ضبط واحضار ومحضر مع العضو (Admin)بداية من منتصف 67

حبيب قلبي


سؤال واحد مؤقتا


تحب تتغسل؟


والنيابة تتبع معاك الغلاسة ولا لأ؟ علشان ابدأ الشغل؟

ايوة لازم اشمعنى انا

احنا هنا النيابة تتسم بالعدل التام

ربنا معاك يا عم محمد

بس انت مش بترد ليه

طيب اسال بقى طالما الحكاية كدة

موقف ابكاك وموقف اسعدك؟؟
اية اكتر شىء بتخاف منه؟؟
اختار خمس اعضاء من المنتدى وامنحهم اللقب؟؟
لو كنت فاضى ومطلوب انك تحكم على احد الاعضاء بالسجن هتختار مين؟؟
اية اكتر شىء بيجرحك؟؟
ماذا تشعر عندما تسمع الكلمات التالية؟؟"معانها اية فى حياتك"
الجنة
الام
البيت
اخواتك
الحياة
العمر
الزمن
الامل
الهدف
القوة
الضعف
الهروب
الجرح
الالم
البكاء
البحر
النيل
الوفاء
الموت
النتيجة
المرض
الاطفال
بس كدة

اقتباس :

ما انت حلو اهوه

ههههه ربنا يخليك

خد عندك سؤال واحد

ابعت منك لله

ايه شكل البنت اللى كان نفسك تدخل حياتك وتغيرها ؟وقابلتها ولا لا؟

توكلنا علي الله

يعني مواصفات اوليه الجمال و الاخلاق و المستوي الكويس و السمعه الكويسه و الذكاء و علي درجه عاليه من الثقافه و المعرفه و الاهل الكويسين و تكون دمها خفيف و روحها مرحه و حبه شقاوه برضه
في حاجات بقي خاصه بالشخص نفسه لان الحاجات اللي فاتت ممكن فيها تشابه مع كل الناس

يعني تكون واحده اعرفها و تعرفني تتحملني و تقدر ظروفي كويس و انا اكون عارفها و مقدر ظروفها
منها مثلا يكون في تفاهم بينا احنا الاتنين و في تكامل في وجهات النظر بينا علشان نكمل بعض و كمان حاجه مهمه اوي عندي تكون علاقتها بالناس كويسه جدا و تكون اجتماعيه


و قابلتها و لا لا ؟

اممممم
بنسبه كبيره ايوه

اقتباس :

انت يا عم رد على السؤال اللى فوق

اهو يا عم استريحت كده

اقتباس :

شكرا و مصطفى اتس فن و لا السيف المسحور و لا بروفيسور و لا .... هما كتير

ههههه
لا للاسف فريندس


طب شوية اسئلة تانى

يا سلام بس كده
اتفضلي

هل لو ليك هدف بتصمم توصله بكل الطرق ؟

انا فعلا لو ركزت علي حاجه و حاطتها في دماغي لا يمكن اسيبها و بأذن الله بعملها و حصلت معايا كتير

هل ممكن تسافر تشتغل برة مصر و لا لايمكن تقدر؟

عادي مافيش مشاكل بس هانزل كل اسبوع اجازه بقي

متخيل نفسك هتكون شغال فى ايه بعد 30 سنة ان شاء الله ؟

مدير في احدي البنوك او الشركات بمشيئه الله تعالي

ايه لاماكن اللى بتحب تخرج فيها او تروحهها عموما ؟

كتير
بحب اروح عند خالتي عندها مزرعه في الشرقيه بيبقي مكان تحفه اوي
و بحب اروح نادي الجامعه اللي في شارع النيل
و حديقه الازهر برضه مكان عجبني جدا و بحب اروحه
و وسط البلد مكان جميل جدا و جامعه الدول و جامعه القاهره
يعني بحب اماكن كتير جدا يكون فيها تغيير عن الاماكن المعتاده

اقتباس :

حبيب قلبي


سؤال واحد مؤقتا


تحب تتغسل؟

لا شكرا لسه مستحمي


والنيابة تتبع معاك الغلاسة ولا لأ؟ علشان ابدأ الشغل؟

دخيلك انا حسن السير و السلوك و عايز اقضي نص العقوبه

اقتباس :

ايوة لازم اشمعنى انا

بقي كده
اه انتوا فرحانين فيا بقي

اقتباس :

احنا هنا النيابة تتسم بالعدل التام

ماشي يا لقمه القاضي

اقتباس :

ربنا معاك يا عم محمد

بس انت مش بترد ليه

يا عم اهو
ماشي يا مصطفي ليك يوم
لن انسي لك هذا

محمد


بجد اشتغل نيابة ولا ايه؟



لو كده هعاملك بطريقة كوتوموتو واقلب ، وهأرحلك عالاحداث وتاخد افراج


بس ما يمنعش انك تاخد الكام سؤال ده عالماشي



1- ايه الموقف اللي اتحطيت فيه وحسيت انك اتسرعت؟

2- ايه الموقف اللي ما اتحطيتش فيه وكان نفسك تتحط فيه؟

3- اذكر 10 حاجات محورية في حياتك عايز تعملهم في الفترة اللي جاية في حدود سنتين .

4- لو صاحبك بيحب واحدة وانت عارف انه هيترفض ، هتخليه يكمل في الموضوع ده ولا هتعمل ايه؟

5- طيب لو العكس؟

6- انت متهم بانك ما بتاخدش رأي حد ، وانك ماشي بدماغك ، ده غرور ولا ثقة زيادة في النفس ، ولا خوف من المشورة الغلط وعواقبها ولا عدم ثقة في حد من اللي حواليك ولا في رأيهم؟


7- ايه رأيك فيا كده؟ عايزك بالتفصيل الممل


8- تحب ازود غلاسة؟ طبعا مش بكيفك ، لأن انت ولد لو بنت زي ندي ممكن نلتمسلك الرحمة

انت طيب يا حج هشام

واسئلتك سهلة هما اللى مش عارفين يردو

انت لسة هنا

طب خد عندك بقى

قولى انا بمثلك اية فى حياتك ؟؟

و جبيلى بيمثلك اية ؟؟

تفتكر انت متوافق مع مين اكتر انا ولا جبيلى؟؟

هل بتضايق لما بنمرمطك تريقة ؟

اقتباس :

و بحب اروح نادي الجامعه اللي في شارع النيل

اللى كان مكتوب فى مش عارفه ايه كدة

هى حاجة معايا و خلاص خدتها اول يوم كليه

اللى اسمه نادى تجديف جامعة القاهرة

دة فيه ايه جواه بقى

اقتباس :

دخيلك انا حسن السير و السلوك و عايز اقضي نص العقوبه

دخيلك ؟؟

دى بيقولها جراننا السوريين

دخيلك الله

يعنى ايه الكلمة دى كنا لسة بنسالهم و مفهمتش برضه

انت ليك اصل من الشام ؟؟


و سؤال كمان سالته قبل كدة فى لعبة مش فاكرة ايه هى و شمفتش الاجابة

مين اللى بتدعى عليه فى التوقيع ؟؟


و شوية كمان

ايه هى اساسيات يومك اللى لو معملتهاش كل يوم ضميرك يانبك ؟؟

و ايه اساسيات اسبوعك بقى ؟؟


ايه الموضوعات اللى بتشدك فى المنتدى ؟؟


دلوقتى نتخيل انت بتفتح لسة المنتدى اول حاجة بتعملها ايه بعدين ايه بعدين ايه ؟؟


ايه اكلاتك المفضلة ؟؟


انت ما جاوبتش على ال40 سؤال بتوع كوتومايه اللى فى ساحة هموم الشباب مش كدة

ادخل جاوبهم

موضوع اسمه اسئلة جاوب و فضفض

اسئلة مش صعبه خالص و 40 بس


سلااام علييكم و رحمة الله و بركاته

بسم الله الرحمن الرحي

الغسالة لازم ليها مسحوق

مين اقرب خمس شخصيات ليك خارج العائلة ؟

لما بتدعى بتدعى بيه؟

ايه اصعب يوم جمعة مر عليك؟

تعرف كام بنت؟

نفسك تخطب بعد قد ايه؟

اكتر حرف بتحبه؟

اجمل احساس عشته؟

قول رايك فى كل واحد فى كلمة
هشام
بروفسور
شاتو
السيف المسحور
صبرى
سامر
وليد
مها
هدى
نسمة

اكتر انسن عرفته وارتحتاله؟

تختار الحب ولا الاكل؟

كفايه كدة على السريع بس يا ريت الاجابات تكون واضحة وصريحة

اقتباس :

طيب اسال بقى طالما الحكاية كدة

دي هيصه بقي طيب اتفضلي

موقف ابكاك وموقف اسعدك؟؟

موقف ابكاني لحظه وفاه واحد صاحبي كان عزيز عليا
موقف اسعدني هو اي موقف بحس فيه بسعاده اهلي يعني مثلا يوم ما جبت 99% في الثانويه كان يوم سعيد اوي

اية اكتر شىء بتخاف منه؟؟

كل ما افتكر ان هايجي يوم افقد فيه اعز الناس ليا

اختار خمس اعضاء من المنتدى وامنحهم اللقب؟؟

لقب ايه بالظبط بقي
بس ممكن نقول برضه
هشام و ندي و مصطفي و بروف و حيحا

لو كنت فاضى ومطلوب انك تحكم على احد الاعضاء بالسجن هتختار مين؟؟

يا عيني مصطفي طبعا
اية اكتر شىء بيجرحك؟؟

الكذب و الخيانه و لما احس ان اقرب الناس ليا مش حاسس بيا و لما حد يشكك في وفائي او اخلاصي لحاجه معينه

ماذا تشعر عندما تسمع الكلمات التالية؟؟"معانها اية فى حياتك"
الجنة : رضا و نعيم من ربنا و ربنا ينولهالنا
الام : احلي حاجه في الدنيا و ربنا يخليها ليا
البيت : الاسره و اللمه و مكان راحتي و شخصيتي الطبيعيه
اخواتك : اقول الحمد لله لان من غيرهم مش هاقدر اعيش
الحياة : حلوه بس نفهمها علي راي فريد الاطرش
العمر : زي ما بيقولوا زي القطر و لازم نستغله كويس علي قد ما نقدر
الزمن : قيمه كبيره اوي و بتضايق اوي لما يعدي من غير اي استفاده حققتها فيه
الامل : حاجه لازم تبقي موجوده دايما لان من غيرها مش هاقدر اكمل اي حاجه او اي طريق ماشي فيه
الهدف : نتاج جهد و نهايه مطاف لكل فتره من عمري و من غيره الواحد هايبقي تايه و مالهوش نظام
القوة : حاجه اساسيه لكل شخصيه مثاليه
الضعف : شيء مكروه و منبوذ
الهروب : مش بحبه لان الواحد فيه بيضحك علي نفسه
الجرح : حاجه وحشه اوي و بتسيب اثر في نفس الانسان
الالم : الالم هو الالم و بحب اتخلص منه بسرعه و مش بحب اعيش فيه كتير
البكاء : فضفضه عن اللي جوايا من هم وحزن و حاجات كتير
البحر : عادي سمك و ميه و مصيف
النيل : يا سلام بحس فيه بجمال مصر و بحس ان الشعب لسه بخير
الوفاء : من اجمل المعاني و خصوصا بين الاصحاب و لازم تبقي حاجه اساسيه في كل تعاملاتنا
الموت : انا لله و انا اليه راجعون
النتيجة : دايما بالنسبه ليا بتبقي حماس و دافع للافضل
المرض : ابتلاء و صبر و ربنا يشفي مرضانا و مرضي المسلمين
الاطفال : يا خلاصي ... الاطفال دول فرحه الدنيا و يار يت يبقي عندي اطفال كتير و يبهدلوني
بس كدة

اقتباس :

محمد

يا نحم

بجد اشتغل نيابة ولا ايه؟

ليه كده يا هشام ده انت حبيبي من ايام الجيزه



لو كده هعاملك بطريقة كوتوموتو واقلب ، وهأرحلك عالاحداث وتاخد افراج

كوتوموتو ايه الطريقه دي
ده انجليزي ده يا مرسي


بس ما يمنعش انك تاخد الكام سؤال ده عالماشي

ارمي يا عم مهي ناقصاك



1- ايه الموقف اللي اتحطيت فيه وحسيت انك اتسرعت؟

مش متذكر حاجه دلوقتي .......
بس ممكن اني دخلت ادبي حسيت اني امكانياتي كانت تساعدني اكتر من كده بس يلا اديني اهو في تجاره مش فارقه كتير

2- ايه الموقف اللي ما اتحطيتش فيه وكان نفسك تتحط فيه؟

كان فتره التقديم للكليات الحربيه بس ما قدمتش فيها رغم ان ناس كتير حفزوني و قالولي ان بنسبه كبيره ممكن تقبل بجد بعديها اتحسرت شويه

3- اذكر 10 حاجات محورية في حياتك عايز تعملهم في الفترة اللي جاية في حدود سنتين .

اولا الفتره دي في مجموعه كورسات خاصه بالكبيوتر و الانجليش بححق فيهم حاجات وماشي فيها و ربنا يسهل باذن الله
و برضه ربنا يسهل و في فتره تدريب سواء في شركه خاصه او في احد البنوك و ربنا يكرمنا
في حاجه كده بس مش اساسيه اوي هيا بطوله تنس ليا امل ان احققها
و الاهم برضه التقدير الجيد اللي عايز احققه ربنا يقدرني عليه
ايضا في بعد التخرج جمعيه جيل المستقبل عسي اني استفاد من خدماتها ان شاء الله لانها مهمه جدا
و منحه خاصه تبع كليه هندسه شامله حاجات كتير ربنا يوفقني فيها
و بعد كده طبعا في تقضيه مده الجيش ربنا يوفقني فيها ان شاء الله و تعدي علي خير
و ربنا يكرم في كذا حاجه في مجال الوظيفه يعني بحضر ليهم ربنا يقدرني و اقدر احققهم
و حاجه كمان لو في بقي امكانيه ان الواحد يتاهل و يبدأ حياه جديده و يكون ليه اسره .,,


4- لو صاحبك بيحب واحدة وانت عارف انه هيترفض ، هتخليه يكمل في الموضوع ده ولا هتعمل ايه؟

في الحاله دي لو متاكد من كده مش هاخليه يكمل طبعا و هاحاول اقلل من الصدمه اللي ممكن ياخدها بعد كده

5- طيب لو العكس؟

لو يعني عارف انه هايتقبل , هاخليه يكمل بس كل حاجه بوقتها

6-
انت متهم بانك ما بتاخدش رأي حد ، وانك ماشي بدماغك ، ده غرور ولا ثقة
زيادة في النفس ، ولا خوف من المشورة الغلط وعواقبها ولا عدم ثقة في حد من
اللي حواليك ولا في رأيهم؟


ولا غرور و لا عدم ثقه و لا حاجه من الحاجات دي
هو طبعا بيبقي في ثقه بس مش معني كده ان ما يبقاش فيه مشوره
بس انا جاوبت قبل كده ....
ممكن الحاجات دي تبقي في حاجات مش كبيره اوي يعني مش حاجات مصيريه
بس هو ممكن خوف ان الحاجه دي مش هاتتحقق , او المشوره تقلل من عزيمتك شويه علي حاجه منطقيا هيا مش غلط , فبحس ان الراي ده مش دفعه ليا بل العكس




7- ايه رأيك فيا كده؟ عايزك بالتفصيل الممل

يا سلام
هشام حبيبي انا اعرفك قبل ما اشوفك من موقع الطلبه و كان بيعجبني ارائك و مشاركاتك و كنت بحس انك شخص لذيذ
و لما شوفتك اول مره بقي و كنت انا و انت و مها حسيت شويه انك غامض كده و مش الشخص اللي بشوفه علي النت
بس بعد كده لما قربتلك اكتر بجد شوفت فيك صديق كويس جدا و فكر و دماغ بتعجبني و شخصيه كويسه و عليك كده حاجات غريبه بس لذيذه
بس بحس برضه ان دماغك ناشفه شويه

بس كفايه كده لاحسن تتغر في نفسك و لا حاجه


8- تحب ازود غلاسة؟ طبعا مش بكيفك ، لأن انت ولد لو بنت زي ندي ممكن نلتمسلك
الرحمة

لا تتعب نفسك ليه بس يا بيه , انا كده مستريح

اقتباس :

انت لسة هنا

طب خد عندك بقى

حتي انت يا مصطفي خسأت

قولى انا بمثلك اية فى حياتك ؟؟
و جبيلى بيمثلك اية ؟؟

- يعني انتوا لااتنين اعز اصدقاء ليا و ربنا يخليكوا ليا و الواحد من غير اصحاب مايقدرش يعيش و بتضايق جدا من اي حاجه ممكن تأثر علي الصداقه دي مهما كانت .

تفتكر انت متوافق مع مين اكتر انا ولا جبيلى؟؟

انت اكتر و هابقي اقولك ليه بعدين ....,,

هل بتضايق لما بنمرمطك تريقة ؟

انا هاسيب ده لاحساسك ...

اقتباس :

مقالة:

و بحب اروح نادي الجامعه اللي في شارع النيل

اللى كان مكتوب فى مش عارفه ايه كدة

هى حاجة معايا و خلاص خدتها اول يوم كليه

اللى اسمه نادى تجديف جامعة القاهرة

دة فيه ايه جواه بقى

ده نادي في عوامه و قعدته علي النيل حلوه اوي هو قدام جراند حياه و الفور سيسون

اقتباس :

دخيلك ؟؟

دى بيقولها جراننا السوريين

دخيلك الله

يعنى ايه الكلمة دى كنا لسة بنسالهم و مفهمتش برضه

انت ليك اصل من الشام ؟؟

ههههه لا خالص بس اهي كلمه و السلام


و سؤال كمان سالته قبل كدة فى لعبة مش فاكرة ايه هى و شمفتش الاجابة

مين اللى بتدعى عليه فى التوقيع ؟؟

تاني ...
ده الراجل المدرب بتاع فريق فرنسا و بسببه خرجت فرنسا من الدور الاول في كاس اوربا


و شوية كمان

ايه هى اساسيات يومك اللى لو معملتهاش كل يوم ضميرك يانبك ؟؟

بحب اروق الاوضه بتاعتي و طبعا الاقي كل اسرتي حواليا و مش بعيد عني
و اتفرج علي برنامج القاهره اليوم و اشرب اي عصير و طبعا ادخل علي الميل و الفيس بوك و المنتدي و ارخم علي اخويا الصغير


و ايه اساسيات اسبوعك بقى ؟؟

هيا نفس اساسيات اليوم بس لازم اعمل كذا حاجه كده من زيارات لقرايبي و خروجات مع اصحابي و اي حاجه لدار رساله و البلاي ستشيشن


ايه الموضوعات اللى بتشدك فى المنتدى ؟؟

موضوعات ... امممم
هما كتير
بس من الموضوعات اللي بحبها موضوع الاقوال المأثوره و سجل دخولك بالصلاه علي النبي
و قول رايك في العضو اللي قبلك و كاس اوربا طبعا


دلوقتى نتخيل انت بتفتح لسة المنتدى اول حاجة بتعملها ايه بعدين ايه بعدين ايه ؟؟

اول حاجه خالص بكون في الصفحه الرئيسيه بشوف المواضيع الاخيره و الاعضاء الموجودين
بعد كده بدخل المنتدي و ببدأ بالاول و بعد كده يعني بقسم الاسلاميات و بعدين الاقسام التاليه
و بشارك بالردود و بعدين لو عندي موضوع عايز احطه بحطه و اخيرا بدخل قسم اللعب بقي افرفش شويه


ايه اكلاتك المفضلة ؟؟

كتير ..
بس المحشي و الكشري و الفراخ و السمك و المكرونه البشاميل الاهم شويه


انت ما جاوبتش على ال40 سؤال بتوع كوتومايه اللى فى ساحة هموم الشباب مش كدة

ادخل جاوبهم

موضوع اسمه اسئلة جاوب و فضفض

اسئلة مش صعبه خالص و 40 بس

لا لا ايه ده انا عايز افراج


سلااام علييكم و رحمة الله و بركاته

اقتباس :

الغسالة لازم ليها مسحوق

و انت ما تجيش الا في الهيصه

مين اقرب خمس شخصيات ليك خارج العائلة ؟

اختر 5 من اللي فاتوا
او اقولك انا مصطفي , جبيلي , سامر , وليد , اسامه

لما بتدعى بتدعى بيه؟

بان ربنا يعيني علي طاعته و حسن عبادته و يجعلني بارا بوالديا

ايه اصعب يوم جمعة مر عليك؟

ممكن كان يوم 7 او 14 مارس

تعرف كام بنت؟

سؤال مالهوش لازمه يعني
اعرف ناس كتير

نفسك تخطب بعد قد ايه؟

و الله حسب التساهيل بس اكيد مش قبل ما اخلص دراسه

اكتر حرف بتحبه؟

عادي كل الحروف بس لو مصر يعني نقول م

اجمل احساس عشته؟

اجمل احساس الكل بيعيشه اكيد لما بيحب اللي حواليه و يكون اللي حواليه بيحبوه و يكون عايش وسط الناس دول علي طول

قول رايك فى كل واحد فى كلمة
هشام : دماغ
بروفسور : شخصيه بحبه اوي
شاتو : جدع
السيف المسحور : مش عايزه كلام اخويا
صبرى : طيب اوي
سامر : لذيذ و مرح
وليد : شخصيه الكل يحترمها
مها : اختي
هدى : شخصيه لذيذه و محبوبه
نسمة : نسمه و الناس بتحبها

اكتر انسن عرفته وارتحتاله؟
اصحابي الانتيم

تختار الحب ولا الاكل؟
هههه انت في كارفور
اكيد الحب
ده انت عليك اسئله تفرس

كفايه كدة على السريع بس يا ريت الاجابات تكون واضحة وصريحة

اقتباس :

يعني مثلا يوم ما جبت 99% في الثانويه كان يوم سعيد اوي

انا هتجنن كدة

ما شاء الله

بس سؤال بجد

مبتطلعش الاول على الدفعه ليه ما دام بتعرف تذاكر جامد جدا زيادة عن اللزوم ما شاء الله كدة

و طبعا كليتنا اعبط من العبط و الثانوية العامة ارخم من الرخامة

قلت ان من اساسيات يومك الدخول على الفيس بوك.. هو بتعملوا ايه فيه بالظبط عشان انا مش فاهمه فايدته حتى الان ؟؟

مبسوط انك فى المحضر؟؟

مجاوبتش ليه على ال40 سؤال ؟؟

ايه رايك فى الوان المنتدى ؟؟

ايه اكتر منتدى بتحبه ؟؟

كنت تتمنى تكون فى مجموعه ج ؟؟


لو عايز تنزللنا موضوع نتناقش فيه على المنتدى يكون مناقشه عن ايه ؟


ايه الوظايف اللى كنت تتمنى تشتغلها طول عمرك من ساعة ما كنت طفل صغير خالص لسه بيبتدى يفكر و لغايت دلوقتى ؟؟

سلاااااام عليييكم و رحمة الله و بركاته

اقتباس :

قلت ان من اساسيات يومك الدخول على الفيس بوك.. هو بتعملوا ايه فيه بالظبط عشان انا مش فاهمه فايدته حتى الان ؟؟

لا هو فكرته عاديه ممكن بيضم ميل علي مثلا اهداءات علي البوم الصور و في كمان جروبس معينه ممكن اي حد يعملها و يشارك فيها ناس كتير و كمان في مثلا تصويتات علي مواضيع او اشخاص معينين و فيه تنبيهات باحداث معينه تهمك و تفكرك بيها و في شات كمان و حاجات كتير بس لذيذه يعني


مبسوط انك فى المحضر؟؟

عادي يعني بس في اسئله كده عظيمه

مجاوبتش ليه على ال40 سؤال ؟؟

و الله ماعرفش ايه الاسئله دي بس لو 40 سؤال يبقوا كتير اوي
ده عايز جلسه لوحده

ايه رايك فى الوان المنتدى ؟؟

لا حلوه اوي و عامله جو حلو للمنتدي

ايه اكتر منتدى بتحبه ؟؟

كوميرس طبعا و منتدي الطلبه و dvd4arab

كنت تتمنى تكون فى مجموعه ج ؟؟

لا انا كده مبسوط
هو طبعا مجموعه ج فيها اغلب اصحابي و اعرف فيها ناس كتير جدا و اوقات بحضر كمان في ج
بس مجموعه ب احسن بكتير ( لمؤاخذه يا مجموعه ج )


لو عايز تنزللنا موضوع نتناقش فيه على المنتدى يكون مناقشه عن ايه ؟

كان فيه موضوع اتناقشنا فيه في مجموعتنا عن الاداره و المحاسبه زي الموضوع اللي في المنتدي بس علي توسع من حيث اللي هايدخل محاسبه و اللي هايدخل اداره و متطلبات سوق العمل للتخصصات دي بس كان نقاش كويس جدا و كمان كان فيه متطلبات بجانب التخصصات مثلا زي كورسات مهمه لكل تخصص لازم تبقي موجوده و خبرات معينه لازم تبقي متوفره


ايه الوظايف اللى كنت تتمنى تشتغلها طول عمرك من ساعة ما كنت طفل صغير خالص لسه بيبتدى يفكر و لغايت دلوقتى ؟؟

من زمان اوي و انا صغير كنت بحب الهندسه اوي و الاشكال الهندسيه و الفوازير الي فيها الحاجات دي و كنت دايما يقفل ماده الرياضه و الهندسه و كان حلمي كليه هندسه
بس بقي لما دخلنا الثانويه فقدت الامل ..
و بعديها كان اهتمامي بعد كده من اول لما دخلت ثانوي كان علي كليه التجاره
و ابدتيت بقي افكر في المجال اللي هادخله و بقي عندي افكار زي مثلا اكون عندي مكتب محاسبه او اكون مسئول حسابات في شركه او في بنك و افكار كتير بقي بس تكون ليها علاقه يتخصصي

سلاااااام عليييكم و رحمة الله و بركاته
و عليكم السلام و رحمه الله وبركاته

اظاهر كدة ان الناس زهقت منك يا حج

لم هدومك بقى و استعد للرحيل