[
- اقتباس :
- quote="Janna Lover"]بمناسبة برضه المستحيل
كان فيه واحد في الندوة اتحدى كلمة (( المستحيل ))
كان جايب مقبول في سنة اولى وتانية وتالتة
وفي سنة رابعة طلع الاول على الدفعة بتاعته
ما شاء الله
يا رب كل الناس تعمل ذيه
و انا على فكرة السنه اللى فاتت شفت بنت كانت بتسلم على واحده صاحبتى و هى كانت شالت الترم الاول من سنة تانيه 3 مواد يعنى مدبلرة مدبلرة و مع ذلك جابت الترم التانى جيد جدا
سبحان الله بقيت بجد مستغربه جدا دة انا مجبتش جيد جدا الترم التانى ومع انى كنت الاولانى امتياز
فبجد سبحان الله مفيش شىء مستحيل
المهم الانسان يبذل اللى عليه و يتوكل على الله و اكيد هيوصل لهدفه و لو مقدرش يحققه فاكيد دة ابتلاء ليه او خير هو ميعرفوش
و برضه حكاية تانيه المعيد حكاهالنا ان مادة الدكتور كان مجننهم و مش عارفين منظر الامتحان هيبقى ايه لانه كل سنة ليها امتحان و كان بيعتمد على انه يخليهم يدوروا فى مقالات و مجلات و حاجات كدة و الكتاب معليهوش الا 3 درجات بس و هو كان ليلة الامتحان و حاسس انه مش قادر يضمن غير ال 3 درجات و هو فى اخر سنه و راسم انه يكون معيد و سال الدكتور مين اعلى واحد جاب درجة معاك قاله كانت 18
لكن اتصل بواحد صاحبه يشتكيله فقاله قوم صلى ركعتين و اهدى كدة وذاكر
فراح صلى و دعى قال يا رب اعلى درجة جت مع الدكتور دة كانت 18
يا رب مش كبيرة عليك يا رب اجيب انا و صاحبى 20
و يقولنا فعلا جابوا هما الاتني عشرين مع انها كانت 18 الا ان بسبب ان الدرجات كانت وحشه اوى فرفعوا الدفعه درجتين فبقوا عشرين غصب عن حتى الدكتور نفسه
بس هو بيشكر فى الدكتور دة يعنى و فى اسلوب تعليمه
[quote]
وكان فيه بنت صاحب الندوة حكى عنها برده
انها كانت دايما بتروح ديسكوهات وكافيهات وبتشرب سجاير وكدة
لكن فجأة وهي كانت بتتفرج على الدش سمعت داعية بيتكلم عن حلاوة التوبة الى الله .. وذكر احاديث وايات بتتكلم على التوبة
بتقول لاقيت نفسي بسيب الناس اللي حواليا .. وركبت العربية .. ولاقتني بتوضا مع اني ماكنتش بتوضا قبل كدة .. وبصلى وانا برضة اكنتش بصلي قبل كدة .. وفي السجود فضلت ابكي كتيييييير جداا على كل الايام اللي انا كنت بعيدة فيها عن ربنا
وحياتها اتغيرت تماما دلوقتي .. واتحجبت وبقت بتصلي
لو بصينا على حياة البنت دي قبل كدة .. ممكن ناس نقول ان مستحيل البنت دي تبقى انسانة كويسة
لكنها بارادتها قدرت انها تغير حياتها تماما[/quot
[q][/quote
ربنا الهادى
فى ناس فعلا ريبه و تقعد تقول دة كذا دة لا يمكن يبقى كويس
بجد بتضايق منهم اوى لان ربنا ممكن يهدى اى حد
و انا لو بصيا فى التاريخ هنلاقى الصحابه كان منهم قبل ما يسلم اللى بيكره النبى عليه الصلاة و السلام و سيدنا عمر رضى الله عنه كان رايح يقتل النبى صلى الله عليه و سلم لكن سبحان الله ربنا هداهم و بقوا هما الصحااابه رضى الله عنهم احسن ناس يعنى
فبجد لازم نبقى عندنا ثقه ان ربنا كريم و هو الهادى و الرزاق و الفتاح و اطول ما احنا بنحاول نكون كويسين اكيد هيساعدنا
يا رب
سلاااام علييكم و رحمة الله و بركاته