فهمتونى غلط^-^

شكرا يا جماعه على الكلمتين الحلويين المشجعين دول

اقتباس :

ونهنئكم تاني يا فداء علشان لو لسة زعلانة ولا حاجة

لا الحمد لله

بس فى حاجه انتوا شيلتوا الفواصل اللى بين المنتديات ليه ؟؟؟

المنتدى الاول كان احسن

تحس انه مضبطه ؛لكن دلوتى كانه سايح على بعضه كده

فالاحسن بعد اذنكم ترجعوه زى الاول

وبالنسبه للموضوع الافضل

ففى حاجه جميله اوووى شوفتها فى منتدى

بيبقى فى فى الصفحه من فوق (اللى فيها الموضوع )

مكتوب قيم هذا الموضوع

تصويت يعنى

ويبقى فيه اختيارات

سىء جدا
سىء
جيد
جيد جدا
ممتاز

كده هنضمن ان كل عضو هيقول رايه براحته جداا وبسريه

وهيكون التصويت سهل جدا وفى متناول كل الاعضاء وفى كل وقت

وكده هيطلع الموضوع الميز لوحده من خلال تصويت الاعضاء

ها ايه رايكم ؟

بالنسبة للفواصل بين الفئات غدى نتيجة للتجديدات اللى بتتعمل

و ان شاء الله هتتظبط لوحدها قريب

و حكاية التقييم دى للاسف موجودة فى المنتديات ال vb بس

بس ان شاء الله قريب هتنزل حاجات مشابة مع التجديدات

يا خساره

بس كويس ما ادم فى حاجات شبهها

ويارب تخلصوا التجديدات بسرعه

علشان الواحد متلخبط خالص

ان شاء الله تخلص بسرعة

ربنا يستر

هى ايه شكرا اللى فى الرد فوق دى

اللى جمب اقتباس الرد ؟؟؟؟

معلش يا جماعه ممكن اقترح حاجه كمان
تعملوا منتدى لنصره النبى صلى الله عليه وسلم

ويكون فيه احاديث النبويه والقدسيه

ونزل شرح ليها

ويبقى فيها مواضيع عن مواقف النبى وققص من السيره

وتعريف بالنبى والصحابه عامه

واقترحت انه يبقى منتدى خاص بكده

علشان نفصل لان اسلامنا كله كده مع بعضه

لكن لو منتدى للنبى عليه الصلاه والسلام وقصص عن الصحابه هيبقى

المساله محكومه اكتر ومضبوطه واحلى اكتر

انا عارفه انى رغييييييت كتير بس من فتره وانا عايزه واقول الكلام ده وكنت بكسل

ويارب بجد تكون افكار بناءه وإذا اتنفذت تنفعنا كلنا وامتنا ياااااارب

بالنسبة للزرار بتاع الشكر

فدة بيظهر لكاتب الموضوع بس

و دة بيدى الحق لصاحب الموضوع انة يشكر واحد من اللى ردوا على الموضوع

بمعنى انك انتى دلوقتى كاتبة الموضوع

فأنتى بس اللى ظاهرلك الزرار دة

و ظاهر فى كل الردود

لو فى رد من الردود دول عجبك ممكن تدوسى على زرار الشكر دة

و ساعتها اللى اتشكر هتتغير لو مشاركتة

نوع من التحفيذ يعنى

و فى برضو علامة ال + و ال - اللى موجودين جنب كل مساهمة على الشمال

و دول بيزودوا نقاط السمعة او بيقللوها

و ان شاء الله هبقى اجيب شرح لكل الحاجات الجديدة

و موضوع الساحة الخاصة دى انا معنديش اعتراض علية ككل

بس انا شايف ان لو اتعمل ساحة مخصوص هنبقى بدأنا نبقى منتدى دينى

و احنا المفروض منتدى عام شامل

هو اينعم مش هيأثر اوى يعنى

بس مش عارف بصراحة

حاسس ان هيبقى فى نوع من التخصص

حلوه الحاجات الجديده دي بتاعت الشكر والسمعه وتحفيز كويس للمشاركه
وبالنسبه للساحه انا شايف إن ساحة إسلامنا كافيه

جميل

إيه ده ؟ هو فيه تجديدات؟ يظهر إني جيت في وقت غير مناسب
أنا برضه لقيت المنتدى بيهيس معايا والفواصل راحت وقعدت ساعتين عقبال م نزلت موضوع جديد ومعرفتش أظبطه روحت ماسحه .. لكن شغل الشغل الجديد كويس وعالي لكن مكملش لسة باين
ربنا يكرمك ويوفقك يا فرندز ... وترجعلنا الفواصل تاني لأني لما لقيت الأقسام ساحت على بعضها افتكرت من مشكلة عندي أنا قولت يمكن الكمبيوتر علشان جنب البلكونة وكنا الظهر لتكون الشمس سيحت المنتدى ولا حاجة والناس تشتكي مني في الآخر
وعلى فكرة أنا موافق على اقتراحات فداء ... وممكن نوسع القسم بتاع اسلامنا أكتر يبقى فيه مواضيع ممكن تكون متجددة وتتثبت عن الرسول صلى الله عليه وسلم وكدة
ربنا يكرم الجميع

انا مع اللي شايف ان اسلامنا كافية


لأننا لو اخدنا معلومات ، هيبقي من مواقع ، زي موقع رسول الله ، اللي حاطين اعلانه عالمنتدي

بصوا هى زمان كانت كدة

مجموعه ساحات اسلامية
واحدة حديث وواحدة قران وواحدة اسلامنا للمواضيع الفقهية و قصص الانبياء وكدة

و عموما كان فى منتديات اكتر من كدة بكتير

بس كان الاعضاء بقى ساعتها بيعانوا من اللخبطة و التوهان لان منتدانا اقامه كتير اوى ايام الدراسه بسبب ساحات الدراسة اللى هى المفترض تخصصه الاساسى

و يمكن بالعكس انا كنت بقترح ضم ساحة نصرة المسلمين لساحة مجتمعنا

نظرا لان التانيه مفهاش اى حاجة

فكنا نستغل ضمهم لبعض و نسميهم باسم جديد مجتمعنا و امتنا مثلا

و مبروك التجديدات الجامدة

و مبروك اكتر على الارتقاء الجميل اللى انا حاس بيه ..حسة ان المنتدى اففضل اليويمن دول..الحمد لله

اقتباس :

موضوع الساحة الخاصة دى انا معنديش اعتراض علية ككل

بس انا شايف ان لو اتعمل ساحة مخصوص هنبقى بدأنا نبقى منتدى دينى

و احنا المفروض منتدى عام شامل

هو اينعم مش هيأثر اوى يعنى

بس مش عارف بصراحة

حاسس ان هيبقى فى نوع من التخصص

زى ما ندى قالتلك المنتدى اساسا كان قبل كده

تلت ساحات وكان فيهم ساحه للنبى صلى الله عليه وسلم وساحه للقران الكريم

وانتوا اللى مستحتوهم وبصراحه انا ايامها استغربت جدااااااا

بس كنت لسه بعتبر نفسى جديده ومقدرش اقول حاجه

المهم انا شايفه ان الطبيعى اصلا ان المنتدى يبقى فيه تلت ساحات لاسلامنا

واكيد انت بتشوف كللللللللللللللللل المنتديات فيها التلت ساحات دى وفى منتيات بيبقى فيها اكتر

ومنتديات كتيره كده وهى برضه منتديات منوعه

طب ده انا شوفت منتدى فى منتدى خاص بالاغانى والعربيه والاجنبيه

ومنتدى تانى للكليبات العربيه والاجنبيه

ومنتدى تالت للفلام العربى والاجنبى

وبعد ده كله عاملين كذا منتدى دينى

ده منوع ولا ؟؟؟؟؟؟جايبين من الشرق للغرب

فانا مش شايفه ان وجود المنتدى اللى بقول عليه

هيخلى المنتددى مش منوع

اقتباس :

انا مع اللي شايف ان اسلامنا كافية


لأننا لو اخدنا معلومات ، هيبقي من مواقع ، زي موقع رسول الله ، اللي حاطين اعلانه عالمنتدي

ماشى انا معاك انكم عاملين اعلان للموقع

واننا اى حاجه هنجبها من اى مكان تانى على النت برضه هتكون موجوده فى الموقع اللى فوق
بس لما يبقى الكلام فى مواضيع قدام الاعضاء جوا المنتدى

غير لما تكون فى موقع فوق

وكمان انت تضمن منين اصلا ان كل الاعضاء بيدخلوا الموقع وبيقروا فيه

بصراحه انا اول الاعضاء اللى ما فتحتش الموقع ه الا مره واحده او اتنين

لكن لما بيبقى موضوع قدام عينى اعدى عليه فى المنتدى هيبقى اسهل

وبرضه مستنيه اعرف رايكم تانى

وخلوا عندكم قابليه لتغير الرأى وانتوا بتقرأوا ردى


وندى انا مفهتمش باقى كلامها

بالعكس مين قال اننا متنوعين

احنا متخصصين

و متخصصين جداااااااا جداااااااااا جداااااااااا

بصى يا دودو فى حاجة بناخدها فى الكلية اسمها الميزة التنافسيه

يعني اى واحد علشان ينجح لازم تكون عنده

و هى معناها ان يكون عندك شىء مش عند اى حد غيرك

احنا بقى يا ستى ميزتنا التنافسيه اننا منتدى لدفعه معينة غرضه الاساسى الدراسة (اول ما اشتغلنا كان دة هدفنا و مكانش عندنا غيره)

بس فكرنا اننا مش عايزين نساعد دفعتنا فى الدراسه و بس..عايزين نبقى دة مكان اتصال دفعتنا و يجمعهها على كل شىء فيه خير

و لذلك وجدت الساحات التانيه كلها

بس فى نفس الوقت الساحات التانيه هى مش تخصصنا

و لذلك خليناهم قليلين عشان نقدر نتحكم فيهم

و بصى يا بنتى .. اغلب الناس مبتحبش يبقى فى ساحات كتير لانهم بيتوهوا فيها

و فعلا هتلاقى لخبطة و كل واحد مش عارف طب دة حديث و لا موضوع عادى و لخبطة كتير كدة

و احنا كلامنا عن تجربة و انتى طلعتى اهه عارفه اننا كنا كدة زمان

بس جربنا دة و جربنا دة و لقينا ان تقليل عدد الساحات اريح و احسن بكتيير

الاشراف لوحده لخبطة يا بنتى ..لما يبقى قدامك 100 ساحة صعب اوى تشرفى عليهم كلهم

و الاقتراح التانى بقول نضم ساحتين لبعض علشان واحدة شغاله وواحدة ميته فيصححصحوا بعض
خصوصا ان موضوعهم قريب من بعض
مجتمعنا .. و امتنا

الاتنين شىء واحد ..مجتمعى هو امتى كلها

فداءً لتراب القدس كتب:

معلش يا جماعه ممكن اقترح حاجه كمان
تعملوا منتدى لنصره النبى صلى الله عليه وسلم

ويكون فيه احاديث النبويه والقدسيه

ونزل شرح ليها

ويبقى فيها مواضيع عن مواقف النبى وققص من السيره

وتعريف بالنبى والصحابه عامه

واقترحت انه يبقى منتدى خاص بكده

علشان نفصل لان اسلامنا كله كده مع بعضه

لكن لو منتدى للنبى عليه الصلاه والسلام وقصص عن الصحابه هيبقى

المساله محكومه اكتر ومضبوطه واحلى اكتر

انا عارفه انى رغييييييت كتير بس من فتره وانا عايزه واقول الكلام ده وكنت بكسل

ويارب بجد تكون افكار بناءه وإذا اتنفذت تنفعنا كلنا وامتنا ياااااارب

الساحه دى يافداء عايزه تخاطبى بيها مين ؟؟

يعنى ايه هخاطب بيها مين ؟؟؟

هتبقى ساحه زى ساحه اسلامنا بينزل فيها حاجات بنستفيد بيها

عن النبى صلى الله عليه وسلم وزوجاته

والسنن وقصص الصحابه ومواقف النبى

ويبقى فيها حاجات كتيره عنه ونحاول تبقى جديده لان فى ناس كتيررررر اوى مننا ما يعرفوش حاجه عن النبى صلى الله عليه وسلم

او حتى ميعرفوش اسمه بالكامل ؟؟؟


بس لو سؤالك انا هخاطب بيها مسلمين ولا غير مسلمين اقنعهم بالاسلام

فانا كان تفكيرى اخاطب بيها احنا اعضاء المنتدى

ولو عايز نخاطب بيها غير المسلمين وماله

خير وبركه


وبالنسبه للضم الساحتين على بعض

فمش عارفه ما ابستريحش لكده

بحس ان لما تكون الحاجه منفصله خصوصا لو مهمه

بيبقى حسن وبتبقى اوضح

انتى عايزه يا نودى تدخلى ساحه صرخات امه جوه اسلامنا

ولا ايه ؟

الى اقصده يا فداء ان الثقافه الدينيه والوعى الدينى بنا وبين بعض ما شاء الله فى ازدهار
فا انا لاحظت انك قلتى عايزين نعمل منتدى لنصره النبى صلى الله عليه وسلم وده شئ جميل وكويس
مع انى مابحبش اسم نصره النبى يعنى هل معنى كده ان النبى مهزوم واحنا هننصره؟
لا سيدنا محمد انتصر بالفعل وادى الرساله وبلغ الامانه بس المشكله اننا ماكناش اد المسئوليه وحفظناش على هذه الامانه بعدنا عنها لحد ماتخلفنا وجبناه لفسنا الحمد لله
المهم
فلو الهدف من ده التعريف بسيدنا محمد فاعتقد ان معظمنا عارفينه بس الى بره هما الى مش عرفينه فلو عيزين نعرف الناس يعنى ايه اسلام ومين هوا سيدنا محمد يبقى كل واحد فينا يحاول يكون صوره كويسه ومشرفه لدينه ونفتدى بسيدنا محمد فعلا وقولا

وسورى لو طولت

لا لا

اسلامنا لوحدها

بصى يا بنتى فى ساحة فاضيه كدة اسمها ظواهر فى المجتمع

https://commerce2009.yoo7.com/montada-f18/

بقترح تبقى مع بتاعتك

كلام تمااام

لأ مين قال إن كلنا عارفين النبي؟
ومين قال إننا عارفين عنه حاجة أصلاً ؟
النهاردة الشيخ خالد الجندي قال حاجات جامدة جداً عن أصل النبي ومنها بعض من اسمه الكامل
كنت سمعتها منه قبل كدة لكن كانت حلقة النهاردة حلوة أوي
ممكن يكون ناس كتير مشافتهاش أو متعرفش الحاجات
كلنا عايزين نعرف عن النبي صلى الله عليه وسلم أكتر

عارفينه يا سمير قياسا على جهل غير المسلم بيه

سورى فكرتنى ..نسيت اعلق على الحكاية دى


صح كلنا مش عارفين كل حاجة

بس هى الفكرة يا جماعه ان اسلامنا كافيه انها تشمل كل حاجة

طب م الحل الوسط إننا نزود الجرعة شوية في إسلامنا ... يعني يخليه نفس القسم ... لكن من فترة للتانية نحط حاجات جديدة ونادرة عرفناها بس متأكدين منها
إيه رأيكوا؟

وكمان معلش ملناش دعوة بغير المسلم دلوقتي طالما المسلم نفسه مش عارف كتير .. ولسة مش قادر يرد على الثغرات اللي بيدخلولنا منها ... لازم كل مسلم بعد م يعرف ويفهم من العلماء والشيوخ اللي بجد الرد على الشائعات دي والفروق اللي بيتكلموا عنها يكون يقدر يرد على أي حد وميقولش أنا مش شيخ ولا مينفعش أفتي .. مهمتنا كدة .. لكن لازم نكون واعيين وعلى دراية بالكلام كله مش أحد جوانبه بس
صدقني الموضوع مش سهل بالطريقة دي ... لما غير المسلمين يشوفوا المسلمين مهتمين وبينفذوا تعاليم دينهم ونبيهم هيبدأوا يقلدوهم ويسألوا بحب مش بنقد وبغاية التشكيك
ولا إيه؟

بالنسبه لكلام ترافيلر

فانا معاك تماما فى كل اللى قولته

بس انا بحب اخد الموضوع من جميع الجوانب يبقى مسلمين واجانب مع بعض

مادام الموضوع فى متناول ايدينا

وبالنسبه للى انتى عايزه تعمليه يا ندى فحرام عليكى

علشان ظواهر فى المجتمع دى اساسا ميته وقليل لما حد بيدخلها

واساسا تحسى انها كلها كأبه ومفيهاش الا مصايب

لكن صرخات امه

فيها الحال بحلوه ومره

وفيها حاجات جميله زى الشهيد خطاب اللى ادمين نزل عنه