اتعلمت ايه النهاردة ؟؟

السكر والضغط طلعوا امراض وراثيه فى عيله ماما

الحمد لله على كل شىء

زى ما فى طلاق رجعى ولائن بينونه صغرى وكبرى فى طلاق سنى و طلاق بدعى

وفى فرق بين زواج المتعه والزواج المؤقت

واستحسن العلماء شروطا فى الزوجه انها تكون اكثر من زوجها جمالا وخلقا وورعا

واقل منه نسبا ومالا وسنا

الانسان بيتغير في لحظة


أهم حاجة ياخد باله من كام حاجة كده


زي مثلا


الحديث عند الغضب حماقة


والجزاء من جنس العمل


والتسامح من شيم الكرام

اتعلمت اني اقدم المساعده لاي شخص محتاجني حتي لو كان بينا مشاكل بس هو محتاجني حتي لو ماطلب
مني،
وانسي الخلاف ولو مؤقت،،

اتعلمت إن
في حاجات كتير بكون عايزها وعارف إنها متنفعش
وبصر عليها رغم إني خلاص وصلت للنتيجة اللي كنت عايز أعرفها بس برضه مش مقتنع
فالحمد لله اتعلمت أتأقلم

اتعلمت ان الدنيا ضيقة


علشان لما عرفت ان اوباما جاي ، ما كنتش عارف هييجي امتي

بس حسيت انه هيجي في يوم ليا في الجامعة

وفعلا جه يوم امتحان ، والامتحان اتاجل

فزعلت


وبعد كده عرفت انه جاي قصر عابدين

فرحت علشان هو قريب من البيت

وفي الاخر الزيارة اتغيرت وبقت لقصر القبة


وبعد كده عرفت انه جاي يا اما جامع الازهر او مسجد محمد علي في القلعة

وبعد ما خلصت قراءة الخبر في الجرنال ، لقيتهم بيسفلتوا الشارع عندنا وبيجددوا المنطقة كلها


من الواضح ان اوباما بيدور عليا ههههههههههههههههههههههه

هههههههههههه جامدة الحكاية دي


خذ حذرك يا هشام

----------------------------------


إتعلمت إن الاحلام بالناس تتحقق

انا ماسك الموبايل وعمال اصور


وانا اصدقك فيما تقول حول ما تعلمته


فعلا الاحلام بالناس تتحقق

والدليل اللي بيحصل في الزيارات المهمة

حقا

وكوميرس أيضاً اعتقد انه مثال لذلك


شكلي هكلمك ساعة اما يجي أوباما ونروحله سوا عشان نفسي أشوفه


بس مش عارف ينفع كدة ولا لا ؟؟؟

هههههههههههههههههههههههههههه


جالنا مباحث قالنا


ممنوع الخروح من البيت او الدخول له في وقت الزيارة


ممنع فتح الشبابيك تمام


فيه قناصة


شكرا



ده اللي اتقالنا


هههههههههههههههههههههههههههههههه فلو عايز تيجي ، انت تنورني ، وعزو كمان شكله هينورني

واحنا التلاتة شكلنا هنور في حتة فيها نسور بتقف عالاكتاف ههههههههههههههههههههههه

هههههههههههه

انا استغربت لما قولت انه جاى بيتكم لانى اعرف انه رايح الجامعه

وبعد كده عرفت انه رايح القلعه كمان بس هو جاى يلقى خطاب ولا جاى سياحه

==============================

انا كنت اعرف ان سيدنا عيسى عيه السلام مولود فى فلسطين

بس مكنتش اعرف انه مولود فى مدينه الناصره غير امبارح

ربنا يجمعنا بيه وبسيدنا محمد (صلى الله عليه وسلم )فى الجنه ان شاء الله

اه يا جماعة انا بقى اتعلمت حاجة جامده امبارح ان الدنيا لما تقفل اوى و انت مع ربنا بتفرج ديما فى اخر لحظة من اختبار الصبر ده الحمد لله

لو كنتى قولتى بدرى كنت سلمتلك عليه انا حلمت بيه من اسبوع كده

وكان عندنا فى البيت وقاعد فى الصالون

وكنت قاعده معاه بس بصراحه كان رخم اوى فى الحلم ومتكبر كده مش فاهمه على ايه ؟؟

اتعلمت اننا مش هنتعلم أبداً !

علشان واحد رئيس مبقالوش كام شهر ... وحتى لو كانت دولته أكبر دولة في العالم بس عمرها ميكملش عمر حجر من أحجار أصغر هرم في دولة عمرها أكبر من تاريخ جذور جذورهم

يعني من الآخر اتعلمت إن الرياء مالي البلد اليومين دول وبطريقة غريبة !

يا حنظلة المشكلة في اننا بقينا نستني الأمل من برة


مع ان الامل فينا احنا وبس



ويا فداء هو هيدخل مسجد السلطان حسن اللي هو قصاد بيتي مباشرة ، يعني لو ايدي طولت 20 متر ، ممكن احط ايدي علي المسجد وانا بكتب المشاركة دي حالا


وجامد الحلم بتاع الصالون ده ، انا عن نفسي اموت في الاحلام دي ، كل اصحابي عارفين اني صاحب الاحلام الهندية

ههههههههههههههههههههه



ويا سنو وايت ، هوانا مش هأقابله ولا حاجة ، لأن جايلنا انذار،ان اللي هيفتح الشباك هياخد اول مرة انذار ، وتاني مرة هيتضرب بالنار من القناصة مباشرة




اما بقي انا امبارح اتعلمت حاجة مهمة اوي اوي اوي اوي


ان في الساعتين بتوع الامتحان دول


انا روحت الجامعة ودخلتها وخرجت للمدينة الجامعية وبعدين روحت في السيدة زينب وزارة التعليم العالي

وبعدين طلعت علي شارع القصر العيني لأكاديمية البحث العلمي ، وعملت تليفونات اد كده ووقت علي ما بأركن العربية

والدنيا زحمة ،وشرب عصاير في المحلات

وتليفونات اد كده ، وكل ده والساعتين ما كانوش خلصوا بتوع الامتحان

سبحان الله ، مع ان في الامتحان ، الوقت بيعدي هواااااااااااااااااا

عندك حق والله

بس بجد حكاية القناصة دي ؟
حاسس إني في فيلم أمريكي !!!
كان نفسي أكون في الموقف ده
كنت استغليت الوضع وقولتلهم طب افرضوا اتحريت وحبيت أفتح الشباك علشان شوية هوا ولا حاجة
اتخنق يعني
وتطلب منهم يجيبولكوا تكييف أحدث طراز في كل أوضة عوضاً عن إنكوا تفتحوا الشبابيك
وكأنكوا ماسكينهالهم ذلة وميقدروش يتكلموا
برضه مفروض تكونوا أمريكان في الحتة دي وتعرفوا تسلكوا مصالحكوا زي م أوباما هيعمل !

يا سمير عايز اقولك التفاصيل بجد رهيبة



احنا المنطقة عندنا كان فيها سريات من كل حاجة


عدد العساكر والظباط وكل حاجة ، صعب حصرها جدا



ويا فداء


مسجد محمد علي ده هو جامع اللي بنشوفه اللي مشهور بالقلعة


والقلعة دي ما هي الا صور حصن كبير علي هضبة


والمسجد ده بناه محمد علي جوة الحصن ده واللي هو مليان بالنقوش

وفيه برضه مكان للوضوء

بس مسجد محمد علي ده اللي كانوا بيصوروه من برة النهاردة من تحت


اللي هو قبله الميدان والنافورة


والميدان والنافورة دول اللي بيتي بيطل عليهم


والكاميرات اللي كانت بتصور دي كانت واحدة علي ناصية الشارع

وواحدة علي عربية من عربيات التلفزيون اللي كانت راكنة قصاد البلكونة


وواحدة كانت فوق البيت عندي


الجامع بقي الكبييييييييييييير ابو مأذنة كبيرة واللي كانوا بيصوروا جسمه بالتفصيل ده


هو ده مسجد السلطان حسن


علي فكرة مسجد السلطان حسن ده هو اللي طلع منه الشيخ علي جمعة


ظهر فيهم وقعد حوالي 3 او 4 سنين ، واشتهر اوي ، والناس كلها كانت بتجيله من كل مكان

ومرة واحدة لقيناه المفتي


المهم

انا تحايلت علي قوات الامن دي كلها ، وصورت من البلكونة موكب أوباما ومنظر القوات وهي ماشية بعد ما خلصت الزيارة عندنا

كل ده هأنزله في موضوع ، وهأنزلكم التفاصيل والفروق والتوضيحات

انا اى نعم ما مفهمتش حاجه من وصفك للجامع والقلعه

بس مستنيه الصور اللى انت صورتها علشان اتفرج

======================

اتعلمت انى ما اعتمدش على ذاكرتى

من عنيا



وانا بقي اتعلمت اني ما اكشفش عن اسرار الشغل حتي لأقرب المقربين


لأن ده يؤدي لخسارة حتمية


وانا جاتلي بخسارتين ههههههههههههههههه

اتعلمت ان اللى يقول ان الاصحاب الكتير هم او تخمه على القلب

يبقى غلطااااااااااااااااااااااااااااااااااااااااااااااااااااااااااااااااااااااااااان

واتعلمت ديما استمر على دعائى لربى يخليلى صحبه الخير

والصحبه الصالحه اللى ربنا رزقنى بيها


ربنا رحيييييييييييييييييييييييييييييييييييييم ,,رؤف بعباده

ده انا اتعلمت كتير جدا فى الايام اللى فاتت

وخاصة لما اتعلم حاجة انا مش فاهمها ومش فاهم هى جت ازاى

اتعلمت ان لازم ادرس مدي جدوي الفعل قبل القيام به


وذلك ترشيدا للوقت

ده كويس

اتعلمت ان الواحد لازم يكون متفاهم جدا فى كل حاجة

ولازم التحدث والتفاعل وده لمنع الملابسات فى تفكير والفهم