اذاى تتعامل مع الاصغر منك ( عايزين نألف سوا )

هو بصى يا فوفه انا مش عارفه دة صح و لا غلط بس مبحبش حد حتى الان يقولى بلقب

دة انا لما واحدة معاها ابنها سنتين مثلا و تقوله عليا بلقب بتضايق جدا مع انى ممكن بقول لناس فرق السن ما بينى و بينهم اقل بلقب

بس مش عارفه يمكن انا مستعيلة برضه شوية

بس فى نفس الوقت بحب الاحترام يعنى محبش طقل صغير يشتمنى مش بس عشانى انا عشان يكون شخص محترم فى حياته كلها لان لازم المسلم يحترم الكبير و يعطف على الصغير


و بتضايق جدا من ظاهرة ممكن تكونوا لاحظتوها

ان اليومين دول الناس تلاقيه ابنه الصغير يشتمه و هو مثلا سنتين كدة يضحك و ياخدها بهزار

المشكله الولد دة بيكبر واخد على شتيمه باباه و مامته فما بالكم بقى بالناس التانيين هيضرب المدرسين اعتقدد
فالاحترام لازم و اساسى لاى انسان


اما حكاية الاخوات انهم يشدوا على اخواتهم فطبعا مش حلو و بتسبب نوع من العداوة بينهم

بس برضه الولد لازم ياخد باله من اخته و يشد عليها اذا الموضوع احتاج لدة ضرورى

يعنى مثلا لو اخته لبسها وحش لازم يقولها بس باسلوب لطيف يقولها انا ولد و عارف ان فى ناس مش كويسين و هيضايقوكى و انتى اكيد عايزة ترضى ربنا و كلام هادى كدة و يحسسها انه بيحبها مش بس بيتحكم فيها

و متهيالي الاخ يعتبر مسئول برضه عن اخته بس مش متاكدة بس اعتقد كدة لان فى حديث مش فاكراه اوى للاسف
الرسول بيقول على الديوث و قال اللى هو لا يغار على اهل بيته و متهيالى اخته تبقى اهل بيته و دة باين بيبقى ملعون اعوذ بالله حاجة ذى كدة


و بجد البنت بتبقى مبسوطة من دة اوى لما تحس ان اخوها راجل وخايف عليها و بيغير عليها

بس المهم اسلوبه برضه يكون برفق

فعلا لازم برده مايبقاش سايب اخته خالص وماياخدش باله منها خصوصا في موضوع اللبس بالذات

يعني يكون وسط ولا متشدد في كل حاجة وفي نفس الوقت مايبقاش سايب كل حاجة

على فكرة الديوث ده من ضمن الناس التي لا تشم رائحة الجنة ( ولعياذ بالله ) ربنا يحفظنا منهم

اعوذ بالله

و دة اللى اقصده بالظبط ميكونش متساهل معاها و لا يكون شديد و يزهقها على الفاضى لا فى ناس بيبقى عندها حب التحكم و بس


طب الناس اللى بيبقوا ممكن بقى العكس بيكبر فى السن بس مستصغر نفسه
دول متعرفوش الحل معاهم ايه عشان يبقوا عايشين فى سنهم هما دايما

بصى انا بكلم على فى المستقبل يعنى لما تكبرى الموفرض الصغير يحترم فرق السن
ويعرف انكم معنتوش صغيرين ,يعنى هو معادش طفل وانتى معنتيش بنوته صغنتته لازم يكون فى احترام
وانا عن نفسى زيك برده
بس ساعات لما بنت عمى بتقولى يا ابله فداء لانى اكبر منها ب11سنه
ساعات بفرح واحس انى بقيت كبيره وساعات بضايق انها بتكبرنى
والفرق مش كبير قوى

هو بصى انا بالنسبالى انا لو واحدة اكبر مني بلغايت 10 سنين كدة بقولها باسمها عادى
من 10 ل 15 كدة ببقى مش عارفه اقولهم ايه غالبا لم بصادف واحده كدة بقولها حضرتك و بس
اكتر من كدة بقى لما احس ان واحده قدامى كبيرة وكدة طنط بقى طبعا

مبعرفش بقى اقول للى هما فى التلاتينات دول ايه بح ان طنط كبيرة عليهم و عيب طبعا اندهلهم باسماءهم

ودة للى معرفهمش من وانا طفلة اللى اعرفهم من وانا طفلة بقولهم بالقاب عادى

على فكرة الموضوع دة مشكلة كبيرة اوى عندى فى الالقاب دي


دى حاجه حلوه اوووووووووى
واحده صحبتى بتقولى نفسى اعرف امتى هحس انك انسه كبيره مش طفله
مع انى والله عقلى مش عقل اطفال

اعرف واحدة ذيك اسمها ندى

كل ده صح ومحدش يقدر يقول حاجه تانيه
بي انا كانقصى لما يكون الولد اصغر من اخته
وزى ما بيقولوه يعمل عقله لعقلها وطول النهار خناق لانه عايز يكون زيها فى كل حاجه زى ما هى بتخرج هو يخرج وزياده حتى لو كان فى وقت مذاكرته وعز دراسته وهى عندها اجازه مثلا
ساعتها بيكون الاخ ده صعب جداااااااااااا

اه اه فاهمه قصدك

انا طول عمرى كان نفسى ييكون عندى اخ اكبر منى ويكون حنين عليا وتكون كل اسرارى معاه

دول حنينين حنية

هو اينعم كان مبهدلنى زمان معرفش ليه العدوان اللى كان عامله عليا دة

بس برضه حنين بصراحة

بس هما بيبقوا اصحاب بس مش ذى صحبتك البنت برضه

بس الحمد لله ما دام ربنا ما رزقنيش باخ اكبر منى ده
جايز كان يطلع رخم ومسيطر ومتحكم
انا كده كويسه وانا الكبيره

اه فعلا كان ممكن كدة انا اعرف ناس فعلا اخواتهم صعبين اوى اوى ميعرفوش اذاى يتعاملوا مع بنات

هو انا برضه بقول الجمله دى لاخويا دايما انه مبيعرفش اذاى يتعامل مع البنات عشان لازم يعاملهم برقة بس اهه بزعل شوية لما يعمل حاجة تضايقنى و بعدين بلاقى انه هو طيب اساسا و بيحبنى فبنسى بقى
و هو بيبقى عارف انه زعلنى و يقعد يضحكنى و اضحك انا على طول

مش عارفة ايه العبط دة المفروض اتصالح بشوكلاته على الاقل

اكيد
جزاك الله خيرا على المناقشه الحلوه دى

صح انتى المفروض ما تسبيش حقك ابداااااااااااااااااااااااااااا
يا نودى
لازم لازم يصلحك بشيكولاته وعلى الاقل تكون جالكسى كمان

انا بس بهدى النفوس بينك وبين اخوكى
انت قولتى انه حنين
لازم الحنيه تبان بالشيكولاته
هههههههههههههههههههههههه

لا انا عايزاها كادبورى

بس بعمل ريجيم اليومين دول مش هينفع بقى

مرسى يا فوفه ياللى جاية تهدى النفوس انتى

احنا مسافرين اساسا و هو لوحده دلوقتى

يا رب يجيلنا بقى


سلاااااام عليييكم و رحمة الله و بركاته