تختار ايه

اذا الواحد جاله فرصت تدريب فى مكان له كفاءة وسمعة عالية لبدان ينتهز الفرصة

حتى يكون احد السبل التى ييسرها له الله بعد التخرج


شكل الغروب ولا الشروق(كلها ايات الله )

لا شكل الغروب افضل

اصلى عمرى ما شوفت الشروق غير مرة واحدة في حياتى ، وكانت الشمس تشرق حينها من خلف الاهرامات ، وكانت بحجم لم أراها في حياتى في مثله ، وكان منظر رائع جدا جدا ولن انساه

اما الغروب ، فهو يعنى لي الموت البطئ ، ويعلمنى ما اهمية الوقت ، والندم على ما فاتنى ، وصورا كثيرا قد صورتها للغروب في مناطق كثيرة ، واكثر ما احب ان التقط من صور ، تكون للغروب ، ورغم التقاطى لصور كثيرة جدا للغروب الا انى لا انسي ظروف التقاط صورة واحدة منهم


مشاهدة فيديو مفيد ام قراءة كتاب مفيد؟؟؟؟

لا فيديو

لانى مليش فى القراءة اوى للاسف

بالرغم انى كنت بحبها اوى زمان

و لغاية السنه اللى فاتت كنت ببقى ماشيه بكتاب فى ايدى غالبا

بس السنه دى مقرتش حاجة غير كتب الدراسه

و عموما الفيديو هيبقى اكيد شرحههه اوضح و بيقرب للفكرة اكتر


اللى بعدى

اصحاب حلوين و خروج فى مكان اى كلام
و لا مكان حلو من غير اصحاب

لا اصحاب حلوين طبعا ، لأن طول ما اصحابي حلوين ، هنخرج نروح مكان حلو ، ولو ما روحناش مكان حلو زي ما حصل اول امبارح ، فبسرعة هتغير رأينا ونروح مكان حلو زي ما حصل ، ومصطفي باشا يشهد

المهم اللمة الحلوة والصحبة الجميلة ، هى اللى بتخلي المكان حلو ، لكن لو انا ماليش نفس ابقي مع حد او ابقي مشغول بالتفكير يبقي اقعد مع نفسي ، حتى لو حواليا 60 صاحب ليا ، وساعتها المكان اللى يخلينى افكر ده بيبقي بالنسبة ليا مكان حلو ، زي لما بأروح كتير اقف على كوبري قصر النيل ، او عند مجمع سان ستيفانو في اسكندرية


شرم ولا مطروح؟؟؟

لا مطروح البحر بتاعها احلي او يمكن متعوده عليه



اللي بعدي
رسم ولا شعر

انا بحب انى ارسم لكن مليش فى كتابة الشعر لكن بحب اقراه

وعندى دواوين كتيرة الشافعى و حافظ ابراهيم و غيرهم

الخروج باليل ولا بالنهار

هو بليل احسن عشان الجو بس
غالبا بخرج في النهار مع اصحابي عشان الوقت



اللي بعدي

قراءة قران ولا الدعاء

مممممممم

صعب الاختيار دة

بس بحب الاتنين اوى

بحب ادعى ربنا بكل شىء اتمناه
و بحب اقرا القران و اتعلم حاجات جديدة و استمتع باحلى كلام

بس ممكن اقول القران
لانى سمعت حديث قدسى بس مش فاكراه
بما معناه ان اللى يشغله ذكر الله عن الدعاء . ربنا بيديله ذى او اكتر مش فاكرة من اللى بيديه للسائلين

و كمان بتعلم منه حاجات جديدة و ايمانى بحس انه بيزيد و يتجدد و برضه الدعاء بيعمل حاجات حلوة كتيييييييرة

بجد من احلى الحاجات

اللى بعدى

عيد الفطر و لا الاضحى

لا صعبة دى ، مع انى ماليش لا فده ولا فده دلوقتى

بس نخليها شعر


اللى بعدى


ليبيا ولا الاردن؟؟؟

الاردن
عندى انتماء ليها لانى اعدت فيها يوم من حياتى

خلال سفرى زمان من مصر للسعوديه و كان عندى حوالى 9 سنين الاتوبيس اتاخر و بيتنا يوم هناك

بس كان يوم جميل اوى مش ناسياه
كان فى وقت العيد الصغير و كانوا ناس طيبين
غي اللى كانوا مسافرين معانا و هزارنا و اللعب كان يوم حلو اوى

مع اننا كنا فى صحرا مفهاش حاجة

و كانت قبل ما الملك حسين الله يرحمه ما يموت بشويه

دة كل اللى فاكراه

لو هبه اكيد هتقول ليبيا

بس اجابتك كانت على سؤال قديم

المهم الاختيارين

افلام و لا مسلسلات

أفلام .. عشان بتنجز وبتدي المعنى في وقت كويس وبإمكانيات كويسة جدا أحسن من المسلسلات عشان المسلسلات طويلة جدااااا

بس لو مسلسل زي فارس بلا جواد أو يوميات ونيس .... مسلسلات محمد صبحي عموما بتبقى كويسة جدا

القمر ولا الشمس

لا القمر ، علشان بحس انه عزيز ، ما بيطلعش غير كل فين وفين؟؟؟


فودافون ولا اتصالات؟؟؟

موبينيل

مكرونه و لا بسله ؟

فودافون الشبكة الأولى على العالم .. فيها كول تون .. رسايل كلمني شكرا اللي بتنفع في الأوقات الحرجة .. شبكة جامدة جدا .. وفيها الفيديو كول كمان

زواج الصالونات ولا عن معرفة؟؟؟

مكرونه و لا بسله

مكرونة ويا سلااااااااااااااااام لو إسبكتي

صالونات ولا تكون عارفه / عارفها؟

لا عارفها

محشي ورق عنب و لا كرنب ؟

والله كان عارفها ، لكن دلوقتى مش فارقة ، سينا من سونيا

ههههههههه

السؤال نفسه؟؟؟

كله عند العرب برتقال

بتاع ايه

لو الاكل
ورق عنب

لو صالون و لا عارفها
انا مش هروح اخطب هههههه

بس لو عليا اكون شفته قبل كدة بس و لا اعرفه و يروح على الصالون علطول

اللى بعدى نفس السؤال التانى

انا مش فاهمه حاجة

سلام عليكم عشان الفجر قرب يدن

روحوا الحقولكوا دعوتين حلوين

سلام عليكم و رحمة الله و بركاته

ربنا يهديكوا جميعا

نسيت اقول الاختيار كان بتاع الصالون و الانتريه ده

هبقى اجى بعد الفجر على رواقه اشوف عملتوا ايه

ادعولى

مع انى مش عارف ايه الاختيار ، بس هتعبره نفسه ، وانا جاوبت


انا هأقول اقتراح ، ما تيجي نقلب اللعب لذكاء

بمعنى اننا نخلى الاختيار مع التعليل ، واللى يحط الاختيار ، يحطه بلمحة ذكاء بحيث انه يبقي لازم يكون اختيار غالب اختيار ، الا لو اثبت صاحب الرأى بكلام منطقي مقنع عكس ذلك


وابدأ انا ( ده لو وافقتم )


ارض تستصلحها بعيد عن القاهرة ومعاها عربية وزوج او زوجة ، ام شقة في القاهرة في مكان حلو ومعاها عربية وزوج او زوجة؟؟؟؟؟؟

انا من رايي ارض في وسط القاهره لاني مقدرش ابعد عن منطقتي و عن الناس اللي معايا مع ان الارض اللي خارج القاهره هاتكون هدوء اكتر بس انا من رايي العكس


اوك
تختار تتجوز و لا تعمل عمره ؟