فهمتونى غلط^-^

هههههههههههههههههههه

كل دة

انتى عاملة انقلاب ولا اية

على العموم هما ديما بيحبوا يشتغلوا فى السر كدة

رغم انى مش عارف لية

و فى ناس بيتفقوا مع بعضيهم انهم هيدوهم وسام

و فى ناس بيدوهم وسام فجأة كدة من غير لا احم ولا دستور

اما من حيث الاحتفال بينا

فأنا افضل انى اخد فلوسى كاش

اقتباس :

انتى عاملة انقلاب ولا اية

ايووون انقلاب

ضد الديكتاتوريه وانا احتج

يا سلام .. طب ما انا متعمليش احتفال و لا حاجة ..

و مش كفاية ان الاوسمة شكلها وحش و انا مبعرفش احط وسام ايه فبحطلكوا زي اللى اتحطلى (هو انا مين اللى كان حطهولى )

بس فرندس لقيتله وسام مناسب اوى ليه الحمد لله


و هو طبعااا كان يستاهله من زمان جدااا بس انا للاسف كنت بنسى

و انتى يا ستى برضه من اهم اعضاءنا و كنتى تستاهليه من زمان

ماك و محمود طبعا كانوا يستاهلوه من زمان بس خدوهم على اعمال جامدة بجد اتعملت فكانت النتيجة اللى وراها ان لازم ياخدوا اقل حاجة وسام شكر عليها

ماك قدر يجذب دكتورة معانا و الحمد لله و حاول ينزل الماتريال اللى هى بتشرح منها
و محمود عامل شغل جاامد جداا لادارة المنتدى ..ان شاء الله يتم اعلانه قريب

و فى ناس كتير و الله تستاهل كل تقدير

بجد كل واحد بيشارك و يفيدنا دة بيضيف لينا كتييييييييييير اوى اوى
انا بجد نفسي اشكركوا لانى اتعلمت كتيييييييير اوى اوى منكوا (كلكوا كل الكوميرساويين ).ربنا يكرمكوا

و يا رب نفضل متجمعين دايما على الخييير

و يكون دايما كوميرس نقطةاتصالنا ببعض

سلام علييييييييكم و رحمة الله و بركاته

عندك حق يا فداء


كان فيه تقصير جامد


بس ده دور الناس اللي بتحب كوميرس


لازم تنبه


ربنا يكرمك

الله الله ... إيه الحاجات دي؟
مبروك لكل الناس ... رغم إني عارف إني مفروض أقول مبارك .. لكن مش بحب الكلمة دي
المهم كويس ... وبعدين شغل الثورجية ده شكلوا بينفع زي م فداء عملت
حلو أوي وسام القاتل المحترف ده يا فريندز
قصدي المشرف .... ربنا يكرمك وانت تستاهل أكتر من كدة بكتير بالذات علشان موضوع (أكيد هتغلط ده)
لأ طبعاً قصدي تستاهل الخير

على فكرة فرندس مش بس مواضيع جامدة
دة بجد منغيره لمنتدى يضيع و يبقى متخخلف و كئيب
كل الشغل بتاع استايل المنتدى و الوانه و اللعب اللى برة و الراديو (هو للاسف احنا اللى مساعدناهوش فيه ) و اللنك بتاع النتيجة اللى كان على البوابة و كلللللل الشغل التكنيكال اللى فى المنتدى هو تعبه و مجهوده بجد بجد ربنا يكرمه
و لسه امبارح انقذنا من حاجة كانت ممكن تسبب كارثة و المنتدى كله يقع و الحمد لله هو نبهنا

بجد هو فعلا محترف فى دوره فى المنتدى بسم الله ما شاء الله و يا رب نشوفه بعد كدة حاجة كبيرة فى مجال البرمجة و شغل الكمبيوتر عموما

اقتباس :

يا سلام .. طب ما انا متعمليش احتفال و لا حاجة

اهو جبت حاجه من عندى

الطبيعى ان العضو بيبقى مستنى الاعضاء يقولوه مبارك عليك الوسام

اقتباس :

مش كفاية ان الاوسمة شكلها وحش و انا مبعرفش احط وسام ايه فبحطلكوا زي اللى اتحطلى

وشهد شاهد من اهلها

اقتباس :

و انتى يا ستى برضه من اهم اعضاءنا و كنتى تستاهليه من زمان

متشكرين يا ستى على الكلمتين دول

ولو انى حاسه احساس غريب ناحيتهم مش مستريحه للجمله كده

اقتباس :

و يا رب نفضل متجمعين دايما على الخييير

و يكون دايما كوميرس نقطةاتصالنا ببعض

ايون ايون اقلبيها كوميرس وتجمع والاتحاد قوه و التفرقه ضعف والنظام ده

علشان تخرجى بره الموضوع ما انا علارفهم المديرين دول عارفاهم انا كويس

اقتباس :

عندك حق يا فداء


كان فيه تقصير جامد


بس ده دور الناس اللي بتحب كوميرس


لازم تنبه


ربنا يكرمك

ربنا يكرمك ويكرم كل المسلمين ياااااااااارب

مافيش تقصير ولا حاجه

انا بس قولت اعملكم موضوع كده يضحكم واهوا اهنى فيه نفسى والاعضاء اللى خدوا الاوسمه

طالما محش فى المنتدى هاين عليه يطلع كلمه مبارك من بقه

اقتباس :

المهم كويس ... وبعدين شغل الثورجية ده شكلوا بينفع زي م فداء عملت

ايه ده بقى

انا احتج انا مش ثورجيه

انا بس كنت بعمل تغير وكمان علشان يبقى ليا موضوع فى الساحه دى

كويس والله

ما تتكلموا بالعامية بقى ..حاسة اننا فى مجمع اللغه العربية

اسمها مبروك بقى

طبعا مفيش احلى من لغتنا الجميلة ..بس مفهاش تقارب كدة ..خاطبوا الناس على قدر عقولهم

المهم مش موضوعنا

مالهم المديرين يا هانم

انتى متعرفيش انى فى قسم ادارة يعنى هتخرج اشتغل مديرة ههههه

و الله يا فداء دعواتك..هتجنن و فى مخى مليون حاجة دلوقتى

الحمد لله

طيب انا عايز نقد لو سمحتم واللي المفروض يكون واللي المفروض يتعمل في حوار الاوسمة ده



علشان عايز اظبط الموضوع ده

ندى كتب:

على فكرة فرندس مش بس مواضيع جامدة
دة بجد منغيره لمنتدى يضيع و يبقى متخخلف و كئيب
كل الشغل بتاع استايل المنتدى و الوانه و اللعب اللى برة و الراديو (هو للاسف احنا اللى مساعدناهوش فيه ) و اللنك بتاع النتيجة اللى كان على البوابة و كلللللل الشغل التكنيكال اللى فى المنتدى هو تعبه و مجهوده بجد بجد ربنا يكرمه
و لسه امبارح انقذنا من حاجة كانت ممكن تسبب كارثة و المنتدى كله يقع و الحمد لله هو نبهنا

بجد هو فعلا محترف فى دوره فى المنتدى بسم الله ما شاء الله و يا رب نشوفه بعد كدة حاجة كبيرة فى مجال البرمجة و شغل الكمبيوتر عموما

دى شهادة اعتز بيها بجد

انا عن نفسى خدتها برينت اسكرين عشان احتفظ بيها

بس انا اعتقد ان شغل الكمبيوتر بالنسبالى هيخلص مع نهاية السنة

بما ان النت سعتها مش هيبقى موجود

على العموم انا انتقمت من النت بما فية الكفاية

و ربنا يخليكى يا ندى على الكلام الجميل دة

ده كلام انت تستحقه يا مصطفى ومبروك على الوسام يا فداء

هههههههههههه

اسف اني جيت متأخر


مبروك عليكي يا فداء
و
وفرندس فعلا يستحقها

ومبروك لكل الاعضاء

كل ما يقال عن فريندس يستحقه وأكثر

سبحان الله الذى لا اله الا هو الحى القيوم واتوب اليه

اقتباس :

اسمها مبروك بقى

مش حكايه عاميه وفصحى يا ندى

بس الكلمه معناها غلط احنا نقول نبارك بيها وهى معناها مش حلو (ماتجييش )

اقتباس :

ومبروك على الوسام يا فداء

الله يبارك فيك ومباارك عليك الوسام بتاعك

اقتباس :

مبروك عليكي يا فداء

الله يبارك فيك وعقبالك ان شاء الله

اقتباس :

طيب انا عايز نقد لو سمحتم واللي المفروض يكون واللي المفروض يتعمل في حوار الاوسمة ده



علشان عايز اظبط الموضوع ده

بلاش كلمه نقد ونخليها اقتراحات


اولا لازم يكون فى متابعه للمنتدى كل شهر وتقيم ليه

يعنى فى نهايه كل شهر ادراه المنتدى تجتمع ومعاها المشرفين مثلا

ويشوفوا هما اتقدموا فى ايه ومين الاعضاء الجدا اللىلا عاملين نشاط فى المنتدى ؟

واكيد فى اعضاء بتظهر جديده وبيبقى ليها شغل كويس على المنتدى

ونعرف الاعضاء ويبقى ليهم حاجه زى حفله او تهنئه كده علشان يبقى فى دفعه للامام

وعلشان الاعضاء التانين يتشجعوا انهم يفيدوا المنتدى

وكل شهر نختار مثلا عضوين او تلاته ونقول دول اعضاء مميزين

للشهر اللى فات وممكن كمان نحطلهم توقيعات فيها

شكر من المنتدى على المجهود اكيد دى هتدى دفعه قويه لكل الاعضاء

وكما نشوف الاعضاء بتتميز فى اى وممكن يكون فى عضو مهتم اوى بقسم معين ودايما متابع ليه

والاداره شايفه انه هيبقى كويس لو بقى مشرف عليه

يبقى ممكن تعرض برضه كل فتره على اعضاء جددا الاشراف وخصوصا ان فى ساحات

مش عليها مشرفين وبيتهيالى كلكم شايفين ان ندى شايله حاجات كتير لوحدها
(افتكرى الجمايل دى )

لو حد عنده زياده او تعليق يتفضل

اقتراحات كويسه ما شاء الله

شكلى هرجع لوحة الشرف تانى

تمام

فكرتينى بالذى مضى يا فداء

يا ترى ايه اللذى مضى دة ..بس يعني ..زكريات كدة

هو فى حاجة حلوة كانت بتتعمل فى موقع كنت بدخله قبل كوكى حبيبي ما يتعمل

كان كل شهر بيقولوا احسن عضو و احسن عضوة و احسن موضوع

متهيالى بعد كدة غيروها بس انا كانت بتعجبنى و هى كدة


و فى موضوع كان لياسو (ادمن ) كان فكرته حلوة

اننا بنختار كل كام يوم كدة عضو .. و كل واحد يدخل يرشح له لقب و نصوت على ايه احسن لقب تقريبا و ياخد العضو دة اللقب من المنتدى

فكانت بتبقى حاجة لذيذة

وو انا كنت مبسوطة اوى انى خدت العضوة المثالية .. و سيبت بعدها المنتدى دة

و فاكرة ان واحدةكانت بتقترح انهم يسمونى العضوة التى تبدا بالسلام و تنتهى بالسلام .لان مشاركاتى دايما فها السلااااام علييييكم و رحمة الله وو بركاته و كان عاجبنى اللقب دة برضه

و كذا حاجة تانيه بس بعد كدة خدت المثاليه لانى كنت العضوة اللى معمرهاش عملت مشاكل و لا اتمسحلها ردود ..مع انى كنت شغاله و ليا مشاركات كتير الى حد ما

ادينى افتكرت الذكريات

شكلك فعلا هترجعها يا مصطفي


فياريت ترجعها يللا


ربنا يكرمك ويكرمكم

السلام عليكم
إيه يا جماعة انتوا لسة في الموضوع ده؟
كل ده فاهمينك غلط يا فداء؟
ونهنئكم تاني يا فداء علشان لو لسة زعلانة ولا حاجة
مش هقول مبروك ولا مبارك
أنا عن نفسي متسامح ومعنديش مشاكل ... ( شوفتوا جاي أوقعكوا في بعض إزاي؟)
لأ إن شاء الله ربنا ميجيبش مشاكل ولا غلط ولا حد يوقعكوا في بعض
ويبقى أحسن منتدى والناس كلها تفيد زي م بتستفيد


وندى تلاقي اللقب اتشال دلوقتي علشان افتكرتي الذكريات ونسيتي تبدأي بالسلام وتنهي بالسلام
بس عجبتني الفكرة كان لقب تفصيل يعني لأنها حالة نادرة .. قصدي حاجة كويسة إن حد يكتب السلام والناس لما تقرأوه كلهم ياخدوا ثواب وحلو إن الواحد يكون السلام في كلامه عادي ويتعد عليه بدل ( هاي و باي والشلة الفاسدة دي)

اقتراحاتك جميله يا فداء

و حلوة زكرياتك يا ندى

و ياريت فعلا ترجع لوحه الشرف تانى