اقتراح .ساحة للتفاؤل

يا جماعة انتوا بتقتلوا الفكرة من البداية ؟
الموضوع نفسه كان يدعو للتفاؤل وانتوا أحبطتوه
أنا شايف والله إن وصولاً للحل الوسط أحسن كلام اللي قاله محمد مجدي
مؤقتاً نعمل مواضيع تفاؤل في كل ساحة ولو لقينا الموضوع ماشي حلو أوي و كدة
والمواضيع زادت والناس مش ملاحقة ساعتها نعملها ساحة ويبقى ده سبب أدعى

ربنا يوفقكوا

في التصويت الرفض تساوى مع القبول

الحكاية مش رفض ولا قبول

المشكلة بجد انتو حسين بالتفائل هو مش مجرد اى كلام بيتقال

وكمان الساحة مش هى اللى هاتخلق روح التفائل افعالنا هى التفائل

يا سلام انا افضل اقرا موضوع طويل عريض عن التفائل وفى الاخر ولا حاجة

المهم الفكرة توصل ولو كانت بسيطة وفى اى مكان مش مهم الساحة على قد اهمية الفكرة

المهم الاحساس بالتفائل الناس كلها بتقول انا متفائل وتيجى تبص عليه تلاقيه مكشر ومش طايق نفسه

يعنى علشان بس تعرفو هو مجرد كلام

الموضوع ده بقالو قد ايه كتير جدا وفى الاخر لا شىء

ولا حد اتحرك ولا الناس وافقت على حاجة علشان تعرفو انه مجرد جدال وخلاص

السلام عليكم

اصحابى الحلوين عاملين ايه


اتمنى لكم الف صحة وسعاده


ايه يا جماعه المناقشات الطويلة دى

ايه يعنى اما يكون فيه اكتر من ساحة ...ساحة للتفاؤل او لاى حاجه تانيه

احنا هانتعب من دلوقت والا ايه

الفكره جميله جدا واحنا لسه شباب أى فكره المفروض علينا نشجعها وندعمها ونشارك فيها كمان

هى الحياه هانعيشها كام مره واحنا النهارده عندنا وقت بكره ننشغل ونتشوق على اى كلمه حلوه تفتح لينا باب امل او تنتشلنا من بحور اليأس

شبابنا لو ما أشتركش فى منتديات تفيده بالطبع هايشترك فى منتديات تضره
(نفسك ان لم تشغلها بالحق شغلتك بالباطل)

دا احنا عايزين مشوار طويل على رفع الهمم وتشجيع الافكار بقه على كده

وعلى فكره العدد ال3 من الموضوع نزل

يعنى الموضوع قبل الموافقة عليه ماشى بالشكل الجامد ده

امال لو وافقتو عليه ابه اللى هايحصل.............تخيل بقه

يا جماعه احنا شباب والشباب لا يكل ولا يمل احنا بايدينا نعمل كل حاجه حلوه

يا جماعه بكلمه حلوه تملك قلب اللى حواليك

وبكلمه تقلب الامور رأسا على عقب

أرجو اتخاذ قرار سريع فى هذا الموضوع

وانا اسف اذا كان الكلام لهجته شديده شويه

وعلى العموم دى كانت مجرد فكره مش اكتر

اخوكم الـــمــ(أحبكم فى الله)ــــــــــــــــــــــــــــــــــــــــــــــــــــــــرى

ربنا يكرم حضرتك على الكلام المشجع دة

و ان شاء الله القرار هيكون بسرعه
دعواتكوا بس عشان مشغولين فى كذا حاجة

ادعولنا ربنا يوفقنا و نقدر نقدملكم حاجات تسعدكوا و تفيدكوا و كلنا طبعا نعمل كل حاجة سوا و انتوا شاركوا بارائكوا و افكاركوا و نحاول نطبقها كلنا باذن الله
كلنا فريق واحد و ايد واحدة و دفعه واحدة