- اقتباس :
- [quote="فداءً لتراب القدس"]ربنا يخليكى يا ندى يارب ويكرمك
بس فى حاجه
عقد صحيح شرعا واشتراط الفقهاء لصحه هذا العقد الا يكون لاحدهما من الربح نصيب
معين اشتراط لا دليل له
يعنى ايه بقى الا يكون لاحدهما من الربح نصيب معين اشتراط لا دليل له ؟؟؟
هو مفيش علاماتترقيم هنا ..حاسة ان الجملة عجيبة مش فاهماها
جايز و الله اعلم
ان يكون المقصود ان الشرط اللى حطه الفقهاء ان ما يكونش لواحد نصيب معين من الربح متحدد مسبقا
يعني مثلا اقولك هدخل معاكى فى مشروع و ليا مليون جنيه لما يخلص
لان كدة مش توازن فى الربح والخسارة
المفروض زى ما قلتلك يكسبوا سوا او يخسروا سوا ..و المكسب و الخسارة تبقى بنسب مش ارقام متحددة
يعني اقولك هندخل سوا فى مشروع و ليا 50% من المكسب او الخسارة ..معاملة تمام
لكن اقولك هندخل سوا و ليا مليون جنيه ..مش تمام ..عشان مش بيتشاركوا بجد و شغل و استثمار بجد ..دة واحد بيتحكم فى واحد بفلوسه
دة على ما اعتقد يعنى
- اقتباس :
وبجد حكايه شهادات الاستثمار دى مافهمتش منك انا عايزه حد يجاوبنى على سؤالى لان
الاستاذ قالى ان اللى معاه شهاده استثمار بيروح البنك وياخد قيمتها وزياده
وان الزياده دى هى الفائده اللى حرام ؟؟؟ هل الكلام ده صح ؟؟
بصى هو ان بقولك مش بفهم فيها فعلا ..بس الى اعرفه ان ليها انواع
و ان فعلا فى نوع بتبقى شهادة بشتريها و عليها فوايد (يعني بيزودولى المبلغ كل فترة شوية بنسبة ثابتة منه ) فساعتها لما تروحى تاخديها تاخديها بزيادة
و الفايدة دى اختلف فيها العلماء
بس كتير بيقول انها ربا لانك بتدى المبلغ بنك و يردها البنك باكبر منه
- اقتباس :
وكلامك الاخير انا فهمته بس المشكله يا ندى ان الكتاب كله كلام مكلكع كده ومكعبر وانا مش فهماه
واصلا اعصابى بايظه فحس ان مخى مقفل خال خالص فى جزء المعاملات ده ..
فى برنامج على فكرة على اذاعة القران الكريم حلو فى الحاجات دى بيييجى على 3 بليل كدة..اللى بتقدمه واحدة اسمها د- هاجر سعد الدين .
لو تحبى تسهرى سهرة اقتصاديه و لا حاجة هههه
- اقتباس :
و لو بسبببه ..بيتحمل جزء منها ..حسب اتفاقهم برضه
يعنى ممكن لو اتفقوا ان العميل ما يتاثرش بالخساره ممكن يخسروا والعميل ما يتحملش
ازاى يعنى ؟
ايوة يا بنتى
ما العميل بيخسر جهده ..الجهد شىء ليه قيمة كبيرة جدااا
دلوقتى لو انا داخلة معاكى مشروع انا 5 جنيه و انتى 10 جنيه
و خسرنا
انا هخسر الخمسة جنيه و انتى هتخسرى ال10 جنيه
مش هتيجي تقوليلى لا هاتى 2و نص و نبقى كل واحد خسران 7 و نص (( نقسم ال15 جنيه خسارة يعني))
فنفس الفكرة
البنك داخل بالفلوس
و الراجل داخل بالجهد
فلما تحصل خسارة
البنك خسر فلوسه و العميل خسر جهده
و دة العدل ..فكرى كويس هتلاقي ان دة العدل
لان العميل كان بجهده ممكن يعمل حاجة اكبر
بس هما اتعاونوا سوا و دخلوا مشروع ..يبقى يوم ما يخسر كل واحد هيخسر اللى ساهم بيه و بس ..مش هيبقى خسران اللى هو مساهم بيه و كمان يدفع زيادة
- اقتباس :
والمشاركه الاخيره دى فهمتها كويس اوى
دى اكتر واحده فهمتها
ربنا يعزك ويكرمك وينجحك يا بنيتى يارب [ندعوك للتسجيل في المنتدى أو التعريف بنفسك لمعاينة هذه الصورة]
بجد انا فهمت الاخيره دى كوييس اوى
الحمد لله
- اقتباس :
- بس هو انتى شرحتى بتاعه وعندئذ يصل الامر الى حد ويجد المرابون ان الطلب على المال قد نقص فيخفضوا سعر الفائده ؟؟
هى الفايده ليها سعر ؟؟؟
محمد قالهالك اهه
ا
- اقتباس :
- ستحملينى يا بنتى انا فى الاقتصاد حالى تعبان [ندعوك للتسجيل في المنتدى أو التعريف بنفسك لمعاينة هذه الصورة]
و الله يا بنتى انا بكرهه
و مش باخد الحااجات دى اوى اصلا..دة احنا الكلام عن البنوك الاسلامية كان كام صفحة فى سنة تانية و كام صفحة فى ادارة البنوك السنة دى و خلاص
فمعلش و الله ..انا حاولت اقول على قد ما اعرف ..بس برضه الحاجات اللى بقولك متهيالى و اعتقد و كدة متخديهاش بتاكيد اوى لانىى معلوماتى على قدى
مش عايزة حاجة فى الموارد البشرية او التسويق
دى حااجات لذيذة و دمها خفيف و قريبة من الحاجات اللى حوالينا
غير الاقتصاد و التمويل و البنوك..حاجات بايخة كدة ..بس مهمه طبعا
سلااااااااام علييكم و رحمة الله و بركاته