اذاى تتعامل مع الاصغر منك ( عايزين نألف سوا )

سلام عليكم و رحمة الله و بركاته warda

ايام المذاكرة كان بيقوم فى مخى االف حاجات كدة و جه فى مخى الموضوع دة

ايه هى الحاجات اللى ممكن نعملها عشان نتعامل بطريقة افضل مع اللى اصغر مننا اخواتنا و قرايبنا و جيراننا عشان نخليهم يبقوا افضل ان شاء الله

1- حسسه انه صاحبك .. اخرج معاه و هزر معاه و اتكلم معاه

2- ادرك انك قدوة ليه .. خليه دايما شايفك مثال جيد اوعى تخزل تصوره ليك لان كل واحد بيبقى شايف اخواته الكبار مثلا بجد قوة و حاسس انهم عاقلين و كويسين و نفسه يكون زيهم و دة شىء انا نفسى بحسه

فاوعوا تكسروا نظرتهم العاليه ليكوا

3- خليه يصلى معاك دايما لو انت ولد و بتروح الجامع خده معاك او فى البيت صلوا مع بعض جماعه
و لو بنت خليه يصلى معاكى جماعه
بجد الصلاة بتقرب اوى الناس من بعض لان الواحد بعد الصلاة بيكون رايق و هادى وحاسس انه حابب كل اللى حواليه فاكيد اول واحد هيحبه هو اللى بيصلى معاه

4- استشيره فى امورك و مشاكلك البسيطة بس حسسه انه راية مهم و حاول لو عندك حاجة فيها اختيارين مش مهمين تخليه يختارلك و تاخد باللى قال عليه و تنفذه
هتعلي ثقته بنفسه اوى و هتخليه يحبك اوى

5- لما يكلمك و يناقشك فى اى موضوع اعتبره شخص كبير فى ردك عليه و صغير فى تفهمك لكلامه

يعنى قدر انه صغير بس متبينلوش انك واخده على قد عقله

6-قوله كلمات شكر و اعجاب لما يعمل حاجة كويسه .. بس لو كان مغرور بطبيعته متزودهاش اوى

7- انصحه بس بشويش و اطلب منه النصيحة

8 - اسأله عن مزاياك و عيوبك و ناقشه فيها و قوله احل عيوبى ازاى

بعدين قوله انا هقولك انا كمان مزاياك و عيوبك و تتناقشوا سوا اذاى يصلح عيوبه

و كدة تبقى صلحتهاله بطريقه متضايقهوش و فى نفس الوقت انت ممكن تستفيد من كلامه برضه ليك

9- شوف ايه فى اخواتك اللى اكبر منك او الناس اللى اكبر منك كان نفسك تلاقيه منهم و ملقتهوش و اعملهوله انت عشان ميبقاش هو كمان عايزه و مش لاقيه

10-دلعه برضه طبعااا بس حسب سنه كل ما يكبر يقل الدلع شوية بس معمروش ينعدم لان لاانسان دايما بيكون فى حاجة لحد يدلعه شوية

11- خليك طبعا رحيم بيه و حنين عليه و اهتم جدا بيه

12- ساعده فى مذاكرته و ذاكر معاه شويه

و خليه يساعدك برضه فى مذاكرتك يمليك حاجة مثلا و لا يسمعلك حاجة عشان تحسسه انه مهم

دى شوية حاجات سمعتها و اتعلمتها فقلت اقولهالكوا و طبعا تختلف شوية مع اختلاف السن و الشخصيه

يا ريت تقومولى الموضوع و تضيفوا نصايحكوا برضه للتعامل مع اللى اصغر مننا nono

و سلااااااام عليييكم و رحمة الله و بركاته

كلام جميل اوى يا ندى

بس كفيل عن كل دة جملة واحدة بس

( عامل الناس كمان تحب ان يعاملوك )

اظن سعتها اللى قدامى مهما كان سنة هيبقى ديما مبسوط وهو معايا

تسلم ايدك على الموضوع الجميل دة

كل العيال الصغيره اللى فى الشارع او القرايب بيخافوا منى بطريقه غشيمه
بس بيحبوا يخرجوا معايا و يلعبوا و كل حاجه
ممكن اكون بعمل حاجات من اللى انت قولتيها و ده اللى مخليهم بيحبوا يعملو الحاجات دى معايا بس اللى بيغلط بياخد على دماغه جامد
و مش هنسى اليوم اللى جه فيه عيل جارنا و صحانى من النوم علشان اضرب اخوه

اقتباس :: كلام جميل اوى يا ندى

بس كفيل عن كل دة جملة واحدة بس

( عامل الناس كمان تحب ان يعاملوك )

اظن سعتها اللى قدامى مهما كان سنة هيبقى ديما مبسوط وهو معايا

تسلم ايدك على الموضوع الجميل دة

بالظبط كدة ربنا يكرمك

لو كل واحد عامل الناس ذى ما بيحب يتعامل هيكسب حبهم و احترامهم و هيقدر يكون سبب فى انهم يكونوا احسن

اقتباس :: كل العيال الصغيره اللى فى الشارع او القرايب بيخافوا منى بطريقه غشيمه
بس بيحبوا يخرجوا معايا و يلعبوا و كل حاجه
ممكن اكون بعمل حاجات من اللى انت قولتيها و ده اللى مخليهم بيحبوا يعملو الحاجات دى معايا بس اللى بيغلط بياخد على دماغه جامد
و مش هنسى اليوم اللى جه فيه عيل جارنا و صحانى من النوم علشان اضرب اخوه

يعنى بيخافوا منك بس بيحبوك ؟؟

هو انت بتضربهم يعنى لو حد غلط ؟؟
_________________

موضوع جميل وانا رأيى من رأى السيف المسحور

كلام جميل جدا جدا

بس المشكلة في ان لو الواحد مسئول منه كذا طفل

لو الواحد ما قدرش يعدل بينهم بيأثر جدا في نفسيتهم

وده اللي انا بحاول اتجنبه لما بكون في مكان فيه اطفال

والحمد لله أغلب الاطفال بتحبني

موضوع جميل

اقتباس :: موضوع جميل وانا رأيى من رأى السيف المسحور

ربنا يكرمك

و اكيد كفاية امرالرسول صلى الله عليه و سلم
حب لاخيك ما تحب لنفسك

بس ذى ما تقول امثلة كدة

اقتباس :: كلام جميل جدا جدا

بس المشكلة في ان لو الواحد مسئول منه كذا طفل

لو الواحد ما قدرش يعدل بينهم بيأثر جدا في نفسيتهم

وده اللي انا بحاول اتجنبه لما بكون في مكان فيه اطفال

والحمد لله أغلب الاطفال بتحبني

موضوع جميل

ربنا يكرمك

فعلا بتبقى مشكله اوى لما يكون اكتر من واحد

مش بس فى اللى اصغر و حتى مع الصدقاء اللى فى نفس السن

انا بقى معرفش بيبقى الحل اذاى بالظبط

و كتير بحس بالتقصير

حد عنده حل بقى

حاولي تعدلي

بس الاهم في الاصغر

خصوصا لو اقل من 7 سنين

لأن دي فترة تكوين الشخصية زي ما بيقول ابراهيم الفقي

ده الاخ بيغير من اخوه وامه حامل فيه

اها بيخافوا منى و بيحبونى
اه بضربهم بس مش فى كل حاجه يعنى الضرب ده لما ايه يعمل حاجه جامده اووى يشتم حد او اى حاجه جامده يعنى
بس فى الغالب ده ميلعبش لما يغلط وده محدش يكلمه شويه حاجات كده

موضوع جميل يا ندى
وبجد انا اكتشفت ان الواحد ممن يلاقى فى شخص اصغر منه صاحب مميز
جداااااااااااااااااااااااااا

انا فى الموضوع ده بحاول اعمل اللى بحب ن اللى اكبر منى بيعملوه معايا
يعنى انا مثلا ببقى مبسوط لما حد اكبر منى زى اصحاب عمى 29 سنه
بيعملوه معايا زى مثلا انهم يشركون فى حاجه هما بيعملوها ويشجعونى
ويحسوان انه كويس جدا بلنسبه انى اصغر منهم
وانا اليومين دول
فى ولد صغير ناقل من حلوان
هو فى 3 اعدادى
جه يلعب معانا عشان كنا ناقصين واحد
هو بيلعب كويس اوى ومهارى بس بطىء سنه ومش بيلعب بقوه
لذلك محمد صاحبى كان بيزعقله كتير
لكن انا بصراحه كنت معجب بلعبه اوى
لانه لما هيبقى فى سننا هيبقى احسن مننا كمان
لذلك كنت بقولله حلوه اوى وعمال اشجعه وقلتله متخفش والعب لعبك العادى
وملكش دعوه بأى حد من اللى بيزعقولك
ومخلتش حد يزعقله وقلتلهم كده كده احنا ناقصين يبقى محدش يكلمه احنا اصلا لو خج هنحتاس

والله بجد بعد ما اتطمن ومحدش بقى يزعقله بقى مبسو اوى وبقى يلعب احسن وبحماس اكبر وبقينا نشجعه

بعدها بقى ييجى يلعب معانا علطول

وكمان خرج معانا واتكلمت معاه
هو حبنى اوى
وبقينا ندرش مع بعض

بجد لفقيت ان دماغه عاليه
تفكيره ناضج يعنى
واخدت رأيه فى حاجه بجد كان احسن رأى اتقاللى

وعلى فكره احنا بقينا اصحاب اوى

بجد احنا لازم نحسسهم بكيانم وانهم لهم شخصيه ممكن تكون اقوى من شخصيتنا
المهم اننا نحترم اراءهم ونفكر فيها
ونتعامل معاهم على انهم كبار

ده بجد قد ما هيفيبدهم على قد ما كمان هيفيدنا احنا

وانا اسف

لانى
رغاااااااااااااااااااااااااااااااااااااااااااى

بس الوضوع جامد
وده رأيى فيه

!vampire! كتب:: اها بيخافوا منى و بيحبونى
اه بضربهم بس مش فى كل حاجه يعنى الضرب ده لما ايه يعمل حاجه جامده اووى يشتم حد او اى حاجه جامده يعنى
بس فى الغالب ده ميلعبش لما يغلط وده محدش يكلمه شويه حاجات كده

حلوة اوى الفكرة بتاعت الطريقه التانيه

انك تحسسه بتانيب الضمير و انه غلط

عمرو خالد كان بيقول ان نظرة عتاب ممكن تبقى اقوى من اى ضرب

و و الله الموضوع دة بجد فعلا و اكيد كل واحد فينا جربهها انه مثلا يكون غلط و بس مثلا والده او والدته او حد كبير يعنى بصله انه متضايق كدة و سكت بيبقى حاسس بالخجل بجد من نفسه و مبيكررهاش تانى

لكن الضرب بجد بعد فترة الطفل بيتعود و خلاص يبقى بيتضرب عادى و لا يهمه و يعمل الغلطة و يقول علقة تفوت و لا حد يموت و الكلام دة

فبجد طريقة حلوة اوى اللى انت بتعملها التانية دى

و ربنا يخليهم دايما يحبوك و يحترموك

ربنا يوفقك Very Happy

سلاااااااام علييييكم و رحمة الله و بركاته

Kotamya2008 كتب:: موضوع جميل يا ندى
وبجد انا اكتشفت ان الواحد ممن يلاقى فى شخص اصغر منه صاحب مميز
جداااااااااااااااااااااااااا

انا فى الموضوع ده بحاول اعمل اللى بحب ن اللى اكبر منى بيعملوه معايا
يعنى انا مثلا ببقى مبسوط لما حد اكبر منى زى اصحاب عمى 29 سنه
بيعملوه معايا زى مثلا انهم يشركون فى حاجه هما بيعملوها ويشجعونى
ويحسوان انه كويس جدا بلنسبه انى اصغر منهم
وانا اليومين دول
فى ولد صغير ناقل من حلوان
هو فى 3 اعدادى
جه يلعب معانا عشان كنا ناقصين واحد
هو بيلعب كويس اوى ومهارى بس بطىء سنه ومش بيلعب بقوه
لذلك محمد صاحبى كان بيزعقله كتير
لكن انا بصراحه كنت معجب بلعبه اوى
لانه لما هيبقى فى سننا هيبقى احسن مننا كمان
لذلك كنت بقولله حلوه اوى وعمال اشجعه وقلتله متخفش والعب لعبك العادى
وملكش دعوه بأى حد من اللى بيزعقولك
ومخلتش حد يزعقله وقلتلهم كده كده احنا ناقصين يبقى محدش يكلمه احنا اصلا لو خج هنحتاس

والله بجد بعد ما اتطمن ومحدش بقى يزعقله بقى مبسو اوى وبقى يلعب احسن وبحماس اكبر وبقينا نشجعه

بعدها بقى ييجى يلعب معانا علطول

وكمان خرج معانا واتكلمت معاه
هو حبنى اوى
وبقينا ندرش مع بعض

بجد لفقيت ان دماغه عاليه
تفكيره ناضج يعنى
واخدت رأيه فى حاجه بجد كان احسن رأى اتقاللى

وعلى فكره احنا بقينا اصحاب اوى

بجد احنا لازم نحسسهم بكيانم وانهم لهم شخصيه ممكن تكون اقوى من شخصيتنا
المهم اننا نحترم اراءهم ونفكر فيها
ونتعامل معاهم على انهم كبار

ده بجد قد ما هيفيبدهم على قد ما كمان هيفيدنا احنا

وانا اسف

لانى
رغاااااااااااااااااااااااااااااااااااااااااااى

بس الوضوع جامد
وده رأيى فيه

ميرسى ربنا يكرمك

و الموضوع بقى حلو بمشاركتك التحفففففففه دى

ربنا يكرمك و يوفقك دايما

جميل اوى اللى انت عملته مع الولد دة ربنا يجازيك عنه كل خير

و ادعيلى اقدر اعمل كدة مع اخويا اللى نفس السن تقريبا هو رايح تالته اعدادى برضه و بجرب معاه

الحمد لله اتحسنت علاقتنا ببعض شوية

هو زمان كنا اصحاب جدااااااا

بس من ساعة ما دخل المدرسة بقى ابتدى يبقى عايز يلعب مع ولاد و بس و حتى اخته اللى هى انا بقى ريب معايا و بعد عني و زاد اكتر لما دخل اعدادى

بس الحمد لله دلوقتى عشان بقيت اهتم بكلامه و اراءه و اسئله عن الحاجات اللى بيفهم فيها و لما الاقى الناس نفضت لمناقشته مثلا اكمل انا معاه الحمد لله الحمد لله بقينا نرجع نبقى احسن تانى

يا رب نرجع اصحاب خالص زى زمان

Yaso كتب:: حاولي تعدلي

بس الاهم في الاصغر

خصوصا لو اقل من 7 سنين

لأن دي فترة تكوين الشخصية زي ما بيقول ابراهيم الفقي

ده الاخ بيغير من اخوه وامه حامل فيه

يا رب اقدر على كدة

انا فى بنتين بقول لماما بيحسسونى انى لا يمكن هنفع فى تربيه ابدا بسبب غيرة الصغيرة بقى من الكبيرة

هما 8 و 9 سنين تقريبا الصغيرة بتغييير جدااا و عايزة الاهتمام بيها هى بس

بحس انى بتعب معاهم Crying or Very sad

يا رب اعرف اعمل حكاية العدل دى

موضوع جميل اوي يا ندي و نصايح بجد اكتر من رائعه و فعلا الواحد علي قد ما يقدر لازم يلتزم بالنصايح دي في تعامله مع اللي اصغر منه
و فعلا زي ما قال مصطفي برضه زي ما تحب تتعامل عامل الاصغر منك
بس انا شايف حاجه برضه ان الواحد يخلي باله من نصايحه للاصغر منه كويس جدا و يكون بيطبقها صح , مثلا لو بينصح بحاجه و هو ما بيطبقهاش في حياته مش هايبقي محل ثقه من الاخرين فدي برضه بتبقي حاجه مفيده للكبير اكتر من الصغير لانها بتحتم عليه انه يغير الحاجه دي في نفسه علشان تبقي موجوده في الاصغر منه سنا

ربنا يكرمك

و فعلااا عندك حق

لازم يكون بيعمل ذى ما بيعلمه عشان يبقى قدوة ليه

و بجد لما واحد صغير يكون شايف قصاده واحد كبير و بيقتدي بيه و يلاقيه مش قدوة بيتصدم جدااا و ممكن دة ياثر عليه اثر مش حلو

موضوع جمييييل جداا

فعلا اما بنتكلم معاهم ونقرب منهم ممكن نغير فيهم حاجات كتير ونحببهم في حاجات كويسة

بس بيبقى فيه مشكلة لو اتكلمت معاه كتير شوية لدرجة انه عرف طريقة تفكيرك وبقى اما تكلمه مايجبش نتيجة زي الاول .. تعمل ايه ؟؟

يبقى الطفل دة ذكى و جااامد و لاززم استغل ذكاءه دة كويس

و بما انه ذكى و فهمنى كويس يبقى ممكن اعامله فعلا انه مش طفل خالص لانه عقليته كبيرة

و اعتبره صديق ليا

بس برضه اخد بالى انه طفل و اكيد هيبقاله حركات عيال برضه

متهيالى دة رايي

مش عارفه كدة صح و لا لأ

هى بتفرق حسب السن ممكن برضه

انا مثلا بقيت احس ان اخويا اكبر منى ساعات لانه برضه يعتبر كبير

فمش عارفه لو طفل هيبقى ايه نظامه

هو مش طفل قوي يعني

بس عشان لسة فاكره وهو صغير فحاسس انه مابيكبرش بس هو بيكبر طبعا

وفي نفس الوقت بيفضل صغير في نظري

انا بيت اتعامل معاه كدة بردة انه مش طفل وواحد كبير وساعات بعامله انه طفل برده عشان ماينساش

اه فلا بتبقى مشكله ان اى حد كبير بيبقى شايف الل اصغر منه دايما صغنتوت حتى لو حس ساعات انه كبر بسس بيفضل من جواه حاسس انه صغير و لسه طفل لغايت ا بيكبر حتى

انا بسمع ان حتى الامهات بيبقوا مهما كبروا ولادهم حاسين انهم لسه صغيرين و يخافوا عليهم اوى و كدة

طب انا عايزة اسال سؤال لو حد برضه يعرف اجابته
هما الولاد فى سن 14 سنه بيحبوا الناس تعاملهم اذاى
هل كراجل بقى و لا بررضه بيحتاج لشوية دلع لانه لسه برضه مش كبير اوى

على ماافتكر كدة كنت في اولى ثانوي تقريبا كانت الحياة مختلفة تماما عن اعدادي

يعني احسن حاجة احاول اقرب منه واشوف مشاكله واحاول احلها معاه واديله شوية من خبرتي

برضه مش هيبقى راجل كبير قوي يعني بس ممكن اديله مسئوليات صغيرة الاول ولو قدر عليها اديله مسئوليات اكبر هيبقى مبسوط قوي

يعنى احسسه انه راجل و بعتمد عليه بس منساش نفسى يعنى و اعتبره فعلا كبير و احمله باكبر من طاقته

صح كدة ؟؟

و ميرسى اوى ليك ربنا يكرمك

تمام

هو ده اللي اقصده

طب لو كانت بنت في نفس السن تقريبا تتعامل كطفلة ولا كواحدة كبيرة احسن ؟؟

14 لا متهيالى كنا فاكرين نفسنا كبار بقى برضه

بس هى البنت فى اى سن لازم صح لو هى كبيرة تتعامل على انها بتفهم و تحترم عقليتها لكن جنب دة اساسى فى اى سن لازم تتعامل كطفله تتدلع و كدة يعنى

دة حسب اللى اعرفهم و انا يعنى بحب ان الناس تعاملنى انى بفهم و تحترم عقليتى بس برضه مفيش بنت الناس يعاملها بقسوة مثلا عشان كبرت لا هى بنت ببرضه و الرسول صلى الله عليه و سلم قال رفقا بالقوارير

فعلا الحديث ده احسن حاجة تنفع للموضوع ده عشان هو اللي هيحله فعلا

اعتقد كمان ان لو اخ بيشد على اخته هتشد عليه هي كمان ويتخانقوا مع بعض وكدة

انما لو عاملها بالراحة من الاول هتعامله هي كمان كويس

الموضوع ده من اوله جميل جدااااااااااااااااا
وكل الاراء اللى اكتبت فيه عجبانى خالص

بالنسبه للولد الى بيشد على اخته فدى بتكون حاجه رخمه جدااا
لما يكون الولد اصغر من اخته وكل حاجه يقارن نفسه بيها ويقول اشمعنى هى ؟ وهى احسن منى فى ايه؟
مش قادر يفهم انها اكبر منه وفى فروق بنهم كتيره
وبرده فى مشكله لما بيكون فى طفل بتحبيه اووووى
وهو واخد عليكى بس فرق السن بينكم كبير لما بيدا يكبر ما يتقبلش حكايه انه يبقى فى لقب قبل الاسم من ناحيه الاحترام
وحتى لو وافق وقالها اول ما تحصل مشكله مثلا بينك وبينه
يقوم يقولك باسمك من غير لقب قبله كانه بيشتمك يعنى.

» صفات البشر وكيف تتعامل معهم
» تتصرف اذاى ممكن تساعدونى بارائكوا
» عايزين نصوم 13 و 14 و 15 مع بعض
» عايزين نخرج يا بنانيت
» عايزين نرتقى بالمنتدى