليه وسلم ) سنجد قاعدة نبوية رااااااائعة تقول سددوا وقاربوا .. بمعنى أن نسعى وحاول أن نحقق ما نستطيع تحقيقه في رمضان ، فنحاول أن نحدد الحاجات اللي هنستمر عليها وفي نفس الوقت كلنا نجتهد في رمضان زي ما شجعنا النبي عليه الصلاة والسلام



معنى كدة ان ارائكم كلها كانت صح .. نحاول نعمل الاتنين مع بعض نخلي عندنا حاجات ثابتة و نشجع بعض على الاجتهاد على قد مانقدر

وكل سنة وانتم طيبين وربنا يتقبل منا إن شاء الله

ربنا يكرمكم جميعا
ويا رب بلغنا رمضان
امين

ما شاء الله

موضوع جميل

تسلم ايدك ويكرمك

وفعلا صاحب باليين كداب وصاحبت تلاتة منافق

لازم ندخل بنيتنا ومقوماتنا واداواتنا

واللهم بلغنا رمضان