اتعلمت ايه النهاردة ؟؟

صدقت


اتعلمت ان لما يكون فى حاجه فى المذاكره انا كده كده هعملها

ما اجلهاش لانى خايفه منها ولانى مش هعرف اعملها

من قبل ما اجرب واشوف هعرف اعملها ولا لا ؟

وانى اشجع نفسى ويكون عندى ثقه فى ان انا شطوره وبكتب اجابات حلوه وصح

وربنا معايا ان شاء الله

اتعلمت انى لازم اافكر لما اتكلم حتى لو اتلخبطت او حد خضنى .ماانطقش غير لما افكر

اتعلمت اني لازم ابقي زي القطار


له سكة معينة

ما بيتحركش الا لما اكون عارف محطاتي ومواعيد وصولي وخروجي

واني همر بمحطات كتير وناس كتير هتركب وناس هتنزل


بس اللي هيركب لازم يعرف حدوده واللي هينزل برضه بنفس النظام


لحد ما اوصل لاخر محطة ويتقال اني كنت قطار مثالي

أتعلمت أني أحمد ربنا كتير في أي موقف

ولإن شكرتم لأزيدنكم

قال عمر بن الخطاب رضي الله عنه :- من كثر ضحكه قلت هيبته

انا اتعلمت كتير اووووووووى

فى الاسبوعين اللى قعدتهم عند خالتو دول

انا اتعلمت الصبر

عمرى ما كنت بصبر بالدرجه اللى صبرت بيها هناك دى خالص

وبقيت بستحمل حاجات عمرى ما كنت استحملها فى بيتنا ابدا

وعملت حاجات معلملتهاش فى بيتنا

وعرفت ادى الامهات بيتعبوا وبيتبهدلوا اخرررررررررررررررررررررر بهدله

وادى ايه الامومه صعبببببببببببببببببببببببببببببببببببببببببببببببببببببببه

وتربيه الاولاد متعبه لابعد الحدود وان الامهات بيتعبوا اوى

وادى صعب ان الواحد من ساعه ما يصحى لحد ما ينام عمال يشتغل

من مطبخ لشقه لضييوف لطلبات العيال لتنضيف قبل وبعد ما العيال ياكلوا

ااااااااااااااااااااااااااااااااااااااااااااااااااااااااااااااااااه

حاجه صعبه اوى الجواز ده

الله يكون فى عون كل واحده بتدرس وهى متجوزه

انا قعدت ادعى للبنت اللى معانا فى الكليه دعى الله يكون فى عونها

دى متجوزه ومخلفه ولد كمان بجد ربنا يعنها

اه اتعلمت كمان ان الناس اللى عندهم ذوق

اختفوا من البشريه بقت نسبتهم حوالى 3 او 4 %بالكتير

انا كان هيجلى انهيار عصبى

بقى يا ناس واحده عامله عمليه اجهاض قيصرى فى الشهر 5 وبطنها مفتوحه

ونايمه فى السرير مش بتتحرك من مكانها ومش بتقدر حتى تتكلم

ونفسيتها تعبانه علشان بنتها اللى لسه ميته

تقوم يوم ما ترجع ن المستشفى ما تعرفش تستريح 10 دقايق على بعض من كتر الناس

وطول اليوم ناس داخله وخارجه بدون استئذان ما وصلش عندهم اختراع

يتصلوا قبل ما يجوا



طب بلاش كل ده يجوا فى مواعيد الزياره الطبيعيه بعد المغرب مثلا

لكن انا عمرى ما شفت ناس بتزور ناس العصر

يعنى المريضه دى مش عايزه تاكل وتاخد الادويه وتستريح ولا ى جماد ولا ايه ؟

حد يفهمنىىىىىىىىىىىىىىىىىىى

لحسن انا خلاص اتخنقت من البشر دوووووووووووول

بجد معرفش هى الناس بقت متبلده ولا ايه بالضبط


يلا انا طلعت فيكوا كل اللى جوايا لحسن انا حاسه انى هيحصلى حاجه من البنى ادمين

ههههه
معلش يا فداء
أولا يارب خالتك تقوم بالسلامه وربنا يصبرها وتبقى بخير
ثانيا متزعليش على الناس دي هما اكيد بيبقوا عايزين يطمئنوا على خالتك بس وأكيد خايفين عليها فبيحبوا يسألوا عنها بإستمرار
يابنتي سؤال الناس نعمه برضه في ناس والله قلوبها حجر ولا بيسالوا ولا بيتهزوا وبيبقوا من عليه واحده

انا مش زعلانه والله بس انا كنت تعبانه بقى وكده يعنى

لكن بالنسبه للناس

مش هنعمل زى الدب اللى قتل صحبه من الحب

يعنى الزياره ليها ادابها

والمريض فى اداب عند زيارته

بتبقى حاجه جميله لما تلاقى بابك او امك او خالتك اول لما يحصلهما حاجه لا قدر الله

كأن وزير ولا وزيره هو اللى تعب

بس رخمه جدا ان الناس ما يقدروش ده وما يسمعوش كلام ربنا سبحانه وتعالى

وكلام النبى صلى الله عليه وسلم

بخصوص اداب الزياره

هى دى الحاجه الوحيده اللى مضيقانى وبيتهيالى عندى حق صح ؟؟؟

فى ناس كتير يؤيدونى فى وجهه نظرى

طبعا الزياره ليها أدابها وكل حاجه وانا مش مختلف معاكي في ده
ولا حتىانا معاكي في الموقف بتاعك عشان اقدر أحكم عليه
انا بس إلتمست ليهم عذر مش أكتر وأكيد طالما إنتي من مكانك شايفه إنهم ملتزموش بأذاب الزياره مثلا أو كان في حاجات مبالغ فيها فيبقى عندك حق
اتعلمت النهارده:
إن مفيش يوم بيعدي على الإنسان من غير ما يتعلم حتى لو اليوم ده مش هيعمل في حاجه أو هيقضيه نوم مثلا لازم بتحصل مواقف بتكسب الإنسان خبره

مش عارف دي وراثه ولا ايه عن جنسنا العربي
بس إحنا كل لما بيزيد عددنا كأصحاب كل ما بيزيد إختلافنا
والإختلاف ده كميل لأنه بيصنع التكامل بس أحيانا بيبقى وحش أوي لو حبينا نتفق على حاجه كلنا نعملها

اتعلمت انى لازم اول ما اتصاب مكملش لعب كورة

يعنى اخدها من قصيرها واقعد بره

سلامتك

تسلم يا صحبى

الف سلامه عليك


وانا اتعلمت
ان احلي حاااااااااجه بجد لما تحس انك مع توئمك بجد
يمكن احنا مش اخوااات بس بجد اكتررررررررر
الحمد الله


نفسه

الله يسلمك يا هبه

بس هو "نفسه" على ايه

انا اتعلمت معنى الانسان يكون محبوب وهو مش حاسس

وده بفضل نعمة ربنا علينا

الصبر جميل

بلاش العب بدراع بايظ فى البلاى ستيشن

هدر الوقت اكتر من الاستفادة بيه

لازم الرفيه عن النفس

اللي يعيش ياما يشوف ، كل يوم بالالوف ( النص التاني من عندي )

اتعلمت انى شخصية تستاهل الضرب

ليه كدة بس؟ إن شاء الله ربنا ميجبش حاجة وحشة
اتعلمت إن كل شئ بقدر
لكن محتار بين القدر والنصيب ومتأكد إن فيه فرق بينهم

ايه الكلام الغريب ده يا ندي



وايه الفرق ده علشان نتعلمه احنا كمان يا حنظلة




انا بقي اتعلمت

ان فيه بعد يضر وبعد غنيمة

اتعلمت ان الكتاكيت ضعيفة جدا وعايزة بيئة ملائمة للتربية

واتعلمت ايه نظام اكلهم وشربهم وحاجات كتير

المشكلة ان نصهم مات

Admin كتب:

وايه الفرق ده علشان نتعلمه احنا كمان يا حنظلة

والله مش حابب أبقى بفتي
لكن بلاحظ ده علطول وماشي بالحكاية دي
النصيب هو آخر مرحلة لكل نشاط أو عمل أو أي حاجة
لكن القدر هو المراحل اللي بتمر بيها لحد م توصل للنصيب
اللي هو غالباً الفرق بين Destiny and Destination
لما تكون عايز تروح الجيزة وانت في التحرير وتوصل الساعة 6
وانت ماشي في الطريق اتعورت بعدين قولت تركب والاتوبيس اتأخر وبعد كدة كان ماشي براحة وجت 6 وانت لسة موصلتش
كل ده Destiny
لكن لما توصل متأخر وتفتكر إنك اتأخرت على الميعاد وروحت الساعة 6 ونص وكان مفروض تروح 6 بس روحت 6 ونص علشان أصلاً كان ميعادك 6 ونص
ده Destination
يعني باختصار كل واحد هياخد نصيبه لكن الأقدار بتختلف

أقدارنا صنعت بغير خيارنا لكننا نختار كيف ستنتهي
وبرغم كل الأمنيات نظل سفنٌ تأتي الرياح بما لا نشتهي

والله أعلم ... دي نظريتي المتواضعة عن الحكاية دي وعاملالي مشكلة كبيرة في حياتي لأني عارف إن محدش بيعرف الغيب لكن ممكن يلاقي دلائل تشير هو ماشي صح ولا لأ .. طبعاً في الحاجات اللي مش باينة لكن الصح صح والغلط غلط ..
يارب أكون مش بهيس