أحلى حاجة في الكتاب ده ....

فكرة حلوة ربنا يكرمك

بس للاسف مش جاى فى مخى كتاب معين دلوقتى

سلاااام عليكم و رحمة الله و بركاته

فكرة حلو يا جوهرى

بجد افكارك جامده ومفيدة

جزاك الله خير

هوا انا ان شاء الله هبدا قراءة كتاب سيطر علي حياتك لاستاذ ابراهيم الفقي
اول ما ابدا هكتب الحاجات اللي عجبتني ان شاء الله

وتم تثبيت الموضوع لان فكرته حلوة قوي

فكره جامده ياجوهرى.....
انا قرأت مقاله لواحد اسمه عمرو عرفه وهو خبير تنميه بشريه وفهمت من مقالته ان كل انسان مهما كان فيه ميزه مش موجوده عند اى حد تانى وعشان كده حاول تشوف ايه الجميل فى الى حوليك ولو مش عندك حاول تتعلمه منهم.

جمييييييل جدا يا محمد


نفس الكلام تقريباً سمعته في ندوة للمهندس أسامة الجوادي

بس هو قال بما ان كل انسان عنده حاجة مش عند التاني .. نحاول كلنا نتعلم من بعض

عشان اكيد كل واحد ممنا عنده معلومات مش عند التاني


عايزين نشوف بقيت الناس

فعلا كلام جميل اوى و فكرتونى بموضوع هنتعلم من بعض احنا لييه مبنشاركش فيه ؟

و بالنسبه للكتب ادعولى اقرا حاجة و اكتبلكوا عنها
ان شاء الله

كلام حلو اوى يا محمد

وده سبب وجود جماعات يعنى عمر الواحد مهما نجح مش هيحقق النجاح اللى ممكن واحد تانى يوصله عن طريق الاختلاط والاحتكاك بالناس

وربنا يكرمك على المعلومات ده

the traveller كتب:

فكره جامده ياجوهرى.....
انا قرأت مقاله لواحد اسمه عمرو عرفه وهو خبير تنميه بشريه وفهمت من مقالته ان كل انسان مهما كان فيه ميزه مش موجوده عند اى حد تانى وعشان كده حاول تشوف ايه الجميل فى الى حوليك ولو مش عندك حاول تتعلمه منهم.

حلو فعلا المعني ده

بيدعو للتفاؤل
ربنا يكرمك

أنا الفترة دي مش بقرأ كتب

بس عندي حاجة أقولها

وأنا بذاكر التاريخ

أكتشفت أن مصر كانت ضعيفة وبقت قويه في عهد محمد علي وهو اللي خلى مصر بلد بحق وحقيقي بس إنجلترا كانت سبب فشل كل حاجة وهي اللي بوظت مصر وقامت بخرابها

واللي ساعد غنجلترا على كده ناس من مصر زي رياض باشا وسعيد

ولو مكانوش خانوا بدهم كانت مصر دي هتبقى أحلى من الدول الاوروبية

بس ده قدر ربنا

الله يسامحهم الى يخونوا بلدهم دول
اعوذ بالله منهم

و انت لو خدت بالك سر النجاح فى وقت محمد على (الله يرحمه ) انه كان مخلى مصر تعتمد على مصر
كنا معتمدين على مواردنا و بنشتغل بادينا
و كانت الناس بتشتغل بجد
مش قاعدين على القهاوى او بيشحتوا او نايمين

و عمل تطور فى كل المجالات

و احنا لو عايزين نرجع ذى عصر محمد على
الحل اننا نحاول نعتمد على نفسنا

لو كل واحد مننا فى مجاله بقى كويس هنبقى فى الاجمالى كويسين و هنعتمد على حاجات بعض

ربنا يهدينا و كلنا نعمل لخير بلدنا
و حلو اوى انك بتتعلم بجد و مش بس بتدرس و خلاص عشان الامتحان

محمد على يعتبر احسن واحد حكم مصر يمكن تاريخين يوجه له انتقادات من المورخين زى انه قتل المماليك وارتكب جرائم كتيرة"سامحه الله" علشان يعلى مصر

بس هو فعلا عمل اللى متعملش فى تاريخ اى ولايه من الولاايات العثمانيه
ويكفى انه كان راعب انجلترا ودخل اسطنبول واستولى على الاسطول التركى يعنى بلغتنا كان نافخ اوربا وده اول واخر مرة تحصل فى التاريخ الحديث بعد العصر الاسلامى

وطبعا انجلترا لفت عليه الحبل بتسويه لندن ومعاهدة بلطاليمان

وده فعلا علشان محمد على اعتمد على ما اتيح له من موارد ومسبش حد يلوى ايده يعنى لو حد لوى ايده يقطعها بس ميتزلش

وبجد كان قائد ناجح حب مصر ونجح بيها وعلى الرغم من انه مش مصرى

انا متهيالى مصرى و مش مصرى مش المفروض نقولها على اساس اتولد فين او اصله منين

المصرى هو اللى بيحب مصر و ينتمى ليها و يدافع عنها و يعمل عشانها

و يتواجد فيها اكتر من 183 يوم فى السنه (( عشان يبقى مقيم ذى ما اتعلمت من كتاب الضريبيه اللى لسه مخدتوش ))

و طبعا كل واحد ممكن نلاقى عنده مشاكل عملها فى تاريخه بس يا ريت نركز على الجانب الكويس و نحاول نقتدى بيه فيه

عشان فى ناس اان لاحظت انها بتحاول تغيب عن عنينا وجود اى قدوة

يعنى بجد ساعات اسمع حاجات فى التلفزيون ذى ما يكون برامج مخصوص معموله للبحث عن اخطاء كل قائد و عيوبه و التركيز عليها

طبعا احسن حاجة اننا نقتدى بالرسول صلى الله عليه و سلم و الصحابه

بس برضه مش لازم يشوهولنا اى صورة تانيه بنشوفها حلوة
لان كل انسان ليه غلطات

وبرضه انا فاكرة انى اتعلمت من التاريخ و عرفت شخصيه الظاهر بيببرس القائد العظيم اللى بفضل ربنا كان سبب فى دخول شعب كامل للاسلام
مع ان فى الافلام و المسلسلات كنت بحس منهم للاسف انه شخص مش كويس
لكن لما درست عرفت ان ليه مميزات كتيرة يمكن بس حصلت فتنه و تسببت انه كان سبب فى قتل سيف الدين قطز بس دى فتنه مش لازم ننكر كل تاريخه عشانها و اكيد كان كل واحد بيعمل بطريقه من وجهة نظره صح

و اجى بقى فى مسلسلس سورى عن الظاهر بيبرس مطلعينه حلو اوى
بس مطلعين ان قطز اللى كلنا عارفين كويسانه قائد عظيم جدا و هو اللى قدر يواجه التتار
انه برضه مش حلو و دة كله عشان فعلا كان فى مشاكل حصلت بين قطز و بيبرس عشان كدة ييجوا يتكلموا عن دة يطلعوا دة وحش و العكس برضه
مع انهم ذى ما درسنا فى القصه انهم كانوا اصحاب من الطفوله

و هى بس فتن كانت بتحصل فى الفترات دى كتير

و فعلا الفتنه اشد من القتل

اللهم انا نعوذ بك من الفتن

المهم يعنى فى النهايه اننا منبقاش من اللى بيركز على المساوىء لانهم بشر و اكيد كان ليهم اخطاء

بس نشوف مزاياهم و نستفيد بيها مش نبص للعيوب اللى مش هتفيدنا فى حاجة غير انها تجبلنا اكتئاب

سلاااااااااااام عليييكم و رحمة الله و بركاته

من أحلى المعاني اللي استفدها من كتاب " لا تحزن "

إن مافيش حاجة في الدنيا تستاهل ان الواحد يزعل أوي .. أو يفرح قوي .. أهم حاجة الإعتدال في الحزن أو الفرح وعدم المبالغة فيهم


وفيه حديث عن النبي عليه الصلاة والسلام بيقول فيما معناه : أحبب حبيبك هوناً ما عسى أن يكون بغيضك يوماً ما وأبغض بغيضك هوناً ما عسى أن يكون حبيبك يوماً ما

فعلا معنى حلو اوى و ماما دايما تقولهولى

و خير الامور الوسط فى كل حاجة

و يا رب نبقى وسطيين فى كل حاجة

انا اكتر حاجه استفدتها

كانت سلسله كتب المليون سؤال وجواب

روووووووووووووووعه

فيها معلومات فى مختلف المجالات

هو كان فى معرض الكتاب

طب ما تقولنا كام معلومه كدة من المليون

مثلا ايه احلى معلومة استفدتها منهم ذى الموضوع ما بيقول احلى حاجة فى الكتاب دة

اعجب معلومه

ان مصر ترتيبها السادس عالميا فى عدد الحمير الموجودين بها

ههههههههههههههههههههههههههههههههههههههههه

ودى كانت الحاجه الوحيده اللى كانت فيها مصر من ضمن العشره الاوائل

طب كويس طلع فيه حاجة كويسين فيها اهوه

ههههههههههه



ماحدش يا جماعة قرا كتاب سيطر على حياتك بتاع ابراهيم الفقي؟؟؟

لا يا بقلظ انت فاهمنى طبعا ماحدش قراه انا قريت يا جماعة كتاب روبنسون كروزو لدانييل ديفو هى قصة واحد عايش ف جزيرة لوحده وبيحصل له مواقف وكدة ف بيضطر انه يستخدم كل حاجة قدامة احسن وافضل استخدام ودى كانت احلى حاجة فى الكتاب دة انه بيعلمك انك متياسش وانك ممكن تستغل كل حاجة حواليك عشان تواصل حياتك وتقدر تكمل وكمان تستخدم عقلك وتفكر كويس جدا الراجل دة كان بياخد شحم الحيوانات اللى كان بياكلها وكان بيعملها شمع ومن جلدها ملابس ومن عضمها اسلحة عشان لو حد اعتدى عليه و استغل كل حاجة عشان يقدر يعيش فكان الموضوع جميل اوى

فعلا احلى حاجة الاستخدام لامثل للموارد

كل انسان ممكن يبقى غنى اوى لو استخدم عقله و شغل موارده تشغيل كامل و مخلاش عنه طاقه معطله

دة من تاثير كتاب اان قريته بعنوان (ادارة المشتريات )

هى دى الكتب اللى بقراها

روبنسون كروز على فكرة كان معموله كارتون (كل واحد على قد سنه بقى )

و فعلا القصص بنتعلم منها كتير ساعات مش بس الكتب و اان بحبها اكتر لان بتبقى فيها تخيل ومعايشه للحااله فعلا

و فى حجة اتعلمتاه مهمه جدا من دراستى للادارة عموما

ان مفيش قرار واحد او طريقه واحدة تصلح لكل الحالات و لا لكل الاوقات مهما كانت اتنفذت و نجحت و حققت نجاحات جامده اوى مع شخص فهى ممكن تحق خسائر كبيرة جدا مع شخص تانى

عشان كدة لازم اى طريقه منقولش انها افضل من لتانيه و لكن نقول حسب الظرووف

اقتباس :

روبنسون كروز على فكرة كان معموله كارتون (كل واحد على قد سنه بقى )

ايوه كنت بتفرج عليه روبنسون كروز
كان حتي بتجيله رسايل في ازازه علي الشط

انا قريت مره كتاب لعباس العقاد اسمه ( عبقريه خالد )

بيحكي عن خالد ابن الوليد و عبقريته في الحروب و بعد الاسلام و الفتوحات بتاعته بجد كان كتاب روعه و كمان العقاد اسلوبه جميل هو معقد شويه بس ممتاز

و احلي حاجه في الكتاب ده قريتها
ازاي كان بيخطط للمعارك و الخطط الي كان بيعملها و اسلوب تفكيره العالي اوي و ازاي من ذكائه انه ما خسرش و لا معركه حتي قبل الاسلام

بجد كان كتاب اكتر من رائع يا ريت تقروه

ان شاء الله

و فعلا كتاب عن سيف الله المسلول سيدنا خالد اكييد هيبقى تحفه
انا شفت الجزء الاول من المسلسل اللى كان عنه بجد فعلا شخصية رائعه رضى الله عنه و ارضاه