اذا كنت صفر فكن ذا قيمة( يا ريت نتكلم فى الموضوع ده)

هناك صفران يشغلان أول خانة في بعض الأعداد ، أحدهما يضاعف العدد إلى أضعاف كثيرة مثل الصفر الذي يأتي قبل العدد ( 1000 ) فعند إضافة الصفر يصبح هذا العدد ( 10000 ) إذ يتحول العدد من ألف إلى عشرة آلاف ، وهنا نجده قد تضاعف عشرة أضعاف ، وذا أضفنا صفراً آخر تحول العدد إلى ( 100000 ) مئة ألف ، وهنا تضاعف بالتالي أضعافاً كثيرة أيضاً .

أما الصفر الآخر الذي لا يؤثر في زيادة قيمة العدد فوجوده مثل عدمه مثل الصفر الذي يأتي أمام الكسر العشري ( 0,1 ) ليصبح العدد ( 0,10 ) فهنا تحول مسماه من واحد من عشرة إلى عشرة من مئة لكن القيمة بقيت ثابتة لم تتغير ، ومثله لو أضفنا صفراً آخر لذلك الكسر لأصبح العدد ( 0,100 ) فهو يقرأ مئة من ألف لكن القيمة تبقى ثابتة كما كانت أولاً لم تتغير أيضاً .

وأنت أيها العزيز هل تريد لو قدر لك أن كنت صفراً أن تكون صفراً مؤثراً في هذه الحياة بمعنى أن يكون لك أثر في الحياة ، فيدخل في رصيدك سمعة تفوح أريجاً وأجور كثيرة لم تعمل فيها ظاهرياً شيئاً ، لكنها في الحقيقة قد جاءتك من جراء تأثر في الآخرين بأقوالك الصائبة وسلوكك الحميد أو حتى بعمل من قام بتقليد من عمل بعملك حتى ولو بعد حين ، وهذا فضل الله يؤتيه من يشاء ولمن ضحى بإخلاص وسخاء في هذه الحياة ، فمثل هذا الصنف هو ممن يأمر بالمعروف على قدر استطاعته غير مبال بنقد الناقدين أو شماتة الشامتين ، وهو أيضاً لمن يقدم في مجال عمله عطاء مثمراً حتى ولو تخاذل المتخاذلون بل وحتى في حالة عدم تقدير جهوده من قبل رؤسائه ، لأن رسالتنا في هذه الحياة عمارة هذه الأرض ، ولأن الإنسان كما قيل : إذا لم يضف شيئاً على هذه الحياة فإنه زائد عليها .

أما لو كنت من أصحاب الصفر غير المؤثر ممن لا يبالي بتأثيره الإيجابي في الحياة وممن لا يؤدي الواجب المناط به على الوجه المطلوب ولا يهتم بأن تكون أعماله في رضا الله سبحانه وتعالى ومن ثم رضا ضميره من منطلق أداء الواجب المناط به على أكمل وجه ، فهو كما يقال ( مع الخيل يا شقرا ) ، ومن أصحاب ( عليّ وعلى أعدائي ) فهو هنا مثل ذلك الصفر غير المؤثر ، بل وسيجني وبالاً في الدنيا يتمثل في هزيمة نفسية وعدم رضا عن الذات وقلة تقدير لقيمة نفسه في هذه الحياة وفي يوم القيامة سيجني ثمرة شر أعماله خيبة وحسرة وندامة.

وإنني أعرف أشخاصاً كونوا لأنفسهم أمجاداً خالدة دون مجد مؤثل سابق ، حتى أصبحوا نجوماً لامعة في سماء الحياة ، ونعرف جميعاً إلى جانب ذلك أناساً كثيرين يمثلون أصفاراً في هذه الحياة سودت أوراق الحياة دون أن يكون لهم أدنى قيمة فيها.
فاحرص يرعاك الله لو قدر لك أن كنت صفراً في هذه الحياة أن تكون ذا قيمة .

علي بن أحمد الشيخي

منقوووووووول

[ندعوك للتسجيل في المنتدى أو التعريف بنفسك لمعاينة هذا الرابط]








دة الموضوع

و المناقشه بقى بما ان دى ساحة التنميه البشريه و عايزين ننمى نفسنا فعلا
يبقى لازم نتناقش

فعلا الناس كتير بتشوف نفسها ملهاش لازمة مع انهم بحاجات بسيطه اوى ممكن يبقوا ليهم اهميه كبيره اوى

كمان قد يكون الناس دى فاكرة ان ملهاش لازمة مع ان هى مهمه جدا و ايجابيه جدا منغير ما تعرف

بس بمجرد ان واحد بيقلدك فى اعمالك الكويسه دى فى حد ذاته دليل مهم اوى انك مهم جداااا

**فتفتكروا ايه الاسباب اللى ممكن تكون بتخلى الناس متهيالها انها ملهاش لازمة ؟؟

**و هل كل واحد مننا شايف انه مفيد للى حواليه ؟؟

**و ممكن كل واحد فينا يقترح شويه حاجات بسيطه ممكن ناس كتير بتهملها و تستهيفها مع انها مهمه جدا و بتاثر فى اللى حوالينا و تخلى لينا اهميه و نشوف اذاى ممكن نكون بجد ايجابيين ..

عايزين مناقشه جااااامده جدااااا و مفييده جداااا

اوك

و لك واحد يا ريت يقرا كل ردود الناس و يتناقش فيها و يضيف عليها

و يا رب نقدر نكون ايجابيين
سلااااااااام عليييييييكم و رحمة الله و بركاته

صح

أنت كلامك بالتفصيل أنا جايب الملخص

هههههههههههههه

بجد الرد دة تحفه و جميييييييييييل جدا جدااا ربنا يكرمك

ايوة كدة هى دى الردود الجامده ربنا يكرمك

و اعلق بقى

اقتباس :

F.r.i.e.n.d.s كتب:

**فتفتكروا ايه الاسباب اللى ممكن تكون بتخلى الناس متهيالها انها ملهاش لازمة ؟؟

قله الحيلة و الاحساس بالضعف و عدم القدرة على التفاعل مع المجتمع و كل الحاجات اللى ممكن تحسس الانسان انة ملوش لازمة فى الدنيا , معظم الحاجات دى بتنتج بسبب قلة الموارد ومفيش وظائف موجودة و القهر احيانا

الانسان فى حد ذاته هو اهم مورد و اغلى مورد
لو كل واحد فكر فى دة هيعرف انه معاه حاجات كتيييييييير اوى

و الانسان لو شغل مخه بجد هيعرف يشتغل و ينتج و يعمل حاجات كتيييييير اوى

لان عقلنا ملوش حدود و تفكيرنا ممكن يجيبلنا خير كتير
ربنا خلقنا و ميزنا بالعقل عن باقى الكائنات و المفروض ان احنا نحمد ربنا على النعمه دى و نسخرها فى تعمير الارض و عمل كل اللى بيحبه ربنا


بس احنا بس نفكر و اكيد هنلاقى حاجات كتير اوى نعملها

انا ساعات بقعد افكر بحس انى ممكن اعمل مليون حاجة و اقدر اعملها

بس متهيالى المشكله بتكون اكتر فى التاااااااجيييييييييل لما بناجل الفكرة بننساها

اقتباس :

يعنى مثلا لو حد عاوز يعمل حاجة للسياسة و يجى يدور على وظيفة توصلة لمكانة عاليا ميلاقيش

ما هو الانسان لازم يفكر انه ياخد الدنيا خطوة خطوة و مفيش حاجة بتيجى من يوم و ليله تحصل
لكن لازم ناخدها واحده واحدة و ساعتها اكيد هنوصل للى عايزينه

اقتباس :

لو مثلا عاوز يعمل حاجة للدين و جة يعترض على حاجة يلاقى قهر و صد من الحكومة

مش فاهمه اوى بس على العموم مش نقطة نقاشنا دى دلوقتى

اقتباس :

و كتير بيبقى الاهل برضو بيسببوا حالات اكتأب لولادهم .

ودة لانهم بيبقوا عاوزينهم يبقوا حاجة معينة

و ممكن يبقى مش عاوزينهم حاجة اساسا

و كل اللى همهم انهم يشتغلوا اى شغلانة عشان يجيبوا فلوس وخلاص

سواء هما محتاجينها او لا

فعلا فى اهالى بيظلموا اولادهم بجد
ممكن يبقى الولد كويس جدا فى مجال معين و بيحبه اوى وهما يمنعوه عنه

فالواحد يفشل فى المجال الجديد لانه مش حابه و موهبته التانيه تضيع على الفاضى و المجتمع يخسر انسان متميز

المفروض و دة اللى يا ريت كلنا لما نكبر نعمله

ان كل واحد يشوف ولاده بيحبوا ايه و يحاول يركز اوى على النقطه اللى هما متميزين فيها دى

و يكبرها عندهم و ينميهالهم و يحاول يطلع منهم التميز اللى جواهم


كل انسان ليه نقاط قوة كتييييييييييييييييير جدااااااااااا

لو ركزنا عليها اكيييد هننجح ان شاء الله

اقتباس :

**و هل كل واحد مننا شايف انه مفيد للى حواليه ؟؟

لو هتكلم عن نفسى

فانا اول حاجة هقولها انى يكفينى فى البداية ان ميكونش ليا ضرر للى حواليا

يعنى ابسط الامور لو مش هقدر اكون نافع للى حواليا

فيبقى على الاقل ميبقاش ليك ضرر

ودى تبقى البداية

اما انا عن نفسى فيمكن بكون مفيد من ناوحى خاصة اوى

و اكتر حاجة بقدر اعملها انى بدخل البسمة فى وجوه الناس

حتى لو كنت انا مش قادر ابتسم

و يمكن الناس تفتكر دى حاجة عبيطة ملهاش لازمة

بس بالعكس

لان اولا محدش هيقدر يعمل اى حاجة ولا يكون لية فايدة لو كان مكتأب

ثانيا لو الناس عايشة فى هم و ضيق فأكيد البسمة دى ممكن تغيرلهم حاجة

حتى لو كانت حاجة صغيرة

فمن ناحية الافادة للى حوالية

فهى هتختلف من وجهة نظر كل واحد

جمييل اوى انك حاسس بقيمة اللى بتعمله
و بجد الابتسامه و رسمها على وجوه اللى حواليك شىء ايجابى جدا جدا جدا

و الابتسامه مفعولها سحرى فهى اللى هتخلى الناس دى تشتغل و تعمل حاجات كتيير اوى

اقتباس :

**و ممكن كل واحد فينا يقترح شويه حاجات بسيطه ممكن ناس كتير بتهملها و تستهيفها مع انها مهمه جدا و بتاثر فى اللى حوالينا و تخلى لينا اهميه و نشوف اذاى ممكن نكون بجد ايجابيين ..

الاهتمام بمشاكل الناس فى وجهة نظرى عامل مهم جدا و بيأثر جدا جدا فى الناس

الاستماع للمشاكل و محاولة حلها بتساعد كتير

حتى لو مشكلة عبيطة

صح فعلا فكرة حلوة اوى

لاننا لو اهتمينا بحل مشاكلنا هنخفف الاعباء اللى علينا و الهموم و هنقدر نشتغل و نكون ايجابيين

اقتباس :

===============
مساعدة المحتاج

و المحتاج بيبقى لية انواع كتيييييييير اوى

مش لازم يبقى محتاج فلوس

المساعدة فى حد زاتها بتأثر فى الشخص اللى بيساعد و بتديلة شعور جميل جدا

دة غير طبعا انها بتأثر فى اللى محتاج المساعدة عن طريق تقديم المساعدة لية
======================

جميل اوى برضه

و مساعده الناس و التعاون اساس لكل نجاح

نساعد بعض و لو بكلمة تشجيعيه او دعوة او اى مساعدة بسيطه بجد هتاثر اوى

اقتباس :

ممكن برضو الاهتمام بالهوايات

لان الهواية ممكن تكون هى مستقبلك

يعنى لو بتحب الكتابة لو اهتميت ممكن بعد كدة تبقى كاتب

مش معنى انك ضعيف فى هواية معينة انك مش ممكن تبقى احسن

بالظبط كدة

الهوايات مهمه جدا لانها ممكن بتولد منها حاجات مهمه اوى

ممكن واحد هوايته الفك و التركيب يبقى بعد كدة مخترع كبير

و احد هوايته الكتابه يبقى كاتب عظيم
و هكذا

اقتباس :

و انا من وجهة نظرى ان اى حد عاوز يعمل اى حاجة هيعملها

بس المهم التركيز و الاهتمام و اكيد هتوصل

و كفاية كدة بقى

تمااااااااام

لو صممت تكون هتكون

و و يا رب كلنا نركز و نهتم و اكيييد فعلا هنوصل

يا رب

مصطفى كتب:

فتفتكروا ايه الاسباب اللى ممكن تكون بتخلى الناس متهيالها انها ملهاش لازمة ؟؟

ممكن معندهاش ثقة في نفسها وممكن ظروف الناس مأثرة

**و هل كل واحد مننا شايف انه مفيد للى حواليه ؟؟

كل غنسان بيفيد التاني والمفروض أن كل الناس تنقل علم بعضها للبعض


**و ممكن كل واحد فينا يقترح شويه حاجات بسيطه ممكن ناس كتير بتهملها و تستهيفها مع انها مهمه جدا و بتاثر فى اللى حوالينا و تخلى لينا اهميه و نشوف اذاى ممكن نكون بجد ايجابيين ..

االمفروض نعمل كما امر الله ورسوله

كلام جميييل اوى

ربنا يكرمك

بس هو مختصر شويه

ممكن ترغى شويه او علق على كلام فرندس و ردى عليه

اقتباس :

يعنى مثلا لو حد عاوز يعمل حاجة للسياسة و يجى يدور على وظيفة توصلة لمكانة عاليا ميلاقيش

ما هو الانسان لازم يفكر انه ياخد الدنيا خطوة خطوة و مفيش حاجة بتيجى من يوم و ليله تحصل
لكن لازم ناخدها واحده واحدة و ساعتها اكيد هنوصل للى عايزينه

انتى مخدتيش بالك

انا بقول انة هيدور على وظية اللى هتوصلة بعد كدة للمكانة العاليا

بس للاسف الوظائف زى مهو معروف قليلة جدا
خصوصا لما تبقى وظيفة سياسية فغالبا هتكون بالواسطة .

معلش بس الانسان لو حب يوصل للشىء هيوصله بس لازم يستحمل الصعاب و من طلب العلا صحي من الفجريه و كدة

عشان كل ما الحلم ما بيكبر كل ما بيبقى الطريق اطول و فيه عقبات

بس العقبات دى لازم نحولها لمميزات و نخليها فى صفنا او نتلافاها لو مقدرناش نستفيد منها

بس يعنى اشمعنى النقطة دى اللى علقت عليها

ما انا قلت حاجات كتيرة كويسه يعنى

موضوع جميييل جداااا بجد

ومحتاجين نتكلم فيه لانه شاغل بال كل الناس تقريبا

فتفتكروا ايه الاسباب اللى ممكن تكون بتخلى الناس متهيالها انها ملهاش لازمة ؟؟


بما ان السؤال ده اتسال في ساحة التنمية البشرية يبقى محتاجين نتكلم بيها شوية صح

اول حاجة ان الانسان مش عارف ايه الامكانيات اللي عنده .. وممكن توديه لغاية فين

انا سمعت قبل كدة ان من 50 سنة اكتشفوا ان الانسان مابيستخدمش غير 50 % بس من قدرة عقله وبعد فترة .. اكتشفوا انه مابيستغلش غير 20% بس .. واخيرا اخر الابحاث اللي كان مفاجأة انه مابيستخدمش غير 1.% بس

تخييييلواا !!!! شوفوا احنا قد ايه مابنستغلوش ؟؟؟

وده بسبب ان احنا بنتكلم مع نفسنا بصورة غلط زي .. انا ماقدرش .. انا مش ممكن اعمل حاجة زي دي .. مستحيل

بمناسبة كلمة مستحيل .. من يومين كنت في ندوة كانت بتتكلم ع الموضوع ده برضه وجت سيرة مستحيل في الموضوع .. فاللي كان بيدي الندوة قال معلومة حلوة جدااا

ان الامام ابن القيم بيقول ان المستحيل في الدنيا حاجتين بس

شرعية : ان مثلا صلاة المغرب تبقى 4 ركعات بدل 3 أو صلاة الصبح تبقى ركعة واحدة .. الاركان الشرعية مستحيل تتغير هتفضل زي ماهي لحد يوم القيامة

كونية: ان الشمس تشرق من المغرب .. أو الارض تتحول من انها مدورة .. تبقى مربعة مثلا
مستحيل حاجة زي دي تحصل كل حاجة كونية .. هتفضل بشكلها

أي حاجة تانية بقى في الدنيا ممكن تحصل .. ومش مستحيلة


وغير ان احنا بنكلم نفسنا غلط .. ممكن نقول الفشل كمان اما الواحد بيفشل في حاجة ثقته بنفسه بتقل من انه يجرب حاجة تانية

وفي التنمية البشرية ما فيش حاجة اسمها فشل .. انما هناك خبرات وتجارب

فلو جربت حاجة وممشيتش زي مانت عايز ماتقولش انا فشلت فيها .. انما انا خدت خبرة لازم استغلها


كفاية كدة بقى على السؤال ده

السؤال التاني بقى ..

لا كفاية كدة دلوقتي وابقى اكمل بعدين

اولا برافوووووووو عليكى بجد

دى المواضيع اللى بجد هتفيدنا واللى لازم نتناقش فيها
كفيانا تفاهه ولا مبالاه
لازم فعلا نفكر ونشوف الحل
معلومه من هنا ورأى من هنا اكيد بأذن الله نوصل لحلول كتير
**فتفتكروا ايه الاسباب اللى ممكن تكون بتخلى الناس متهيالها انها ملهاش لازمة ؟؟

والله الاسباب كتيييييييييييييير


اولا الشباب هما اللى بيكون عليهم الاعتماد الكامل
وهما اللى هيغيوا ويفيدوا


نبص بقه لحال الشاب المصرى مثلا بما اننا فى مصر

هنركز على معظم الشباب اللى لقوا نفسهم فى ايام سوده
لا فيها خير ولا بركه

الشاب من دول بيفضل حاططك همه فى مزاكرته
واهله عاملين عليه غلاف جوى اسمه الدراسه

بيكون من ساعه ما هو طفل
مبيفكرش غير فى الدراسه والمدرسه والواجب عشان مينضربش
ولازم تزاكر عشان تجيب مجموع عالى
يمتحن الواحد من هنا
وكل تفكيره الاجازه هيقضيها ازاى

ومن مرحله للتانيه
لحد ما يوصل للجامعه
يفكر هيعمل ايه بعد التخرج
وازاى يلاقى شغل
وبعد ما يلاقى الشغل يشتغل زى التور اللى فى ساقيه
عمال يشتغل طول النهار وييجى بليل اما يصدق يشوف السرير عشان ينام
ويصحى الصبح وهكزا


ظروف معيشيه زى الزفت
لا فى اقتصاد ولا سياسه ولا مناخ يسمح للواحد انه يفيد حتى نفسه

الشباب مش عارف يفيد نفسه


ازاى هيفيد غيره


مفيش اهتمام بالشباب




اللى بيشغل مخه ويبتكر

ويخترع


على سبيل المثال

واحد فضل 10 سنين فى بحوث لحد ما اخترع اختراع معين

مش معاه فلوس ينتجه بنفسه
يروح يقدم المشروع يتركن فى الدرج

يا خساره ال10 سنين


الاحباط

الاحباط

ثم الاحباط

ظروفنا اللى زى الزفت هى سبب كل الامشاكل



فساد


وفوضى


وجو زى الزفت


محتاجين تغيير

اصلاح

صحيان

مش لازم نفضل على كده لازم منسكتش لازم يبقى فى رغبه فعلا اننا نتغير




نرجع فى الاخر نقول اننا لازم نبدأ بنفسنا

طيب خلاص

انا عن نفسى هشوف انا كويس فى ايه
وايه امكانياتى
ايه الللى ممكن اقدمه لغيرى واساعده

وهساعده
وهساعده



مش هلاقى تقدير يبقى هزهق وهبطل اساعد

انا مش متشائم والله

بس مش لاقى لسه الحل


الحل اللى ممكن يحصل

ان الناس اللى عاغيزه تغير تتجمع ويشجعوا الناس
لما الاقى مجموعه بيساعدونى غير لما الاقى انا كده مع نفسى
لازم نتحد واللى عايزين يفيدوا يتجمعوا ويشجعوا بعض



وفى النهايه نقول

كل واحد يساعد بأى حاجه ويحاول يفيد الناس بأى حاجه حتى لو شايفها
تافهه

واى حاجه حاسس انه بيعرف يعملها
يعلمها لغيره اللى مبيعرفش

ومن طرق افاده الغير
ان انت كمان تتعلى عشان تعلم غيرك بعد كده


يعنى ابدأ بأفاده نفسك
وعلم غيرك اللى استفدته


بس

لا لا يا مصطفى

مش اقصد المواضيع اللى بتنزل فى المنتدى
انا قصدى اننا عمتا معظمنا ناسيين حاجات مهمه لازم نتكلم فيها

اما باقى المواضيع فهى لازم برده تكون موجوده عشان الاستمتاع والاترفيه
والا المنتدى هيبقى خنقه


ياريت يا مصطفى متكونش فهمت كلامى غلط
انا عارف انت زعلت ليه

لكن انا مش اقصد كده خااااااااااااالص والله

اسف جداااااااااااااااااااااااااااا لو فهمتنى عغلط انا اسف
وانت مواضيعك كلها بستمتع بيها على فكره

انا قصدى ع الجو العام

ليه رد على ردودكوا الجميييله ان شاء الله

و الحته اللى فى الاخر دى مش عايزين زعل

و اذاى بس تفتكر ان فى اساءة ليك دة انت بنزل مواضيع جامده جدا و حلوة جدا و كفايه المناقشه بتاعت البنات و النت دى تجنن بجد و مواضيع تانيه كتير جدا و كفايه انك منشطلنا المنتدى دايما
ربنا يكرمك
و كتومايه طبعا ذى ما قالك ميقصدش كدة خالص

مانا مسكته فى الجامعه واتخانقت معاه
عشان انا بحبه

ومصطفى زى العسل بجد
وفهم قصدى وخلاص محصلش حااااااااااااجه
مصطفى من اهم الاعضاء والناس اللى لازم احترمهم

لانه يستحق الاحترام

F.r.i.e.n.d.s كتب:

مهو عشان الحاجات كويسة فميش عليها اعتراض

انما دى حسيت انك فهمتينى غلط فيها

بس كدة

طب ما انا مكنتش معترضه على كلامك و مع ذلك رغيت عليه كتييييييير اوى

ممكن تعلق يعنى مش لازم تعترض و بس

اقتباس :

[quote="Janna Lover"]موضوع جميييل جداااا بجد

ومحتاجين نتكلم فيه لانه شاغل بال كل الناس تقريبا

ربنا يكرمك

اقتباس :

فتفتكروا ايه الاسباب اللى ممكن تكون بتخلى الناس متهيالها انها ملهاش لازمة ؟؟


بما ان السؤال ده اتسال في ساحة التنمية البشرية يبقى محتاجين نتكلم بيها شوية صح

اول حاجة ان الانسان مش عارف ايه الامكانيات اللي عنده .. وممكن توديه لغاية فين

انا سمعت قبل كدة ان من 50 سنة اكتشفوا ان الانسان مابيستخدمش غير 50 % بس من قدرة عقله وبعد فترة .. اكتشفوا انه مابيستغلش غير 20% بس .. واخيرا اخر الابحاث اللي كان مفاجأة انه مابيستخدمش غير 1.% بس

تخييييلواا !!!! شوفوا احنا قد ايه مابنستغلوش ؟؟؟

فعلا للاسف و فى ناس حتى بتطير الواحد فى الميه و مش بيشغلوه خالص

مع ان قدرته مهوله

اقتباس :

وده بسبب ان احنا بنتكلم مع نفسنا بصورة غلط زي .. انا ماقدرش .. انا مش ممكن اعمل حاجة زي دي .. مستحيل

فعلا الانسان لم مبيقدرش نفسه كويس مش بيقدر يوصل لاى شىء

و حتى الدليل اننا مش بنقدر نفسنا صح انا احيانان بنلاقى نفسنا حققنا نتايج فوق المتوقع

و فاكرة باين د خيرى كان قال ان اللى يحقق نتيجة فوق ال 100% اللى هى كان متوقعهها دة معناه ان فى حاجة غلط

هو من الاول ما قيمش نفسه صح

و ادى لنفسه اقل من اللى هى تستحقه

مع اننا ممكن لو قدراتنا بسيطه جدااا بس احنا عرفنا قيمتها هنقدر نعمل حااجات مفيدة

يعنى مثلا نفترض ان واحد عنده اله بسيطه جدا و هى المقص

ممكن يفضل مرمي و الشخص دة فاكر انه لا يملك شىء لانه فى وجهة نظره دة مش شىء ذو قيمة

مع انه ممكن يقص بيه و يفصل و ينتج ملابس

و ممكن يتمرن و يجرب فى شعر الناس بيه


يعنى ممكن مورد صغنن جدا اهه لكن بذكاء الانسان يقدر يستفيد بيه فى حاجات كتيرررر

(ايه الامثله الجامده دى ما شاء الله عليا هنافس ابراهيم الفقى بعد كدة هههه )


فالانسان اللى بيفكر بجد هيعرف انه ينجح مهما كانت موارده بسيطه لانها هياخد الموارد دى و يستغلها احسن استغلال

و لو قدر يستغلها هبقى شىء مهم و هو نفسه هيكون مهم

اقتباس :

بمناسبة كلمة مستحيل .. من يومين كنت في ندوة كانت بتتكلم ع الموضوع ده برضه وجت سيرة مستحيل في الموضوع .. فاللي كان بيدي الندوة قال معلومة حلوة جدااا

ان الامام ابن القيم بيقول ان المستحيل في الدنيا حاجتين بس

شرعية : ان مثلا صلاة المغرب تبقى 4 ركعات بدل 3 أو صلاة الصبح تبقى ركعة واحدة .. الاركان الشرعية مستحيل تتغير هتفضل زي ماهي لحد يوم القيامة

كونية: ان الشمس تشرق من المغرب .. أو الارض تتحول من انها مدورة .. تبقى مربعة مثلا
مستحيل حاجة زي دي تحصل كل حاجة كونية .. هتفضل بشكلها

أي حاجة تانية بقى في الدنيا ممكن تحصل .. ومش مستحيلة

ربنا يكرمه فعلا كلامه حلو اوى

لو لغينا كلمة مستحيل من حياتنا اكيد هتتغير كتير

يا رب دايما يكون ندنا امل و تفاؤل بس نحاول نحققه و منخليهاش بس مجرد احلام

اقتباس :

وغير ان احنا بنكلم نفسنا غلط .. ممكن نقول الفشل كمان اما الواحد بيفشل في حاجة ثقته بنفسه بتقل من انه يجرب حاجة تانية

صح فعلا الحكايه دى

الواحد لما بيفشل فى حاجة اول مرة غالبا بيصيبه احباط و شعور بان الدنيا خلاص انتهت فى الحاجة دى و انه لا يمكن يحققها تانى

مع ان المفروض لما يحصله حاجة يفكر كويس هى حصلت ليه و ايه كانت نقط ضعفه اللى ادت لفشله و يحاول يصلحهها و يصلح من نفسه و يبقى بجد كويس من جديد و يحاول تانى و ان شاء الله اكيد هيوصل

لان اللى بيصمم و يحاول و طبعا يكون متوكل على ربنا لازم بيوصل لهدفه لو فيه خير

اقتباس :

وفي التنمية البشرية ما فيش حاجة اسمها فشل .. انما هناك خبرات وتجارب

فلو جربت حاجة وممشيتش زي مانت عايز ماتقولش انا فشلت فيها .. انما انا خدت خبرة لازم استغلها

حاجة حلوة فعلا
يا رب نقدر كلنا نطبقها

و نستفيد من خبراتنا و تجاربنا

اقتباس :

كفاية كدة بقى على السؤال ده

السؤال التاني بقى ..

لا كفاية كدة دلوقتي وابقى اكمل بعدين

ان شاء الله

و كويس كده عشان نتكلم فى نقطه نقطة بالتفصيل و منهملش اى حاجة مهمه

سلام علييكم و رحمة الله و بركاته

قصدى مش شرط مناقشه و لكن ممكن تضيف حاجات

يعنى مثلا خد ردود الناس التانيه وو علق عليها ذى ما انا ما بعمل كدة او خد ردودى عليهم و علق عليها

الف امثله توضيحيه ذى المثال الخطير اللى انا مبسوطه اوى انى الفته بتاع المقص دة



مطلوب رغى كتير فى الموضوع لو سمحتوا عايزين نرغى كل واحد ميبخلش علينا بمعلومة صغنتوته

و هنيالكوا يا فاعلين الخير

فكروا لو واحد اتغير من جمله قراها منكم اثرت فيه بجد شوفوا ثواب كبير قد ايه هتاخدوه

و حتى لو محدش اتغير بس انتوا كتبتوا الكلام دة و نيتكوا تفيدوا الناس هتاخدوا الثواب بتاع نيتكوا برضه

يلا شاركوا بقى كلكوا
و متحرموناش من المشاركات المفيده بجد بتاعتكوا

و يا رب انفعنا بما علمتنا و علمنا ما ينفعنا

اقتباس :

[quote="Kotamya2008"]اولا برافوووووووو عليكى بجد

دى المواضيع اللى بجد هتفيدنا واللى لازم نتناقش فيها

ربنا يكرمك

اقتباس :

كفيانا تفاهه ولا مبالاه
لازم فعلا نفكر ونشوف الحل
معلومه من هنا ورأى من هنا اكيد بأذن الله نوصل لحلول كتير

بالظبط كدة

احنا لما هنتجمع و نقول معلوماتنا لبعض هنبقى اغنية جدااا بالمعلومات ان شاء الله

اتحادنا قوة لينا

اقتباس :

**فتفتكروا ايه الاسباب اللى ممكن تكون بتخلى الناس متهيالها انها ملهاش لازمة ؟؟

والله الاسباب كتيييييييييييييير


اولا الشباب هما اللى بيكون عليهم الاعتماد الكامل
وهما اللى هيغيوا ويفيدوا

بالظبط الامل فى الشباب (احنااا يعنى )

اقتباس :

نبص بقه لحال الشاب المصرى مثلا بما اننا فى مصر

احلى شباب
بس عايز شوية تظبيط و تشجيع و هتشوفوا هيعمل ايه

اقتباس :

هنركز على معظم الشباب اللى لقوا نفسهم فى ايام سوده
لا فيها خير ولا بركه

اعوذ بالله بس الايام حلوة ان شاء الله

و بادينا احنا نغيرها لحلو او وحش

بارادتنا و عزيمتنا

اقتباس :

الشاب من دول بيفضل حاططك همه فى مزاكرته
واهله عاملين عليه غلاف جوى اسمه الدراسه

بيكون من ساعه ما هو طفل
مبيفكرش غير فى الدراسه والمدرسه والواجب عشان مينضربش
ولازم تزاكر عشان تجيب مجموع عالى
يمتحن الواحد من هنا
وكل تفكيره الاجازه هيقضيها ازاى

فعلا دى من اهم المشكلات اللى عند الشباب

النظرة الغلط للتعليم

و مش احنا بس السبب و لا غيرنا بس السبب

كلنا مشتركين فى الجريمة

اه جريمة و جريمة كبيرة
اننا نشوه التعليم و نظلمه و نعتبره مجرد شهادة و بس

و اكن النتيجه هى هدفنا مش التعليم

بس دة ليه اسباب كتير و عايزله مناقشة لوحده

من ناحيه المناهج و طريقهالتدريس غبيه
و منناحيه الناس ثقافتهم ان الانسان عشان يكون ناجح لازم يكون فى كلية قمة

و بينسوا ان فى مجالات كتييير جدا مهمه تانيه

و من ناحيه الطالب نفسه و كسله و انه مبيدورش على انه يتعلم صح

حاجات كتير عيزين نتناقش فيها ان شاء الله فى موضوع لوحدها

اقتباس :

ومن مرحله للتانيه
لحد ما يوصل للجامعه
يفكر هيعمل ايه بعد التخرج
وازاى يلاقى شغل
وبعد ما يلاقى الشغل يشتغل زى التور اللى فى ساقيه
عمال يشتغل طول النهار وييجى بليل اما يصدق يشوف السرير عشان ينام
ويصحى الصبح وهكزا

فعلا هى الحياه صعبه بالذات على الى لسه متخرج
انا شايفه اخويا مبقتش اشوفه تقريبا و لسه كنت بقوله انا زعلانه منك انت من ساعة ما اشتغلت نسيت ان ليك اخوات
انا بعذره انه بيروح الشغل عدد ساعات كبيره و كان بياخد كورس بعدها فبييجى الساعه 11 بليل و هو خارج 7 الصبح طبعا مفيش غير شوية نوم هو دة اللى هيعمله

بس ان شاء الله بعد كدة هيبقى احسن و لازم كل شىء فى اوله صعب

و برضه عشان الناس بتقولى انتى مش عايشه فى الدنيا و مش عارفه بيحصل ايه و المرتبات قليله و الحاجات دى
انا شفت ابن عمى متخرج التانى على الدفعه من كلية زراعه و بيشتغل فى مش عارفه ايه كدة للابحاث و بقااله 8 شهور تقريبا شغاال و مقبضش ..تخيلووااا

طبعا دول ناس مش قاهمين فى الموارد البشريه خالص

لان كدة مش هينتج و هو مش حاسس بالرضا كويس

المهم انا بقول كدة بس عشان الناس بتتريق عليا دايما و يقولولى انتى مش عارفه حاجة و مش حاسه بالناس

لكن ماشى دى حاجات صعبه قصادنا و عيوب موجوده

بس احنا لازم نستحمل شويه
و شويه شويه هنتقدم احسن

يعنى صح ابن عمى دة مقبضش لغايت دلوقتى بس كفيه انه بيصورلنا الحاجات اللى عملها و الارض اللى زارعهها بجد شىء جميل اوى
دة انجاز فى حد ذاته لازم يبصله
هو كدة اكتسب خبرات و استخدم طرق حديثه و حاجات كدة فى الزراعه و كدة ممكن يستغلها بعد كدة لوحده حتى و يعمل هو بنفسه حااجت يفيد بيه البلد و يكسب هو من وراها


لوو هنبص بالطريقه دى هنرتاح

صح المشوار طويل و صعب و مليان عقبات

بس احنا لازم نخلينا دايما عندنا يقين ان رزقنا على ربنا و ان احنا بس نسعى و نعمل اللى علينا

نتعب و نشقى و نتوكل على الله طبعا و اكيد هنبقى احسن

بس نصبرررررررر

احنا بجد محتاجين اوى للصبر

لو استحملنا كام سنة صعبين بعدهم ان شاء الله هنتغير و نبقى مرتاحين

بس احنا نستحمل و نصبر و نكافح بجد بكل طاقتنا

و الانسان لو عايز حاجة فيها خير اكيد هيوصللها بس هو يتحرك و يبتدى

اقتباس :

ظروف معيشيه زى الزفت
لا فى اقتصاد ولا سياسه ولا مناخ يسمح للواحد انه يفيد حتى نفسه

مين قال كدة

فكر كويس

الانسان لو عايز يفيد و ويستفيد هيقدر و هيعمل اللى عايزه


بس يخلى عنده مرونه فى التفكير

و دى نقطه ممه اوى للتطوير

منخليش تفكيرنا فى حدود ضيقه و نقول انا بحلم انى اعمل كذا و الظروف مش نافعه فانا مش هعرف اعمل حاجة

لا انا افكر عايز اوصل لكذا ..مش نافع
طب هجرب اوصل لكذا ..مش هينفعنى ..طب كذا طب كذا و هكذا

يعنى مش لازم احط نفسى فى اطار و اقول هو ده يعنى دة يا اما بلاش

يعنى مثلا واحد نفسه يطلع معيد فى الكليه

و بيذاكر و يتعب و يطلع النتيجة وحشه

كل سنه يعمل كدة و تطلع وحشه

مش لازم اقول خلاص حسبى الله و نعم الوكيل دول ظلمة دول وحشين و انا مش نافع فى البلد دى


نفض خاااالص للناس دى حسابهم عند ربنا على ظلمهم
بس اعرف ان ما دام عملت اللى عليك يبقى ربنا كاتبلك شىء معين فيه خير ليك

و خلى تفكيرك مرن و فى نفس الوقت متستسلمش

يعنى يفضل يسعى لاخر لحظه انه يحقق هدفه دة

بس فى نفس الوقت يخليه مرن و يحاول يفكر انه لو دى منفعتش طب انا هجرب اشتغل فى كذا او كذا عشان بحب المجال دة

طب المجالات دى محتاجه لايه و ابدا افكر فيها كويس

يعنى مش لازم احط نفسى جوة اطار معين و اصمم ان هو ده و بس
الشباب مش عارف يفيد نفسه

اقتباس :

ازاى هيفيد غيره


مفيش اهتمام بالشباب




اللى بيشغل مخه ويبتكر

ويخترع


على سبيل المثال

واحد فضل 10 سنين فى بحوث لحد ما اخترع اختراع معين

مش معاه فلوس ينتجه بنفسه
يروح يقدم المشروع يتركن فى الدرج

يا خساره ال10 سنين

مسيره هييجى يوم و هيقدر ينتجه

بس المفروض مش يقدمه لواحد و ينام
ما ه يلف على كل رجال الاعمال و كل المصانع و كل حتة لغايت ما اكيد هيلاقى واحد يموله
او يروح يشتغل فى مجال تانى مؤقتا (المرونه بقى ) لغايت ما يبقى عنده راس ماله و يحقق هدفه دة

و لسه كنت قريت قريب باين كان حيحا منزل موضوع عن بتاع شركة هوندا كان حصلله موقف ذى كدة تقريبا

اقتباس :

الاحباط

الاحباط

ثم الاحباط

ظروفنا اللى زى الزفت هى سبب كل الامشاكل

انا ممكن اكتب كتاب كامل يحسسنا ان الحياه ورديه و جميله و اكتب برضه كتاب كامل عن المساوىء و الظروف الوحشه اللى حوالينا

دة موجود و دة موجود

بس الشطارة انى اشوف الاتنين

اخد الحااجت الحلوة و المزايا اللى ممكن تكون صغيرة بس ممكن اكبرها اوى اوى بتفكيرى و ابتكارى و دماغى المتفتحه المرنة

و الحاجات السيئه قدامى حل من اتنين اما احاول اصلحهها على قد ما اقدر و احاول اخدها فى صفى و احولها لميزة ..او لو مقدرتش يبقى اتلافاها

اقتباس :

فساد


وفوضى


وجو زى الزفت


محتاجين تغيير

اصلاح

صحيان

مش لازم نفضل على كده لازم منسكتش لازم يبقى فى رغبه فعلا اننا نتغير

بص للجانب المشرق برضه

و دة بصله بس بطريقه ايجابيه اننا نصلحهه

اقتباس :

نرجع فى الاخر نقول اننا لازم نبدأ بنفسنا

ايوة كدة

نحل المشاكل دى و نبدا بنفسنا

اقتباس :

طيب خلاص

انا عن نفسى هشوف انا كويس فى ايه
وايه امكانياتى
ايه الللى ممكن اقدمه لغيرى واساعده

وهساعده
وهساعده



مش هلاقى تقدير يبقى هزهق وهبطل اساعد

كنت فرحت بس ليه التشاؤم دة

مين قال ان مش هتلاقى تقدير
ممكن تلاقيه

بس ركز كويس و انت هتلاقيه
كفايه فرحة باباك و مامتك بيك دة اكبر تقدير

اقتباس :

انا مش متشائم والله

بس مش لاقى لسه الحل

هنلاقيه اكيد ان شاء الله كلنا

اقتباس :

الحل اللى ممكن يحصل

ان الناس اللى عاغيزه تغير تتجمع ويشجعوا الناس
لما الاقى مجموعه بيساعدونى غير لما الاقى انا كده مع نفسى
لازم نتحد واللى عايزين يفيدوا يتجمعوا ويشجعوا بعض

ايوووة كدة

هو دة فعلا حل مهم جدا
لان الاتحاد قوة

صح احنا بنبدا بنفسنا

بس مش هبدا بيها انى اقعد اشتغل لوحدى و افضل طول حياتى لوحدى

لا انا اصلحهها و بعدين ابدا اشارك غيرى

شوفوا طب مثلا جمعية رساله دول لما الشباب اتجمعوا عملوا ايه
بجد بجد حاجة جميييله جدااااا انا بغير منهم اوى يا رب اكون ذيهم

لما بجد بنتجمع بنعمل حاجات جامده جداااا


يعنى لو كل 10 من خريجى تجارة اللى مش بيلاقوا شغل اتجمعوا و عملولهم اى مشروع صغير حتى ول و بسيط اوى و كان فى البدايه مش بيجيلهم ربح كتير

بس بالعللللم اللى اتعلموه و يبدأوا يطبقوه على شغلهم و يستخدموا الادارة صح مشروعههم هيكبر

و شوفوا بقى كام مشروع هيتعمل و الدنيا هتتغير

بس احنا لازم بجد نغير اسلوب تفكيرنا

و للاسف انا شخصيا اسسلوب تفكيرى مش عارفه اغيره الى حد ما اوى
مقتنعه بالكلام لكن مثلا هصمم لا عايزة اتخرج اشتغل فى حاجة عاديه مش هقعد ابتكر بقى و كدة

مع ان نفسى بس برضه الثقافه الغبيه فى موضوع الشغل اللى مسيطرة على دماغ ناس كتير بتخلى الانسان مينفذش

احنا فى حاجة لتغيير كتير من معتقداتنا و ثقافات خاطئه كتير عندنا


[quote]

وفى النهايه نقول

كل واحد يساعد بأى حاجه ويحاول يفيد الناس بأى حاجه حتى لو شايفها
تافهه

واى حاجه حاسس انه بيعرف يعملها
يعلمها لغيره اللى مبيعرفش

ومن طرق افاده الغير
ان انت كمان تتعلى عشان تعلم غيرك بعد كده


يعنى ابدأ بأفاده نفسك
وعلم غيرك اللى استفدته


بس[/quote


ربنا يكرمك

فعلا لما هنفيد بعض و نتعاون هنصبح قوة جامدة جدااااا تحقق المستحيل (اللى هو مش موجود )

بمناسبة برضه المستحيل

كان فيه واحد في الندوة اتحدى كلمة (( المستحيل ))

كان جايب مقبول في سنة اولى وتانية وتالتة

وفي سنة رابعة طلع الاول على الدفعة بتاعته


وكان فيه بنت صاحب الندوة حكى عنها برده

انها كانت دايما بتروح ديسكوهات وكافيهات وبتشرب سجاير وكدة

لكن فجأة وهي كانت بتتفرج على الدش سمعت داعية بيتكلم عن حلاوة التوبة الى الله .. وذكر احاديث وايات بتتكلم على التوبة

بتقول لاقيت نفسي بسيب الناس اللي حواليا .. وركبت العربية .. ولاقتني بتوضا مع اني ماكنتش بتوضا قبل كدة .. وبصلى وانا برضة اكنتش بصلي قبل كدة .. وفي السجود فضلت ابكي كتيييييير جداا على كل الايام اللي انا كنت بعيدة فيها عن ربنا

وحياتها اتغيرت تماما دلوقتي .. واتحجبت وبقت بتصلي

لو بصينا على حياة البنت دي قبل كدة .. ممكن ناس نقول ان مستحيل البنت دي تبقى انسانة كويسة

لكنها بارادتها قدرت انها تغير حياتها تماما

الانسان لو عنده الاراده هيحقق المستحيل


كان نفسى اعلق واتكلم وارغى

واعقب على كلام انسه ندى

بس انا داخل انام وبكره ان شاء الله ارد


موضوع جميل ياريت نتفاعل فيه