تختار ايه

اتجوز

علشان زي ما بيقولو الزواج نصف الدين

تطلع عمرة ، ولا تستنى احتمال انك تحج؟؟؟

عصفور في اليد احسن من 500 علي الشجره
انا اطلع عمره احسن


تحب تسمع موسيقي و لا اغاني ؟

هوعلى حسب الموسيقى لو كانت موسيقى كلاسيك يبقى كويس قوى وافضل اسمعها من غير زهق وكمان لو كانت أنطونيو فيفالدي او هنري برسل او فريدريك شوبان او اكيد طبعا بيتهوفن

وبحب برده الاغانى

بس الاكتر الموسيقى

الى بعدى بقى ...

الافلام ولا المسرحيات ؟؟

الاتنين بتفرج عليهم بس بحس ان المسرحيات ليها قيمه اكتر بس مش كله

كوره و لا تنس؟؟

اصلا انا مبحبش المسرحيات خالص ومش بتفرج عليها الا نادرا ممكن بحب كدة اوكية مثلا بس اما الافلام دي هواية عندى بحب الافلام المصري والاجنبى وكمان الهندى موت بس فى افلام معينة بحب اتفرج عليها واللى بعدي الصيف ولا الشتاء

اوك الشتاء طبعا لان البرد ممكن الواحد يدفي نفسه اما الحر مش عارف اطلع من هدومي

نفس السؤال اللي قبله ؟؟

بحب الشتا اكتر بس فى اوله يعنى الخريف
و برضه فى النص بحب ايام المطرة الجامدة بحبها اوى
و بحب لما الاقى نسمة ساقعه خفيفه جايه فى وشى بتبقى جميله اوى

لكن الصيف مش بحبه اوى

بس بحب السماء فى الصيف اوى لانى بموت فيها و هى زرقا و صافيه


اللى بعدى


السهر و لا النوم بدرى

لا طبعا اكيد النوم بدري و لو اني مش بعمل كده بس الواحد لما بينام بدري بيصحي نشيط و عنده طاقه لليوم اللي بعده

اللي بعدي

الضاني و لا البتلو ؟؟

لا مبقدرش ااكل اللحمة الضانى خالص

اللى بعدى

الطبخ و لا التنضيف لو بنت

و لو ولد الكورة و لا تتمشى مع اصحابك

هما الإتنين أحلى من بعض .. بس لو خدت صحابي وروحنا لعبنا كورة يبقى ضربنا عصفورين بحجر

عادل إمام ولا محمد صبحي؟

الاتنين حلوين
بس اختار محمد صبحى لان حاجاته بتبقى هادفه و فى نفس الوقت لذيذة و ذى السكر بموت فى مسلسلاته كلها
و برضه عادل امام دمه خفيف و بيموتنى من الضحك بس متهيالى محمد صبحى كشخصيه افضل

و ربنا يهدى الجميع


اللى بعدى

افلام كوميدى 100% و لا اجتماعى او اكشن و معاهم شوية كوميدى

اكشن وشيه كوميدي


لان الكوميدي بس بيكووون بدون فكرة



اللي بعدي

فيلم اجنبي ولا عربي

عربى
لان بحب الفيلم يكون بيخاطب شىء انا عايشاه او على الاقل فى شويه من قيمنا
كمان انا بحب العربى لغتى حبيبتى و الاجنبى مبحبش غير نوعيات معينه اللى هى فيلم يكون بوليسى او اكشن بس مش اللى بيبقوا اكشن 24 ساعه دول بكرههم و الكوميدى بحس ان دمهم تقيل



اللى بعدى

افريكانو و لا مافيا

السلام عليكم


انا بحب افريكانو علشان فيه كومديا اكثر من مافيا خصوصا ان فيه احمد عيد


تلعب على الكمبيوتر ولا تتفرج على افلام

اتفرج على افلام احسن بحبها واساسا انا مبلعبش على الكمبيوتر غير كوتشينة وحاجات قليلة واللى بعدى تلعب كوتشينة ولا طولة

لو فيلم حلو هتفرج عليه
لوة مش من النوع اللي بحبه هلعب كومبيوتر



اللي بعدي

تجري وتلعب ولا تقرا كتاب

اجرى والعب صعب الا لو فى مكان مفهوش غير بنات بس

فهقرا كتاب ان شاء الله


اللى بعدى

تشتغل شغل مرتبه عالى بس مستواه مش عالى
و لا مستوى عالى و مرتب مش كبير اوى

فى اول فترة حياتى افضل المرتب العالى علشان اكون مبلغ لفتح بيت وعمل اسرة اما بعد كدة يمكن افضل المستوى

(السيط ولا الغنى)


الريف ولا البحر

البحررررررررررررررررررررررررررررر

لانه بحس فيه بكرامه وشموخ كده سبحان الله



اللي بعدي


ال
رقم 2 ولا 3

اختيار غريب

بس 3 عشان وتر و انا اكتر رقمين بحبهم 3 و 7


اللى بعدى

الليل و القمر و النجوم و لا الشمس و السما الصافيه و الشجر الاخضر

كلها ايات الله
لكنى بحب الليل اكتر لانى بحس ان ايات الكون الليلية اكتر


اللى بعدى

الاطفال ولا الطبيعة

الاتنين أحلى من بعض .. بس أنا بحب الهدوء والتأمل .. فممكن أفضل الطبيعة .. والأحلى لو كان طبيعة مع أطفال بس يكونوا هاديين شوية وينفع التفاهم معاهم


دردشة ع النت بالساعات .. ولا خروجة ساعة مع حد من صحابك؟؟

انا بحب الخروج اكتر لان احب لما اكلم حد يكون الكلام وجه لوجه
علشان كده مبحبش الشات اوى


اللى بعدى


اكل البيت ولا بره

اكل البيت
لانى بحب اكل على مزاجى و اكل الاكل اللى متعودة عليه و كمان مضمون
مباكلش برة خالص تقريبا

اللى بعدى

شغل ليه هدف كبير بمرتب مش كبير و لا مرتب كبير و شغل هدفه مش كبير

ممكن اجاوب على السؤال ده زى اجابة سؤال المقارنة بين المرتب والمستوى

اللى بعدى

تحب الصفر لدول فيها مزارات حديثة ومتقدمة(ديزنى ليند) ولا دول بها مزارات قديمة تاريخية