ضبط واحضار ومحضر مع العضو (Admin)بداية من منتصف 67

مبرووك ..ربنا معاك ..نبدا نجهز الاسئلة بقى ان شاء الله

يللا


عايز انتقام

ايه المفاجآاااااااات دىىىى

على طول كدة


اوالبداية سخنة كدة



طيب

نستعد

بسم الله



الاسم : محمود الصابر الجوهري

السن : 20 سنة

تاريخ الميلاد : 11-1-1989

محل الاقامة : فيصل


ياريت الاسئلة تبقى حنينة

عشان اول مرة اخش اقسام يا جماعة قدروا ظروفي

او تاني مرة عشان دخلت قبل كدة ساعة البطاقة

اهلا بيك في محضر
انا هسئل سؤال واحد بس عشان مش اصعبها

ياريت تلخص حياتك في عشر اسطر
مترقمه من يمين للشمال 1:)

هههههههههههههههههه


عشرة بس


قولي عشرة الاف

يا عينى من الفرح عل القسم


ربنا معاك

انا بقى فضوليه

عملتوا ايه فى فرح اختك ؟

ازاى بدات قصتك مع التنميه البشريه ؟

ترافيلر صاحبك فى الحقيقه كمان ولا عرفتوا بعض عل النت ؟

والتنميه البشريه قربت بينكم ولا انتم كنتم قريبين اصلا من قبلها ؟

التنميه البشريه بتمثلك ايه فى حياتك ؟

وهل انت بتطبق اللى بتقوله ؟

هل جيت فى وقت وحصلتلك مشكله واستخدمت فيها

التمنميه البشريه ونفعت ؟

لو حصل (وانا اظن انها حصلت ) فياريت لو ينفع تذكر الموقف ؟

ايه الكتب اللى بتقراها عامه؟

وايه كل الكتب اللى قريتها وايه اكتر الكتب اللى بتحبها ؟

بتحب د/عمر عبدالكافى والشيخ محمد حسان ولا ؟

مين اكتر داعيه بتحبه ؟

يلا كفايه كده بس علشان خاطر العروسه

مش علشان الاسئله كتير ولا اى حاجه ؟

قولها الف مليووووووووووووووون مبروك

وعقبال الذريه الصالحه ان شاء الله

سلام عليكم و رحمة الله و بركاته

لما اسال انا كمان ..بسم الله الرحمن الرحيم

(((مطلوب اجابات طويلة ..من اجل الحصول على الدرجة كامله))

ايه اسباب تغييرك لاسمك مرتين حتى الان ؟ (كل مرة كان سببها ايه)

ايه اكتر اسم تحب الناس ينادولك بيه ؟

نفسك تدرس التنمية البشرية ..و لا تشتغل شغلانه تستفيد فيها من اللى اتعلمته فى التنمية البشريه ؟؟

ايه هى احلى حاجات كسبتها من دخولك كلية تجارة و لو كنت دخلت كلية تانيه غالبا مكنتش هتكسبها ؟؟

و ايه هى اوحش حاجات لقيتها بسبب دخولك تجارة ؟؟( لو السؤال كئيب مش مهم الاجابة ..اختيارى يعنى )



اول مرة سمعت عن كوميرس كان ازاى و امتى و فين ..؟؟
و قررت ايه ..؟؟
و ايه اللى شدك انك تشارك معانا و تبدا تبعت رسايل للجروب؟؟
و ايه اللى شدك لدخول المنتدى و المشاركة فيه ؟؟
و بما انك عضو معانا من اول الجروب وو حتى الان الحمد لله و تقريبا فترات انقطاعك مش كتير ..ايه اللى مخليك مستمر و دائم المشاركة ؟؟
شىء بيسعدك و لا مضايقك انك مشرف على المنتدى و الجروب ؟
و ايه اللى استفدته من كللللللللل دة ؟
و هل خسرت شىء بسبب كوميرس ؟؟

كفاية اسئلة كوميرساوية

حاسس بايه لما اختك مبقتش مقيمة معاكوا بعد ما اتعودت من يوم ما اتولدت على وجودها ؟؟

ايه الاماكن اللى تحب تسافرلها فى مصر ..و برة مصر ؟؟

هل ممكن تسافر تشتغل برة لو لقيت فرصه كويسة ؟

ايه مدى حبك لمصر ؟

فى رايك سهل الحصلو على شغل فى مصر و ان الشباب هما اللى بيتدلعوا و لا فعلا صعب و الناس بتتعب و مبتوصلش ؟

هل لو البنات اشتغلت هيخدوا اماكن الولاد و لا هيزودوا الشغل اكتر و الاتنين يشتغلواو مصر تتقدم اكتر ؟؟

ايه هو هدفك الوظيفى الاساسى ؟؟ و ايه اللى عندك دلوقتى من وسائل الحصول عليه؟؟ و ايه اللى لسه بتسعى للحصول عليه منهم ؟؟


مبسوط انك دخلت المحضر ؟؟

اوصفلنا اول ما تدخل على كوميرس بتعمل ايه و بتدخل على ايه و بتختار ازاى المواضيع اللى هتدخلها ؟؟

ايه المواقع اللى بتدخل عليها؟؟

ايه رايك فى الاسئلة دى ؟؟

كفايه كدة ..و ان شاء الله المرة الجاية اجيب اسئلة اكتر

سلااااااااام علييييييييكم و رحمة الله و بركاته

معلش سؤال كمان اخويا سالهونى دلوقتى..هو انا سالت عنهقبل كدة بس عندى زهايمر

هو ايه grouply دة ..حاجةانت باعتها لجروب كوميرس ..اصله لقيته مبسوطط و فاكر محمود الجوهرى بتاع الكورة باعتله حاجة تقريبا ..بعدين قلتله استنى اشوفلك ايه جروبلى دة الاول

فما هو ذلك الشىء ؟؟

يللا يا عم ، ده انت هيتعمل معاك احلي واجب

هههههههههههههههههه

ههههههههه
اي خدمه يا حبيبي
عشان متقولش حرمناك من حاجه

شكله هرب

هههههههههههههههههههههه

معلش يا جوهرى

السجن للجدعان

انت المفروض كنت عملت زى و استخبيتلك شهرين بعيد عن المنتدى زى سفاح المعادى كدة

على العموم اديك هتجرب البورش

طبعا البورش بتاع السجن مش العربية

و بما انك مسجون موركش حاجة

خد الكام سؤال دول مزمزهم و انت بتاكل الحلاوة

اية رأيك فى الجامعة ؟

نفسك تتخرج و لا نفسك تفضل فيها على طول ؟

هل فى نظرك الجواز شىء ضرورى اوى ولا الواحد يعيش حياتة الاول قول مثلا 7 سنين بعد التخرج وبعدين يفكر فى الجواز؟

اية رأيك فى زواج الاقارب؟

و اية رأيك فى زواج الصالونات ؟

بتعرف تطبخ ولا زى بقيت الرجالة؟

كفاية عليك كدة

بس انت شكلك اساسا هربت ومش ناوى تجاوب

(zamzam) كتب:

اهلا بيك في محضر
انا هسئل سؤال واحد بس عشان مش اصعبها


ربنا يكرمك

هي دي روح التعاون


ياريت تلخص حياتك في عشر اسطر
مترقمه من يمين للشمال 1:)

1- اتولدت في يوم 11-1-1989 كان يوم شتوي جدا والمطرة مانت بتمطر ، كان يوم تحفة

2- اتفطمت بعد سنتين وشوية مش زي كل الاطفال ، وكنت كلبوزة شوية وانا صغير مش عارف ايه اللي حصلي اما كبرت

3- دخلت الحضانة وكنت طفل يميل الى الهدوء والتامل ده العادي بتاعه ، شقي جدا مع صحابه خصوصا في لعب الكورة

4- انجاز جميل جدا بحبه قوي اني طلعت الخامس على المدرسة في 5 ابتدائي

5- بدات احلامي تكبر شوية وكان حلمي اني اخش كلية هندسة وابقى مهندس معماري

6- خلصت 3 اعدادي بمجموع كويس 92 % وده اللي ساعدني اني اخش فصل متفوقين في السعيدية بعد كدة

7- حياة مختلفة تماما في ثانوي لاني بعد 8 سنين مدرسة خاصة جمب البيت ربع ساعة تقريبا اتنقلت لمدرسة جمب الجامعة فحصل انفتاح كبير جدا

8- خلصت 3 ثانوي بمجموع 87.7 % بعد شوية تغيرات في ثانوية عامة ، كان نفسي اخش هندسة ودخلت عملي بس للاسف جبت 81 % فحولت ادبي وجبت حوالي 93 % الحمد لله ودخلت كلية تجارة

9- بداية مرحلة جديدة في حياتي قابلت فيها ناس كتير واتعرفت على طرق تفكير جديدة ومختلفة واتعرفت على علم جميل جدا وبحبه جدا هو التنمية البشرية

10 - صدمة بعد ما دبلرت سنة تانية وبداية طريق جديد قررت اني لازم استغل حياتي بشكل افضل من كدة فبدات اخد كورسات انجليزي و اتعرفت على علم الموارد البشرية وخدت فيه كورس ومؤخرا حصل تغيير جديد ان اختي شريكة حياتي كلها اتجوزت وبحاول اتاقلم على الوضع الجديد حاليا

معلش يا جماعة اتاخرت عليكو شوية

مش متعود على نومت البورش

هههههههههههههههه

ربنا يكون في عونك في المحضر ده والله دول مدينلك أسئلة ليها اجابات تعمل 3 مجلدات
وفاكر اليوم اللي اتولدت فيه كمان !! ما شاء الله ذاكرتك كويسة
ربنا يكون في عونك

فداء كتب:

يا عينى من الفرح عل القسم


ربنا معاك

انا بقى فضوليه

عملتوا ايه فى فرح اختك ؟


هو ماكانش فرح قوي

كان كتب كتاب بعد كدة تصوير وقعاد في كافيتريا ثم ذهابا الى البيت


ازاى بدات قصتك مع التنميه البشريه ؟


وانا في اولى جامعة كنت ماشي في الجامعة ، انا دايما كنت بحب اشوف ايه الجديد واتعرف عليه فكنت بشوف اذا كان فيه حاجة جديدة ولا لا ، فلاقيت كتاب صغير كدة اسمه المفاتيح العشرة للنجاح لواحد اسمه ابراهيم الفقي ، لاقيته مبتسم كدة واسم الكتاب شدني جدا بصراحة سالت على سعره لاقيته ب 12 جنيه فقلت كويس ، اشتريت الكتاب وقريته وكان اول كتاب اشتريه واقراه من اوله لاخره بعد كتيبات عمرو خالد في ثانوي ، بعد كدة كان فيه دورة لفريق اسمه زدني في الجامعة مجانا كان واحد صاحبي في الجمعية العلمية قالي عليها فقلتله ماشي هحضرها معاك كان هو المنظم ، حبيت الموضوع اكتر وفي السنة اللي بعدها اتعرفت على د عمرو عثمان عن طريق الكوميت وخدت معاه كورس جميل جدا ف التنمية البشرية واضافلي معلومات جمييلة جداا



ترافيلر صاحبك فى الحقيقه كمان ولا عرفتوا بعض عل النت ؟


احنا صحاب من اولى جامعة بعد كدة احنا الاتنين اشتركنا في المنتدى ومع الوقت بقينا مشرفين


والتنميه البشريه قربت بينكم ولا انتم كنتم قريبين اصلا من قبلها ؟


كنا قريبين من قبلها وجه الكورس بتاع عمرو عثمان قرب بينا اكتر ، احنا وناس كتير كان 2 / ج كلهم هناك تقريبا في كورس ده



التنميه البشريه بتمثلك ايه فى حياتك ؟


علم جميل جدا الانسان من خلاله ممكن يطور حياته وتفكيره ويستغل نفسه بشكل احسن




وهل انت بتطبق اللى بتقوله ؟


خليني صريح معاكي

وهقولك مش كله قوي بصراحة

بس فيه حاجات كتيير جربتها منها والباقي عندي عزم اني اطبقه ان شاء الله

وعموما انا بحاول اقوله للناس عشان نشجع بعض ولو انا فيه حاجة ماستفدتش بيها ممكن غيري يستفيد بيها


هل جيت فى وقت وحصلتلك مشكله واستخدمت فيها

التمنميه البشريه ونفعت ؟

اه الحمد لله


لو حصل (وانا اظن انها حصلت ) فياريت لو ينفع تذكر الموقف ؟


في مواقف كتير الحمد لله ، خصوصا اني مشترك في جمعية رسالة للاعمال الخيرية في الدعاية فعلى طول بحاول اطبق الاتصال مع الاخرين والعرض والتفاوض وتنظيم الوقت


فيه موقف نفعت فيه جدا الحمد لله

كنت في كورس موارد بشرية تبع الجامعة وكنا متقسمين فرق ، كل فرقة كان عندها حالة معينة زي مشكلة في شركة معينة والمطلوب منها انها تحل المشكلة دي وتعمل عرض للمشكلة والحل ، الفريق بتاعي كنا المفروض نتقابل ونناقش الموضوع مع بعض بس للاسف ماتقابلناش ، جينا في الاسبوع اللي بعد كدة للكورس والمفروض نعمل عرض ، الحمد لله ساعتها كنت فاهم الحالة كويس وكنت من ضمن ال3 اللي عملوا عرض للمشكلة والحل بشكل ارتجالي شوية ، انا قلت هركز على اني اقول المشكلة والحل ماليش دعوة بقى ب الاتصال بالعين وحركات الايدين بس الحمد لله مشيت واتعمل كويس


ايه الكتب اللى بتقراها عامه؟

دينية زي لا تحزن لعائض القرني كدة ، علم نفس ، تنمية بشرية ، ادب ساخر ليوسف معاطي ، ادارة



وايه كل الكتب اللى قريتها وايه اكتر الكتب اللى بتحبها ؟


هو فيه حاجات بتصفحها بسرعة وفيه كتب بقراها على رواقة كدة

الكتب اللي بحبها اللي قولتها في السؤال اللي فات


بتحب د/عمر عبدالكافى والشيخ محمد حسان ولا ؟


هما الاتنين ما شاء الله علمهم غزير جدا جدا جدا وطريقة عرضهم جميلة جدا وبحس ان عندهم اخلاص كبير جدا للرسالة اللي عايزين يقدموها

انما بحب د/عمر عبد الكافي اكتر


مين اكتر داعيه بتحبه ؟

عمرو خالد بكل السلاسل اللي عملها العبادات والاخلاق وسلسلة فلسطين ( على فكرة نزلتهالكو على الفيلز بتاعة جروب كوميرس ) وبرنامج على خطا الحبيب

وبعديه على طول مصطفى حسني خصوصا في حلقات خدعوك .. فقالوا

وبحب برده الشيخ محمود المصري و محمد حسين يعقوب خصوصا في درس لعبة الحياة


يلا كفايه كده بس علشان خاطر العروسه

ربنا يكرمك

وعقبالك


مش علشان الاسئله كتير ولا اى حاجه ؟

قولها الف مليووووووووووووووون مبروك

وعقبال الذريه الصالحه ان شاء الله

الله يبارك فيكي

يا عيني عليك يا حوده ما كانش يومك يا ابني

طيب يلا بسم الله الرحمن الرحيم

قولي ايه هي حكمتك في الحياة الي ماشي بيها ؟؟
قولي يوم في حياة الجامعه مش ممكن تنساه ؟؟
ايه اول حاجه بتيجي في ذهنك اول ما تسمع كلمه "تخرج " ؟؟
حاجه متعود تعملها كل يوم ؟؟
و اكتر حاجتين عموما في حياتك بتحب تعملهم ؟؟

وبس كده يا سيدي عفونا عنك

و بالتوفيق ان شاء الله يا حبيبي

ايه ده يا عزو
دول شويه صغيرين متتوصى شويه بالراجل

ماااااااااااااشي يا صبري


اما وريتك

[quote="ندى"]سلام عليكم و رحمة الله و بركاته

وعليكم السلام ورحمة الله وبركاته

لما اسال انا كمان ..بسم الله الرحمن الرحيم

اوك اتفضلي

(((مطلوب اجابات طويلة ..من اجل الحصول على الدرجة كامله))

ربنا يوفقني


ايه اسباب تغييرك لاسمك مرتين حتى الان ؟ (كل مرة كان سببها ايه)

هو بصي انا بحب التغيير والتجديد فكل فترة لازم اعمل جديدات في حياتي من ضمنها اسمي على المنتدى


ايه اكتر اسم تحب الناس ينادولك بيه ؟

صابر

عشان ده كان صحابي بينادوني بيه في ثانوي


نفسك تدرس التنمية البشرية ..و لا تشتغل شغلانه تستفيد فيها من اللى اتعلمته فى التنمية البشريه ؟؟

الاتنين ان شاء الله

اشتغل في مجال اما استمر فيه اقدر ادرس التنمية البشرية بعد كدة ان شاء الله


ايه هى احلى حاجات كسبتها من دخولك كلية تجارة و لو كنت دخلت كلية تانيه غالبا مكنتش هتكسبها ؟؟


هو فيه ميزتين في كلية تجارة

اول حاجة كمية الناس المهولة اللي فيها ده بيخلي الواحد يتعرف على ناس من جميع الاشكال والانواع وده خبرة في حد ذاته مفيدة جدا لبعد كدة وفي الحياة عموما

ثاني حاجة فيه وقت فراغ كبير جدا ممكن الواحد يستغله في الكورسات او انه يمارس انشطة بجانب الدراسة زي رسالة والجمعية العلمية والمودلز ....


و ايه هى اوحش حاجات لقيتها بسبب دخولك تجارة ؟؟( لو السؤال كئيب مش مهم الاجابة ..اختيارى يعنى )


اني ماتعرفتش على مهندسين كتير ماحتكتش بيهم كتير وان كان ليا صحاب هناك بس كان نفسي ابقى معاهم ( قدر الله وما شاء فعل )

الميزة في كلية هندسة انها تدريب عملي جدا على ان الواحد يتخيل حاجة ويخطط لها وبعدين ينفذها فده شئ جميل جدا


اول مرة سمعت عن كوميرس كان ازاى و امتى و فين ..؟؟

في مدرج د قبل شهرة تصاويصي كدة بشوية كان بسبب ياسمين تقريبا والله اعلم


و قررت ايه ..؟؟

اني اتعرف اكتر على الجروب ده واشترك فيه

و ايه اللى شدك انك تشارك معانا و تبدا تبعت رسايل للجروب؟؟

اني حسيت ان الجروب ده عنده رسالة عايز يوصلها للناس ، رسالة مؤمن بيها ، والناس اللي صممته ناس محترمة جدا



و ايه اللى شدك لدخول المنتدى و المشاركة فيه ؟؟

استكمالا للجروب وانه كان عايز يوصل رسايل للناس بشكل متطور اكتر عن الجروب وكنت حابب ابقى منضم ليكو في كل تقدم بتعملوه


و بما انك عضو معانا من اول الجروب وو حتى الان الحمد لله و تقريبا فترات انقطاعك مش كتير ..ايه اللى مخليك مستمر و دائم المشاركة ؟؟

لان المنتدى مفيد جداااا سواء من ناحية الموضوعات اللي بتتقدم او الناس اللي مشتركة فيه اللي اعرف ناس كتير منهم وبينا صداقة من اولى جامعة تقريبا

وكمان عايز اوصل رسايل للناس خصوصا بعد ما بقيت مهتم بالتنمية البشرية واشتركت في فريق معا

حابب اني افيد الناس من الحاجات اللي انا اتعلمتها

شىء بيسعدك و لا مضايقك انك مشرف على المنتدى و الجروب ؟

شئ بيسعدني جدا طبعا

و ايه اللى استفدته من كللللللللل دة ؟

اني اتعرفت على ناس جديدة وبينا شغل كويس ان كان بشكل غير مباشر بس مفيد للناس عموما

واتعلمت اني طالما قبلت اني اكون مسئول عن شئ لازم اتابعه واحسنه واهتم بيه باستمرار

و هل خسرت شىء بسبب كوميرس ؟؟

لا الحمد لله

كفاية اسئلة كوميرساوية

حاسس بايه لما اختك مبقتش مقيمة معاكوا بعد ما اتعودت من يوم ما اتولدت على وجودها ؟؟

مفتقدها جدا

ايه الاماكن اللى تحب تسافرلها فى مصر ..و برة مصر ؟؟

في مصر

اسكندرية ، مرسى مطروح ، الغردقة ، لقصر واسوان

برة مصر

نفسي جداا اروح السعودية ولبنان والمغرب وفرنسا والمانيا


هل ممكن تسافر تشتغل برة لو لقيت فرصه كويسة ؟

ممكن اولدراسة بس مش فترة طويلة

ايه مدى حبك لمصر ؟

بحبها جدا رغم قسوتها كتير عليا وعلى ناس كتير




فى رايك سهل الحصلو على شغل فى مصر و ان الشباب هما اللى بيتدلعوا و لا فعلا صعب و الناس بتتعب و مبتوصلش ؟

هو مانقدرش ننكر ان فيه كوسة ، وكوسة كبيرة كمان في بعض الاماكن

بس في نفس الوقت ( ان الله لا يضيع أجر من أحسن عملاً )

عشان كدة لازم نجتهد ونعمل اللي نقدر عليه ونستغل وقتنا كويس ونفتكر الحديث اللي بقول ان كل يوم فيه ملك بينادى ( يابن ادم انا يوم جديد وعلى عملك شهيد فاغتنمني .. فاني لن اعود الى يوم القيامة ) ونكتشف نفسنا ونعرف ايه المجالات اللي بنحبها ونتميز فيها ، كدة ممكن الشغل هو اللي يجيلنا كمان مش احنا اللي نروح له


هل لو البنات اشتغلت هيخدوا اماكن الولاد و لا هيزودوا الشغل اكتر و الاتنين يشتغلواو مصر تتقدم اكتر ؟؟

هو انا قبل كدة كنت معترض بصراحة على شغل البنات الا في وظايف معينة ويمكن بعت رسالة ع الجروب فيها المعنى ده قبل كدة

مؤخرا الموضوع محير جدا بصراحة

يعني لو ماشتغلتش هتنقطع عن العالم الخارجي ومش هتبقى عارفة اللي بيحصل في الدنيا ، ولو اشتغلت ممن ده ياثر على بيتها ومسئولياتها

بس هي ممكن تنفع في حاجات وحاجات صعب عليها ، يعني تشوف ايه اللي يناسبها

ايه هو هدفك الوظيفى الاساسى ؟؟ و ايه اللى عندك دلوقتى من وسائل الحصول عليه؟؟ و ايه اللى لسه بتسعى للحصول عليه منهم ؟؟

اني اشتغل في الموارد البشرية ان شاء الله

انجليزي وكورس موارد بشرية وخبرة في انشطة تطوعية

تنمية نفسي اكتر عشان لو مانفعتش في المجال ده انفع في مجال تاني


مبسوط انك دخلت المحضر ؟؟

جداا

اوصفلنا اول ما تدخل على كوميرس بتعمل ايه و بتدخل على ايه و بتختار ازاى المواضيع اللى هتدخلها ؟؟

بدي بصة على الموضوعات الاخيرة والمناقشات

واشوف لو فيه حاجة حاضرة عندي تمشي معاها بكتب لو مافيش ممكن ااجل شوية


ايه المواقع اللى بتدخل عليها؟؟

مصرواي ، عمرو خالد ، اسلام واي ، ابراهيم الفقي ، منتديات تنمية بشرية ، سيرشات عامة على جوجل

ايه رايك فى الاسئلة دى ؟؟

صعبة شوية بصراحة

بس خلتني افتكر وافكر في حاجات جميلة جدا


كفايه كدة ..و ان شاء الله المرة الجاية اجيب اسئلة اكتر

ان شاء الله

منتظرينك

سلااااااااام علييييييييكم و رحمة الله و بركاته

وعليكم السلام ورحمة الله وبركاته

ندى كتب:

معلش سؤال كمان اخويا سالهونى دلوقتى..هو انا سالت عنهقبل كدة بس عندى زهايمر

هو ايه grouply دة ..حاجةانت باعتها لجروب كوميرس ..اصله لقيته مبسوطط و فاكر محمود الجوهرى بتاع الكورة باعتله حاجة تقريبا ..بعدين قلتله استنى اشوفلك ايه جروبلى دة الاول

فما هو ذلك الشىء ؟؟

جروب كنت فاكر انه جامع مابين جروبات كتير عشان كدة ده اللي شجعني اني اشترك فيه انما اظاهر اني محتاج اتاكد من المعلومة دي

Admin كتب:

شكله هرب

عيب عليك يا اتش

دانا حتى مديك بيناتي

هههههههههههه

F.r.I.ë.N.d.S كتب:

هههههههههههههههههههههه

معلش يا جوهرى

السجن للجدعان

انت المفروض كنت عملت زى و استخبيتلك شهرين بعيد عن المنتدى زى سفاح المعادى كدة

للاسف معرفوش منا استخبينا مع بعض

هههههههههههههههههههههههه


على العموم اديك هتجرب البورش

طبعا البورش بتاع السجن مش العربية

و بما انك مسجون موركش حاجة

خد الكام سؤال دول مزمزهم و انت بتاكل الحلاوة


لسة هسيب الاكل

ماشي

هات ياسيدي


اية رأيك فى الجامعة ؟

جمييلة جداااا

المدرجات والناس والدكاترة اينعم بيطلع عينينا شوية بس كله بيعدي في الاخر


نفسك تتخرج و لا نفسك تفضل فيها على طول ؟

نفسي ادرس فيها على طول حتى بعد التخرج ان شاء الله

ونفسي اقابل صحابي فيها دايما واشوفهم في الجامعة من وقت للتاني ان شاء الله


هل فى نظرك الجواز شىء ضرورى اوى ولا الواحد يعيش حياتة الاول قول مثلا 7 سنين بعد التخرج وبعدين يفكر فى الجواز؟

بص

هي بتفرق من حد للتاني

يعني فيه ناس تقولك مثلا انا مش هتجوز الا بعد ماوصل لمستوى مادي معيا مثلا او حقق اللي نفسه يحققه وبعدين يفكر في موضوع الجواز وده ممكن يكون بعد 3 سنين 7 سنين زي مايخد بقى

فيه ناس تقولك لا انا احط رجلى على اول الطريق ونشق طريقنا انا وشريك حياتي مع بعض

فعلى حسب كل شخص


اية رأيك فى زواج الاقارب؟

كويس

حتى انا ليا واحد صاحبي خاطب بنت عمته وبشكر فيهم دايما وبيقوللي عشان هما اهل في بعض وكدة فبيبقى فيه كرم من العيلتين لبعض

يعني طالما الاتنين كويسين ومتفاهمين مع بعض مش مشكلة


و اية رأيك فى زواج الصالونات ؟


احيانا بيكون ناجح واحيانا لا

حس برده الاتنين عرفوا بعض كويس ولا لا

وقدروا يتفاهموا مع بعض ولا لا


بتعرف تطبخ ولا زى بقيت الرجالة؟

زي باقي الرجالة

يعني بيض مسلوق او مقلي شغال

احمر بطاطس او اهرسها ممكن برده

بس احسن حاجة ساندوتشات الجبنة الرومي

دي استاذ فيها


كفاية عليك كدة

اوك

بس انت شكلك اساسا هربت ومش ناوى تجاوب

عيب عليك يا ريس

mohamed14 كتب:

يا عيني عليك يا حوده ما كانش يومك يا ابني


حياتك الباقية يا محمد

طيب يلا بسم الله الرحمن الرحيم

قولي ايه هي حكمتك في الحياة الي ماشي بيها ؟؟


هو ش بحب امشي بحكمة واحدة بس

انما ممكن نقول ( الحياة تجارب ) او ( الدنيا مدرسة كبيرة )

قولي يوم في حياة الجامعه مش ممكن تنساه ؟؟

هو فيه اكتر من يوم الحمد لله


يعني اول يوم درسة في الجامعة كان يوم جميل جدا واتعرفت فيها على واحد ماشوفتوش تاني من ساعتها مش عارف راح فين بعد كدة ، شكله حول او حاجة

يوم ماجه دكتور ابراهيم الفقي وادى محاضرة ( المفاتيح العشرة للنجاح ) كان من اجمل الايام اللي عيشتها في الجامعة ، وكانت اول مرة اشوف دكتور ابراهيم الفقي قدامي ( اول مرة شوفته كانت على صورة كتاب ولحد ساعتها ماشوفتوش في محاضرات او برامج )


ايام الكورس بتاع د عمرو عثمان كانت كلها احلى من بعض


ايه اول حاجه بتيجي في ذهنك اول ما تسمع كلمه "تخرج " ؟؟


الجيزة


عشان عادة بنزلها وانا رايح معظم خروجاتي


حاجه متعود تعملها كل يوم ؟؟


اخش ع المنتدى

واقرا حاجة ولو صغيرة

جرنال ، حاجة ع الكمبيوتر ، ابص على كتاب عندي


و اكتر حاجتين عموما في حياتك بتحب تعملهم ؟؟

اتعلم سوء من خلال كورسات و قراية او برامج ع الكمبيوتر او التليفزيون

و اتكلم مع الناس في الحاجات الجديدة اللي عرفتها


وبس كده يا سيدي عفونا عنك

نورررررررت يا باشا

و بالتوفيق ان شاء الله يا حبيبي

ربنا يكرمك واشوفك على خير دايما ان شاء الله

[quote="عاشق الجنة"][quote="فداء"]
هو ماكانش فرح قوي

كان كتب كتاب بعد كدة تصوير وقعاد في كافيتريا ثم ذهابا الى البيت

اهم حاجه انه كان يوم حلو الحمد لله


وهل انت بتطبق اللى بتقوله ؟

خليني صريح معاكي

وهقولك مش كله قوي بصراحة

بس فيه حاجات كتيير جربتها منها والباقي عندي عزم اني اطبقه ان شاء الله

وعموما انا بحاول اقوله للناس عشان نشجع بعض ولو انا فيه حاجة ماستفدتش بيها ممكن غيري يستفيد بيها



ما شاء الله ربنا يوفقك يارب انا كنت عارفه ان الاجابه هتكون كده

ربنا يثبتك ودايما ما تكسلش تقول للناس اللى انت اتعلمته حتى لو انت ما عملتش بيه

عل الاقل هما هيعملوا وتاخد انت الثواب


في مواقف كتير الحمد لله ، خصوصا اني مشترك في جمعية رسالة للاعمال الخيرية في الدعاية فعلى طول بحاول اطبق الاتصال مع الاخرين والعرض والتفاوض وتنظيم الوقت


فيه موقف نفعت فيه جدا الحمد لله

كنت في كورس موارد بشرية تبع الجامعة وكنا متقسمين فرق ، كل فرقة كان عندها حالة معينة زي مشكلة في شركة معينة والمطلوب منها انها تحل المشكلة دي وتعمل عرض للمشكلة والحل ، الفريق بتاعي كنا المفروض نتقابل ونناقش الموضوع مع بعض بس للاسف ماتقابلناش ، جينا في الاسبوع اللي بعد كدة للكورس والمفروض نعمل عرض ، الحمد لله ساعتها كنت فاهم الحالة كويس وكنت من ضمن ال3 اللي عملوا عرض للمشكلة والحل بشكل ارتجالي شوية ، انا قلت هركز على اني اقول المشكلة والحل ماليش دعوة بقى ب الاتصال بالعين وحركات الايدين بس الحمد لله مشيت واتعمل كويس



ما شاء الله


بتحب د/عمر عبدالكافى والشيخ محمد حسان ولا ؟


هما الاتنين ما شاء الله علمهم غزير جدا جدا جدا وطريقة عرضهم جميلة جدا وبحس ان عندهم اخلاص كبير جدا للرسالة اللي عايزين يقدموها

انما بحب د/عمر عبد الكافي اكتر

انت انسان محترم

اى حد يحب د/عمر عبد الكافى يبقى محترم


وبحب برده الشيخ محمود المصري و محمد حسين يعقوب خصوصا في درس لعبة الحياة


غريبه جمعت بين ناس مختلفه تماما

عمرو خالد والشيخ محمد حسين يعقوب اول مره اشوف حد حب الاتنين مع بعض

يلا كفايه كده بس علشان خاطر العروسه

ربنا يكرمك

وعقبالك

الله يخليك يارب