هتعمل اية

هاحاول اعمل حاجه مقاربه ليها علشان احس اني قدرت اعوضها شويه

طيب نفسه ؟

هقول الحمد لله

قر الله وماشاء فعل

وحسى ان تكرهوا شيئا وهو خيروا لكم

وهحاول افكر اكويس بعد كدا واخد وقت عشان متسرع واخسر حاجه تانى

نفسه ؟

ممممممممممم ؟؟

اتعلم من الموقف و احاول المرة الجايه اكون افضل

و اهى الحياة تجارب

بس ممكن تكون جت كدة من عند ربنا و فيها خير لينا



و اللى بعدى نفسه

هقول الحمد لله ولعله خير

واحاول اتعلم من غلطى ومكرروش تانى





اللى بعدى


لو فى حد انتوا كنتوا كويسين اوى مع بعض
وفجأه حصلت حاجه عملت حساسيه بينك وبينه

تعمل ايه عشان ترجع الامور زى الاول

اتلاشي اللي ادي للحساسية

لو حاجة مني

اعتذر عنها


لو منه يبقي اسامحه


اللي بعدي

تعمل ايه لو غبي في مادة معينة؟؟

سبحان الله كنت لسه بعانى من هذا الشىء فى الضريبيه

بس انا مع مبدأ ان كل شىء ممكن ان يكتسب

إذا الذكاء ممكن ان يكتسب

فبقعد و اصمم انى هفهم يعنى هقهم و اقول الهم لا سهل الا ما جعلته سهلا و اقعد احسس نفسى انى عبقريه حتى لو بحل غلط اقول معلش اكيد هفهمها
شويه كدة و هتلاقيها دخلت دماغك

بص انا كل مادة و خلاص خدت على الحكايه دى اول ما ابصلها اقول هفهمها اذاى دى دى صعبه خالص و مستحيل افهمها و الافكار الانهزاميه تشتغل

بس اول ما اروق كدة و ادى نفسى و ابدا فيها واحده واحدة الاقينى بفهم جزئيه جزئيه

و احاول طول ما انا بذاكر اشجع فى نفسى يعنى احل حاجة صح اقعد اقول ايه الشطارة دى برافو عليكى يا بت يا دودو يا جامدة ( كنت بحس ان حمادة يا جامد اللى فى المسلسلس دى بيقلدونى هههه)
لغايت ما اثبت لنفسى انى ذكية فيها و اشطر واحدة

اهم حاجة حسس نفسك انك ذكى هتلاقى نفسك ذكى

لكن لما تبص لنفسك انك استغبيت فى حاجة و لا عمرك هتعرف تكون ذكى

الى بعدى


تعمل ايه لو كتييييييييييير اوى او غالبا مش بتكونواثق فى نفسك خالص خالص ثقتك فيها منعدمه مع ان بيكون عندك كل ما يؤهلك الحمد لله لكى تثق فيها لكن برضه تدور على الحته اللى ناقصه فيك و تعتقد ان كل الناس شايفاها و هى دى بس اللى هيلاحظوها و اكيد هتطلع وحش فى نظرهم و مش هيحبوك و حاجات كدة

تعمل ايه ؟؟

عندي نفس مشكله
ومش لاقيه حل

هأبص للناس واشوف هي بتبصلي ازاي؟



طالما الناس حواليا وما فيش مشاكل


يبقي ان في السليم وانسي اللي ناقص مني

وبعدين اقول للناس ايه اللي ناقص مني علشان يبقوا علي نور


انا مثلا عارف ان مواعيدي زفت وخصوصا اليومين دول علشان نومي مش مظبوط

فمعرف كل الناس اني لو صحيت بدري هأجي في ميعادي ، ولو عايزني اجيلك بدري صحيني بدري


طبعا فيه حاجات تانية عيوبي طبعا


المهم اني اعرف الناس عيوبي واسألهم عنها بصفة دورية

وبعدين خلاص ، طالما الناس دي ملمومة حواليا ، يبقي انا في السليم


بدأت الناس تقل ، ابدأ ادور عليهم وعلي العيوب اللي شايفنها ظهرت فيا



اللي بعدي

نفسه؟

هو مافيش حد كامل ومستحيل الانسان يكون كامل بس في نفس الوقت مطالب انه يسعى للكمال

هو عنده مميزات وعيوب .. يحاول يستغل المميزات اللي عنده ويحاول صلح عيوه على قد ما يقدر

وفيه كلمة جميلة جدا معلقة معايا من ساعة كورس بتاع عمرو عثمان بتقول ( انا لا اعرف مفتاح النجاح ، ولكني اعرف ان مفتاح الفشل هو محاولة ارضاء كل الناس )

يعني انت مستحيل الناس كلها تكون راضية عليك .. بس ده مش معناه انك ماتحولش تحسن من نفسك او ماتعملهمش كويس انما حاول وربنا معاك


نفسه

احاول اشوف الحاجات الحوه الى فيا زى مبشوف الوحش

واحاول اصلح الوحش بس اخلى بالى عشان ممكن لو شفت الكويس بس الموضوع يقلب معايا

غرور

بس انت مش كدا يا ندى

الى بعدى

تعمل ايه لو نفسك حد يذاكر بدالك المراجعه ؟

اشرب حاجه سخنه عشان يخف

تعمل ايه لو حاسس انك زهقان ؟

مش فاهمه حاجه بس اتاكد
نفسه ؟

لو حاسس ان فى حد بيكرهك يعنى

ممممممممممممممممممممم

لو مش عايز تسال

ممكن تعرف من طرية تعاملوا معاك

نفسه ؟

اعد شويا العب وبعدين اذاكر

او اغير المادهالى بذكرها

تعمل ايه لو عايز تنقم ؟

انا هعتبر دى تنتقم

انا عن نفسى لو عاوز انتقم من حد هنتقم منة شر انتقام

و هخلية يقول حقى برقبتى و يعتذر كمان

تعمل اية لو جالك واحد و قالك مبروك كسبت مليون جنية ؟

هقوله العب بعيد ياه " حتى البانجو دخل المنتدى"

نفسه

هقوله هاتهم دلوقتي ولو مادنيش حاجة هسيبه

اما لو اداني مش هاخدهم

ممكن يطلع ........ ويدبسني في قضية


تعمل أيه لو كل شوية واحد يعقد ينتقض فيك ؟

لو نقد بناء ممكن يفدنى هسمعوا واحاول اعمل بيه

لكن لو نقد لمجرد النقد وخلاص مش هسمعلوا

تعمل ايه لو عايز تروح الازهر بارك؟

أتفرج على الصور بتاعت الناس اللي راحوها مع القلعه وأقعد أعيط شويه

و لا تزعلى نفسك يا ياسمينتى يا حبيبتى

تعالى انا و انتى و كل البنتوتات نتفق و نروحهها اخر يوم امتحانات ايه رايك

مش احنا حتى واعدين منى و اصحابها من اول الترم اننا هنروح معاهم و ناخد كمان بقيت السداسى و نلم كل البنات و نطلع و هتبقى رحلتنا احلى ان شاء الله من اللى راحوا قبل كدة

و نروح القلعه كمان

اللى بعدى


تعمل ايه لو انت شخص مش واثق فى نفسك و متردد