ضبط واحضار ومحضر مع العضو (Admin)بداية من منتصف 67

هااااا .. برااءة




ارووووح ولا ايه ؟؟

لا طبعا ..لسه المدة مخلصتش

بس بنجهز الاسئلة

و ممكن تاخد الشوية دول بسرعه

بما انك على طول فى لعبة بتفكرك بايه بتكتب كافيتريا الجلاب ..يا ترى بتفكرك بايه

و مدرج د بيفكرك بايه
و مدرج ه و و بيفكروك بايه
و مدرج ا و ب بيفكروك بايه
و العيوطى بايه
و جامع الولاد
و جامع البنات
و الجمعية العلمية
و الكفيتريات كلها
و تجارة انجلش
و القاعات

كدة تقريبا خلصنا الكلية

كنت بتاخد فى سكشن ايه فى سنة اولى

ايه اسماء مدرسين ثانوى اللى بتبهم و ل يمكن تنساهم و كانوا بيدوك مواد ايه

بتشوف اختك دلوقتى كل قد ايه و بتكلمها فى التليفون كل اد ايه

ايه هى مميزات شخصيتك ( 10 كدة على الاقل )

ايه عيوبك (كفاية 7 )

الناس غالبا بيقولوا عنك ايه ؟

ايه اكتر صفات بتحبها تكون فى اى انسان و لا يمكن تستغنى عن وجودها

احكيلنا بتعمل ايه فى يومك غالبا فى الاجازة
و فى الدراسه

بدات تذاكر حاجة و لا لسة

راضى عن كل الناس و لا متضايق من حد .. لو متضايق مين الناس دى و ليه ؟

راضى عن نفسك تماما و لا لا.. و لو مش راضى مش راضى عن ايه ؟؟

هل كنت تحب تبقى حد غيرك .. و لو اه مين و ليه ؟؟

اختار 7 اسمايلى من اللى على المنتدى و بتحبهم و قول بيفكروك بايه

مين الاعضاء اللى بتحس ان اراءهم جميلة و بتتفق مع معظمها

مين الاعضاء اللى بتحترم اراءهم بس مختلف معاهم فيها غالبا

اختار 3 اعضاء منغيرهم هتحس ان كوميرس وحش

اختار ساحة غير تنمية بشريه لو شيلناها هتزعل اوى

لو زعلان من حد بيكون نفسك يعمللك ايه

لو مزعل حد بتتصرف ازاى

لو اتنين زعلانين تعرفهم بتعمل ايه بالظبط علشان تصالحههم

هل عندك القدرة على فهم الناس و لا بتحس انهم غامضين

هل بتحس باللى جوا غيرك غالبا و لا لا

هل انت غامض و لا واضح

هل بتحس ان الناس فاهماك و مقدراك دايما

مواعيدك مظبوطة و لا لا

بتحضر كل محاضراتك و لا لا .

عمرك قررت انك ملاكش نفس تروح الكلية و قلت هخليني فى البيت النهاردة

عمرك اتصاحبت على دكتور او يعني بقى عارفك و بيسلم عليك و يسالك و كدة

اكتر موقف حسيت فيه انك فخور بنفسك ..و قلت ايه الشطارة اللى انا فيها دى الحمد لله (او اى حاجة زى كدة يعنى )

اكتر موقف حسيت انك نفسك ترجع بالزمن و تلغيه من تاريخك ( السؤال دة اختيارى لو متحبش ترد مش مشكلة )

بس كدة دلوقتى

سلام عليكم و رحمة الله و بركاته

كويسه جدا جدا اجاباتك على سؤال الرسمه والدهب والسعاده

والكتب اللى قريتها كلها روعه بجد

بس هو انت سبت ايه لد/ابراهيم الفقى وما قريتهوش ؟؟؟؟؟؟؟

وكتاب التحكم فى الذات ده عندى جميييييييييييييييييييل جدا

بس الكتاب الوحيد اللى اول مره اسمع عنه

هو كتاب قاعده 40/60 هو بيتكلم عن ايه ؟؟؟؟؟

ربنا يوفقك

جوهري ما كملش الاجابة ليه؟

اولا حمد الله على السلامة يا اتش



وآسف على التاخير في الرد

وانتظروا الرد قريبا

وعلى فكرة يا هشام انت لسة ماسألتش

الله يسلمك يا حودة



ومنتظرين الاجابات علي عيد الام ، علشان قريبا هههههههههههههه



وبالنسبة الي اني ما سالتش

فانا اسئلتي صعبة جدا



وهأوريك عينة صغيرة ،لأني قايل اني لما هأسأل هأستخدم الاسلوب الاستفزازي جدا

وناس كتير مش عاجبها


بس هأوريك برضه عينة وانت وحظك علشان مش محضر حاجة واحنا اخر الليل والمحلات قافلة


------------------



1- ايه رايك فيا؟ بالتفصيل يا متهم

2- لو شايف اني مبني ، ايا كان حجمه ونوعه واهميته ، فهل شايف انا متشقق ولا لأ؟

3- لو شايف اني فعلا مبني ، قولي انا بفكرك بأنهي مبني ، مع الشرح بالتفصيل بأهمية المبني وحجمه ونوعه وكل الكلام ده ؟

4- لو شايف اني فعلا مبني مشقق ، ايه اهم شرخ انت شايف انه لازم يترمم ، لأهميته عن باقي الشروخ؟

5- لو شايف اني فعلا مبني ومشقق وفيه شرخ حاطه في الاهمية ( ولازم اكون فيا شروخ ، لأن الكمال لله وحده ) فهل عندك المقدرة علي ترميم هذا الشرخ؟

6- لو حد قالك انك نقاش او بتاع محارة للبني آدمين ، تزعل؟

7- لو زعلت ، مش شايف نفسك انك هتبقي غلطان علشان انت المفروض فعلا لازم توصف بكده ، بما انك بتحب التنمية البشرية ، فالمفروض ترمم شروخ الناس؟

8- لو اتفقت معايا علي انك متقبل لقب بتاع محارة او نقاش للبني آدمين ، فايه الشخصيات او الوظائف الاخري اللي تقدر تطلق عليها الاسم ده؟

9- لو شايف انك تقدر تساعد حد علي حساب نفسك ، بس احتمال ضررك لنفسك في مساعدتك له ، هتكون اكبر من احتمال ضرره هو في حال عدم مساعدتك له ، هل هتساعده ؟

10- لو ساعدته ، هل تعتبر ده ايثار ، ام القاء بالنفس في التهلكة ؟ وليه؟

11- لو ما ساعدتوش ، هل تعتبر ده انانية ، ولا ده الطبيعي؟

12- لو معروض عليك مال كبير في وظيفة تتطلب لصق شفتيك ، وانت تحتمل بنسبة كبيرة انها حلال ، هل ستقبل ام ترفض؟

13- لو حد جه تعدي عليك في مرة باي شكل من الاشكال ، ولقيته مرة واحدة بيقولك الكاميرا الخفية ، ولقيت نفسك فعلا قدام الكاميرا ، هل هتعديله الموقف؟

14- لو ما عديتلوش الموقف ، هتعمل ايه؟

15- لو عديتله الموقف ، هل هتوافق ان الحلقة تتذاع؟

16- لو واحد صاحبك حطك في موقف زي مقلب دوت كوت ( البرنامج بتاع اشرف عبد الباقي ) هل انت عارف ايه الصفة اللي هتخليهم يعملوا فيك المقلب؟

17- لو عارفها ، تقدر تقولي ايه هي؟

18- لو خيرت بين المال والوقت ، فبأيهم تشتري الاخر؟

19- لو فيه حاجة ضايقتك فيا في الفترة اللي فاتت ، هل عندك مانع انك تقولها؟

20- لو فيه حاجة ضايقتك مني من اول ما عرفتني ، هل عندك مانع انك تقولي؟

21- لو قولتلك ان مش هأزعل خالص في حاجة تقولها مهما كانت ، هل هتغير رأيك لو انت رافض الاجابة؟

22- لو خلص المحضر معاك تحب مين يتقبض عليه ؟ وليه؟

23- لو عندك مشكلة كبيرة في الشغل ، مثلا انك غلطت غلطة كبيرة ممكن تطلعك حرامي ، فهل هتعترف علي نفسك بالغلطة دي قبل اكتشافها ، ولا هتسيب المسئلة للوقت ، يمكن يحصل حاجة تصلح الامور وتؤكد انك مش حرامي؟ ملحوظة ، هذا مجرد مثال

24- لو سيبت العملية للوقت ، وفعلا مع الوقت اتحلت المشكلة ، وما حدش عرف ، هل هتعترف ان المشكلة كانت حاصلة؟

25- طيب لو المشكلة ما انتهتش بنسبة 100% لكن علي وشك ، فهل هتعترف برضه لو انت ماكنتش اعترفت من اول لحظة؟

26- لو اتهمت في قضية قتل ، فماذا تفعل؟

27- لو اتهمت في قضية قتل خطأ ، وانت بالفعل ارتكبتها ، كأن صدمت احدا بالسيارة ، فماذا تفعل ؟ فهل تهرب ، ام تسلم نفسك ، ام تكتفي بتقديم الدية مع الهروب ، ام تحاول تبرأة نفسك ان أمكن؟

28- لو بتحب حقيقي صحيح ، كنت وقفت في وش الريح ، ما تعليقك علي هذا الكلام؟ او هذه الاغنية؟

29- لو انا ما كنتش سألت الاسئلة دي ، كنت نفسك اني اعمل ايه؟

30- لو شايف ان اسئلة لو دي حلوة ، اتفضل قيمها ؟




دي عينة بسيطة يا جوهري

لو عايز المزيد ، ونبدأ نستخدم الاسلوب الصعب قولي

احنا في الخدمة يا باشا

فداءً لتراب القدس كتب:

كويسه جدا جدا اجاباتك على سؤال الرسمه والدهب والسعاده

والكتب اللى قريتها كلها روعه بجد

ربنا يكرمك


بس هو انت سبت ايه لد/ابراهيم الفقى وما قريتهوش ؟؟؟؟؟؟؟

وكتاب التحكم فى الذات ده عندى جميييييييييييييييييييل جدا

بس الكتاب الوحيد اللى اول مره اسمع عنه

هو كتاب قاعده 40/60 هو بيتكلم عن ايه ؟؟؟؟؟

هو كان بيتكلم على فترة التسعينات في الادارة

ان 40 % من العملاء للشركة هما اللي بيحققوا 60% من الدخل

وبيدي أمثلة على القاعدة دي في اكتر من شركة واكتر من مشروع على مستوى العالم


ربنا يوفقك

ربنا يكرمك

اه ..ألدكاترة قالولنا القاعدة دى كذا مرة فى كذا مادة بس قالوهالنا 20\80

و مبروك الاجابه اخيرا مع انها مش كاملة بس مش مشكلة

و ان شاء الله فيما بعد اجيب اسئلة تانى و تعليقات


سلاام علييكم و رحمة الله و بركاته

Admin كتب:

الله يسلمك يا حودة



ومنتظرين الاجابات علي عيد الام ، علشان قريبا ههههههههههه


وبالنسبة الي اني ما سالتش

فانا اسئلتي صعبة جدا

ليه كدة بس احنا عشرة برده


وهأوريك عينة صغيرة ،لأني قايل اني لما هأسأل هأستخدم الاسلوب الاستفزازي جدا

وناس كتير مش عاجبها


اتفضل يا اتش

بس هأوريك برضه عينة وانت وحظك علشان مش محضر حاجة واحنا اخر الليل والمحلات قافلة


------------------



1- ايه رايك فيا؟ بالتفصيل يا متهم

بجد حد كويس جدا ، طوح ، بيحب يطور من نفسه ، بيحب ينجز حاجات كتير في وقت قليل


2- لو شايف اني مبني ، ايا كان حجمه ونوعه واهميته ، فهل شايف انا متشقق ولا لأ؟

مافيش مبني كامل ( بما اننا دخلنا في المباني )

كل مبنى وليه شروخه


3- لو شايف اني فعلا مبني ، قولي انا بفكرك بأنهي مبني ، مع الشرح بالتفصيل بأهمية المبني وحجمه ونوعه وكل الكلام ده ؟


مشروع مبني كبير ، بيحاول يبني اساس كويس عشان اما يطلع في المستقبل ان شاء الله يكون مبنى كويس يفيد المنطقة اللي حواليه

4- لو شايف اني فعلا مبني مشقق ، ايه اهم شرخ انت شايف انه لازم يترمم ، لأهميته عن باقي الشروخ؟

ممكن يكون شرخ التخطيط لانه اهم حاجة لاي مبنى


5- لو شايف اني فعلا مبني ومشقق وفيه شرخ حاطه في الاهمية ( ولازم اكون فيا شروخ ، لأن الكمال لله وحده ) فهل عندك المقدرة علي ترميم هذا الشرخ؟

انا برده مبنى زيي زيك ، وزي ماقولت مافيش مبنى كامل

ممكن اساعدك


6- لو حد قالك انك نقاش او بتاع محارة للبني آدمين ، تزعل؟

حسب الاسلوب

7- لو زعلت ، مش شايف نفسك انك هتبقي غلطان علشان انت المفروض فعلا لازم توصف بكده ، بما انك بتحب التنمية البشرية ، فالمفروض ترمم شروخ الناس؟

لو حسيت انه قصده كدة فعلا مش هزعل من البداية

8- لو اتفقت معايا علي انك متقبل لقب بتاع محارة او نقاش للبني آدمين ، فايه الشخصيات او الوظائف الاخري اللي تقدر تطلق عليها الاسم ده؟

النقاش ( الحقيقي ) ، الدكاترة ، الكتاب ، الدعاة


9- لو شايف انك تقدر تساعد حد علي حساب نفسك ، بس احتمال ضررك لنفسك في مساعدتك له ، هتكون اكبر من احتمال ضرره هو في حال عدم مساعدتك له ، هل هتساعده ؟

حسب نوع الضرر اللي هيستبب لي لو ينفع اصلحه بعد كدة ممكن اساعده


10- لو ساعدته ، هل تعتبر ده ايثار ، ام القاء بالنفس في التهلكة ؟ وليه؟

ايثار ( اتمنى اكون منهم )


لان كدة فيه تفضيل عن النفس

11- لو ما ساعدتوش ، هل تعتبر ده انانية ، ولا ده الطبيعي؟

ممكن يكون انانية وممكن يكون الطبيعي عشان ماحدش بيحي يأذي نفسه

12- لو معروض عليك مال كبير في وظيفة تتطلب لصق شفتيك ، وانت تحتمل بنسبة كبيرة انها حلال ، هل ستقبل ام ترفض؟

ارفض لاني ماحبش الوظايف اللي من النوع ده

13- لو حد جه تعدي عليك في مرة باي شكل من الاشكال ، ولقيته مرة واحدة بيقولك الكاميرا الخفية ، ولقيت نفسك فعلا قدام الكاميرا ، هل هتعديله الموقف؟

ممكن اعديه لو موقف عادي مش مستاهل واقوله ذيع

لو الدنيا باظت خالص في الموقف ده هقوله ماتزعش

14- لو ما عديتلوش الموقف ، هتعمل ايه؟

هقوله ماتذعش

15- لو عديتله الموقف ، هل هتوافق ان الحلقة تتذاع؟

اوافق

16- لو واحد صاحبك حطك في موقف زي مقلب دوت كوت ( البرنامج بتاع اشرف عبد الباقي ) هل انت عارف ايه الصفة اللي هتخليهم يعملوا فيك المقلب؟

اه

17- لو عارفها ، تقدر تقولي ايه هي؟

الخجل بعض الشئ

18- لو خيرت بين المال والوقت ، فبأيهم تشتري الاخر؟

لو محتاج وقت هشتريه لو العكس يبقى العكس


19- لو فيه حاجة ضايقتك فيا في الفترة اللي فاتت ، هل عندك مانع انك تقولها؟

ممكن ان المنتدى عايزك تهتم بيه اكتر من كدة

20- لو فيه حاجة ضايقتك مني من اول ما عرفتني ، هل عندك مانع انك تقولي؟

هو بص ممكن اكون اتضايقت منك في حاجة بس تاكد انها اتنست لاني مش بحب افتكر المواقف اللي بتضايقني كتير

21- لو قولتلك ان مش هأزعل خالص في حاجة تقولها مهما كانت ، هل هتغير رأيك لو انت رافض الاجابة؟

لا مش هغير رايي

22- لو خلص المحضر معاك تحب مين يتقبض عليه ؟ وليه؟

مافيش حد معين دلوقتي

23- لو عندك مشكلة كبيرة في الشغل ، مثلا انك غلطت غلطة كبيرة ممكن تطلعك حرامي ، فهل هتعترف علي نفسك بالغلطة دي قبل اكتشافها ، ولا هتسيب المسئلة للوقت ، يمكن يحصل حاجة تصلح الامور وتؤكد انك مش حرامي؟ ملحوظة ، هذا مجرد مثال

بجد مش عارف هتصرف ازاي

هافكر واقولك

24- لو سيبت العملية للوقت ، وفعلا مع الوقت اتحلت المشكلة ، وما حدش عرف ، هل هتعترف ان المشكلة كانت حاصلة؟

لو انتهت اعتقد خلاص مافيش داعي اقولها

25- طيب لو المشكلة ما انتهتش بنسبة 100% لكن علي وشك ، فهل هتعترف برضه لو انت ماكنتش اعترفت من اول لحظة؟

26- لو اتهمت في قضية قتل ، فماذا تفعل؟

هدور على محامي كويس يدافع عني

27- لو اتهمت في قضية قتل خطأ ، وانت بالفعل ارتكبتها ، كأن صدمت احدا بالسيارة ، فماذا تفعل ؟ فهل تهرب ، ام تسلم نفسك ، ام تكتفي بتقديم الدية مع الهروب ، ام تحاول تبرأة نفسك ان أمكن؟

أحاول تبراة نفسي

28- لو بتحب حقيقي صحيح ، كنت وقفت في وش الريح ، ما تعليقك علي هذا الكلام؟ او هذه الاغنية؟

اغنية لهاني شاكر كنت بسمعها وانا صغير

29- لو انا ما كنتش سألت الاسئلة دي ، كنت نفسك اني اعمل ايه؟

تسال اسئلة

30- لو شايف ان اسئلة لو دي حلوة ، اتفضل قيمها ؟


بجد جامدة جداا

وخلتني افكر في حاجات جديدة



دي عينة بسيطة يا جوهري

لو عايز المزيد ، ونبدأ نستخدم الاسلوب الصعب قولي

احنا في الخدمة يا باشا

ههههههههههه

ماشي ياريس

وفي انتظارك

آسف جدااا على التاخير

واتمنى الناس اللي سألت وسعادة الظابط مايكونوش اتضايقوا



وفي انتظار المزيد من الاسئلة

طب سؤالين على الماشى

قلت انك بدات تسخن فى المذاكرة

ما المقصود بهذه الجمله ؟؟

يعني ايه الخطوات اللى حاطتها؟؟


و بشكل مبدئى ايه رايك فى مواد الترم دة؟؟ (مادة ..مادة )

ايه اسلوب المذاكرة اللى ناوى تتبعه و هل هيكون جديد و لا اسلوبك العادى؟

اكتر 3 مواد جبت فيهم درجات حلوة كانوا ايه خلال كل السنين اللى فاتت ؟
و كنت بتذاكرهم ازاى؟

اكتر 3 مواد فهمتهم و حاسس انك ممتاز فيهم بغض النظر عن الدرجات ؟؟
و كنت بتذاكرهم ازاى؟

لو انت دكتور فى الكلية ..

تحب تدرس مادة ايه ؟

ايه الابتكارت اللى ممكن تعملها و هتشرح ازاى بالظبط للطلبة و هتجيب امتحان نظامه ايه و تصحيحك هيكون ازاى ؟

هل شايف مواد الكلية غيرت فيك حاجة و علمتك فعلا (بعضها يعني مش كلها ) و لا ملهاش اهمية خالص

و لو ليها اهمية فايه هى

و هل الاهمية دى انت شايفها كبيرة اوى و فعلا مأثرة فيك جامد و حاسس انك اتعلمت كتيييير
و لا حاجة بسيطة ؟

معلش الاسئلة رخمة
اصل انا كمان ببتدى اشد حيلي ..ربنا يوفقنا كلناااااا و نشد حيلنا بسرعه و ربنا يكرمنا الترم دة و يوفقنا و يفرحنا بنتيجته


سلااام علييكم و رحمة الله و بركاته

المتهم محمود الجوهري يتلاعب في الاجابة


اني أحذرك


اتقي شر من اجبت عليه ههههههههههههههههههههه

ههههههههههه


معلش بقى كانت من خارج المنزل

ندى كتب:

اه ..ألدكاترة قالولنا القاعدة دى كذا مرة فى كذا مادة بس قالوهالنا 20\80

و مبروك الاجابه اخيرا مع انها مش كاملة بس مش مشكلة

و ان شاء الله فيما بعد اجيب اسئلة تانى و تعليقات


سلاام علييكم و رحمة الله و بركاته

تمام

قبل كدة كانت 40 \ 60

دلوقتي بقت 20 \ 80

ومتوقع انها تبقى 10 \ 90 في الفترة الجاية

ندى كتب:

طب سؤالين على الماشى

قلت انك بدات تسخن فى المذاكرة

ما المقصود بهذه الجمله ؟؟


يعني ايه الخطوات اللى حاطتها؟؟


يعني بجهز الحاجات اللي هشتغل منها ان شاء الله

و بشكل مبدئى ايه رايك فى مواد الترم دة؟؟ (مادة ..مادة )

انشورانس شرح د ناشد عبد السلام كويس ربنا يستر على امتحانه عشان سمعت انه بيبقى صعب

الموارد البشرية كويسة بس طوييلة جدااااا ماكتش متوقع انها تبقى كدة


المشتريات مافيهاش جديد تقريبا عن اللي خدناه قبل كدة بس الغريب ان احنا خدنا حاجة اسمها ادارة تشهيلات مش عارف دي ايه بالظبط بس الدكتور ادهالنا

المحاسبة لسة مادخلناش في العملي وانا بكره النظري بتاعها بصراحة

المراجعة اكتر مادة شوفت فيها رغي في حياتي


ايه اسلوب المذاكرة اللى ناوى تتبعه و هل هيكون جديد و لا اسلوبك العادى؟

العادي بس ربنا يستر والوقت يكفي


اكتر 3 مواد جبت فيهم درجات حلوة كانوا ايه خلال كل السنين اللى فاتت ؟
و كنت بتذاكرهم ازاى؟


رياضة سنة اولى 17 كنت متابعها مع الدكتور وذاكرت محاضرتها كويس الحمد لله

محاسبة سنة تانية 18 ذاكرتها مع واحد صاحبي اسمه محمود اسماعيل ربنا يكرمه عشان هو اللي لخصهالنا وهو شرحه في المحاسبة ما شاء الله جميل جدااا

نقود وبنوك 17 سنة تانية
لخصت الكتاب وحليت امتحاناتها


اكتر 3 مواد فهمتهم و حاسس انك ممتاز فيهم بغض النظر عن الدرجات ؟؟
و كنت بتذاكرهم ازاى؟


سلوكية سنة اولى كنت متابع مع الدكتور وبذاكرها من الكتاب وجبت فيها 13 الحمد لله

تسويق سنة تانية كان محاضرات ومتابع مع الدكتور برده وجبت فيها 13 برده


لو انت دكتور فى الكلية ..

تحب تدرس مادة ايه ؟


السلوكية او ادارة او موارد بشرية

ايه الابتكارت اللى ممكن تعملها و هتشرح ازاى بالظبط للطلبة و هتجيب امتحان نظامه ايه و تصحيحك هيكون ازاى ؟


هكتب المحاضرات قبل السنة ماتبتدي واديها لمكتبة في الكلية مثلا والطلبة يصوروها منها وفي المحاضرة مش هكتب غير نقط بسيطة واخلي معايا ميكروفون ويرلس ويكون المادة على البروجيكتور من الورق اللي انا كاتبه قبل كدة او بور بوينت وممكن انزل امشى جمب الطلبة في المدرج واخد رايهم في المادة ولو حد ليه سؤال يسالني

الامتحان هخليه صح وغلط واكمل واختيارات وممكن يكون معاه اسئلة كلامية بس مش كتير عشان هيبقى مقياس للفهم للمادة واللي حاسس انه فاهم المادة كويس ياخد امتياز

هل شايف مواد الكلية غيرت فيك حاجة و علمتك فعلا (بعضها يعني مش كلها ) و لا ملهاش اهمية خالص

السلوكية بتاعة سنة اولى هي حببتني في علم النفس جدا وفهمتهولي

وادارة خيري الجزيري علمني حاجات كتير

و لو ليها اهمية فايه هى

و هل الاهمية دى انت شايفها كبيرة اوى و فعلا مأثرة فيك جامد و حاسس انك اتعلمت كتيييير
و لا حاجة بسيطة ؟


هو فيه دكاترة ودكاترة

يعني دكتور زي خيري الجزيري او المحمدي بيشرحوا المادة وحاجات برة فبتبقى الاستفادة احسن

معلش الاسئلة رخمة
اصل انا كمان ببتدى اشد حيلي ..ربنا يوفقنا كلناااااا و نشد حيلنا بسرعه و ربنا يكرمنا الترم دة و يوفقنا و يفرحنا بنتيجته

ياااااااااااااااارب


سلااام علييكم و رحمة الله و بركاته

وعليكم السلام ورحمة الله وبركاته

تم الافراج عن المتهم محمود الجوهري بكفالة قدرها 1500 مشاركة



وقد أمرت النيابة بسرعة ضبط واحضار المتهم الجديد وهو فريندس F.r.i.e.n.d.s


ويبدأ الاستجواب في التو والحال


وعايزين بقي غسل في الاسئلة برضه

بس بدون عصبية ، علشان ما احبسكوش

نو بروبلم

نحن السابقون و انتم اللاحقون

فخلى بالك

هههههههههههههههههههههههههه

وقعت فى الخيه يا درش

ربنا معاك يا ابنى

انا علشان بحبك مش هاسأل

هههههههههههههههههههههههه

ياعم انا واقع من زمان

بس انت عارف المكان مبيشلش غير واحد بس

و انت اساسا طول عمرك مبتسألش هنا

منور والله


هفكرلك بقى فى شويه اسئله كده و ارجع تانى

ترجعى بالسلامة يا اختى

يعنى اسأل ؟

طيب خلاص انت اللى جيبته لنفسك

ههههههههههههههههههه

ياباش احنا لينا الشرف

يكفينى انك تخش و انا اللى عليا الدور

و كمان محنا هنردهالك فى الافراح برضو