هتعمل اية

هدعى ربنا و احاول الاقيها

تعمل ايه لو حاسس انك دماغك تايهه

اعض شوية كدة مع نفسي لحد ما تروق شوية

واحاول ارتبها

تعمل ايه لو لسة بادئ مذاكرة وعايز تبتدي في كل الي عليك مرة واحدة ؟؟

اخدها واحده واحده و ابدا اذاكر الحاجة اللى احس انى نفسى اذاكرها
و ادعى ربنا كدة و ممكن اصلى ركعتين قضاء حاجة ان ربنا يوفقنى و يكرمنى
و ابدءها جد و اهم حاجة احط قدامى اهدافى دايما و ممكن اكتبها كمان

يعنى الترم اللى فات كنت حاطة ورقه قصادى كاتبه فيها
ذاكرى يا دودو عشان تحققى هدفك

و كنت لما بشوفهها بفتكر و اذاكر
و اهم حاجة الدعاء و التوكل على ربنا

و اذاكر المواد بطريقه صح افهم الاول بعدين احفظ العناوين فى شكل خريطة ممكن (مع انى مبعرفش اعملها و بتطلع خريطة طويله اوى )


اللى بعدى نفسه

حلوة حكاية الخريطة ديه

بس والله هى بتيجى كده

بحط كل المواد قدامى واللى يجي عليه الدور اذاكره

ده طريقة من طريقى العجيبة

طيب تعمل ايه لو مش حاسس انك عايش

؟؟؟؟؟؟؟؟؟؟؟؟؟

وكل واحد يقول من وجه نظره لفهم الكلمة

احساس صعب قوى

بس ممكن هحاول اشوف ايه الحاجه الى مخليانى حسا بكدا

واحاول اعالج الموقف

الى بع دى

نفسه

أحاول أقتنع بالحياة التى أعيشها
و محولش أبص على غيرى
الى بع دى

نفسه

محستش الاحساس ده قبل كده مش عارف بس احاول اشوف حد قريب منى اوووى واتكلم معاه او حتى اروح لدكتور نفسى عادى جداا لانه اكيد فى سبب و ممكن يكون اكتأب و ده ليه علاج
اللى بعدى نفسه ؟

لو حاسس انه مش عايش وهو مش عايش

اقوللك الحل


.
.
.
.
.
.
.
.
.
.
.
.
.
.
.
. غنى انا عايش ومش عايش بتاعه محمد فؤاااااااااااااد

هههههههههههههههههههههه

متزعلش انا بهرج

عايش ومش عايش
زهقان ومتضايق
ملل واحباط

صح
مش ده اللى انت حاسس بيه

بص يا مصطفى
اولا الاتجاه لربنا
طبعا الكل هيقوللك كده
بس اتجه لربنا وصلى بخشوع ربنا هيزيل همك ان شاء الله
اما انت تعمل ايه
فلازم تغير جو تغير المووووود بتاعك
تعمل حاجه مش بتعملها

تتكلم مع ناس جديده


تيجى تقعد معانا فى الشله مثلا والله هننبسط بيك
عيش معانا شويه

اعمل اى حاجه تغير بيها جو

اقوللك

نتفق على حاجه نعمها


تيجى افسحك فى امبابه عندنا مره
ولا اقوللك
تعالى نروح الحوامديه عند الواد يوسف ومحمود اصحابى

اعمل اى حاجه تغير بيها جو والله مش عزومه مراكبيه وهننبسط بيك والله



اقوللك


نزل العاب جديده واقعد قفلها

اى حاجه اشغل بيها وقتك
اعمل جو جديد

قضيها صياعه شويه (سورى فى اللفظ)

المهم غير من الحاجات اللى دايما بتعملها


ونقووووووووووول نفسه يمكن اكون فاهم غلط وغيرى يقول رأى يفيدك

1- الجا طبعا لربنا بس بجد
2- غير جو ..اخرج \ ارغى مع اصحابك \ اتمشى \ ..
3- اشغل نفسك دايما و متعيشش فى فراغ الفراغ هو سبب المشاكل النفسيه كلها

ذاكر و افرح بانجازك فى المذاكرة
انا مثلا جربت حاولت اعمل حاجة بسيطه فى حمله حمايه كدة فرحت اوى و حسيت انى عملت انجاز
قوم ساعد مامتك فى حاجة فى البيت و شوف سعادتك بنجاحك و سعادتك بالفرحه اللى هتشوفها فى عيونها

روح زور قرايبببك

بجد الواحد لما بيصل الرحم بيحس انه مبسوط اوى و هو فى وسط اهله


اللى بعدى

تعمل ايه لو فيك حاجة مش عارف تغيرها خالص خالص و كل ما الناس تواجهك انها عندك تقولهم هحاول اغيرها لكن بتبقى حاسس منجواك انك صح لازم تغيرها لكن انت مش حابب تغيرها و دة مخليك معندكش ارادة تغيرها و عشان كدة مش عارف خالص تغيرها

هأجرب


الحياة تجارب



اللي بعدي

نفسه؟

قصيدة ((غيرها)) للمتنبي ههههه

هجرب زي ما قال هشام اني اغيرها

وانا هو ده المبدأ بتاعي (( الحياة تجارب ))

اهم حاجة اما اجي اغيرها ماتكونش مع حاجات كتير

عشان فيه كتاب بيتكلم عن ادارة التغيير بيقول :

ان الواحد اما يكتشف انه محتاج يغير نفسه في اكتر من حاجة .. مايغيرش نفسه فيهم كلهم مرة واحدة

يمسك حاجة يغيرها .. لحد مايرضى عن نفسه فيها وبعد كدة يخش في التانية .. وهكذا

ولو ماعرفش يغير اول حاجة يسيبها ويحاول يغير نفسه في الحاجات التانية .. وبعد كدة يرجع لاول حاجة هيكون اقوى انه يغيرها


تعمل ايه لو عايز تصحى الفجر ؟؟

بما انكوا بتقولوا الحياه تجارب
ما هو الانسان لو مش حابب التغيير دة اساسا و جرب التجربه اكيد هتفشل لانه معندوش الارادة لعمل الشىء

و انا مع مبدا ان التغيير مش مرة واحده دة جداااا
و لازم كل حاجة نمشيها خطوة خطوة

بس هى الفكرة
اذاى الانسان يخلى عنده ارادة فى شىء هو مش مقتنع بيه داخليا و ان كان مقتنع ليه منطقيا

يعنى ساعات حاجة تبقى منطيقا الواحد شايفها صح لكن شعور داخلى بيقوله لا دى مش صح





المهم خلينا فى صلاة الفجر

صلاة الفجر احلى حاجة فى اليوم كله
و فعلا دى سنتها بس خيرا من الدنيا و ما فيها
و هى من ضمن البردين اللى من صلاهم دخل الجنة
و وقتها مستحب فيه قراءة القران
ووقتها فيه بركه
و اللى تفوته يومه ميبقاش فيه بركة


و هى اول لقاء بينى و بين ربنا سبحانه و تعالى فى اليوم
ايه اجمل من انك تبدا يومك بصلاة و عبادة لربنا
و تكلمه و تدعى و تتوكل عليه و يباركلك فى يومك كله


انا مقتنعه بحاجة
و هى مبدا من تاليفى
حب الحاجة اوى .. هتوصلها بالتاكيد

حاول تحس بحلاوة و جمال صلاة الفجر
هتلاقى لما تفوتك تزعل اوى و تبقى مخنوق
فمش هتقدر تفوتها

لو عندك الارادة هتقوم

و كمان لازم تنام بدرى شويه
انا امبارح للاسف فاتتنى روحت صممت انى انام بدرى شويه و قدرت الحمد لله اقوم النهاردة و صاحيه من ساعتها عشان احاول اعود نفسى على النم بدرى

حاول لما تفوتك الصلاة تزعل و تعاقب نفسك و تحس اد ايه انت حصلتلك مشكله
فمش هتكررها تانى اكيد

و قبل ما تنام استغفر ربنا كتير
عشان مش عارفه هو حديث ولا مقوله لوحد من الصحابه تقريبا بتقول ان واحد بيفوته دايما صلاة الفجر فقاله اثقلته ذنوبه
و كلنا لينا ذنوب بس المهم نستغفر ربنا و نتوب

و اظبط منبه و خلى كل اللى معاك فى البيت يصحوا معاك

لو الاسرة كلها بتقوم تصلى الفجر بيبقى نادر جدا لما تفوتهم الصلاة و بجد انا مجربه دة الحمد لله

و كمان لما تصلوا جماعه هتبقوا مبسوطين اوى و هتقربوا من بعض اكتر و ربنا هيباركلكوا فى كل شىء
و كمان هيبقى تعود لاخواتك الصغيرين انهم يصلوا بانتظام

لان الصلاة بجد اللى بياثر اوى على الناس فيها ان اهلهم يكونوا مهتمين هما بيصلوا و لا لأ

و .. ايه تانى ( ارادة \نوم بدرى\ استغفار \ تصحوا كلكوا \ تزعل اوى لو فاتتك و تفكر كويس ممكن تكون عملت ذنب \ ..

و كمان حاول تكون بتعمل حاجات كتيرة كويسه خلال اليوم اكيد ربنا هيرضى عنك و مش هيحرمك من الصلاة الجميله دى



اللى بعدى
نفسه ممكن او اللى قبله (اختيارى)

كويس

حلوة قوي الطريقة دي

بالنسبة للسؤال اللي فات

لو مقتنع بحاجة بس ماعنديش ارادة اني اعملها

يبقى مش شايف نفسي فيها أو حاسس اني مش هقدر اعملها

بس طالما مقتنع يبقى ليها مزايا كتير

فيه طريقة كدة واحد صاحبي قاللي عليها كويسة جدا في المواقف دي

اني امسك ورقة وقلم واشوف مزاياها وعيوبها

ولو طلعت المزايا اكتر من العيوب انفذها شوية شوية

بس طبعا اهم حاجة يكون التغيير ايجابي مش سلبي

وفي حاجة ترضي ربنا .. مش تغضبه

وفيه حديث بيقول (( من ارضى الله بسخط الناس رضي الله عنه وارضى عنه الناس ، ومن ارضى الناس بسخط الله سخط الله عليه وسخط عليه الناس ))

صدق رسول الله صلى الله عليه وسلم


تعمل ايه لو حاسس انك زهقان شوية

مش عارفه اصلى كنت عايزة اقول نفس الموقف

بس هحاول اشغل نفسى بحاجه مفيده و احس انى بنجح فيها فهفرح

و اقرا شوية قران

بالنسبة للتغير


فيه حاجات الواحد بيعملها بدون ما يكون عايز يعملها

زي ما قولتي يا ندي

وبيستغرب هو عمل كده ليه


وبعدين بيلاقيها في مصلحته


انا عن نفسي ما كونتش طالع رحلة اسوان

بس في ثواني لقيت نفسي بتصل وبشوف الوضع


ولقيت الامور متسهلة


وطلعت

ولما طلعت رجعت متغير


الحكاية دي مش محتاجة ارادة


اما بالنسبة لصلاة الفجر


في مرة قررت اني اصحي اصلي الفجر

ورغم ان نومي تقيل

بس ظبطت المنبه بتاع الموبايل


لقيت نفسي بأصحي قبله كمان


الحكاية كله عايزة نية وارادة بجد



اللي بعدي

نفسه؟

اكلم حد من صحابى القريبين منى قوى

والى بيحبوا يهزروا

واكلم معاه شويا

او اعمل ى حاجه مفيده

او اغير شويا من نظام حياتى

الى بعدى


تعمل ايه لو حاسس انك ظلمت حد ؟

افض اعتذرله لحد ما احس اني وفيته حقه

حتي لو هو قبل الاعتذار من اول لحظة




اللي بعدي

نفسه؟

هاحاول اشوف ظلمته ازاي و احاول اصلح الخطأ لغايه لما الاحساس ده ينتهي

طيب تعمل ايه لو قالولك ان الامتحانات فاضل عليها 10 ايام؟؟

هاصلى ركعتين

وهاحاول اعمل اى حاجة

يعنى اعمل اللى عليا وخلاص

نفسه؟

تصدق نفس الكلام
ربنا يستر علينا

طيب تعمل ايه لو طلعت الاول علي مجموعتك ؟؟

سعااااااااااااااادة + خوووووف

حاجة جميله اوى اوى اىو اى انك تحس انك متفوق و عملت اللى عليك و انك مسلم ناجح فى حياتك العمليه و ان اهلك مبسوطين منك و فخورين بيك و تحس انك قدوة لغيرك

بس جنبها خوف انك تخيب امل الناس دى فيك و تقل
و خوف من ان الناس هتبدا تشوفك بتعمل ايه عشان تعمل ذيك فهتحس ان تصرفاتك تحت الرقابه فده بيخوفك انك تعمل حاجة غلط و الناس تعملها ذيك


طب اللى بعدى

تعمل ايه لو حد جه و قعد يوجهلك تهامات و هو عارف انك مش بتحب تتكلم معاه اصلا

احاول ارد عليها واجي على نفسي شوية

نفسه

ليه كده يا ندى

عموما

لايوجد ما يمنع انى ارد على واحد انا اعرفه كويس واعرف اخلاقه

وكمان لو الموضوع هايضايقنى انا اعتذر بهدوء علشان ما ازعلوش منى

بس الموضوع بسيط جدا

طيب

تعمل ايه لو عايز تطمن على حد وخايف لما تيجى تطمن عليه يزعل منك ؟

هطمن عليه واقول انا كدة عملت اللي عليا

او استنى الظروف تتحسن شوية وابقى اكلمه بعدين


نفسه

اطمن عليه اكيد لو ينفع

اقتباس :

ليه كده يا ندى

عموما

لايوجد ما يمنع انى ارد على واحد انا اعرفه كويس واعرف اخلاقه

وكمان لو الموضوع هايضايقنى انا اعتذر بهدوء علشان ما ازعلوش منى

بس الموضوع بسيط جدا

و انا مردتش عليكوا بطريقه وحشه يعنى




اللى بعدى
تعمل ايه لو حاسس انك مش عارف بتتصرف اذاى و تعبان اوىى و مش طايق نفسك و عايز تعيط