قول 10 صفات نادرة فيك ؟؟

ههههههههههههههههههههههههه

بس دى متبقاش صفة نادرة

دى ممكن تخش تحت بند العيوب

صفة نادرة يعنى بيمشى على الحيط مثلا

بيقرا افكار اللى قدامة

انا سعات بقرأ افكار اللى قدامى و بحس باللى هيعملة قبل ما يعملة

و سعات باللى هيقولة قبل ما يقولة

بس المشكلة انها مش ديما بيبقى صح

و برضو مش ببقى كدة مع اى حد

لازم ابقى حاطو ا فى دماغى و مركز معاة

مش عارف بقى تعتبر ميزة ولا دى حاجة عادية عند اى حد

[quote="مصطفى"]الرد على ندى :-


قدام عدد كبير :- زي مثلا أنا خطيب في المسجد والناس كلها بتبص عليا
أو بمثل في مسرح والناس بتص عليا .. هو لو أنا خطيب في مسجد مش هبقى جرئ ومش هتكسف ولا حاجة لأن ده اللي انا بتمناه اني القي ولو خطبة واحدة في مسجد ما ( لما أحفظ نصف القرآن إن شاء الله )


ما شاء الله عليك ربنا يهديك ويثبتك يارب

بس دايما افتكر ان لازم تكون بتتعلم على ايد شيخ

القراه بس لالالالالالالالالالالالالالا

لازم تتعلم على ايد شيخ يا مصطفى لان ده علم شرعى مختلف عن اى علم

واى حاجه ايا كانت صغيره اسال فيها اهل ثقه

وما تتردش ابدا فى السؤال

واوع يا مصطفى تكون ممن كان شيخه كتاب

لانه بجد بيبقى عنده اخطاء كتيره ومعاملات خطا وبلاوى

وربنا معاك ويوفقك باذن الله

..

لا بتعتبر ميزه وانا بعتبرها ذكاء اجتماعى

لانها عندى والحمد لله

وبتبقى اكتر مع اصحابى لانى اتعاملت معاهم

ومع الناس عامه افهم كل انسان ايه طباعه وافهم اسلوبه فاعرف

ايه هى ردود فعله على الامور نتيجه فهم اللى بيحبه واللى بيكرهه

وحتى عل النت ممكن علشان كلمت حد كتير افهم شخصيته من غير

مااشوفه خالص
زى ما بيحصل معايا انا وندى كده

اهو

اشهدوا يا ناس

يعنى مش انا لوحدى

بس انا اعتقد دى ليها علاقة بمواليد شهر 6

لأ معلش مواليد شهر 2 ليهم برضه في الحكاية دي ... أنا صحيح مشوفتش لحد دلوقتي حد من شهر 2 ليه في الموضوع ده ... لكن مفيش مشاكل

مش قصدي تباهي علي فكرة فعلا
نعمه دي بالذات متتقلش خالص

تبقي بينك وبين الناس القريبين قوي قوي

الرد على ندى :-



بص بصفاتك دى
حلوة اوى ما شاء الله و انت اللى قلت بنفسك انك ممكن تشتغل فى ايه و تبقى بتاخد
ثواب كبير


انت ممكن بكدة تشتغل فى حاجة فيها
عموما تعليم او نصح للناس

بس اكيد بس يبقى ناقصلك زيادة
معلومات

يعني مثلا ممكن تدخل حاجة فيها دراسة للعلم الشرعى و تدرس كويس و تقرا كتير
و تسمع برامج دينيه كتير و
فقهية و تبقى خطيب فى جماع مثلا فعلا
او ممكن تدرس اى علم و تدرسه و
تعلمه للناس بعد كدة ..تبقى مدرس فى اى مجال تحبه مثلا
دة طبعا مجرد اقتراحات على حسب ما
انا ما فهمت


وجهة نظرك صح



والمشكلة تكمن في المعلومات ..لأنها تاخد وقت كتير لحد ما أبقى مثقف في الدين

أما العلوم الاخرى ف أنا هتخصص في الكمبيوتر إن شاء الله وهتبقى المهمة أسهل من التعمق في الدين



وربنا يوفقنا جميعا


الرد على فداء

ما شاء الله عليك ربنا يهديك ويثبتك يارب

بس دايما
افتكر ان لازم تكون بتتعلم على ايد شيخ


القراه بس
لالالالالالالالالالالالالالا


لازم تتعلم
على ايد شيخ يا مصطفى لان ده علم شرعى مختلف عن اى علم

واى حاجه
ايا كانت صغيره اسال فيها اهل ثقه


وما تتردش
ابدا فى السؤال

واوع يا
مصطفى تكون ممن كان شيخه كتاب


لانه بجد
بيبقى عنده اخطاء كتيره ومعاملات خطا وبلاوى


وربنا معاك
ويوفقك باذن الله


كلام صحيح

واكيد لازم شيخ لأنه هو اللي عارف اكتر مني بكتير

وربنا معاكي اني كمان ويوفقك

ربنا يوفقك يا مصطفى

طب ممكن قول كمان صفة ... والله أنا مش بدورعلى صفات مثالية .. لكن أزعم إني بحاول أعمل بيها زي
الحق ... مختلف شوية عن الصدق .. أو على الأقل عندي .. لأني بحب الدقة جداً .. أحب أن أعطي كل ذي حق حقه .. ولا أخجل من هذا لكن لو فعلت ما يستحق ان ينسب لي يضايقني إن لم يحدث .. و إن لم ينسب لأحد غيري ما فعله يساورني نفس الشعور
يعني خلاصة بضايق لما حد ينسب ليه حاجة مش بتاعته أو يتقال على حد كويس وهو وحش (حتى لو كان أنا) .. والأكتر لما يتقال على حد كويس وحش

ما هى فعلا حاجه تضايق

انا برضه حقانيه فى الحق وابدا ما احبش اقول كلام حلو عن حد وحش لو اتسالت عنه ,,

ولا اتكلم وحش عن حد حلو حتى لو كنت ما بحبهوش بس دى بتبقى كلمه حق ولازم تقال ..

ومبدا عامل الناس بمثل ما تحب ان يعاملوك مبدا راااااااائع بس عند الفعل مش بالكلام بس

الموضوع خالق حالة لذيذة من النقاش



فهمت كلامك يا زمزم ، ربنا يكرمك وانا فعلا منفذ الموضوع ده

الا لما قولت في الموضوع هنا



وعايز اقول صفة كمان فيا يمكن نادرة


اني سهل اكون لينك مع اي حد ، واقدر اخلق بيني وبينه من اول تعامل روابط خفية بتظهرله هو مع الايام

وما حدش هيفهم الموضوع ده الا اللي اتعاملوا معايا

الموضوع جميل ياندى , وفكرته جديدة

بــــــس 10 مميزين دول كتييييير ,

هفكر فيهم و لى عودة ان شاء الله

الموضوع ده جامد على فكرة

جزاكى الله خيرا يا ندى

بس صعب الواحد يحكم على نفسه عن طريق الكلام

يعنى انا الحمد لله صفاتى كتير وده زى كل الناس مش مميز يعنى وكلنا كده

ولكن كل واحد فينا فيه صفة او اتنين مميزينه فى حدود الناس اللى يعرفها

علشان اكيد فيه حد تانى فى مكان ما بيتمتع بنفس الصفة وكذا واحد

واللى اكيد هايحكم على الحاجات النادرة اللى موجودة فيا الناس اللى موجودة معايا

واللى بتتعامل معايا وتعرفتى بدرجة كافية لتحكم عليا

بس الموضوع جميل

انا ازل مارزحت البيت قعدت افكر فى سؤالك وطلعت صفات كده بس مش فاكر منها خحاجه
ودى فى حد زاتها من صفاتى الوحشه
انا بنسى كتيييير اوى معرفش ليه الحمد لله برده
بس من ضمن اللى انا فاكره
انا الحمد لله بحس ان عندى شجاعه فى مواقف معينه ممكن غيرى يجيله شلل فى التفكير فيها لخوفه وده بيكون بتوفيق ربنا الحمد لله وبييهدينى ربنا للتصرف السليم
زالصفه دى كزا صاحب قالهالى عشان كده انا بقوللها
والله مش قصدى التفاخر مانا تصرفى بيكون زفت فى مواقف كتييييييير بس فى المواقف اللى محتاجه مخاطره وقلب جامد الحمد لله بخاطر وبتعدى وعلطزل والدى بيهزقنى بسبب كده ويقوللى يبنى انت مش خايف على نفسك


من ضمن الصفات برده انى ممكن اضحك فى مواقف تستدعى انى اعيط فيها

فبضحك عشان امسك دموعى وعيب ان الراجل يعيط فبضحك عشان معيطش

وهفتكر الباقى واجى تانى

انا عارف ان الصفه الاولى فيها شىء من الفخر بس والله مش قصدى انا عارف ان عندى صفات وحشه كتير انا عارفها عن نفسى

علي فكرة مش تفاخر ان واحد يقول مميزاته لان كلنا عنده عيييييييييييييييوب كتير بس لو واحد عد عيوبه هيحس انه شخصيه وحشه قوي قوي وهتتاثر كل حاجه اراده واصرااره ونجاحه حتي
فساعات انا بعملها مع نفسي اني ابص علي مميزاته عشان اعدي ساعات الاحباط وساعات واحد بيحس بفشل
بس متوصلش للغرور ده مهم

وانا عندي موضوع شجاعه ده شويه بس مش عارفه بيجي من غير تفكير وقت مفكر في موقف بعد كده استحاله اني اقف كده
وحسيت ده قوي لما عملت حادثه مكنتش اتوقع اني اقدر اقف
اي نعم قعدت اعيط بعد ما فوقت من حادثه دي وقعدو يهدوني بس بعديها بكاام ساعه في مستشفي
وفي كمان حاجه بس بحس انها غلط بس ماما بتقولي ده كويس جدا
اني مهما اللي قدامي زعلني او عصبني بسامحه لا وكمان ممكن اروح افتح موضوع معاه عشان اسامحه
عشان محسش ان في حد زعلانه منه او زعلان مني
طبعا اخواتي بستغلو ده بالسلب ويعملو حاجات بتعصبني وعارفين اني هزعل شويه وخلاص وده بيضايقني قوي
بس ماما بتقولي دايما تسامح ده نعمه تشكري ربنا عليها
فالحمد الله
علي كل حاجه يااااارب

المميزات اللى بتميز الانسان بتكون بتاعته هو واكيد هى بتخصه على فكرة

فلما تكون المميزات ديه قدامه فى كل المواقف اللى بتمر عليه هايحس انه قادر على مواجهة المواقف ديه

بس برده الموضوع ده ممكن الواحد بيقول ميزة فيه وهو فاكر انه بيعمل كده وفى الحقيقة بيعمل العكس

المميزات وتقييم الانسان بيجى من الاخرين

وساعات بيبقى الانسان محتاج انه يقيم نفسه فى شىء معين هو محتاج ياخد قرار فردى فيه

وجهة نظر

فعلا

ويارب تكون وصلت

بس مش شرط صح

زمزم : ربنا يكرمك على الصفة اللي عندك دي و تفضلي علطول تسامحي لأنها فعلاً نعمة
أنا بحاول أنفذها لكن أحياناً بيكون الأمور بتوصل لدرجة مينفعش مسامحة خالص .. مش لدرجة الانتقام .. لكن على الأقل الصمت ممكن

وأنا بتفق معاك يا بروفيسور في موضوع إن الحكم الصح أو غالباً بيجي من برة ... مش مُستورد يعني .. لكن من الآخرين لأنه بيبقى أصدق وبعيد عن الغرور أو الرياء أو التكبر
لكن حذار من المجاملين .. اصدق الناس هما اللي يقولولك عيوب .. أكيد مش عيوب بس .. و ميبدؤوش بيها يعني زي م قال دكتور هشام البحيري عندنا النهاردة .. لكن برضه يبقى زي م قال سيدنا عمر بن الخطاب رضي الله عنه (خيركم من أهدى إليَّ عيوبي)
ربنا يكرمكم

قال سيدنا عمر بن الخطاب رضي الله عنه (خيركم من أهدى إليَّ عيوبي)
ربنا يكرمكم
_________________
ربنا يكرمك انا كنت بدور الجمله دي بقالي كتييييييييييير
ربنا يكرمك

للأمانة فيها لفظ تاني .. (رحم الله امرءاً أهدى إليَّ عيوبي) .. حتى لا نُقَوِّل على أحد
بس ه ولا قرآن ولا حديث .. فاللفظ مش شرط أوي .. بس برضه
ربنا يكرمك
اللهم اهدنا إلى صراطك المستقيم

صعب اووى
10 صفات و نادره
كل مره بدخل الموضوع و مش لاقلى صفه واحده نادره
كلها عند ناس تانيه اعرفهم بس بدرجات متفاوته و مش عارف اسال حد على صفاتى اللى ممكن يعتبرها نادره
صعب اووووووووووووووى