اقتراح .ساحة للتفاؤل

سلام عليكم و رحمة الله و بركاته

على الرغم من انى مش من مؤيدي كتر الساحات .

الا ان دة لانى ببقى شايفة ان مادام ممكن نضم الساحة لساحة تانيه و هتبقى ماشية معاها فخلاص

لكن دلوقتى جيت ابص على موضوع (دعوة للتفاؤل و رفع الهمم)

لقيته موجود هنا ففكرت انه ما هواش شكوى و لا اقتراح و لا استفسار ...فالمروض يتم نقله للساحة المناسبة و ان لم يكن هناك ساحة مناسبة فيروح لمنوعات

بس حسيت بما ان كوميرس هدفه يوحد دفعتنا و يجمعهها على كل خير و يخلينا جيل بجد كويس و قدوة لغيرنا

و اننا من اساسيات منتدانا اننا بنحاول نعمل اى شىء ممكن نقدر نساعد بيه بعض عشان نبقى احسن

و بصراحة اهم سلاح مفتقده ناس كتييييييييير ..التفاؤل

و اعتقد هو من اسباب الفشل و الكسل اللى بقى كتير مننا فيه

معندوش تفاؤل بالحياة و لا بنفسه و لا باى حاجة

مع ان دة ما ينفعش ..دة يأس من رحمة ربنا ..مينفعش خااالص

فلااااااازم نبطل يأس

و لذلك ..فانا بقترح عليكم نعمل ساحة للتفاؤل

عارفة ان عندنا ضحك و نكت ..

هو الضحك مهم و بيجيب تفاؤل

بس مين قال ان المتشائم مش بيقول نكت ..

و هل لما الواحد يكون متشائم و يروح يسمع كام نكتة خلاص بيتفائل ..هو صح بيكون خفف حالة الاكتئاب اللى عنده .. بس مش بيحل المشكلة
هو مجرد بياخد مسكن مؤقت علشان يقدر يعيش لان فعلا لا حياة مع الياس ..اللى يعيش فيه بيبقى ميت مش عايش

فاحنا عايزين نحل المشكلة نفسها (اكيد هتقولوا عليا متاثرة بالندوة )

عايزين نشيل الياس من جوانا

فنعمل ساحة يتحط فيها كل ما يبعث على التفاؤل و نزع الاحباط الياس من داخلنا

حاجات نغير بيهاعقولنا و تفكيرنا اللى كتير بيكون غلط ..نفوسنا و الشيطان بيضحكوا علينا و نعيش فى معتقدات غبيه ملهاش اى اصل

تخلينا نفقد الامل فى كل شىء ..

و تخلى الواحد مينجحش و لا دنيا و لا اخرة اعوذ بالله

يعني ابسط مثال و اخطر مثال

واحد عنده يأس انه يبقى كويس

هيغلط و يذنب
و يقول مفيش فايده فيا (اغبى كلمة بجد ..مفيش فايدة دى )
و يستمرررررر فى ذنوبه و يقنط من رحمة ربنا ..دى كوارث

دة ربنا سبحانه و تعالى بيوعدك انه بيغفر كل الذنوب .. ازاى متصدقش اعوذ بالله كلام ربنا


و طبعا فى ناس من دى كتير

تقول انا مفيش فايدة منى ..انا كدة ..انا لا يمكن هتحسن عن كدة..انا انسان ضايع الا ........ و هكذا


فهل ممكن نساعد فى حل المشاكل دى

و ابقى احط الموضوع دة هناك بقى

و ربنا يكرم (المصري) على انه هو اللى فكرنا باهمية التفاؤل

ربنا يجازيه كل خير

المهم

موافقين و لاااااااا ؟؟؟؟؟؟؟؟؟؟

سلااام عليييكم و رحمة الله و بركاته

و معلش اقتراح تانى

الغاء ساحة ظواهر فى مجتمعنا لان ممكن ضمها لامتنا (الكلمة الاكبر)

فما رايكم فى الاقتراحين ؟؟؟

أنا موافق على إنشاء ساحة التفاؤل ... حتى لأن فكرتها جديدة وممكن تساعد فعلاً في حل المشكلة
بالذات في مشاكلي الشخصية لأني حالياً مش متفائل لكن طبعاً مش متشائم الحمد لله
بس ساحة ظواهر في المجتمع مهمة ... وبالاسم ده لأن فيه مواضيع مينفعش تكون غير بالاسم ده
طب على الأقل استني لما أنزل الموضوع اللي كنت هنزله في الساحة دي وبعدين شيليها
فرأيي إنها ياريت تفضل
شكراً على الموضوع وربنا يفرحك ويفرح الجميع دايماً إن شاء الله

ربنا يكرمك

انا مش قصدى نشيلها خالص
لكن المجتمع بتاعنا هو امتنا ..ايه الفرق؟؟

فكنت بقترح ضمهم لبعض عشان يبقوا اقوى خصوصا ان ظواهر فى المجتمع نشاطه قليل جداااااااا

فتبقى ساحة امتنا لكل شئون امتنا و شبابنا و احوالنا

مش عارف ... هو الرد ده أقنعني ... لكن هتقبلوا الانتقاد ووجهات النظر الواقعية؟
يعني امتنا هنكون عايزين نتقدم بيها .. لكن ظواهر في المجتمع عادة بيكون فيها كتير أوي حاجات سلبية أو وحشة ... بمعنى إن في المجتمع حاجات مش كويسة بنتكلم عليها
لكن امتنا ازاي نعمل حاجة ترفعها ؟
مش عارف برضه

رأيي ان تنمية بشرية تفي بالغرض

لأ دي حاجة تانية ... دي تخصص معين بنتكلم فيه
لكن امتنا بتكون قضايا كتير وازاي نستخدم فيها ساحة التنمية البشرية علشان نظبط ونقضي على الظواهر اللي في المجتمع
هههه
يعني كدة ممكن ندمج التلاتة في بعض !

انا قصدي علي ساحة التفاؤل


اما ظواهر في المجتمع

فانا رايي مع اي رأي

ساحة ظواهر في المجتمع مش هينفع تتشال دلوقتي لأني نزلت فيها موضوع ... سيبوه بس ياخد حقه وشوفوا ده ينفع يتحط في حتة تانية ولا لأ؟

ههههههههههههههههههههه


ماشي

انا مش موافق على الساحة الجديدة

القديم اصلا محتاج تفعيل

انهى قديم اللى محتاج تفعيل و بيتكلم عن التفاؤل

بالنسبة للساحة المقترحة انتوا مش فاهميننى

انا قصدى يبقى لينا زى حملة للتفاؤل كدة ..طالعه من عندنا

فاهمييننى؟؟؟؟؟؟

انا فاهم بس مش لازم ساحة كاملة علشان حملة للتفائل

انتى كنتى عملتى موضوع فى ساحة لعب وهو ميت دلوقتى

المهم المحتوى واللى انتى ناوية تنزليه فى الموضوع ده هو المهم

ده اللى هايجذب الناس ويحقق المغزى او الهدف المطلوب

مش انا لوحدى

انا قصدى تبقى فكرة عامه

عموما هذا كان مجرد اقتراح

بس على فكرة الموافقين عددهم اكتر

وانا مش معترض على فكرة

انا موافق بس انا مش عايز يبقى فيه زحمة مش اكتر

توكلوا على الله

انا مش موافق على تخصيص ساحه منفرده للتفاؤل
انا شايف إن التفاؤل دي صفه ممكن تنطبق على موضوع اي ساحه يعني ممكن يبقى ف التنميه البشريه موضوع للتفاؤل والمجتمع حصلت فيه حاجه تدعو للتفاؤل وكذلك الشعر قد تكون هناك قصيده حلوه تدعو للتفاؤل والرسم ممن تكون فيه صوره تدعو للتفاؤل وهكذا فمش محتاجين نعمل ساحه خاصه ليه ... دي وجهة نظري
وعشان مقتنع بالفكره ممكن تبقى حملة كوميرس 2009 للتفاؤل وتبقى عباره عن مواضيع في كل الساحات تدعو للتفاؤل منه هيبقى شغلنا كل الساحات بشكل كويس ومنه يبقى كوميرس 2009 قاد حمله جميله زي دي وف نفس الوقت مزودناش عدد الساحات
ده اللي كنت عايز أقوله

بصراحة ..اقنعتنى
وجهة نظر جامدة بجد

(سجلولى المشاركة دى بقى عشان متقولوليش بصمم على رايي تانى )

بجد عندك حق كدة يبقى احسن و ننشط كل الساحات

والله اقتراح جامد جداً
الله عليك يابني .. صدق اللي سماك كبير الأعضاء
الموضوع كان قلب بغم رغم إنه يدعو أصلاً للتفاؤل ولكن حلك كان أحسن الحلول فعلاً
لأن التفاؤل ده صفة بتكون في الموضوع والكلام مش محور يدور حوله المواضيع
صعب اننا نكون مخصصين حاجة ليه زي كيف تصبح سعيدا
لكن ممكن موضوع بسيط يخلي الواحد سعيد
زي مثلا قول اللي في نفسك أو اجمد إفيه عجبك أو كدة
ربنا يكرمك ويكرم ندى على الفكرة برضه ويكرم الجميع ويخليهم متفائلين
ويارب أكون دايماً أنا كمان متفائل

والله انا مش مصدق على فكرة ان ندى اقتنعت

ده يوم تاريخى فى حياة هذا المنتدى

سبحان مغير الاحوال

السلام عليكم

يا جماعه الفكره كلها ان دى دعوه لينا ومننا

ولازم نفعلها ونشجعها خصوصا ان الناس دلوقتى مكبوتة

وخلينا نتكلم بصراحة
ساعات بتبقى محتاج ان حد يقولك اى كلمة تتفائل بيها

اوتفتح لك باب أمل

ومن وجهة نظرى ان الفكره دى محتاجه اننا ندعمها ونشارك فيها ونطبقها فى حياتنا

يا جماعه الانسان عامل زى سلك الكهربة بالظبط لو زاد عليه الضغط بيلسعمن (د.عادل زايد)

مين فينا معندوش مشاكل....أو أخطاء........أو حاجات مزهقاه فى حياته

وكلام فى سرك بكره اللى هايتجوز هايعرف قيمة التفاؤل علشان ساعتها مش هيعرف يضحك اما مراته مزهقاه أو العيال

طلباتهم كتير أو مديره مطلع عينيه........هههههههههههههههه
بدون الامل والتفاؤل مفيش حياه

وهو التفاؤل ده لو بيتباع كان هيبقى اغلى من البترول والذهب

وتخيل كده الواحد يروح للبقال ويقول له ادينى 2كيلو تفاؤل مشكل لو سمحت

التفاؤل لابد منه

وبعدين ممكن الدعوه ديه تشمل حاجات كتير .................

ايه الحاجات دى...........نخليها للمره الجايه

المصــــــــــــــــــــــــــــــــــــــــــــــــــــــــــــــــــــــــــــــــــــــــــــــــرى

ربنا يكرمك

هتخلينى اتراجع فى الراى تانى

ما الساحة لو اتعملت هتشجعنا ننزل مواضيع ..كدة احنا زى ما احنا ..مفيش غير ربنا يكرمك حضرتك منزل حااجات حلوة

شغل عيال مني ..انا رجعت فى كلامى

انا ععايزة ساحة للتفاؤل
عشان تبقى توجيه كامل مننا بالتفاؤل

و لو على كتر عدد الساحات احنا فى حاجات كتير ممكن نضمها لبعض لان مواضيعها مكررة

انا لازلت على رأيي ورأي الناس اللى مش موافقة

ندى كتب:

بصراحة ..اقنعتنى
وجهة نظر جامدة بجد

(سجلولى المشاركة دى بقى عشان متقولوليش بصمم على رايي تانى )

بجد عندك حق كدة يبقى احسن و ننشط كل الساحات

طيب تمام الحمد لله

hanzala كتب:

والله اقتراح جامد جداً
الله عليك يابني .. صدق اللي سماك كبير الأعضاء
الموضوع كان قلب بغم رغم إنه يدعو أصلاً للتفاؤل ولكن حلك كان أحسن الحلول فعلاً
لأن التفاؤل ده صفة بتكون في الموضوع والكلام مش محور يدور حوله المواضيع
صعب اننا نكون مخصصين حاجة ليه زي كيف تصبح سعيدا
لكن ممكن موضوع بسيط يخلي الواحد سعيد
زي مثلا قول اللي في نفسك أو اجمد إفيه عجبك أو كدة
ربنا يكرمك ويكرم ندى على الفكرة برضه ويكرم الجميع ويخليهم متفائلين
ويارب أكون دايماً أنا كمان متفائل

ربنا يخليك يا سمير

Professor كتب:

والله انا مش مصدق على فكرة ان ندى اقتنعت

ده يوم تاريخى فى حياة هذا المنتدى

سبحان مغير الاحوال

هههههه اتفضل ياعم ندى رجعت تاني في كلامها ف اخر الموضوع

elmasry كتب:

السلام عليكم

يا جماعه الفكره كلها ان دى دعوه لينا ومننا

ولازم نفعلها ونشجعها خصوصا ان الناس دلوقتى مكبوتة

وخلينا نتكلم بصراحة
ساعات بتبقى محتاج ان حد يقولك اى كلمة تتفائل بيها

اوتفتح لك باب أمل

ومن وجهة نظرى ان الفكره دى محتاجه اننا ندعمها ونشارك فيها ونطبقها فى حياتنا

يا جماعه الانسان عامل زى سلك الكهربة بالظبط لو زاد عليه الضغط بيلسعمن (د.عادل زايد)

مين فينا معندوش مشاكل....أو أخطاء........أو حاجات مزهقاه فى حياته

وكلام فى سرك بكره اللى هايتجوز هايعرف قيمة التفاؤل علشان ساعتها مش هيعرف يضحك اما مراته مزهقاه أو العيال

طلباتهم كتير أو مديره مطلع عينيه........هههههههههههههههه
بدون الامل والتفاؤل مفيش حياه

وهو التفاؤل ده لو بيتباع كان هيبقى اغلى من البترول والذهب

وتخيل كده الواحد يروح للبقال ويقول له ادينى 2كيلو تفاؤل مشكل لو سمحت

التفاؤل لابد منه

وبعدين ممكن الدعوه ديه تشمل حاجات كتير .................

ايه الحاجات دى...........نخليها للمره الجايه

المصــــــــــــــــــــــــــــــــــــــــــــــــــــــــــــــــــــــــــــــــــــــــــــــــرى

والله انا مقتنع بكلامك والموضوع كويس
بس انا إعتراضي مش على مضمون الفكر .انا اعتراضي على طريقة التنفيذ يعني بس بدل ما ساحه يبقى موضوع في كل ساحه حسب الساحه بتتكلم عن ايه وشكرا ليك مره تانيه

ندى كتب:

ربنا يكرمك

هتخلينى اتراجع فى الراى تانى

ما الساحة لو اتعملت هتشجعنا ننزل مواضيع ..كدة احنا زى ما احنا ..مفيش غير ربنا يكرمك حضرتك منزل حااجات حلوة

شغل عيال مني ..انا رجعت فى كلامى

انا ععايزة ساحة للتفاؤل
عشان تبقى توجيه كامل مننا بالتفاؤل

و لو على كتر عدد الساحات احنا فى حاجات كتير ممكن نضمها لبعض لان مواضيعها مكررة

No Comment

Professor كتب:

انا لازلت على رأيي ورأي الناس اللى مش موافقة

Ok

مش عارفة و الله الفكرتين عاجبننى

بس الكرة انى حاسة انى اان شخصيا بكسل انزل مواضيع ..فممكن وجود ساحة يشجعننى

انتوا لو تلاحظوا انا صح مشاركاتى كتييييييييير ..بس مواضيعي قليلة اوى نسبيا مع عدد المشاركات ..يعني فى اعضاء مجاش مشاركاتهم 10% من بتوعى و موضوعاتهم اكتر

فقلت الساحة وجودها ممكن يشجعنى انا و امثالى من اللى بينزلوا موضوعات قليلة

هى هى

عملنا الساحة الناس هتكسل كالعادة