ضبط واحضار ومحضر مع العضو (Admin)بداية من منتصف 67

ايوة يا عم محدش ادك



عمال تتسأل


شوفت انا غلبان ازاي


انا لحد دلوقتي سايبك مع الناس الرحيمة



مش عايز اتبع معاك اسلوب ملتوي هههههههههههههههههههه واسلوب فقد الاعصاب

وهأعمل معاك زي ما محمد هنيدي عمل مع امه في وش اجرام


هههههههههههههههههههههههههه

ههههههههههههههههه

لا بلاش الاسلوب ده الله يخليك

حرام عليييك ..حكاية اسلوب فقد الاعصاب دى وحشة اوى ..لما خلتنى فقدت اعصابى انا و نص اعضاء المنتدى كمان فقدوا اعصابهم من الاسئلة المستفزة

----------------

و انا هسال شوية اسئلة الاول متعلقة بالاجابات اللى فاتت و بعدين اجيب الاسئلة الجديدة ان شاء الله

معلش سؤال رخم الاول ..ما شاء الله الخامس على المدرسة و 92 فى اعدادى بتاعت الفشل كله و 93 ثانوية عامة ..يا ترى انت مبتحبش مواد تجارة خااالص و لا العيب فى التصحيح ولا فى الامتحانات و لا فى شرح الدكاترة و لا انت غيرت اسلوبمذاكرتك و لا ايه السبب فى تفاوت الدرجات؟؟

ما شاء الله الطريقة اللى حكيت بيها قصة حياتك جاامدة جداا ..حسستنى انى بتفرج على فيلم و بتخيل المشاهد ..ربنا يكرمك و يرزقك عيش السعداء (دة كان برنامج لمصطفى حسنى..عيش اللى هىعليها فتحة اللى هى حياة )

و بمناسبة الكلام عن صحوبيتك بترافيلر
مين هما بقى اهم اصحاب عندك واصدقاءك الصدوقين عموما ؟؟ و مين اهم اصحاب عندك من مجموعه ج ؟؟(حتى لو مش مشتركين هنا )



و ربنا يكرمك و تحل دايما كل المشاكل الل تواجهك زى ما حليت بتاعت كورس الاتش ار كدة

و شكرا على الفايلات اللى على كوميرس ربنا يجازيك كل خير عنها و عن الاهتمام بالجروب ككل .الجروب و الله تقريبا شغال برسايلك ..ربنا يكرمك ..

و فعلا العبادات و الاخلاق من احلى الحاجات لعمرو خالد(مع حوار من القلب برضه لانها افضلهم فى رايي )..و بصراحة ال3 سلاسل دول كانوا سبب تغييرى كتييييير الحمد لله

و ايه اكتر حلقات عجبوك فى خدعوك فقالوا ؟

و شىء كويس انك بتسمع كل نوعيات الشيوخ ..بس هل بتحب تسمع برضه بتوع الازهر زى الشيخ على جمعه مثلا ؟؟

وو اراء مين اللى غالبا بترتاحلها ؟؟

و لما بتسمع فتوى تستغربلها بتعمل ايه ؟؟


ايه الحاجات اللى بتحب تغيرها عشان تجدد غير اسمك على المنتدى ؟؟

هل مثلا بتحب تغير الاماكن ..و هل تحب تغير الناس اللى تعرفهم ..وو هل تحب تغير اسلوب حياتك ؟؟

انت بتقول عايز اشتغل فى مجال استثمر فيه التنمية البشريه و قلت ان هو فى مجال ادارة الموارد البشرية ان شاء الله ..فهل ناوى تهتم بمذاكرة مادة ادارة الوارد البشريه كمادة ناوى تشتغل بيها ان شاء الله و لا انت شايف ان مواد الكلية مش مهمه و لا بتفيد ؟


ما شاء الله انت عرفت تلخص مزايا تجارة فى نقطتين بجدمهمين اوى ..فعلا ناسها وقت الفراغ فيها (فكرتنى الحكاية دى بسبب دخول الشيخ على جمعه لكلية تجارة و تفضيله ليها عن هندسه ..عشان يلاقى وقت يتفقه فى الدين و اللى هو المجال اللى هو كان حابه )

و بالنسبة لهندسة ..اشمعنى هى بالذات اللى كنت عايز تدخلها ؟؟

وهى صح هندسة بتشغل المخ اكيد ..بس متهيالى اللى عايز يشغل مخه ممكن يشغله فى اى مكان تانى ..و بعدين هندسة بتخلى الناس على راى عمرو عثمان فاكرين ان هما حاجة و بقيت البشر حاجة تانيه (اكيد مش كلهم طبعا )

هو انت مشترك فى فريق معا نفسه و لا بتحضرلهم ؟؟

و الحمد لله ان كوميرس افادك ومخسركش اى حاجة يا رب كدة دايما

مصر قاسية عليك فى ايه ؟؟؟


كويس اوى الراى بتاع الشغل عموما..ربنا يكرمك

و بالنسبة لحكاية شغل البنات ..انا بصراحة كنت بسال السؤال عشان فاكرة الرسالة بتاعت الجروب دى و برضه كان مناقشة هنا على المنتدى ..فهل افهم من الاجابة حاليا انك غيرت وجهة النظر الغريبة دى ؟؟ بصراحة كانت عجيبة

اصلى حتى سمعت الشيخ الشعرواى مرة كان بيتكلم و استنتجت ان ممكن دة الموضوع اللى انت سمعته برضه و كان بيقول ان معنى ان الرجال قوامون على النساء انهم مسئولين انهم يقوموا عليهم يعنى ياكلوهم و يشربوهم وكدة و قال مش هى اللى تشتغل و كدة

بس انا حسيت من كلامه انه بيقول ميزة للبنات مش حاجة ضدنا
و انه يمكن فى وقت ما قالها لانها قديمة كان فعلا الصورة اللى بتخرج بيها الواحدة للشغل مش حلوة فممكن الظروف اختلفت و قلت انه متهيالى لو حاجة مبتشغلهاش عن واجبها تجاه بيتها و شغلانه محترمه تبقى حاجة كويسه تنمى بيها المجتمع اكتر و اكتر و يبقى فيه شغل اكتر

--

و موقع مصراوى دة عليه ايه ؟؟

و الاسئلة ما كانتش صعبه بقى و لا حاجة اللى فاتت دى ..دة حتى اجابتها كانت سريعه . ..و شكرا على الاجابات دى و على التعديل


بتقول نفسي ادرس طول حياتى ..هل بتفكر تعمل بعد التخرج دبلومة او ماجيستير .؟؟


و كدة ابقى خلصت الاسئلة المرتبطة بالحاجات اللى فاتت و ان شاء الله اجيب الباقى بعدين


سلااااااااام عليييكم و رحمة الله و بركاته

انسي


مش بمزاجك

اقتباس :

ايه اول حاجه بتيجي في ذهنك اول ما تسمع كلمه "تخرج " ؟؟


الجيزة


عشان عادة بنزلها وانا رايح معظم خروجاتي

حبيب قلبي
مش نخرج
اقصد التخرج من الجامعه يعني

..........

كل ما بدخل ببقى عايزه اقول حاجه وبنسى

بارك الله فيك ونفع بك

بجد انت ما شاء الله استغليت ابتلاء ربنا وحولته لمنحه لتغير حياتك كلها للافضل

وبدل ما تكره الدنيا باللى فيها بقيت انسان مختلف

بيدعو بمبدأ عيش كل لحظه فى حياتك انها اخر لحظه

عيش بالحب عيش بالايمان

مش كده برضه ولا انا غلطانه ؟

مش دى كلمات د/ابراهيم فى نهايه اى حلقه او محاضره ؟



اسال بقى ؟؟

انت قولت انك بتحب شيوخ كتير كده كلهم ما شاء الله عليهم

ازاى بتقدر تجمع بين د/عمرو خالد وبين الشيخ محمد حسين يعقوب وهما مختلفين فى الطريقه تماما والاسلوب كمان ؟؟

انت عندك اخوات غير اختك العروسه

سؤال رخم شويه ؟ بتصلى فى المسجد ولا البيت ؟

ايه رايك فى حال المسلمين ؟

وحال الشباب وبيتقدم ولا بيتاخر ؟

وحال البنات وبيتقدم ولا بيتاخر ؟

وهل البنات مختلفين فى مدن مصر من مدينه لاخرى او محافظاتها ؟

ايه المحافظات اللى روحتها فى مصر ؟

روحت رحله الاقصر واوسان ؟

لو روحت ايه رايك فيها وتروح تانى ولالا ؟

ولو مروحتش عايز تروح ولا عادى ؟

بتحب تخرج مع اصحابك اكتر ولا اهلك ؟

ايه اكتر اسامى بتحبها فى الولاد وايه فى البنات ؟

وكفايه كده دلوقتى وربنا يعينك

انت ما شاء الله اجابتاتك جميله جدااا

ربنا يقويك يابني
وانا شايلك اسألتي شويه

ما تجاوب بقى عشان نسال تانى

النت اللي عندي ده مش عارف اعمل فيه ايه

كل اما ارد واقعد في الرد بتاع نص ساعة الاقي كل اللي عملتو راح في خبر كان

لسة حاصل ده حالاً

ربنا يقدرني ويقدر الجهاز والرد يوصل

لسه حصلالى من شوية و اتضايقت اوىىىىىىى

احسن حاجة خد كوبى للرد قبل ما تحطه علشان ميضيعش اللى كتبته على الفاضى

ربنا معاك

فكرة حلوة

ربنا معاك في الأسئلة المقالية اللي بتجاوب عليها دي .. وربنا يكرمك على كلامك .. وأنا مش عايز أتقل عليك بس اليومين دول

[quote="ندى"]حرام عليييك ..حكاية اسلوب فقد الاعصاب دى وحشة اوى ..لما خلتنى فقدت اعصابى انا و نص اعضاء المنتدى كمان فقدوا اعصابهم من الاسئلة المستفزة

----------------

و انا هسال شوية اسئلة الاول متعلقة بالاجابات اللى فاتت و بعدين اجيب الاسئلة الجديدة ان شاء الله

معلش سؤال رخم الاول ..ما شاء الله الخامس على المدرسة و 92 فى اعدادى بتاعت الفشل كله و 93 ثانوية عامة ..يا ترى انت مبتحبش مواد تجارة خااالص و لا العيب فى التصحيح ولا فى الامتحانات و لا فى شرح الدكاترة و لا انت غيرت اسلوبمذاكرتك و لا ايه السبب فى تفاوت الدرجات؟؟

والله .. بالظبط مش عارف

ممكن الطموح في التفوق وقع بعد ماراحت هندسة

ممكن جالي احباط بعد نتيجة سنة اولى شوية

ممكن اسلوب مذاكرتي كان محتاج بعض التعديلات

تعددت الاسباب والنتيجة واحدة


ما شاء الله الطريقة اللى حكيت بيها قصة حياتك جاامدة جداا ..حسستنى انى بتفرج على فيلم و بتخيل المشاهد ..ربنا يكرمك و يرزقك عيش السعداء (دة كان برنامج لمصطفى حسنى..عيش اللى هىعليها فتحة اللى هى حياة )

ربنا يكرمك ويرزقك بيها ان شاء الله



و بمناسبة الكلام عن صحوبيتك بترافيلر
مين هما بقى اهم اصحاب عندك واصدقاءك الصدوقين عموما ؟؟ و مين اهم اصحاب عندك من مجموعه ج ؟؟(حتى لو مش مشتركين هنا )

عموما فيه ليا شلة الحمد لله من اولى ثانوي بس حاليا مش في نفس الكليات خالص واحد في هندسة وواحد في علاج طبيبعي وواحد في علوم بنتقابل في المناسبات والاجازت وكدة

عموما فيه ناس كتير جميلة في دفعة ادارة وفي دفعة محاسبة وناس من الدفعة بتاعتي جمال جدا ما شاء الله عليهم




و ربنا يكرمك و تحل دايما كل المشاكل الل تواجهك زى ما حليت بتاعت كورس الاتش ار كدة

و شكرا على الفايلات اللى على كوميرس ربنا يجازيك كل خير عنها و عن الاهتمام بالجروب ككل .الجروب و الله تقريبا شغال برسايلك ..ربنا يكرمك ..

و فعلا العبادات و الاخلاق من احلى الحاجات لعمرو خالد(مع حوار من القلب برضه لانها افضلهم فى رايي )..و بصراحة ال3 سلاسل دول كانوا سبب تغييرى كتييييير الحمد لله


فعلا ال3 سلاسل دول من ابداعات عمرو خالد


و ايه اكتر حلقات عجبوك فى خدعوك فقالوا ؟


هو البرنامج ما شاء الله بقالو كتير فمش فاكر الحلقات القديمة قوي بس كانت كلها او معظمها على الاقل جميل

ومن قريب اخر حلقة بتاعة الحب كانت جميلة جدا


و شىء كويس انك بتسمع كل نوعيات الشيوخ ..بس هل بتحب تسمع برضه بتوع الازهر زى الشيخ على جمعه مثلا ؟؟

الشيخ على جمعة ما شاء الله عليه وعلى علمه بجد ربنا يكرمه

انما مشكلته انه احيانا مش بيفتي بحق في بعض الفتاوى لو جينا قارناها مثلا بالشيخ بن العثيمين بتاع السعودية او يوسف القرضاوي


وو اراء مين اللى غالبا بترتاحلها ؟؟

يوسف القرضاوي بتعجبني معظم ارائه


و لما بتسمع فتوى تستغربلها بتعمل ايه ؟؟


بقول لا حول ولا قوة الا بالله


ايه الحاجات اللى بتحب تغيرها عشان تجدد غير اسمك على المنتدى ؟؟

ممكن الشكل ، اللبس ، اجرب حاجات جديدة




هل مثلا بتحب تغير الاماكن ..و هل تحب تغير الناس اللى تعرفهم ..وو هل تحب تغير اسلوب حياتك ؟؟

ممكن اغير الاماكن

بس الناس مش بغيرهم ممكن احتك بناس جديدة انما ماسبش الناس القديمة

واحيانا اه ممكن اغير شوية في اسلوب حياتي


انت بتقول عايز اشتغل فى مجال استثمر فيه التنمية البشريه و قلت ان هو فى مجال ادارة الموارد البشرية ان شاء الله ..فهل ناوى تهتم بمذاكرة مادة ادارة الوارد البشريه كمادة ناوى تشتغل بيها ان شاء الله و لا انت شايف ان مواد الكلية مش مهمه و لا بتفيد ؟

مواد الكلية مهمة طبعا والا ماكانوش درسوهالنا

هي ممكن يكون عيبها انها قديمة شويتين وفيه حاجات جديدة طلعت مابتلحقش تتابعها



ما شاء الله انت عرفت تلخص مزايا تجارة فى نقطتين بجدمهمين اوى ..فعلا ناسها وقت الفراغ فيها (فكرتنى الحكاية دى بسبب دخول الشيخ على جمعه لكلية تجارة و تفضيله ليها عن هندسه ..عشان يلاقى وقت يتفقه فى الدين و اللى هو المجال اللى هو كان حابه )

و بالنسبة لهندسة ..اشمعنى هى بالذات اللى كنت عايز تدخلها ؟؟


حلم

كان نفسي ابقى مهندس



وهى صح هندسة بتشغل المخ اكيد ..بس متهيالى اللى عايز يشغل مخه ممكن يشغله فى اى مكان تانى ..و بعدين هندسة بتخلى الناس على راى عمرو عثمان فاكرين ان هما حاجة و بقيت البشر حاجة تانيه (اكيد مش كلهم طبعا )

هو انت مشترك فى فريق معا نفسه و لا بتحضرلهم ؟؟

بحضر معاهم وهما بيعتبروا اللي بيحضر خلاص مشترك


و الحمد لله ان كوميرس افادك ومخسركش اى حاجة يا رب كدة دايما

مصر قاسية عليك فى ايه ؟؟؟

كام موقف كدة منها




كويس اوى الراى بتاع الشغل عموما..ربنا يكرمك

و بالنسبة لحكاية شغل البنات ..انا بصراحة كنت بسال السؤال عشان فاكرة الرسالة بتاعت الجروب دى و برضه كان مناقشة هنا على المنتدى ..فهل افهم من الاجابة حاليا انك غيرت وجهة النظر الغريبة دى ؟؟ بصراحة كانت عجيبة

اصلى حتى سمعت الشيخ الشعرواى مرة كان بيتكلم و استنتجت ان ممكن دة الموضوع اللى انت سمعته برضه و كان بيقول ان معنى ان الرجال قوامون على النساء انهم مسئولين انهم يقوموا عليهم يعنى ياكلوهم و يشربوهم وكدة و قال مش هى اللى تشتغل و كدة

بس انا حسيت من كلامه انه بيقول ميزة للبنات مش حاجة ضدنا
و انه يمكن فى وقت ما قالها لانها قديمة كان فعلا الصورة اللى بتخرج بيها الواحدة للشغل مش حلوة فممكن الظروف اختلفت و قلت انه متهيالى لو حاجة مبتشغلهاش عن واجبها تجاه بيتها و شغلانه محترمه تبقى حاجة كويسه تنمى بيها المجتمع اكتر و اكتر و يبقى فيه شغل اكتر


ماهو المشكلة ان الكتاب اللي قريت فيه الراي ده للشيخ الشعراوي برده فمش عارف هل بتختلف من وقت للتاني ولا لا ؟؟

--

و موقع مصراوى دة عليه ايه ؟؟


اخبار ، اهداف لو كان فيه ماتش قبلها بيوم


و الاسئلة ما كانتش صعبه بقى و لا حاجة اللى فاتت دى ..دة حتى اجابتها كانت سريعه . ..و شكرا على الاجابات دى و على التعديل


العفو على ايه ؟



بتقول نفسي ادرس طول حياتى ..هل بتفكر تعمل بعد التخرج دبلومة او ماجيستير .؟؟


ممكن دبلومة ان شاء الله


و كدة ابقى خلصت الاسئلة المرتبطة بالحاجات اللى فاتت و ان شاء الله اجيب الباقى

بعدين

اوك .. منتظرينك




سلااااااااام عليييكم و رحمة الله و بركاته

وعليكم السلام ورحمة الله وبركاته

حبيب قلبي
مش نخرج
اقصد التخرج من الجامعه يعني

..........[/quote]

يعني ايه فتوى مش بحق

فداء كتب:

كل ما بدخل ببقى عايزه اقول حاجه وبنسى

بارك الله فيك ونفع بك

ربنا يكرمك



بجد انت ما شاء الله استغليت ابتلاء ربنا وحولته لمنحه لتغير حياتك كلها للافضل

وبدل ما تكره الدنيا باللى فيها بقيت انسان مختلف

بيدعو بمبدأ عيش كل لحظه فى حياتك انها اخر لحظه

عيش بالحب عيش بالايمان

مش كده برضه ولا انا غلطانه ؟

تماااااام

شكلك بتحبيه بردو



مش دى كلمات د/ابراهيم فى نهايه اى حلقه او محاضره ؟

تماااام

هو بعينه


اسال بقى ؟؟

اتفضلي


انت قولت انك بتحب شيوخ كتير كده كلهم ما شاء الله عليهم

ازاى بتقدر تجمع بين د/عمرو خالد وبين الشيخ محمد حسين يعقوب وهما مختلفين فى الطريقه تماما والاسلوب كمان ؟؟

هو عمرو خالد ما شاء الله دايما بيدي امل ودفعة كدة

وبيخلي الدنيا سهلة ومقنع جدا


محمد حسين يعقوب ده مدرسة لوحده وتأملاته جميلة جدا خصوصا في درس لعبة الحياة بلاقي الموضوع ده جدا




انت عندك اخوات غير اختك العروسه

اه اخويا الصغير اسمه محمد في 5 ابتدائي


سؤال رخم شويه ؟ بتصلى فى المسجد ولا البيت ؟

احيانا كدة واحيانا كدة بس وانا برة غالبا بيكون في المسجد


ايه رايك فى حال المسلمين ؟

بيتقدم في حاجات وحاجات بيتاخر فيها


وحال الشباب وبيتقدم ولا بيتاخر ؟

زي المسلمين فيه حاجات احسن فيها من زمان وفيه حاجات اوحش

يعني الاوحش معروف

الاحسن بقى انهم بقوا مهتمين اكتر بالعلم والكورسات والثقافة والمناقشات فده ماكانش موجود قوي زمان

( مش عارف ليه حاسس اني بقيت جده مرة واحدة )



وحال البنات وبيتقدم ولا بيتاخر ؟

زي المسلمين والشباب

حاجات اتقدموا وحاجات اتاخرو فيها للاسف


وهل البنات مختلفين فى مدن مصر من مدينه لاخرى او محافظاتها ؟

هو انا ماروحتش ماحفظات تانية غير اسكندرية واسماعيلية بس وكان مصيف


بس غالبا الاختلافات مش كبيرة يمكن البنات في القاهرة والجيزة واسكندرية متحررين اكتر من باقي المدن


ايه المحافظات اللى روحتها فى مصر ؟

القاهرة ، الجيزة ، اسكندرية ، اسماعيلية


روحت رحله الاقصر واوسان ؟

لا


لو روحت ايه رايك فيها وتروح تانى ولالا ؟

لو روحت اتوقع يكون نفسي اروحها تاني لانهم احلى من بعض ونفسي اروحهم جدا في الشتا

ولو مروحتش عايز تروح ولا عادى ؟

نفسي اروح جدا


بتحب تخرج مع اصحابك اكتر ولا اهلك ؟

ساعات كدة وساعات كدة


ايه اكتر اسامى بتحبها فى الولاد وايه فى البنات ؟

في الولاد

عبد الله ، عبد الرحمن ، سيف ، عمر ، محمد ، احمد ، محمود ، مصطفى

في البنات

رقية ، نور ، سلمى ، جودي ، جنة ، فاطمة


وكفايه كده دلوقتى وربنا يعينك

ربنا يخليكي


انت ما شاء الله اجابتاتك جميله جدااا

الله يكرمك

ندى كتب:

يعني ايه فتوى مش بحق

يعني احيانا مابيكونش زي ما بالظبط القرآن والسنة بيقولوا

Mohamed magdy كتب:

ربنا يقويك يابني
وانا شايلك اسألتي شويه

منتظرك يا محمد

hanzala كتب:

ربنا معاك في الأسئلة المقالية اللي بتجاوب عليها دي .. وربنا يكرمك على كلامك .. وأنا مش عايز أتقل عليك بس اليومين دول

ربنا يخليك يا سمير

في انتظارك

هو انا ليا تعليقات كتير ..بس عشان مستعجلة ..يعني زى ايه مش فى القران و السنة

تقد انه ساعات بيبص للحديث او الايه بمعنى تانى غير لمعنى الظاهر من الفاظها ؟؟

و هل بيعجبك يعنلى حاجات عموما مفتيين السعوديه عن مصر ؟؟

بس اصل دايما اصلا الشيخ على جمعه بيقول رايه نادرا ..دايما يروح يقول اراء الامة الاربعه فى المساله غالبا و يدي للسائل حرية الاختيار

هو انت بتسمه كتير؟؟

طب ايه اللى سمعته منه بالظبط و ضايقك منه


معلش اصلى بحبه و بحب الازهر جداااااااااااااااااااااااااا..حتى مصطفى حسنى لسه كان عمال يقول للناس تسمعله سلسلة اسمها شرح الزبد و كل ما حد يساله عن حاجة ينصحه يتصلوا ب 107 بتاع دار الافتاء و قعد مرة يقول يا جماعه الازهر بيتقال عنه كلام و اشاعات بس هو فيه علماء بجد و على حق

هو مش قصدي مش فيهم خالص

قصدي انه مش زي المعنى المقصود منهم في التفسير الاوضح ساعات بيروح للتفسيرات اللي مش اكيدة

وبيضايقني ساعات كتير كمان اما واحدة ست عادية تكون بتساله على فتوى الاغاني مثلا

يرد عليها يقوله ( انها كلام حلاله حلال ، وحرامه حرام )

طب هي الست مافهمتش بردو .. يعني ايه ؟

يعيد نفس الجملة

هي طبعا مافهمتش حاجة

تقولوا شكرا يا شيخ على

طب ماتقول الفتوة صريحة انها حراااااااام مثلا والدليل صراحة .. خايف من حد ولا ايه ؟؟

و هى الاغانى كلها حرام ؟؟!1

هى زى ما قال كدة انها زى الكلام ..اللى حلال اننا نقوله منها يبقى حلال و العكس

بصراحة هى بسيطة يعني وواضحة

و بعدين معروف حتى عن الائمة و العلماء انهم يخافوا (من الله مش من حد) انهم يقولوا حلال او حرام

لان الفتوى دى مهياش شىء سهل طول النهار يحرموا و يحللوا ..دول بشر ..فمن المتعارف عليه انهم يفهموك الحاجة و يسيبوك تشغل مخك شوية برضه

حتى الست العادية دى عندها مخ و تقدر تشغله ..ربنا كرم كل البشر بالعقول

طبعا بتتفاوت ..بس هو مقالش حاجة يعني صعبة الفهم ..دة حتى كتير بيقعد يضرب امثال و حاجات كدة

و بالنسبة للتفسير بتاع الايات مين قال ان تفسيراته غير اكيدة..دة بالعكس بحس انه دايما يروح للعلماء المعروفين و الائمة

دة حتى ااراءه كلها وسطية

هو احنا ديننا تشدد ؟؟!! اعوذ بالله

معلش متزعلش منى ..انا اسفه قلبتها مناقشة و عادى اكيد اختلافنا ميزة و سعه .. بس ماتقولش مش بيقول الحق و بيخاف (طب من مين )

ممكن لو رايه مش مستريحله دة شىء عادى ..اكيد مش كل اراءه دايما صح ..لانه مجتهد ممكن يخطا او يصيب
عموما متاسفه

سلام عليكم

لا ابدا مافيش حاجة

ده نقاش مافيهوش مشاكل انا بحب المناقشات كمان


هو قصدي انه اما قالها الجملة دي في اول مرة وهي مافهمتش المفروض يقولها بطريقة تانية او يوضح اكتر من كدة عشان هي تفهم


الاغاني مش كلها حرام طبعا ، فيه كدة وفيه كدة بس المفروض كان يوضح يعني


وطبعا انا اعتقد فه انه مابيخافش من حد غير ربنا انما اما مابيوضحش ممكن يخلي اللي بيسمع يشك انه يخشى حد تاني الريس مثلا

مش قصدي ان ديننا تشدد ، هو ديننا توسط بس اما يكون حد في مركزه .. يقول الحاجة صح مايخليهاش مشوشة ع اللي بيسأله

وطبعا انا مقدر انه مجتهد .. يصيب ويخطأ .. عشان هو بشر

إيه يا عم جوهري ..؟
أنا كنت مرة من المرات وأنا بسمعه لما حد سأله على الأغاني .. كنت مستني رده وأنا فاكر إني صقفتله لما قال رأي عجبني لأنه كان محايد لكن محرمش الآغاني ,. سيبك من حكاية الأناشيد والأغاني الدينية والوطنية .. مش هنضحك على بعض .. هو اتكلم عن الأغاني نفسها لكن مش فاكر لفظ كلامه الصراحة . بس معناه إنه ميقدرش يقول آه في المطلق أو لأ علطول .. وطبعاً معندوش وقت يضيعه على كل أغنية يحللها زي هنا كدة لما أنا بعمل ده ونتناقش فيه كلنا
الأمر محتاج تفكير زي م قالت ندى واننا منحكمش على حاجة علطول بحكم ثابت غير في الثوابت اللي مفيهاش كلام .. الله ورسوله والاسلام والقرآن والحاجات دي
ربنا يكرمنا جميعاً وطبعاً أنا ولا بهاجم ولا بدافع .. بقف حارس مرمى