ضبط واحضار ومحضر مع العضو (Admin)بداية من منتصف 67

والان بعد المشاركة الـ 2000 ليا

وابتداءا من المشاركة الـ2001

يستدعي السيد رئيس النيابة سيادة المواطن العضو kotomaya2008

وذلك لشك النيابة في تورطه في بعض الجرائم في حق نفسه



ونبدأ الاسئلة


1- من اين لك هذا؟؟

2- انت مين؟؟

3- اسم وسنك وعنوانك ورقم تليفون الشرطة ؟؟

4- ايه الحلم اللي حلمته ولما حلمته اتمنيت انه يتحقق ولما اتحقق اتمنيت انك ما كونتش حلمته من البداية؟؟

كفاية عليك كده

ههههههههههههههههههههههههههههه

بيقولوا ابعد عن الشر وغنيله

وانا بعدت عن اللعبه دى بس مغنيتش عشان صوتى وحش

يبقى عشان كده تم الاستدعاء

ماشى يا زمزم

وانا جاهز للاسئله

ونبدأ

طيب جاوب عالاسئلة المذكورة

Just Flash كتب:

يستدعي السيد رئيس النيابة سيادة المواطن العضو kotomaya2008

وذلك لشك النيابة في تورطه في بعض الجرائم في حق نفسه



ونبدأ الاسئلة


1- من اين لك هذا؟؟

مش فاهم قصدك يا هشو ( تقصد ايه بالظبط)

2- انت مين؟؟
هههههه (انا البحر فى احشائه الضر كامل فهل سااااااءلوا الغطاس عن على)
انا طالب فى 3 مجموعه ج كليه تجاره

3- اسم وسنك وعنوانك ورقم تليفون الشرطة ؟؟
اسمى محمد محمود عبد العليم امبابه امبابه امبابه جدعان اوى بس غلابه
بس انا مش منها فى الاساس انا سكنتها وانا عندى 13 سنه

4- ايه الحلم اللي حلمته ولما حلمته اتمنيت انه يتحقق ولما اتحقق اتمنيت انك ما كونتش حلمته من البداية؟؟

كفاية عليك كده

زماااااااااااااااان وانا صغير كنت بحلم ابقى كبييييييييييير
كبر الحلم واتغير من الدنيا ومن المشاوير

قلت ياريتنى فضلت صغير


(انا مش بغنى)

هو ده فعلا حلمى اللى اتمنيته
ولا اتحقق قلت ياريته ما اتحقق.

اى خدمه ياباشا

انا جيا اسئل انا كمان شويا

1-ايه اكبر حلموا حلموتوا ومكنتش متخيل انك ممكن تحققوا وحققتوا فعلا ؟

2-نفسك تعمل ايه دلوقتى ؟

3-ايهرايك فالمنتدى ؟

4-ايه رايك فاعضاء المنتدى والمشرفين؟

5-ايه اكتر حاجه لفتت نظرك وخليتك اشتركت فالمنتدى

عرفت المنتدى منين

مشترك فمنتديات تانيه ولا دا بس

عملت ايه فالنتيجه

دعيت لمين من صحابك لما عرفت نتجتك


كفايا كدا دلوقتى فاصل ونواصل

مين العوض اللي ما تحبش انه يسألك؟؟


ومين اللي خايف من اسئلته؟؟

ومين اللي مش خايف من اسئلته؟؟

ومين اللي تتمني انه يسألك؟؟

yasmina كتب:

انا جيا اسئل انا كمان شويا
ههههههههههه يا خبر ابيض يا جدعان
انت تنورى

1-ايه اكبر حلموا حلموتوا ومكنتش متخيل انك ممكن تحققوا وحققتوا فعلا ؟
احلامى الكبيره لسه متحققتش لكن ان شاء الله تتحقق
بس فى احلام كتييييييير اتحققت الحمد لله
وانا احلامى صغنتوته
بس حلمت انى ادخل الجامعه واتحققت الحمد لله وليا اصحاب زى العسل
حلمت اتعلم السواقه واتعلمتها
حلمت بكمبيوتر حديث وجبته
حلمت اوصله نت
ووصلته (ومش عايز تريقه)
حلمت بمشاكل تتحل واتحلت
حلمت انى اغير حاجات فيا وحشه وبتتغير تدريجيا
حلمت اكون هادى والحمد لله بطلت عصبيه
حلمت اشوف اختى الصغيره متفوقه وصريحه وتحقق اللى مقدرتش احققه
والحمد لله ممتازه فى دراستها ماشاء الله بس مش شاطره فى شغل البيت
كل اما تيجى تعمل حاجه تعكها
مش مشكله لسه صغننه 1 اعدادى

2-نفسك تعمل ايه دلوقتى ؟ دلوقتى دلوقتى
نفسى العب ماتش كوره انا واصحاب معينين فى مكان معين ويتفرج علينا ناس معينه
ونفسى اسهر سهره بريئه مع اصحابى الللى فى البلد وحشونى اوى

ونفسى اشوف ولاد خالى اللى فى ليبيا عشان وحشونى جدااااااااا
ونفسى فى كبايه شاى بس مانع نفسى عشان انام بدرى

3-ايهرايك فالمنتدى ؟ منتدى جمييل جدا وانا حبيته
وشغلنى عن منتدياتى انا واصحابى شويه
وبقيت ادخله كتيييييييييير بس مش عارف
حاسس انى فى حاجات ناقصه .


4-ايه رايك فاعضاء المنتدى والمشرفين؟
ناس محترمه جداااااااا متدينين مثقفين عقليات كويسه جدااااااااا
بس فيهم ناس مش اجتماعيين مش بيحبوا يشاركوا
وفى ناس مش بتدخل كتيييييييييييييير وناس تانيه شغاله كويس
وانا اتعرفت على ناس منهم وبقينا اصحاب جامدين
وبجد اعضاء زى العسل انا حبتهم فى الله وان شاء الله اتعرف ع اللى لسه معرفتهومش
وبجد انا سعيد انى انضميت للمنتدى ده
وده من احسن الحاجات اللى حصلتلى السنه دى

5-ايه اكتر حاجه لفتت نظرك وخليتك اشتركت فالمنتدى
اكتر حاجه لفتت نظرى ان المنتدى ده بتاع مجموعه ج وان كل الاعضاء من مجموعتى
وكل ده وانا معرفش ولقيت فيهم ناس عقليات كويسه وعندهمة رقى فى التفكير
ولقيت فيه ناس انا اعرفهم بس معرفش انهم فى المنتدى ده
ولفت نظرى المواد اللى محطوطه هنا فيه
وهى المواد اللى علينا

عرفت المنتدى منين
صدفه بحته كنت بعمل بحث ولقيته

مشترك فمنتديات تانيه ولا دا بس
ياااااااااااااااااااااااااه كتيييييييييييييييييييييييييييييير

عملت ايه فالنتيجه؟
جيد الحمد لله

دعيت لمين من صحابك لما عرفت نتجتك؟
والله انا كنت عمال ادعى لاصحابى اللى فى الجامعه كلهم قبل ما اعرف النتيجه
وكنت بدعى ربنا ينجحهم ويحقق لكل واحد امنيته
وبجد والله انا ما كنت قلقان على نفسى
قد ما كنت قلقان على ناس معينه كنت خايف عليهم جداااااا
لدرجه انى جبت نتيجتهم قبل ما اجيب نتيجتى


كفايا كدا دلوقتى فاصل ونواصل

اوك تنورى

يعني ما جاوبتش علي اسئلتي

باشا

انا اقدر يا عم

مين العوض اللي ما تحبش انه يسألك؟؟

قصدك العضو يعنى
لا عاده مفيش عادى ممكن اى حد يسألنى

ومين اللي خايف من اسئلته؟؟
برده مفيش بس ممكن زمزم


ومين اللي مش خايف من اسئلته؟؟

كل الاعضاء


ومين اللي تتمني انه يسألك؟؟
كل الاعضاء
_________________

ممممممممممممممممممم


شايف نفسك ايه؟؟

توصف نفسك في 5 كلمات بس بايه؟؟

ايه الحاجة اللي هتحققها قريب؟؟

ايه رأيك فيا؟؟

كفاية دول دلوقتي

شايف نفسك ايه؟؟ انسان عادى بسيط بيحب البساطه والضحك والصحوبيه احلامه صغيره وبسيطه مبيحبش المشاكل بس مبيهربش منها
ايجابى على قد ما اقدر بحاول اغير من نفسى

توصف نفسك في 5 كلمات بس بايه؟؟
بسيط صريح متفائل متسرع متسامح عندى احيانا

ايه الحاجة اللي هتحققها قريب؟؟ ده شىء بيد الله وفى علمه سبحانه وتعالى بس
والله مانا عارف يا هشام
بس ممكن اتخرج واشتغل فى مكان كويس واحاول اكمل دراسه بعد البكالوريوس وعايز اخطب بقه
وفى المدى القصر
هحاول اعمل نقله حاليه فى حياتى
هعمل تغيير طفيف بس نتايجه ان شاء الله كبيره



ايه رأيك فيا؟؟ انسان مختلف
مهزب محترم تفكيرك مختلف شويه
طيب بسيط متواضع

جايلك تاني

تنور

بسم الله الرحمن الرحيم

سلام عليكم و رحمة الله و بركاته

نسال بقى

اكتر مكان روحته و اتبسطت فيه

اكتر مكان نفسك تروحه

كوميرس غير فيك حاجة و لا لأ لسه ملوش تاثير فيك

ايه اكتر فيلم بتحبه قدييم \ جديد \ عربى \ اجنبى

و اكتر ممثل قديم \ جديد \ عربى \ اجنبى
و كذلك ممثله
و مغنى
و مغنية
و اغنية
و مسرحيه
و مسلسل
فى القديم و الجديد فى العربى و الاجنبى


اكتر داعية بتحب تسمعه و اكتر شيخ

اكتر قنوات بتحب تسمعها

اكتر برنامج دينى اثر فيك

اكتر عضو فى المنتدى اثر فيك

ايه الحاجات اللى فيك و حاسس انها ممكن تميزك عن اى شخص تانى

ليه مصمم متحلمش باكبر من الجيد مع نك ما شاء الله بتعرف تحقق الهدف اللى بتتمناه

ايه مبادئك فى الحياه و هل بتمشى عليها

ايه هى كل الشهادات اللى حصلت عليها فى حياتك

مبسوط انك فى المحضر هنا و لالأ

قول رايك فيهم و انصح الاعضاء دول (دول اللى مشاركاتهتم تزيد عن 100 مشاركه ))

ورد

just flash

heha

ZamZam

smile

profesor

Basbosa

مصطفى

marymor

yasmina

مهاجر مجروح

mohamed 14

Mahmoud Elgohry

kotomaya 2008

friends

Hudhud

fuffa

لوليتا

mohamed magdy

matrix

الزعيم

roro

.ورد.

yasser

vambire

The traveller

Mo2men

الله اكبر


جالك من لا يرحم


اسألي كمان يا ندي ، انا عن نفسي كنت بسأل لوحدي


ربنا يحميكي يا ندي ، ويعينك يا محمد




سؤالي بقي دلوقتي


نسيت الاجندة ليه؟؟

يا تري كان وراك مصلحة؟هههههههههههههه

ولا كنت بتفكر في حد؟ ههههههههههههههه

فين الربع جنه حق الامانة والحرقة اللي انا اتحرقتها في الشمس؟

اعوذ بالله مين دة اللى مبيرحمش
دة من لا يرحم لا يرحم ( بضم الراء )

عل العموم نكمل لعب
ايه الاسئله الصغنتته دى

دة محضر دة ؟؟

يا ندي انا اقصد ان عندك ضمير اوي في شغلك


وبما اننا في محضر

يبقي هتسألي بضمير

ومعني من لا يرحم

يعني اللي ما بيسمحش بالغلط او الشغل بدون اتقان


فخمتو؟

yes

انا مش زعلت اساسا

بس الكلمة صعبه خااالص

بس المعني المقصود دلوقتي بقي واضح

والمعني انك ما بتتهاونيش ، واظن ان دي حاجة كويسة ومش وحشة


خلينا في المحضر


شكلك هتوقع النيابة في بعض

[quote="ورد"]بسم الله الرحمن الرحيم

سلام عليكم و رحمة الله و بركاته
وعليكم السلام ورحمه الله وبركاته

نسال بقى اتفضلى يا ستى

اكتر مكان روحته و اتبسطت فيه
كانت رحله شباب بس كنا حوالى 30 واحد
ما بين 18 ل 22 سنه كانت مصيف
لراس البر
كانت اجمل رحله فى حياتى
مش عشان المكان نفسه مع ان المكان كان جميل جدا وكنا فى شقتين جمب بعض
وكنا بنعمل عمايل؟
وحصلت معانا مواقف مضحكه كتيييييييييييييييييير

وكنا كلنا مع بعض مش كل شويه لو حدهم

وكان معايا اعز اصدقائى وقرايبى اللى من سنى وكانت 10 ايام
وكنا مميزين جدااااااااا
لدرجه ان الاولاد اللى من سننا اللى كانوا فى المصيف مع اسرهم
جم وطلبوا يتعرفوا علينا
وبعد ما كنا 29 بالظبط
بقينا 45 واحد

وكنا من فرحتنا واستمتعنا كنا بنستخسر ننام
واتفقنا ان الاكل يكون مع بعض والخروج مع بعض
وكنا بننزل الجنينه بليل
ووواحد يغنى والباقى يرد عليه
وكنا مميزين لدرجه ان الناس كانت بتطلع تتفرج علينا من البالا كونات
وناس كبيره كمان حبوا يتعرفوا علينا
وعملنا دوره كوره
اخدت هداف البطوله

وكانت الجايزه ان كل واحد يعزمنى على حاجه
ده على سينيما
واللى على الموتيسكلات
واللى على العجل
واللى على السيرك

واللى على .......الخ
واجمل هديه كانت انى مغسلش المواعين

وكمان كنا بنعمل مواقف فظيعه
ومقالب فى بعضنا

مره مثلا نسرق الهدوم من ناس من اللى معانا

ده غير بقه المسابقات اللى عملناها
وحاجااااااااات كتييييييييييييييير
واللى كانوا بيعاكسوا والى واللى

بجد
الكل اجمع انها احلى رحله فى حياته
ومكناش عايزين نروح بيوتنا


اكتر مكان نفسك تروحه ؟
مكه والمدينه

كوميرس غير فيك حاجة و لا لأ لسه ملوش تاثير فيك
بصراحه اه بس مش تغيير كبير
لكن اتعلمت حاجات كتير من اعضاؤه
وبستفيد من ناس فيه
واستفدت من حضرتك كمان

ايه اكتر فيلم بتحبه قدييم \ جديد \ عربى \ اجنبى
عربى
قديم : حبيبى دائما سلام يا صاحبى وافلام احمد زكى
جديد: الجزيره خارج عن القانون والكمدى كله

اجنبى
:brave heart



و اكتر ممثل قديم \ جديد \ عربى \ اجنبى
قديم رشدى اباظه
جديد احمد السقا وكريم عبد العزيز واحمد حلمى

الاجنبى

نيكولاس كيدج وويل سميس وجيتلى

و كذلك ممثله
جديد " ياسمين ىعبد العزيز
قديم: سعاد حسنى
و مغنى عبد الحليم كاظم عمرو حماقى لؤى
و مغنية نجاه و اصاله و شيرين وانغام
و اغنية بعد الليالى (عمرو دياب) حاول تفتكرنى(عبد الحليم)
و مسرحيه مسرحيات سمير غانم ومحمد صبحى وعادل لاامام
و مسلسل حضره المتهم ابى وانا وهؤلاء وفارس بلا جواد
فى القديم و الجديد فى العربى و الاجنبى
الاجنبى

سيلين ديون
انريكى اجلاسيوس وفريق بلوووووو



اكتر داعية بتحب تسمعه و اكتر شيخ
محمد حسان محمود المصرى ...الخ لانى مش حافظ الاسامى ومحمد حسين يعقوب
فى التلاوه الشيخ عبد الباسط عبد الصمد
وفو عالم فى الازهر اسمه حاجه مبروك بييجى على قناه عين ودريم

اكتر قنوات بتحب تسمعها: دينى الناس
افلام عربى روتانا
وmbc2 & action
والقنوات الرياضيه كلها خصوصا الجزيره سبورت

اكتر برنامج دينى اثر فيك فضفضه ومكارم الاخلاق

اكتر عضو فى المنتدى اثر فيك هههههههههههه كنت خايف من السؤال ده
بس انا هجاوب بصراحه

طبعا اللى هيأثروا فيا الناس اللى بتدخل علطوووول ومتواجده كتير
زى حضرتك وبروف ومهاجر وياسو اوjust flash
وسمايل ....الخ


ايه الحاجات اللى فيك و حاسس انها ممكن تميزك عن اى شخص تانى
والله انا مقدرش احدد لانى شايف نفسى انسان عادى جدا
والله بقه اللى يحدد اصحابى والناس اللى عاشرونى
بس الحاجه اللى شايفها فى نفسى
انى على الرغم انى مش بحب يكون عليا مسئوليه
لكن لو لو اتحملت مسئوليه بتحملها على اكمل وجه بفضل الله


ليه مصمم متحلمش باكبر من الجيد مع نك ما شاء الله بتعرف تحقق الهدف اللى بتتمناه
ههههههههههههه سؤالك جميل جدا يا ورد كل اسئلتك عمتا
بس انت عرفتى منين انى بعرف احقق اللى بتمناه؟؟؟؟؟؟؟؟؟

اما عن الجيد
بصى
انا لما حطيت هدف جيد
كانت فتره اسوأ ما تكون من الفترات اللى مرت عليا
حزن وكسر كبير ويأس واحباط كل اللى تتخيليه
فى بدايه دخولى الجامعه
و3 احلام كباااااااار ضاعوا ورا بعض وهما قريبين منى اوى كنت خلاص حققتهم لكن محصلش نصيب بقه

وكان فى وسط ظروفى من المعجزه انى اجيب جيد
لكن الحمد لله جبت جيد
وسنه اولى كانت بتقدير جيد
سنه تانيه مشيت على نفس المنوال
وكان تقديرى قريب اوى من الجيد جداااااااااا

فكرت بطريقه عمليه

واخدت فى الاعتبار تعودى على نظام مزاكره معين
ولقيت ان طالما اولى جيد
وتانيه جيد

طيب انا لو جبت جيد جدااااابقيه السنين
طيب مانا تقديرى العام هيفضل جيد برده
زى ما تقولى كده
قلت هو جيد حلو قوى وخصوصا انى لعبى واستاذ فى تضييع الوقت
ومقضيها فى الشارع وكوره وخروج وسهر فى الدراسه
لان الدراسه تعتبر اجازتى
لان الصيف بيكون فتره شغل ليا وتعب فأول ما بصدق الدراسه تيجى
والله مانا عارف اقوللك ايه

قولى فيا اللى عايزه تقوليه
ممكن تقولى مستهتر تافه معندوش طموح مستسلم
لكن اللى انا شايفه
انى مش بطلع كل اللى عندى الا فى حاله تحدى او منافسه او لما بتزنق بمعنى ادق
انما انى من نفسى كده اجتهد واكون متميز
ممكن يكون خارج الدراسه اه
لكن فى الدراسه مش عارف ليه معدومه ياريت تقوليلى ليه؟؟؟
لانى فعلا مش عارف؟



ايه مبادئك فى الحياه و هل بتمشى عليها ؟

افعل كما شئت كما تدين تدان
الحياه تجارب
مش من المشكله انى اغلط
لكن المشكله انى متعلمش من غلطى

محدش بيتعلم بالساهل
الحياه ابيض واسود

بكره اكيد احسن

عامل الناس بمثل ان تحب ان يعاملوك به

الاخلاق وحدها هى اللى بتبقى

انى ولدت لاموت

ان الصديق قبل الطريق

توقع اى شىء من اى حد

اتقى شر من احسنت اليه

الابتسامه

اعمل خير وارميه البحر
خير الامور الوسط
ان الله لا يضيع اجر من احسن عملا

اذا اردت شيئا بقوه فخذ بالاسباب واطلق سراحه

فان عاد لك فهو نصيبك وخير لك

وان لم يعد
فهو لم يكن لك من الاساس


الصداقه كنز كبييييييييييييييييييييييييير

والدى
والدتى

ليهم الحق عليا فى كل شىء

مهربش من اى مشكله


الكدب ضعف

الشجاعه فى كل شىء (قل لن يصيبنا الا ما كتبه الله لنا)

البساطه ما دخلت فى شىء الا وزانته

كفايه كده بقه


تعبت والله يا ورد

هكمل باقى اسئلتك بعدين

ولو عندك اسئله تانى هاتيها
انا مبسوط بأسئلتكم كلكم







]

اقتباس :

افعل كما شئت كما تدين تدان

اقتباس :

واللى كانوا بيعاكسوا والى واللى

علمهم الكلام دة

غلبت والله اعملهم ايه

بس هما ربنا هداهم وعقلوا دلوقت


انت مين بقه يا حضره المدير؟؟؟؟؟

تابع اسئله ورد


ايه هى كل الشهادات اللى حصلت عليها فى حياتك
هههههههههههههههه
ابتدائيه
واعداديه

وشهاده تقدير التانى على مدرسه الكتاميه الابتدائيه المشتركه
وشهاده تقدير الرابع على المدرسه فى اولى اعدادى
= = الاول = = تانيه


شهاده تقدير بطل مراكز شباب المنوفيه فى الملاكمه وزن خفيف


شهاده كورس الكمبيوتر تقدير امتياز


شهاده الثانويه العامه بمجموع 88%




مبسوط انك فى المحضر هنا و لالأ
اه مبسوووووووط اوى انا بحب اتسأل اوى
واحكى وارغى جداااااا واسئلتكم حلوه اوى

قول رايك فيهم و انصح الاعضاء دول (دول اللى مشاركاتهتم تزيد عن 100 مشاركه ))

ورد شخصيه جميله جدااااااا
وقلت رأييى فيها كتير
بجد انسانه كويسه جدااا وشخصيه ظريفه وطفوليه
وبتضحكنى اوى
مش عارف انصحها بأيه
لكن عايز اقوللها ان لازم ترضى عن نفسها
وتثق فى نفسها اكتر وتحاول تكون شجاعه ومتهربش
من اى شىء وياريت تحاول تفكر فى الرأى الاخر وتدرسه كويس وياريت تحافظ على هدوءها ومتتعصبش
وربنا يكرمك يارب انت انسانه تستاهلى كل خير

just flash سعاده الباشا صاحب المنتدى
راجل جدع وطيب جدااااااااا
بس بحس انه غامض احيانا
وبحس انه بيحتاج وقت انه ياخد ع اللى قدامه
تفكيره راقى جدا بس ممكن يكون متسرع شويه

مختلف
بحس ان فى شىء هو مفتقده والشىء ده مخليه حزين
على الرغم انه مرح ودمه خفيف
لكن انا حاسس بكده
عايز اقولله
بكره احسن بكتيييييييييير يا هشام
ابتسم للحياه ومتضيعش ثانيه فى الندم
ومتسمحش لاى حزن يسيطر عليك
واعرف ان ربنا بيشيل لك الخير دايما



heha مش بيدخل كتير
بس انا اتعرفت عليه هو فى حاله ومتكلمتش معاه كتير
يادوب سلمت عليه كام مره
وسعه ما كنا رايحين نلعب كوره
بروح اسلم عليه
لكن هو مش يعرفنى اوى ومش بييجى يسلم عليا
يمكن عشان معرفناش بعض اوى
لكن واضح انه زى العسل وطيب جدااااااااااااااا
وهاااااااااادى اوى

ZamZam زمزم الاسم بتاعها جميل جداااااا
والصوره الشخصيه بتاعتها هتجننى
وعارف انها كانت بتاعتك يا ندى ههههههههههه
الحقيقه انا معرفهاش ولا حتى شكلا
لكن هو واخده فكره انى متمرد على القوانين
بس والله لا خالص يا زمزم انا بس والله عايز اعدل ىحاجات معموله فعلا غلط


smile اسم على مسمى
حصلى الشرف واتكلمت معاها

انسانه عاقله ومرحه وتفكيرها كويس جدااا
وعاقله واجتماعيه وزوق جدا وموافقانى فى حاجات انا كنت اعترضت عليها
وفهمت قصدى

profesor مصطفى حبيبى
شخص انا بحبه جداااااا وكأنى اعرفه من زماااااااااااااان
بحب اتكلم معاه
مببقاش عايز اسيبه بس دايما كل اما اقابله بيكون معايا حد من صحابى بيشدنى وبيقوللى يلا
ان شاء الله نقرب من بعض اكتر وبجد انا بحبه اوى


Basbosa شفتها برده النهارده وقلتلها اهلا وسهلا بحضرتك
وحصلى الشرف برده انى اتكلمت معاها
وواضح انها انسانه ملتزمه وهاديه وقلتلها مبتدخليش ليه المنتدى
قالتلى لا بدخل كتيييير بس انا مش شايقف كتير خالص

مصطفى مصطفى معرفه قديمه
من قبل ما ادخل المنتدى هنا
لانه مشترك فى منتدانا انا وصحابى دويودو
بس مبقاش يدخل لان المنتدى كان نام فتره بسبب خلاف معين
بس انا شفت صورته
وواضح انه طيب اوى وعايز يعمل حاجه
ربنا يوفقه فى الثانويه العامه
وعايز اقولله اوعى تتغر وتأمن للثانويه العامه خصوصا تانيه







بقيه الاسماء بعدين
عشان الحق الماتش يا ورد

بجد كلامك عليا 10/10

بس فيه نقطة واحدة بس انت قولتها غلط


اني ما باخدش عالناس بسرعة

وده غلط ، انا كل الناس بتشتكي مني في الحتة دي

بس انت حاسس اني عامل معاك كده ، بس والله مش بيبقي قصدي ، انا ليا صحاب مقربين جدا

بعدوا عنيمن فترة بعد ما حصل خلافات معايا علشان انا دايما ما بقعدش معاهم

ومازال بيحصل الحكاية دي ، بس مشكلتي اني اعرف ناس كتير جدا جدا الحمد لله

ولازم عالاقل اسلم علي كل واحد وواحدة ، تخيل لو سلام بس ، اليوم اكيد هيخلص

ما بالك بواحد رغاي ومسئول عن بعض الحاجات


يللا الحمد لله



سؤالي بقي

انت بتتفرج علي ماتش الزمالك ولا ايش؟

انت بتتفرج علي ماتش الزمالك ولا ايش؟


طبعا يبنى بتفرج

وبعد ما اتحرق دمى الشوط الاول

عمال اتنطط واهيص وصوتى جاب اخر الشارع والمناطق المجاوره وقفلوا الاوضعه عليا
ومبروووووووووووووك للزمالك
الفوز/4/1