اتعلمت ايه النهاردة ؟؟

اتعلمت ان لازم نقابل مشاكل و حااجات تزعلنا فى حياتنا .. و دة طبيعي لان دى الدنيا

يا رب فرحنا فى الاخرة و ارضى عننا و اجبرنا

ناس كتير عندها مواهب ومخبياها

او بمعنى اصح

مش عارفه تستغلها

اتعلمت ان القراءة شىء جميل و ممتع

اتعلمت ان الانسان لازم يكون زى ما هو

مش مهم الناس طالما هو صح وعلى يقين ومؤمن

الناس هاتبقى تفهم بالتدريج

انا اتعلمت ان بروفيسور بيتعلم المعلومة اللى بيتعلمها دى كتير

و انا برضه ازدادت تعليما للحاجة اللى بتعلمها كتير و هى انى كل ما اتعلماكتر احس انى اجهل اكتر

Beautiful life
Only one who experienced the right way

اتعلمت ان الواحد لما بيدور على صفة معينة فى الناس و يتمنى يلاقيها فى اصحابه و مش عارف يلاقيها ..لما بيسعى ربنا بيكرمه و بيرزقه بناس تقابله فيها الصفه دى فيحس انه لبى كل احتياجاته من الاصدقاء الحمد لله

اتعلمت ان الصمت افضل والتأمل أوفي

اتعلمت انى مسالش على ناس معينة

لانى مش فى دماغهم اصلا

وبالتالى انا هانفض لهم على الاخر

اتعملت ازاي اشتغل مع فريق وازاي اعمل تحت ضغط وازاي اخد قرارت بسرعه في وقت قليل وتكون صح وحاجات كتير الحمد لله من يوم الندوه

عضو ربنا يكرمه

وانا ملاحظ تقدمه

كويس يا صبرى

انا الحاجات ديه اتعلمتها من زمان واخدت فيها خبره الحمد لله

اتعلمت انى ماكونش زى ما الناس عايزة اكون زى ما انا عايز

لحظه حلوة بالدنيا

اتعلمت ان النوم بدري والصحيان متأخر حلو وبيخلي الواحد بيس مع نفسه

اتعلمت متقلش فى الاكل

اتعلمت اني لو ماقدرتش اطبق كل اللي عارفه .. احاول في شوية حاجات الاول وبعدين اشوف

فعلا الواحد لما بياخد اى شىء بالتدريج بييجي معاه ..غير لما يدخل فى نفسه شمال مرة واحدة

صح

اتعلمت ان الدعاء ممكن يغير حاجات كتييييييييير اوى اوى الحمد لله

يا رب

فعلا .. وعن تجارب كتير جدا جدا جدا

كان ليا واحد صاحبي يفكرني بحديثين احلى من بعض عن الدعاء

( الدعاء مخ العبادة ) ، و ( الدعاء هو العبادة )

فعلا .. الحمد لله

---------------

اتعلمت انى لما بتعب ايدي شوية فى المحاضرة و اكتبها بالتفصيل ..برتاح اوى لما اجى اقراها و بحس انى فاهماها كويس و كانى بسمع صوت الدكتورة و هى بتتكلم تانى

الحمد لله كما ينبغي لجلال وجهه و عظيم سلطانه

و ربنا يستر فى الاسبوعين اللى مش بحضرهم

اتعلمت ان الدنيا دى مش زى ما كنت فاكره وفيها ناس

استغر الله العظيم منهم

معرفش هما ايه ؟؟

ازاى بيستحلوا اللى هما بيعملوا فينا ده

والاسم انهم دكاتره فى الكليه وانهم مربين الاجيال

صح بيربونا انهم ياخدوا فلوس زياده عن حقهم وغصب عنا (يعنى بسيف الحياء )

وكمان ما يبشرحوش

وفوق ده كله كمان مجهزين نفسهم انهم يسقطوا الطلبه على اتفهه حاجه
لمجرد انهم اتكلموا
بجد الدنيا دى وحشه اوى

اتعلمت انى كنت عايشه فى دنيا المثاليه والاخلاق والقيم والمبادىء
بسي اكتشف انا اللى غلط وان انا عايزه الدنيا تعيش بالحق وان الناس تعامل بعض لمعاملته لربنا

مش للناس نفسهم

واهم حاجه انى كنت بحلم بمعالم مثالى مش موجود وهعيش ادور عليه ومش هلاقيه اصلا

لان معدش فى حد عايش فى عالم المثاليه اللى انا كنت فهماه

يااااااااه واضح انى فعلا زى ما قالوا عليه انسانه هبله وطيبه زياده عن اللزوم
لدرجه انى بتصدم كتيررررررررررررر اووى

بجد ليه كده

ليه الانسان مايعملش اللى ربنا امره بيه

طب بلاش
ليه ما يعملش اللى الانسان الطبيعى العاقل المحترم المفروض يعمله

طيب بلاش كل ده

ليه لما يكون الانسان مسئول عن وظيفه وتكون مهمه ليه ما بيعملش بوظيفته

والمطلوب منه فيها

ليه الظلم ؟؟؟؟؟؟؟؟؟؟؟؟؟؟؟؟؟؟

لما يربى عياله من الحرام ربنا هيتقبل دعواته ازاى ؟؟؟؟؟؟

هيقف قدام ربنا يوم القيامه يقوله ايه ؟؟؟على الامانه اللى اتحمله وكان ظالم فيها

حسبى الله الذى لا اله الا هو عليه توكلت وهو رب العرش العظيم

اتعلمت كمان انى لازم معنتش ازعل نفسى ابدا علشان الانسان مش انسان اصلا
والاسم انه دكتور جامعى

وانى لازم اكبر دماغى وانى اذاكر وخلاص
واللى يحصل هو اللى ربنا كاتبهولى

وان الكليه مش اخر الدنيا
اخر الدنيا لئما جنه او نار

واهم حاجه عندى انى تكون نهايتى فى الجنه باذن الله
وبعد كل اللى اتعلمته ده

الله اكبر فوق كل انسان فاكر نفسه يقدر يتحكم فى اى حاحه فى الدنيا
وربنا لا يمكن يترك انسان يطغى
اكيد النهايه هتكون ..............

ربنايعافينا ويبعدنا عن الظلم والطغى والظلمه والطغاه
اللهم امين

اه نسيت اقول انى اكيد اللى هيشوف الكلام ده اكيد مش هيقراه
والاحسن انه مايقراهوش علشان ما يجلهوش اكتئاب


على فكره اكيد دلوقتى بتقولوا البت دى كئيبه اوى
لا انا خلاص معنتش كئيبه لان مفيش حاجه فى الدنيا تستاهل انى اضايق علشانها

زى ما قال عمر ابن الخطاب (اى مصيبه بعيده عن دينى فهى هينه )

متعمليش فى نفسك كده الدنيا مش مستاهله

وانا معاكى فى حاجات كتير من كلامك

وفعلا لازم الواحد يكبر للدنيا وميزعلش نفسه

انا مثلا مش بزعل من اى حاجة يتحصلى وبحمد ربنا على طول

اتعلمت ان الدنيا صغيرة مهما كبرت فى نظرى