هتعمل اية

راى سليم يا اخ مصطفى
انا برضوا شايفة كدة وبعدين الموضوع ممكن يجى بالتعود يعنى على انى ابقى واثق فى نفسى ومش لازم اى حاجة تاثر فيا بسهولة
مش كلمة تجبنى وكلمة تودينى لازم افكار فى كل حاجة واخد الكلام الا عقلى اقتنع بية ولازم لما اجى اخد خطوة فى اى موضوع افكر كويس وادرسة وبعدين اخد القرار بدون اى تردد
طيب تعمل اية لو انت ماشى فى الشارع وحد دلق عليك مورخية وبقيت كدة كلك مورخية؟؟

لو طعمها وحش سعتها بقى هتهور

هههههههههههههه

تعمل أيه لو حد وعدك بحاجة وموفاش بوعده ده ؟

مشكلة


اشوفه ليه عمل كده واحكم عليه


ولو هو كده وعادة فيه


يبقي منافق



اللي بعدي

نفسه؟

حسب المبرر اللي خلاه يعمل كده و نقيم بقي في الاخر

طيب
تعمل ايه لو كنت في محنه كبيره و مالقيتش حد واقف جنبك ؟؟

هأقرر اني ابقي اقوي في المستقبل علشان ما اتحطش في موقف زي ده تاني

ذى اللى قبلى و طبعا اروح لربنا لان لو كل الدنيا سابتنى فربنا سبحانه و تعالى دايما معانا فى كل مكان

اللى بعدى

تعمل ايه لو حسيت ان شخص بدأ ياخد عليك و دى حاجة انت مش حاببها

اقوله بمنتهي البساطة اللي انا عايز اوصلهوله


اقوله يا ريت تعرف اني مش باخد علي حد بسرعة ولا بحب حد ياخد عليا بسرعة


لو اقوله يا ريت ما تنساش اني لسه مش واخد عليك او اعرفك كويس


حاجة زي كده يعني


العملية بسيطة


اللي بعدي

نفسه؟

انا مبحبش احرج حد بس لو الموضوع فعلا مضايقنى هخف كلامى معاه اوى مككن السلام وخلاص يعنى بس الموضوع هيجى بالتدريج مينفعش من مره واحده
نفسه؟

لا يعنى حد انت مش حابب تتعامل معاه اصلا بس اضطريت ترد عليه فى حاجات معينه بعدين لقيته زود مجال كلامه فانت مش حابب كدة

هتاجهله انا بصراحه بارد اوى فى الحاجات دى
واخر حاجه هفكر فيها انى اقول له كلام مباشر الا اذا استفذنى اوى

ما علينا

طب اللى بعدى

تعمل ايه لو حاسس انك عايز حاجة بس مش عايزها

اقترح انك لازم تشوفيلك حل بجد يا ندي


كل اسئلتك متناقضة

استاذ عكس عكاس فعلا خليفة خلف الله خلف خلاف المحامي



السؤال طبعا بيقول

نفسه؟؟ يا رب افهم ايه الل بيحصل ههههههههه

ايوة عادى انا قلت قبل كدة انا عندى اهداف متعارضه

على سبيل المثال نفسى ما قومش من عالنت دلوقتى بس نفسى اذاكر يبقى عايزة اقعد عل النت و مش عايزة

مع ان خدنا فى الفلسفه ان لا يصح ان االواحد يقول انا عارف و مش عارف
انا عايز و مش عايز و هكذا


اللى بعدى


نفسه

تغليب المصلحة





تعمل ايه لو عايز تبعد عن الكمبيوتر ، السؤال ده مش ليا ولا لندي اد ما هو لواحد تاني في المنتدي عايز النصيحة
؟؟

يارب مايكونش انا

احاول اشغل نفسي بحاجات تانية


طب تعمل ايه لو كان نفسك تنجح في حاجة بس ماحصلش نصيب ؟؟

حسب الظروف ( الادارة معلقه معايا )

يعنى لو انا عملت الى عليا

اعرف ان اكيييييييييييييييييييييييييييييييييييييييييييييييييييييييييييييييييييييييييييييييييييييييييييد فى خير تانى اكيد دة شىء مؤكد و ربنا هيفتح عليا بحاجة احلى بكتيييير جدااا


لو معملتش اللى عليا

ادي نفسى كلمتين جامدين كدة و ازعق فيها و اقولها تستاهلى احسن عشان تحرمى تقصرى تانى و بعدين اقولها يلا بقى من دلوقتى مفيش كسل و هتبقى كويسه تانى و شوية كلمات تشجيعيه



اللى بعدى

تعمل ايه لو حد سألك سؤال مش قادر تجاوبه عليه

ممممممم


ممكن اقوله خلي اجابته لوقت تاني



تعمل ايه لو حاسس انك عايش في المستقبل مش في الحاضر ؟؟؟

هو انا بيحصلى ساعات ظاهرة غريبه

الاقينى فى موقف فى الحاضر
احس انى كنت فيه قبل كدة

مش عارفه اذاى و لا ايه دة

بس عموما لو انا تقصد بفكر فى المستقبل و مش مركزة على الحاضر

يبقى لازم افوق نفسى و ابص اذاى احقق مستقبلى دة و اجزء خطتى لخطط قصيرة الالجل و اشوف انا دلوقتى بعمل ايه و اقيم نفسى و اتخذ الاجاراءات اللازمة للمعالجة ( الادارة جت تانى .. حد يطردنى من هنا لحسن هقلبهالكوا كتاب ادارة هههه .. فعلا الادارة دى تحفه الحمد لله )


اللى بعدى

خليها نفسه عشان مش فاكرة كنت عايزة اكتب ايه

سلااام علييكم ورحمة الله و بركاته


ادعوا لاخويا و اخت ياسمين و بنت عمى و ابن خالى و كل اللى فى تانيه اعدادى و كل اللى عندهم امتحانات بكرة

مش فاهم يا حوده
نفسه

[quote="Nada"]و لا تزعلى نفسك يا ياسمينتى يا حبيبتى

تعالى انا و انتى و كل البنتوتات نتفق و نروحهها اخر يوم امتحانات ايه رايك

مش احنا حتى واعدين منى و اصحابها من اول الترم اننا هنروح معاهم و ناخد كمان بقيت السداسى و نلم كل البنات و نطلع و هتبقى رحلتنا احلى ان شاء الله من اللى راحوا قبل كدة

لأ رحلتنا أحلى طبعا دي كانت جميله جدا
وبعدين إيه يعني إحنا برضه ممكن نروح القلعه والأزهر بارك تاني
صح ولا إيه يا رجاله؟

ولا ايه طبعا
و اكيد رحلتنا هتبقى احلى ان شاء الله
دة احنا روحناهم قبل كدة و كانوا تحفة لكن انتوا كانت جميلة جدا بس
يعنى انتوا جيد جدا و احنا بتاعتنا خدت امتياز ( بس روحنا على مرحلتين كل واحدة لوحدها )

و السؤال اعتقد مقصود بيه كتر التخطيط للمستقبل و نسيان الحاضر .. مش كدة ؟؟

و مش عرفت ايه الظاهرة اللى بتجيلى انى احس ان الحاجة حصلت قبل كدة

اخويا قالى ان ليها تفسير علمى و اسمها الدجافو و هى ان تقريبا على ما فهمت العينالشمال بتبعت رسالة للجانب الايمن من المخ و العين اليمين بتبعت للايسر
و الشمال بتشوف قبل اليمين فلما بتبعت للجانب اليمين اللى مسئول عن العقل الباطن بتخلى الصورة و المشهد دة يتخزن جواك
و العقل الباطن مش بيميز الزمن فبتحس ان الحاجة دى حصلتلك قبل كدة و هى الحكاية كلها فى فرق توقيت رؤية العين دى عن العين دى و اللى يجيله فيمتو ثانية كدة


حد فهم حاجة ؟؟

و لا حد بيحصله الحكايه دى ساعات ؟؟


عموما اللى بعدى


تعمل ايه لو حاجة عايزها بس مش ضامن نجاحهها

انا كمان بيحصلي الموضوع ده

بكون في مواقف بحس اني كنت فيها قبل كدة وجت تاني او كنت متخيلها بشكل معين وبتحصل زي ماكنت متخيلها بالظبط

طب ده كدة حاجة كويسة ولا وحشة ولا ايييه ؟؟

هو السؤال المقصود بيه انك من كتر مابتخطط للمستقبل وعايش فيه قوي يتنسى الحاضر واللي بيحصل حواليك مابتركزش معاه قوي


بالنسبة لو عايز حاجة بس مش ضامن نجاحها

هو مافيش حاجة في الدنيا اصلا مضمونة

يعني لو عايزها فعلا اعمل الحاجات اللي توصلني ليها ولو مكتوبي اخدها هاخدها


نفسه

اقتباس :

انا كمان بيحصلي الموضوع ده

بكون في مواقف بحس اني كنت فيها قبل كدة وجت تاني او كنت متخيلها بشكل معين وبتحصل زي ماكنت متخيلها بالظبط

طب ده كدة حاجة كويسة ولا وحشة ولا ايييه ؟؟

اعتقد بقى انها حاجة عادية مش وحشه و لا حلوة

و ممكن برضه غير الظاهرة دى تكون رؤية شفناها و احنا نايمين مثلا

الله اعلم

بس هى بتحصل لاخويا برضه
ممكن تكون بتحصل لكل الناس بقى ؟؟
مش عارفه

اقتباس :

هو السؤال المقصود بيه انك من كتر مابتخطط للمستقبل وعايش فيه قوي يتنسى الحاضر واللي بيحصل حواليك مابتركزش معاه قوي

يعنى ذى ما توقعت تقريبا

متهيالى الحل لكدة ذى ما قلت فى اجابتى فوق انك تحاول ذى ما بتخطط لقدام بعد ما تنتهى من وضع الخطة تدرس حالتك دلوقتى و تشوف اذاى هتخليها توصل للى انت مخططله

.. عايزين ندير نفسنا يا ايها السادة الاداريين

دكتور مبروك تقريبا او مش فاكرة مين السنه دى اللى قال تعامل مع نفسك كنظام ليه مدخلات و عمليات و مخرجات و تعمل فيدباك

دير نفسك اول حاجة

اقتباس :

بالنسبة لو عايز حاجة بس مش ضامن نجاحها

هو مافيش حاجة في الدنيا اصلا مضمونة

صح بس فى حاجات مضمونة شويه و حاجات اقل و كدة

اقتباس :

يعني لو عايزها فعلا اعمل الحاجات اللي توصلني ليها ولو مكتوبي اخدها هاخدها

ممكن برضه

طب اللى بعدى

تعمل ايه لو خدت قرار فى شىء و انت مش عارف نتيجته خالص تكمل و لا تتراجع

هؤلك على حاجه انا دلوقتى خدت قرار معين محدش اجبرنى على القرار ده وخدته بمنتهى الحريه
اذن ان مسئول مسئوليه كامله عن قرارى ده ومسئول عن نتيجته
والله لو القرار صح انا المستفيد الاول لو غلط محدش اجبرنى والمفروض انى اتحمل المسئوليه (الحريه تعنى المسئوليه) يعنى اكمل طالما ابتديت

elle a la proplim

اى حاجة ال يعنى مثقفه فرنساوى

ما هى المشكله فى المسئوليه دى و يبقى الواحد جنى على نفسه

ربنا يستر

طب تعمل ايه لو دخلت قسم غير مجموعتك .. هيكون ولاءك الاكبر لمين