هيا معناها ايه في حياتك

الظلم وجع والم وقهر وصبر
طيب النسيان

سلاح ذو حدين


نعمة في حاجات ، وسكين في عنق الانسان في حالا اخري


السؤال بيقول

نفسه؟

النسيان = راحة

النسيان

احيانا بيكون نعمه

واحيانا نقمه

المشكله كلها اننا ننسى اللى عايزين ننساه.


الحب...

الحب معناها اسمى المعانى الحب امل وقوة وسعادة
الحب بيولد جوانا قوة
ممكن بالقوة دى امم تتحد وتجمع
وكمان حب الام والاب والاخوات والاهل ..................

طيب نفسه

اهم حاجة فى الكون
لازم الناس تحب بعض و تخاف على بعض و تحس ببعض و لازم كل واحد يحب لاخيه ما يحب لنفسه
و الحياه منغير حب متبقاش حياه
و كمان نفس اللى قولتيه يا بسبوسه

اللى بعدى
الود

لازم يكون موجود بينى وبين اى حد بتعامل معاه
والا امل واتخنق منه


نفس السؤال؟؟؟؟؟؟

مش لازم يكون موجود في التعاملات كير بس اسلامنا بيقول لازم يكون في ود في كل اللي بنتعامل معاهم




طيب المجامله

شئ اكيد وجوده بس ما يكونش نفاق


لأن فيه 3 اتجاهات بينهم شعرة

الصدق والمجاملة والنفاق

والتلاتة بيتم توجيهم بالاحساس والمشاعر


اما معني المجاملة في حياتي

شئ عامل زي هدنة

بمعني لو فيه حد شاكك فيه ، ومش عايز اخسره او اقربه مني اوي ، يبقي بأديله المهلة دي وبستخدم المجاملة في الحفاظ علي المعاملة معاه لأكبر فترة ممكنة علشان لما احكم عليه ، يبقي ما ظلمتوش



اللي بعدي

نفسه؟؟

المجامله شىء ضرورى فى التعامل بشرط طبعا ذى ما قلت ما تكونش نفاق و مش معنى انى بجامل انى اكذب ابدااا

بس ممكن واحده تقدملى حاجة اكلها و مش عجبانى لو قلتلها وحشه اعتقد كدة مش اسمى بقول الصدق كدة اسمى قليله الذوق و كدة بجرحهها و اكيد دة شىء غلط
و لو قلتلها جميله جدا تحفة طعمها حلو اوى هبقى بكدب متهيالى و نا مبحبش الكدب حتى لو بسيط

فاحسن حاجة المجامله تكون تسلم ايدك ..ماكدبتش و فى نفس الوقت فرحتها و حسستها ان الحاجة دى حلوة

برضه واحدة جايبه لبس جديد ممكن اقولها ايه الحاجات الجامده دى (جامدة مش شرط تكون عجبانى و فى نفس الوقت هتفرحهها )

فالواحد يحاول ينتقى الالفاظ بس لازم ميجرحش حد ابدا و ميكسفش حد ابداااااااااا

و فى نفس الوقت ميزودهاش و ينافق



اللى بعدى

الرقة

شويه وفى مواقف معينه

نفسه

موجوده في مواقف معينه
ولما بكون وسط ناس اعرفهم
بس

اللي بعدي

رياض الصالحين الكتاب

بصراحه
معرفش عنه حاجه

اللى بعدى نفس السؤال

الكتاب ده معناه اسمه

اللهم اجعلنا من الصالحين

نفسه

كتاب جميل جدا
هو كتاب مليان احاديث متبوبه حسب موضوعاتها
عندى على الكمبيوتر و كنت رافعاه على تصاويصى ابقوا نزلوه حلو اووى النسخه الالكترونيه بتاعته و سهل تدوروا فيه عن حديث عن موضوع معين

اللى بعدى

الانترنت

اهوه اكتر حاجة بتسلينى وبتفيدنى جامد جدا

وبشوف ناس كتير اوى

وبتعلم برده من ناس كتير وبعلم على ناس كتير

هههههههههه

الخطوبة؟

الخطوبة
فرح
فترة يتعرف فيها المخطوبين على بعض اكتر ويدرسوا بعض اكتر وكل واحد يدخل فى حيات التانى ويشوف هيقدر يكمل ولا
طيب النجاح

شئ ابحث عنه

ومش اي بحث

انا ببحث علي اكبر نجاح ممكن ، مش اي نجاح والسلام


والنجاح بالنسبة لي ، اني اقول خلاص ما عنديش حلم ما حققتوش


وطبعا بما اني لسه ما حققتش احلام كتييييييييييييييييييييييير من اللي في دماغي دلوقتي ، والله اعلم بالمستقبل ، يبقي انا معرفش النجاح اللي اقصده حتي الان



اللي بعده

اعتماد الناس عليك؟؟

ثقه من الناس وفضل من الله فى انى اساعد الناس
ويارب اكون قد المسئوليه اللى عليه تجاه الناس

الموبيل

عايزة اشحنه والله
هههههههه

الموبايل مش من هوايتي اني افضل مساكه طول النهار س\واء ارن او ناس ترن

فساعات بقفله لما اكون متلخبطه او مخنوقه

بس استحاله اقفله وانا بره الا لما يفصل شحن





طيب
البيت

البيت يعنى الراحه والامان والاستقرار

نفسه

اجمل ايام حياتى عشتها فيها
واتعلمت فيها حاجات كتيلر واتغيرت فيا حاجات كتير من ساعه مدخلتها

اللى بعدى
الاجازة

احلى كليه بحبها اوى

طيب
اخر يوم فى الجامعه