ياريت كله يشارك

السلام عليكم ورحمه الله
عندى اقتراح كده وعايزكم تشاركونى فى الموضوع ده
عايزين نعرف ايه توقعات كل واحد منكم من ساحه التنميه البشريه بمعنى هو عايز ايه من الساحه دى ومنتظر ايه من التنميه البشريه بشكل عام
وايه هيا المشاكل الى بتواجهكوا والمواضيع الى ممكن نتناولها من خلال التنميه البشريه ؟
ياريت كلللللللللللله يشارك لان المواضيع هتنزل بناء على مساهمتكوا

انا نفسي يكون فيها كل اسبوع موضوع نتناقش فيه جديد كل واحد يقول خبراته و القصص اللى عارفها و اللى يعرفه عن الموضوع دة

بحيث نستفيد من خبرات و حياة بعضنا كلنا

و كمان الانسان لما بيتناقش في شىء بيتشجع انه يعمله

و كمان دة هيخلي عندنا خبرة اكبر بالاتصالات مع البشرر من خلال اننا هنتعلم عملى المناقشة و الحوار


----------
دة مبدئيا اول حاجة اتمنى اشوفها فى الساحة

و ان شاء الله افكر و ابقى اقولكوا اييه تانى

و بجد حلو اوى الشغل دة

سلااااام عليييكم و رحمة الله و بركاته

فكره كويسه يا ريس

هو انا كنت عايز موضوع ينزل عن مهارات التفاوض و الاساليب المبتكره في العمليه دي
فيا ريت اللي عنده افاده ممكن يقدمها بس تكون اساليب منها ابتكاريه اكتر

شكرا على الرد
ايه يا جماعه انتو فيييين
عايزيين مساهمات اكتر

طيب انا عايزة كمان يبقى فى واجب عملى كل اسبوع تحطوهولنا نعمله بحيث نحسن نفسنا

ما شاء الله
موضوع جميل إنكوا تعرفوا الأعضاء محتاجين إيه عشان تقدموا المواضيع الصح (شغل جامد)
أنا عايز مواضيع فيها فكره أو بيوصلك فيها المعلومه أو الإفاده عن طريق موقف عملي أو الإيحاء
زي موضوع فنجان قهوه وأولويات حياتك ده كان تحفه بصراحه

مش هينفع كده يا جدعان قليل برده
فين باقى الاعضاء

يعني لحد دلوقتي المطلوب

مناقشات اكتر

وموضوع عن التفاوض بطريقة جديدة

وواجب عملي اسبوعي

وموضوعات عملية اكتر



هل من مزيد ؟؟

بالنسبة لسؤال الثقة بالنفس ... اجابته محيرة شوية لان دايما بتكون الحيرة في ان الانسان يكون دايما واثق من نفسه وفي ده احتمال ان بعض الناس تفتكره مغرور ، او يقلل من نفسه شوية عشان مايعؤرضش للموقف ده او مايثقش فيها الثقة الكاملة لنفس السبب .. فتكون النتيجة انه يحس انه مش واخد حقه في حياته او مش في المكانه اللي يستاهلها

انا اما فكرت في الموضوع ده لاقيت ان الاحسن يكون واثق من نفسة عشان يحقق انجاز وتقدم في حياته ، انما لو قلل من نفسه مش هيحقق انجاز او هيكون اقل .. في نفس الوقت يحاول انه يساعد اللي حواليه انهم يبقوا احسن ويشجعهم ويطلب منهم التشجيع برده عشان مايتحطش في موقف انه يتقال عليه مغرور


بالنسبة للمهارات ... فيه محاضرة كدة انا حضرتها كانت بتتكلم عن الموضوع ده بتقول ان فيه أربع انواع من المهارات عند الانسان :

1- يعرفها عن نفسه والناس عارفاها عنه : ودي بتكون انه بينها قدام الناس قبل كدة وهما عارفين انها عنده .. عشان كدة بيخلوه يتولى مسئولية الحاجات اللي محتاجة المهارة دي

2- يعرفها عن نفسه بس الناس ماتعرفهاش عنه : ودي محتاج الانسان فيها انه يبينها للناس

3- الناس تعرفها عنه وهما مايعرفهاش عن نفسه : ودي محتاج انه يسأل فيها الناس القريبة منه عنها

4- مايعرفهاش عن نفسه والناس ماتعرفهاش عنه : ودي بقى المهارات الخفية داخل الانسان اللي محتاجة انه يخرجها .. ودي عشان تطلع محتاجة من الانسان انه يجرب حاجات جديدة ماعملهاش قبل كدة .. يقرا ، يشارك في انشطة مختلفة عشان يظهر بيها المهارات دي .. وطبعا يحاول يطورها بعد مايكتشفها

يااااااااااااااه اخيراااااااااااااااااااااا حد رد عليا وعبرنى

انا بصراحه كنت فقدت الامل انى حد يرد

لدرجه انى مصممه اعرف الاجابات بالتفصيل واستفيد عمليا كمان

فقررت انى احد دوره تنميه بشريه

وهبدا قريب ان شاء الله

ادعولى بقى يا جماعه وربنا يوفقنا جميعا فى حياتنا

جزاك الله خيرا على ردك انا استفد منه وعرفت حاجات جديده عليا

آسفين للتاخير في الرد


بس الحمد لله ان كسبنا عضوة جديدة في التنمية البشرية

حصل خير المهم ان حد رد ..

والرد كان جميل كمان ,

ربنا يكرمك عليه ..

والله اسف بجد لو مشفتش المساهمه
عموما الجوهرى قام بالواجب

انا عندى بقى مشكله اكتشفتها قريب وهيا انى كمحاضر اكتشفت انى فاشل وخصوصا قدام الاعداد الكبيره يعنى طلعت كده عملت برسنتيشن قدام حوالى 50 واحد ودى كانت اول مره اطلع قدام عدد كبيره كده مع انى كنت محضر كويس الا ان كان ادائى زى الزفت يالا الحمد لله

فانا دلوقت بقى شغال على نفسى فى الموضوع ده وبمرن نفسى وياريت لو حد عنده حاجه تساعدنى ينزلها

اهي تجربة برده والواحد مابيتعلمش ببلاش

المهم فيه طريقة انا جربتها قبل كدة ونفعت الحمد لله ، هي انك تبقى محدد هتتكلم فيه وخللي ليه 3 كلمات مثلا تفتح لك الموضوع وتقول كل كلمة في بداية الكلام وتكمل من عندك بقى

لو لاقيتلك حاجة بتتكلم في الموضوع ده هنزلها لك على طول

دى سهله جداا مادام انت فى قسم ادارة ..ذلك القسم الذى يشجع كل الناس و يخليهم يحسنوا من قدراتهم

فخليك انت اللى تلخص المحاضرة المرة الجاية و تقوم تشرحهها (فى محاضرات دكتور اشرف )

و فعلا على راي الدكتور لما هنغلط و احنا وسط اخواتنا و زمايلنا مفهاش مشكله و هتديك تدريب و تعرف نقط ضعفك ..

انا كل مرة اقول نفسي اقوله انا اللى هشرح المرة الجاية بس الشجاعه لسه مش عندى
مع انى بقعد اتخيل كلمحاضرة انى ممكن اشرحهها ازاى ..بس برضه خايفة للاسف الشديد

فحاول انت بقى و حتى الكوميرساويين يتشهروا كدة

دة غير كمان حكاية ان دكتور اشرف بيجيب شغل للناس اللى بتلفت انتباهه فيمكن الموضوع دة ييجي فى صالحك ان شاء الله


و كمان المرة اللى انت جربتها دى نفسها اكيد هتفيدك جدااا

لان دايما الواحد اول مرة يعمل اى حاجة بيبقى اداءه اقل من المرات اللى بعد كدة لانه بيبقى عرف شوية من جوانب ضعفه و بيحاول المرة الجاية يغيرها

-------------

و فى فكرة تانيه هى مجانينى شووية بس ممكنتنفع

اقف قدام المرايه و اقعد اتكلم و حاضر براحتك ..ممكن تتشجع شوية بالذات و انت شايف نفسك و تعبيرات وشك و متخيل انك مكان اللى بيسمعوك

او برضه طريقة ممكن تعملها( برضه مجانيني شوية ) هتنفعك فى المذاكرة كمان مش بس فى تنميه المهارة دى

انك دايما ذاكر على انك بتشرح لحد و تخيل قصادك ناس بتشرحلهم ..هتحس انك اولاهتتمرن شوية على انك تحاضر و كمان المذاكرة هتلاقيها لذيذة

و ربنا يوفقك

بس بجد جرب حكاية دكتور اشرف متهيالى اكتر حاجة ممكن تشجع لان العدد كبير فهتبقى جربت تجربه فعليه كويسه جدا ليك ان شاء الله

سلااااااااام عليكم و رحمة الله و بركاته

محمود الجوهرى كتب:

اهي تجربة برده والواحد مابيتعلمش ببلاش

المهم فيه طريقة انا جربتها قبل كدة ونفعت الحمد لله ، هي انك تبقى محدد هتتكلم فيه وخللي ليه 3 كلمات مثلا تفتح لك الموضوع وتقول كل كلمة في بداية الكلام وتكمل من عندك بقى

لو لاقيتلك حاجة بتتكلم في الموضوع ده هنزلها لك على طول

ممنوع استخدام اكتر من عضوية

لوتحب ترجع اسمك تانى مفيش مشكلة

مع تحيات المشرف العام ل commerce2009 (و اللى بيخالف بنفسه القوانين )

انا كنت بفكر نفسي بالعضوية دي بس

ربنا يكرمكوا
هحاول اطبق الى ذكرتوه ان شاء الله
ولو ان موضوع الطلوع ده وتلخيص المحاضره مرعب شويه وخصوصا ان العدد كبير نسبيا بس ليه لأ ممكن ؟

ايوة ممكن و سهل ان شاء الله

باذن الله نستنى تلخيصك المرة اللى جاية

[ندعوك للتسجيل في المنتدى أو التعريف بنفسك لمعاينة هذا الرابط]

حاسة ان الموضوع دة ينفع يكون فى الساحة دى

ممكن فعلا .. بس شايف انه هناك احسن !!


رايكوا ايه ؟؟

لا لا ..انا بهزر بس ..اصلى و انا بقراه حسيت انه قريب من التنمية البشرية

خليه هناك حتى عامل منظر بدل ما الساحة فاضية

اوك .. مافيش مشكلة

هو جامد جدا على فكرة

م قولنا بلاش تنمية بشرية دي ... دي معناها الزيادة السكانية
لكن إسمها إدارة الموارد البشرية يعني التحكم في المورد البشري اللي هو الناس أزاي نديرهم زي م بندير الآلات .. زي إدارة الذات كدة والحاجات دي .. ممكن يبقى إسمها تنمية الموارد البشرية برضه لكن مش دقيقة أوي
يعني إزاي الموارد البشرية تبقى أحسن وأنمى بدل م تبقى نقمة تبقى نعمة
والحمد لله في العالم كله نعمة .. إلا عندنا
مسمينها مشكلة الزيادة السكانية
أكيد مشكلة لما حد يخلف 8 ولا 12 بس برضه مش هيقتلهم يعني .. بس ولاده دول المفروض يخلفوا بالكتير 2 أو 3 ... وال 8 ولا 12 دول يتوظفوا صح ويستفاد منهم صح
لكن المشكلة من الطرفين الحكومة اللي مش عارفة تستخدم الكنز اللي قدرته الهند والصين و غيرها وحابسين نفسنا في 10% من البلد ومن الشعب اللي مش حاسس بالحكاية
معلش لو دخلت في حاجة تانية ... أنا مكنتش بركز في المصطلح لكن بقيت بركز في الكلام علشان مش عايز حد يغلط حد .. فأحسن نكون عارفين الحاجة صح دايماً أول م نعرفها
جزاكم الله خيراً