قول 10 صفات نادرة فيك ؟؟

سلام عليكم و رحمة الله و بركاته

هى فكرة كدة طلعت فى دماغى مرة واحدة و انا بلعب اسال اللى بعدك سؤال ..بس قلت هعملها فى موضوع علشان نتناقش اكتر و هى ان كل واحد هيدخل يقوللنا 10 حاجات (او اكتر لو عنده ) ..يكونوا بيميزوه عن غيره

يعني صفاته النادرة اللى مش موجودين عند اغلب الناس


و اللى هيفيدنا من دة ..اننا نبقى عارفين ايه بجد مميزاتنا اللى صعب تبقى موجوده عند غيرنا

و دة اكيد هيفيدنا فى شغلنا ان شاء الله .. لاننا هنبقى عارفين احنا اللى بنقدر نعمل ايه و نتخصص فيه اكتر

يعني ممكن بعد ما كل واحد يقول الحاجات اللى عنده احنا نكتشف سوا انه ينفع لشغلانه معينة مثلا ..هيبقى اكيد متميز فيها لان محدش عنده الصفات دى كتير

او على الاقل نعرف ممكن نستفيد من الصفه دى فى ايه

المهم يلا جاوبوا و بعدين نتناقش ان شاء الله

سلااااااااام عليييكم و رحمة الله و بركاته

هفكر وراجع تانى
بس فكره حلوه
المشكله انت عايزه صفات نادره وكمان عشره
بس هحاول
مع انى مش شايف ان عندى صفات نادره اوى يعنى
بس هدور يمكن الاقى

وحلوه افكارك
بس المنتدى ليه نايم

موضوع جميل


بس اجابته صعبة اوووووووووووي


وأصل انا لو حبيت أجاوب عليه يبقي فيه حاجات كتير كانت عندي في الماضي


لكن للأسف يمكن مش موجودة دلوقتي



لي عودة

حد يبدأ بالتشجيع

الجرأة بحد كبير
والصراحة برده
والبساطة
واستاذة علم النفيس قالتلي إني عندي الحاسة السادسة

بس كده هم دول تقريبا كل مميزاتي

هما مش عشرة اه
بس اهي شوبة مميزات

إيه ده بجد ؟ أنا كنت هكتب كلام كتييييير أوي مش صفات كتير لكن كنت هشرحها و أوضحها وخدت موضوع كامل
وفعلاً خير الكلام ما قل ودل
بعدين هبقى أظبط الكلام وأقصره شوية بقى .. أنا مش لوحدي بلاش أنانية

لكن بجد موضوع جميل أوي وربنا يكرمك .. جزاكِ الله به خيراً وبكل ما سيكتب به .. حتى نتعلم جميعاً من أخطائنا

موضوع حلو قوي وان شاء الله اجي اكتب فيه لما اجمع العشرة مع لبعض

انا هأقول صفة كل شوية

الاولي دي انا شاكك في كونها صفة


اناهأقولها والناس تحكم


الا وهي اني بحلم احلام غالبا ما تتحقق

والاهم انها بتبقي احلام قومية غالبا


ربنا يستر

كوتامية :.. حمد الله على السلامة ..و مستنيين اجابتك ان شاء الله ..و المنتدى كدة يعتبر بدأ يصحصح ..بسهو اكيد نايم عشان ناس كتير فيه نايمة

-----------------------------------------------------
مصطفى :

اقتباس :

الجرأة بحد كبير

يعني هل تقدر مثلا تتكلم قدام عدد كبير واوى و متتكسفش و لا تتلخبط ؟؟..و هل لو حد ناقشك تقدر ترد عليه بطلاقة ؟؟ ..و هل مثلا تقدر تقف تقنع حد بحاجة و تبقى حاسس انك مش خايف ؟؟

(انا مش فى محضر.. بس بستفسر اكتر بس عشان ممكن اساعدك ..لانها صفه صعبه اليومين دول شوية )

اقتباس :

والصراحة برده والبساطة

تمام ..لو اتاكدنا من الصفه الاولى ممكن اقترح عليك حاجات معينة ..هو انا مش خبرة اوى يعني ..بسانا ممكن اقترح و وغيري يقترح فتوصل مننا لحاجة حلوة باذن الله ..و اهم من كل دة تشوف انت حاسس فى نفسك ايه

اقتباس :

واستاذة علم النفيس قالتلي إني عندي الحاسة السادسة

و ما هى الحاسة السادسة ..؟؟
و حاول تدور على بقيت ال10 ..ممكن حتى لو انت شايفهم عيوب بس عندك انت بس قولهم ..ممكن يكونوا ليهم فايدة ..انت جواك ملايين الحاجات اللى تميزك عن غيرك .. دور كويس بس

حتى لو كان اسمك ..فهوو بيميزك عن غيرك ..و فى ناس بتتشهر بسبب اسمها
--------------------------------------------
حنظلة : ارغى برااااااااحتك ..انا قلت 10 او اكتر ..دة انا بس قلتها كحدادنى

و مستنيين الرغى ان شاء الله

------------------------------------------------
زمزم :مستنياكي يا حبيبتى

----------------------------------------------------

هشام : مستنيين بقيت الصفات ,.بس الصفه الاولى مش متفهماها اوى ..يعني احلام و انت نايم و بتتحقق ..و لا ييجي فى مخك حلم معين نفسك تحققه و تلاقيه اتحقق ..؟؟

الاتنين

بس الاكتر وانا نايم

ما شاء الله ..بتشوف رؤى يعني مش مجرد احلام

طب دة شىء حلو ممكن يفيدك اوى

يعني لما تحس انك شفت رؤية حاول تستغل الفرصه اللى عرفت عنها بقى ..بس طبعا مع الوضع فى اعتبارك انه ممكن يكون حلم مش رؤية (اللى اعرفه ان الحلم من الشيطان لكن الرؤية ربنا بيوريك حاجة بجد هتحصل او حصلت )

زى مثلا سيدنا يوسف لما فسر رؤية الملك قاللهم هتمر عليكوا سنين فيها كذا و سنين فيها كذا و دى تعملوا فيها ايه و دى ايه و دى ايه


تخطط على اساس رؤيتك بقى اللى الحمد لله ربنا انعم عليك بيها

بس مش عارفه بقى الواحد يفرق بين الرؤية و الحلم ازاى

على ما سمعت إن الروية وقتها بيكون في وقت العصر والفجر قرب الأوقات دي والله أعلم
لكن فعلاً موضوع الأحلام ده بيحصل ... حاجة شبه الحاسة السادسة اللي عند مصطفى كدة بس بطريقة تانية
م هو كلمة الحاسة السادسة إنه عنده كل الحواس الخمسة المعروفة اللي عندنا
زيادة إنه ممكن يكون عنده ميزة إضافية بيسموها الحاسة السادسة ... زي حد بيشوف اللي بيحصل في أفلامه قبل م تحصل أو حد بيعرف يفكر في اللي بيفكر فيه الناس .. وكل الحاجات دي تندرج تحت علم إسمه الباراسيكولوجي أو علم القدرات الخاصة أو الخارقة بتختلف صوره وتختلف معايير استخدامه ... حتى في أفلام تنتاولت الحاجات دي على سبيل الكوميديا وفيف بجد
زي فيلم النهاردة كدة ... فيمل إسمه Phenomenon يعني الظاهرة أو حادثة نادرة الحدوث بتاع جون ترافولتا جاي على MBC MAX كويس أنا مشوفتوش كنت عايز أشوفه بيتكلم عن واحد لقى عنده موهبة أو حاجة غريبة إنه بيحرك الأشياء بمجرد التفكير أو إنه يجذب الأشياء البعيدة عنه حاجة كدة ... طبعاً هو مش بالطريقة اللي هي لأن الفيلم مش أد كدة لكن يوصل الفكرة برضه

الاول موضوع الرؤي اقولك نصيحه لو عندك موضوع ده مبيتقالش لانه هبه من الله
وتانيا الحلم او رويا دي حسب
في حالتين
الاولي انك تحلم بشيئ قبل حدوثه
تانيه ده بيبقي اشارة من الله لطريقة تصرفك في شيئ معين

وفي كلتا الحالتين دي نعمه كبيرة قوي من ربنا لازم نحافظ عليها بالكتمان

بس الاهم ان واحد يفصل بين احلام عقل باطل وحلم اللي ليه معني
ومش يعتقد بالاحلام انها هتحصل يعني بيتفسر الحلم بعد تحقيقه يعني حلمت اني انجح ويارب انجح بس مش هقول نجحت غير بعد وقوعه وكده


وليا عودة ان شاء الله

اولا هو الموضوع فكرته جديده بس صعبه اوى

وخصوصا انه ممكن يودى بالنفس للغرور والنفوس ضعيفه والشيطان ما بيصدق

بس هو فكرته جديده والحلو اللى فيها ان ممكن لما حد يفكر فى الموضوع بينه وبين نفسه

يلاقى عنده صفه مكنش يعرف انها موجوده سواء كانت سلبيه او ايجابيه

وبالنسبه لموضوع الاحلام ففى ناس فعلا بتحلم والاحلام بتتحقق

ومنهم امى, الحلم اللى بتحلمه ما شاء الله لازم يتحقق والمشكله بقى ان اكتر احلامه دمار

اما حد هيومت اما هتحصل مشكله اما تتنبىء بحاجه

وساعات ربنا بيفتح عليها وتحلم بحاجات حلوه زى بنت عمتى

هتتجوز وبعدها على طول سبحان الله اتجوزت

وبتحلم بحاجات كتير ودى حاجه طبيعيه عندنا فى العيله عل فكره ..

وبالنسبه لموضوع الحواس الخمسه فالانسان عنده 11 حاسه مش خمسه

واحنا درسنا فى علم النفس ان الانسان عنده الحواس الاتيه :

الحواس التقليديه :البصر ,السمع ,التذوق ,الشم .
حاسه اللمس :التلامس, الضغط , الحراره ,البروده ,الالم .
الحاستان الجسميتان :الاحساس بالحركه والاحساس بالتوازن .

بس ..
اه بمناسبه الجرأه اللى اتكلمتى عليها يا ندى مع مصطفى

انا قبل كده وقفت عل المسرح قدام ناااااااااااااااس كتير اوى

اكتر من الف طبعا ومثلت وكنت فى تالته اعدادى

والاء كانت معايا فى نفس المسرحيه وكانت فى اولى اعدادى

كده ابقى جرييئه بس كانت ركبى بتخبط فى بعضها وكان الجو تلج التلج التلج

فانا اكيد ركبى كانت بتخبط من البرد مش من الخوف صح ولا ايه ؟

هي طبعاً فكرة رائعة ... لكن صفات نادرة يعني إيه؟ ليها علاقة بالشغل ولا علاقة بالشخصية .. أظن موضوع الشخصية دي صعبة أوي لأن مش حلو إن حد يتكلم عن نفسه غالباً محدش بيشوف في نفسه حاجة وحشة وممكن يشوف مفيش فيه أي حاجة حلوة أصلاً (زيي كدة) ... لكن ممكن يكون حد يقدر يوصف حد تاني ..برضه مش هتكون مفيدة زي م حد عارف نفسه
المهم هقول اللي هقدر عليه ويارب يطلعوا كويسين

إذا اعتبرنا الرغي مش صفة نادرة .. يبقى أقدر أقول أول حاجة

الصدق ... مش بحب اللي يكدب بالذات عليا أنا شخصياً أو فيما يتعلق بيا حتى لو بيخبي عليا علشان ميضايقنيش برضه دي حاجة بتضايقني .. وبحاول بكل ما يمكن إني مكدبش .. حتى لو حصل إيه؟ الحاجات اللي ممكن مقدرش ألاقي حل غير إني أكدب بتكون مش مضرة لحد لكن أنا اللي ممكن أتضر لما يتعرف إني كدبت ... بس آخر موقف كنت عايز أخبي على واحد صاحبي حاجة علشان ميزعلش بس مرضتش وجت من عنده هو لما صارحته فالحمد لله ولا حصل مشاكل ولا كذبت
الصدق منجاةٌ

الرد على ندى :-

يعني
هل تقدر مثلا تتكلم قدام عدد كبير واوى و متتكسفش و لا تتلخبط ؟؟

قدام عدد كبير :- زي مثلا أنا خطيب في المسجد والناس كلها بتبص عليا
أو بمثل في مسرح والناس بتص عليا .. هو لو أنا خطيب في مسجد مش هبقى جرئ ومش هتكسف ولا حاجة لأن ده اللي انا بتمناه اني القي ولو خطبة واحدة في مسجد ما ( لما أحفظ نصف القرآن إن شاء الله )

أما المسرح فهبقى عندي رهبة لكن هكتمها جوايا ومش هبينها

..و هل لو
حد ناقشك تقدر ترد عليه بطلاقة ؟؟
اه ده لو المناقشة عن حاجة عندي معلومات فيها
.و هل مثلا تقدر تقف تقنع حد بحاجة و
تبقى حاسس انك مش خايف ؟؟
اه عادي


ندى :- وماهي الحاسة السادسة ؟
هي التوقع بالحدث قبل حدوثه او التوقع بشئ او موقف قبل حدوثه

والحمد لله على النعم اللي أنعم علينا وعليا بيها

وفي صفة تانية فيا وهي عدم إنتقاض الأخرين

حنظلة (المشاركة الاولى ):هو انا سمعت برضه الكلام عن اوقات الرؤية دى و كدة بس بعدين سمعت انها عادى فى اى وقت و اى ظروف
--------------------------------------------------------
زمزم : هو انا مش عارفه انتى قصدك انه ميقولش انه عنده الموضوع دة و لا ميحكيش احلامه لحد
هو لو على ان حد يحكي رؤية خير ..فدة مفهوش حاجة ..اما الكوابيس و الحاجات الوحشة متتحكيش

--------------------------------------------------------

فداء : هو بصى الناس بتفرق معاها ..فى ناس فاكرين ان معندهمش مميزات ..فبنحاول نكتشفهها سوا ..و فى ناس مغرورة و فاكرة ان عندها حاجات مش عند اى حد غيرها ابدا و كتير و ان مفيش حد احسن منهم

انا فى الموضوع دة اقصد اننا كتير بقا على منتدانا ما يدل على اننا بنبص لنفسنا بسلبية شوية ..او معتقدين انن منقدرش على حااجت كتير ..فانا قلت نحاول نكتشف سوا الحاجات الكويسة فينا فيبقى عندنا ايجابة تجاه نفسنا
اما لو حد فاكر نفسه احسن واحد ممكن نكشفه و نعرفه الحقيقة المرة

و ميرسى يا قمر على الحواس ال 11 ..لا احنا كنا بناخد فى الفلسفه بقى ان الحاسة السادسة هى الحاسة الخلقية (الضمير )

و حكاية الخوف دى..انا يا بنتى على قد حالى ..انتى فاكرة نفسك بتكلمى ابراهيم الفقى و لا ايه ..انا بتناقش معاكوا بس ..دة انا حتى لسه مقولتش صفاتى
----------------------------------------------------

تابعونا

اقتباس :

[quote="hanzala"]هي طبعاً فكرة رائعة ... لكن صفات نادرة يعني إيه؟ ليها علاقة بالشغل ولا علاقة بالشخصية .

اى حاجة عموما ..عشان نشوف نستفيد منها ازاى
ممكن نكون مش واخدين بالنا من مميزاتنا

اقتباس :

. أظن موضوع الشخصية دي صعبة أوي لأن مش حلو إن حد يتكلم عن نفسه غالباً محدش بيشوف في نفسه حاجة وحشة وممكن يشوف مفيش فيه أي حاجة حلوة أصلاً (زيي كدة) ...

اه صح ..ليه كدة..دايما تقول انا شيطان و انا وحش ..دة كله كلام هيحبطك و غلط تقوله على نفسك

اكيييد انت فيك حاجات كتير كويسه ..حاول تاخد بالك منها وتنميها

اقتباس :

لكن ممكن يكون حد يقدر يوصف حد تاني ..برضه مش هتكون مفيدة زي م حد عارف نفسه
المهم هقول اللي هقدر عليه ويارب يطلعوا كويسين

إذا اعتبرنا الرغي مش صفة نادرة .. يبقى أقدر أقول أول حاجة

الرغى ممكن يكون ايجابى بالذات لو مدعم بالثقافه و عدم الخجل

لان ممكن يساعد فى الكتابة مثلا او الاعلام او الخطابة فى الناس

فى ناس مبتعرفش اصلا تتكلم ..فمتقدرش تعمل الكلام دة

اقتباس :

الصدق ... مش بحب اللي يكدب بالذات عليا أنا شخصياً أو فيما يتعلق بيا حتى لو بيخبي عليا علشان ميضايقنيش برضه دي حاجة بتضايقني .. وبحاول بكل ما يمكن إني مكدبش .. حتى لو حصل إيه؟ الحاجات اللي ممكن مقدرش ألاقي حل غير إني أكدب بتكون مش مضرة لحد لكن أنا اللي ممكن أتضر لما يتعرف إني كدبت ... بس آخر موقف كنت عايز أخبي على واحد صاحبي حاجة علشان ميزعلش بس مرضتش وجت من عنده هو لما صارحته فالحمد لله ولا حصل مشاكل ولا كذبت
الصدق منجاةٌ

فعلا الصدق منجاة ..و الصدق من اهم الصفاات اللى تخخلى الانسان يكسب غيره ..و اكيد دى تخلى الناس تثق فيكو فى التعامل معاك ..فبكدة هتاقيها بتحسن اتصالاتك بغيرك فممكن تفيدك فى كل شىء ان شاء الله

-----------------------------------------------------------------------

مصطفى بقى :
-----------

بص بصفاتك دى حلوة اوى ما شاء الله و انت اللى قلت بنفسك انك ممكن تشتغل فى ايه و تبقى بتاخد ثواب كبير


انت ممكن بكدة تشتغل فى حاجة فيها عموما تعليم او نصح للناس

بس اكيد بس يبقى ناقصلك زيادة معلومات

يعني مثلا ممكن تدخل حاجة فيها دراسة للعلم الشرعى و تدرس كويس و تقرا كتير و تسمع برامج دينيه كتير و فقهية و تبقى خطيب فى جماع مثلا فعلا
او ممكن تدرس اى علم و تدرسه و تعلمه للناس بعد كدة ..تبقى مدرس فى اى مجال تحبه مثلا
دة طبعا مجرد اقتراحات على حسب ما انا ما فهمت

سلاااااااااام عليييييييكم و رحمة الله و بركاته

كتيييييير اوى عشره
طيب مممممممم
ممكن مثلا
ملتزم بمواعيدى ودى حاجه نادره اليومين دول
نادرا لما بيطلع انطباعى المبدأى عن الى قدامى غلط يعنى نوعا ما بقدر افهم الى قدامى
بحب اسمع الى حوليا اوى واسمع ارائهم ووجهات نظرهم حتى لو كنت مختلف معاهم

ندى : شكراً على الرد .. و مستنين بعض من صفاتك الكويسة إن شاء الله

زمزم : أظن قصدها إن الواحد ميتباهاش بحكاية الحاسة اللي عنده دي سواء كانت أحلام قابلة للتحقيق أو توقع مستقبلي يعني قبل الوقت أو أياً كان ... الكلام ده كله علم على فكرة مش تخريف لكن فيه فروق ما بين الناس اللي بتتعلم ده واللي عندهم ده من الأول .. لكن عموماً مينفعش نتغر ونتباهى بيها علشان زي م ربنا ادهالنا ممكن يمنعها ... وربنا يهدينا جميعاً للخير يارب

مصطفى: مستني أحضرلك أول خطبة إن شاء الله و ممكن تدرس في جامعة الأزهر أو أي حاجة ليها علاقة بالشريعة لكن لو عايز تدرس حاجة تانية مفيش أي مشاكل الدين لازم الواحد يتفقه فيه أياً كانت دراسته وربنا يوفقك

مش عارف يا زمزم الصراحة



اصل فعلا الحاجات دي فيه ناس بتقول بلاش الواحد يتكلم فيها


وفيه ناس وانا منهم بقول ان عادي يعني ، طالما انا مش بتباهي بيها ولا حاجة

الحاسة السابعة شغال يا هشام على فكرة على قناة الحياة

الحاسة دي لو حقيقة


تبقي مالهاش حل

على فكرة دي بجد ... إنك تقدر تقرأ أفكار اللي قدامك وتعرف بيفكر في إيه؟ ... كانوا بيستخدموها في الحرب العالمية بس مش متأكد الأولى ولا التانية
بس طبعاً مش بطريقة what women want ولا الحاسة السابعة الهزلية دي .. ده علم

عشر صفات مرة واحدة

و كمان نادرة!!

اممممممممممممممممم

السؤال دة صعب اوى

دة مش بعيد الواحد بعد ما يجاوب على السؤال دة يجيلوا اكتأب

لانة مش بعيد ميلاقيش صفات نادرة فى نفسة

طب نقول مثلا خفة الدم و استخدام الادلة و البراهين فى الاثباتات وقوة الملاحظة واية تانى اية تانى؟؟

امممممممممم

مش لاقى

طب لو حد يعرف عنى حاجة تانى يقول ميتكسفش :lol:

اه التأليس ما بتصدق تلاقى حاجه علشان تألس عليها