عن الاجتماع الشهرى

استقريتم علي ايه؟

Mohamed Mamdouh كتب:

خلاص .. يبقى الاجتماع الجاى هنتكلم عن الانترفيو
و ما شاء الله عندنا ناس كتير فى الدفعه تقدر تساعد فى الموضوع ده

على حسب ما فهمت ان كده هيبقى فى كذا سيناريو لانترفيو هيتقال او هيتعمل اقدام الناس بحيث يكونوا متضمنيين الاخطاء الشائعه اوالتصرفات الغلط الى ممكن تحصل

يبقى كده عايزيين نعرف ايه هيا الغلطات الشائعه وهنعملها فى كام سيناريو ومين ممكن يجهز السيناريوهات دى؟ ومين يحب يشارك فى تنفيذ السناريوهات دى عشان ننسق مع بعض من دلوفت؟

وانا معاكوا ان شاء الله

طب ومين اللي هيخرِج ؟

أنا مستعد أشارك في تنفيذ السيناريو لكن مليش أوي في الحوار .. .يعني اللي عنده أسألة إنترفيو و إجابتها يبقى كويس علشان نظبطتها ونعمل عليها حوار واقعي ... هحاول أرتجل شوية في السياق لو عرفت

وفكرة كويسة دي ..

ربنا يوفقنا إن شاء الله

بس أنا أرجع يكون السبت زي م هو .. لأن رمضان هيكون دخل خلاص و عادي يعني ... ومنصحش بعدها علشان إسمه اجتماع شهر 8 ..

لكن ربنا يستر و ميكونش عندي حاجة في آخر 5 أيام في أغسطس دول علشان فينال ليفيل 13 ده مهم جداً بالنسبة لي

ربنا يسهل

انا رأيى ان الى يظبط موضوع الشكل الى حيتقدم فيه الفكره
يبقوا اكتر ناس عملت مقابلات شخصيه وعندها خبره بيها
عشان يكونوا عارفين اكتر الاخطاء الشائعه فيه ويوظفوها ف مواقف وحوار وهكذا
وانا بقترح ان يبقى فيه منظم للفكره ومشرف عليها بشكل عام زى مخرج كده
ويبقى هو مسئول عن تجميع الافكار دى
يعنى ممكن يبقى موجود قبل الاجتماع بشويه ويظبط الامور دى كلها
حد يطوع بقى ...... بدل ما نقترح اسم حد وندبسه

مين اللي هيتطوع؟

طب ما تطوعى انتى يا يسرا بما انك صاحبه الفكره وتشرفى عليها بشكل عام

واحنا معاكى طبعا ان شاء الله

اه دى تدبيسه بقى ولا ايه ؟؟؟؟؟؟
انا والله ماعنديش مانع
لكن المشكله هى انى مش عندى خبره ف المسأله بتاعت الانترفيو دى
يعنى مامرتش بالتجربه دى كتير عشان يبقى عندى الافكار الكافيه
يعنى بالنسبه للتنظيم انا موافقه ولكن لو فيه حد عنده خبره فى المقابلات الشخصيه
ممكن نتعاون ونخرج افكار كويسه
ايه رأيكوا ؟؟؟؟؟؟؟

كلام جميل
انا شايف إن خليفه ممكن يكون معاكي جدا يا يسرا لأنه يعرف كتير عن الأنترفيو وهيبقى عارف الأخطاء اللي ممكن الناس تقع فيها وينبهنا ليها وكده

انا تحت امركم شوفوا انتو عاوزنى اعمل ايه و امتى و انا ان شاء الله جاهز

خلاص تمام حلو اوى وانا ان شاء الله هنسق مع خليفه وصبرى وهشام وسمير وندى وكل الى عايزين يشاركوا

انا موااااافقة و بعد الزيارة البناتيت تخرج مع بعض و يفطروا سوا و الولاد يخرجوا مع بعض و يفطروا سوا و لو كمان تقدروا تصلوا التراويح سوا هيبقى يوم حلللللللو اوى اوى اوى و كله طاااعه و خيييييييييييير


بجد تبقى تحفة لو تروحوا تعملوا خير سوا و بعدين تفطروا سوا و بعدين تصلوا التراويح سوا هيبقى بجد يوم كله ثووووووواب وو هيبقى اكيد لذيذ جداااااا لان سبحان الله بجد لما مجموعه مع بعض بيعملوا خير بيتبسطوا جداااااا

و اى طاعه الانسان بيعملها فى جماعه بيبقى سعيييد اوى بيها لان ربنا بيحب وحدة الامة على الخير

كل سنة و انتم طيبين و بخييير و يا ريت الاقتراح دة يتنفذ



يا رب توافقوا كلكوووا عليييييه


و كل سنة و انتم طيبييين و بخيييييييييييييير

ما هوا ده الى بفكر فيه

موااااااااااااااااااااااافق

بس لو فعلا فاضى

انا موافق على الفكره بس مش موافق على تنفيذها في الوقت ده
عشان الموضوع اللي حكتلك إني عايز نعمله لو تفتكره ؟
بس لو ينفع نعمل الموضوع ده مع موضوع زيارة الدار انا ماوفق

السلام عليكم ورحمة الله وبركاته

تمام لحد كدة

و رأيي هيروح لإننا فعلاً نروح دار الأيتام طالما في رمضان و نقدرنكون متجمعين و نستغل الفرصة دي و نروح إن شاء الله

لأن ببساطة موضوع الانترفيو ممكن يتأجل .. وكمان يكون اتظبط أكتر لأني مش عارف وصلتوا فيه لحد فين

لكن إن شاء الله يتنفذ فعلاً

و فكرة الفطار كويسة جداً برضه لأن هنقضي يوم حلو إن شاء الله في الدار و نطلع نفطر تبقى كويسة علشان الناس اللي بيتها بعيد أو بعيدة عن المكان اللي لسة معرفوش .. ميكونش عندها حجة و يكون كدة كدة الفطار برة

و إن شاء الله يكون يوم حلو و ثوااااااااب مضاعف بقى للصبح إن شاء الله

ربنا يوفقنا و يعينا
وجزاك الله خيراً يا ممدوح ع الفكرة

في انتظار ال ok

قشطة جدا


انا موافق علي الحوارات دي

كلها افكار جميله جدا
وربنا يجازيكوا كل خير
بس انا بقترح انه يكون دار مسنين افضل
سدأونى الايتام بيلاقوا ناس كتير تهتم بيهم ماديا وتربويا
ولكن المسنين بيكونوا عايزين حد يكون جنبهم ويحسسهم انهم لسه موجودين وغاليين على حد
كل الاهتمام بالايتام وبعيد اليتيم
طب فيه عيد للمسنين؟؟؟؟؟؟ ظلم والله
الناس دى بتبقى عايشه حياه وحده بعد ما كانوا اباء وامهات مسؤلين عن أسره كامله
وحياتهم مليانه ناس بعد كده بيلاقوا نفسهم لوحدهم
فكروا وشوفوا
ونبقى نختار دار ف مكان وسط
عشان يبقى قريب للجميع او حتى قريب من المترو او مواصلات سهله
وكل عام وانتوا طيبيين

دي فكرة حلوة جداً

جزاكِ الله خيراً عليها بجد

ربنا يكرمك و نقدر ننفذها إن شاء الله

أنا موافق على دار المسنين أولاً ... و لو قدرنا دار الأيتام ... و الانترفيو نقدر نعمله في أي وقت إن شاء الله

أيوة كدة الأفكار بتطلع تاني

بس يارب تتنفذ بقى إن شاء الله

تمام برضه فكرة دار المسنين


بس يا رب نقدر نعرف نتعامل معاهم علي اساس برنامج معين نتفق عليه


علشان التعامل مع الاطفال غير كبار السن

المهم فى الحالتين جهزوا برنامح

لو اطفال يبقى هتشرحولهم حاجات تعلموهم و قصص حلوة تسلوهم و تفيدوهم

لو كبار خلوهم يعلموكوا بس ممكن يكون عندهم شوية تشاؤم او حزن فحاولوا تكلموهم كلام يخلوهم يتفاءلوا

كان نفسي يبقي فينا فنانين بجد



مقدرة علي القاء النكات


اداء تمثيلي لبعض الاسكتشات


مواهب صوتية وتمثيلية


إلخ

طيب مبدأيا يا جماعة هى فكرة تحقة بس غالبا انا مش هكون موجود ممكن اتعصب على عيل و لا حاجة انا بقالى فى رسالة اكتر من 4 سنين و مطلعتش عند الاطفال غير مرة و كانت غصب عنى مش عارف ليه بس مش بحب الاطفال ممكن اساعدكم انى اجيب لكم اسم دار و عنوانها و ممكن كمان اظبط لكوا زيارة تبع رساله هما بيطلعوا كتير و بالمرة هيكون معانا ناس خبرة

انا قشطة زي ما قولت في الاتنين



ولو عايزين دار ايتام ، تعالوا نروح دار السبيل اللي في المعادي


الاطفال اللي هناك زي العسل