اسالى اللى بعدك سؤال

السلام عليكم و رحمة الله و بركاته

اذيكوا يا بناتيت

انا قلت اعمل نفس اللعبه بتاعت اسال اللى بعدك سؤال عندنا

عشان لو عايزين نسال اسئله للبناتيت

و نلعب مع بعضينا شويه و نهزر عشان كلام البناتيت مع بعض بيبقى لذيذ اوى


يلا انا هبدا

بتحبى تمشى على الموضه و ا تلبسى اللى على مزاجك ؟؟

ازيك يا ندى وحشتينى اوى اوى
وانا طبع باحب البس على مزاجى موضة ايه هو احنا بتوع الكلام ده هههههه
اصلى ساعات بيطلعوا موضات غريبه كده بس لو موضه عجبتنى يبقى امشى عليها

اللى بعدى

طبختى ايه انهارده ؟

بامية وشوربة خضار
طيب اية احسن اكلة بتعرفي تطبخيها؟

اذيكوا يا بناتيت واحشينننى موووت

احسن اكله ؟؟؟ مش عارفه ايه بالظبط بس اكتر اكله عملتها و عجبتهم كانت المقلوبه


اللى بعدى

تحبى تطبخى اكتر و لا تنضفى و تروقى

لأ باحب اطبخ اكتر

اللى بعدى

بتعرفى تحشى ممبار ؟

هههههه اه صعب اوى يا هدهد
و بصراحه مش بحب اكله فمش ناويه اتعلمه ههههه

بس انا مبوسطه عشان النهاردة اول مرة عرفت اعمل كشرى و عجبهم اوى الحمد لله

طب ايه اكتر حاجة بتغيظك لما تيجى تطبخى؟؟ظ

اكتر حاجة تغيظ المية لما بتقطع والبصل لما بيحرق عنيا بس المشكلة دى حلتها وكمان لما حد يدخل وانا بطبخ وينعكش المطبخ
وعلى فكرة احسن حاجة بعرف اعملها المحشى وخصوصا محشى الورق عنب يا سلام علية وهو صغير كدة
طيب اية اكتر حاجة بتعرفى تعمليها فى الحلويات ؟

انا الحمد لله بعرف اعمل المحشى و بمووووت فى ورق العنب
بس اتغلبتى على البصل اذاى يا بسبوسه دة فعلا اكتر شىء يضايق

اما اكتر حاجة من الحلويات
تورتة الجيلى


طيب كفاية طبخ بقى لحسن جعت معاكوا


ايه نوع الشامبو اللى بتستعمليه دايما

ازيكوا يا حبايبى هاتوحشونى اوى اوى اوى ..................
اصلى ان شاء الله خلاص مسافره كمان 5 ساعات هاتوحشونى اوى اوى
I Will miss you



وانا دايما باستعمل شامبو صن سيلك

اللى بعدى

بتستعملى لشعرك كريم ولا زيت ؟

وانتى كمان هتوحشينا موت والمنتدى هيبقى مضلم من غيرك
واتغلبت على موضوع بشر البصل عن طريق ان بقيت اعملة فى الكبة ودى اسهل طريقة
وبالنسبة لشعرى بستعمل كريم بالمرز
طيب اية اكتر مسك بتعملية لبشرتك؟

المنتدى ضلم يا هدهد

اقتباس :

واتغلبت على موضوع بشر البصل عن طريق ان بقيت اعملة فى الكبة ودى اسهل طريقة

اه بس ساعات بيبقى حاجات محتاجه تتقطع منغير كبه

هى دى المشككلللله

و الماسكات بقى

بصراحه مبعملش ماسكات خااالص و اكتر حاجة حطيتها على وشى كانت الكريم




طب تحبى الشعر الطويل و لا القصير

لا الشعر الطويل اكتر
وبالنسبة للبشر فان بجيب فوطة صغيرة مبلوبة شوية بمسح بيها عنيا عشان انا البصل دة بيتعبنى جدا
بتعرفى تنظفى الفراخ والبط والسمك والحمام ولا؟

أذيكوا يا بنات
انا مش بعرف اعمل الحاجات دى يا بسبوسة
وعلى فكرة انا اصلا لسة بتعلم ا ب طبيخ يعنى لسة فى البداية ويادوب كل اللى اتعلمتة الرز ونوعين مكرونة
اللى بعدى
اية اكتر موضة نزلت وعجبتك اوى ونفزتيها ؟

الشيفون واشكلها
وان شاء الله يا فوفا تبقى احسن طباخة فى الدنيا بس خديها بمزاجك كدة
طيب بتعرفى تعملى اية من الاشغال اليدوية؟

بصراحة يا بسبوسه انا كمان اتعلمت كل الطبخ تقريبا انما السمك و الفراخ دول بتررررعب منهم

و حجتى لماما انى مبحبش السمك هههه بس بحب الفراخ

ربنا يسهل و اتجرا و اتعلمهم

اما بقى الاعمال اليدويه

زماااااااااااااان كنت بعرف تريكوا بس نسيته شويه بس لو حد فكرنى هفتكره ان شاء الله

انما الكوروشيه حمااااااار فيه مع انه بيعجبنى اوى لكن ايدى مش راضيه تجيبه خالص

طب نفسك تشتغلى و لا تقعدى فى البيت ؟؟؟؟

نفسى اشتغل جدا
دة انا حتى مستعجلة ونفسى اشتغل قبل ماخلص دراسة

فى دماغك مواصفات فتى الاحلام والا لا ؟ ولو فية مواصفات اية هى ؟

السلام عليكم ورحمه الله وبركاته

ايه ده
يعني اول مشاركه كده
بصي هيا مش مواصفات بس خطوط عريضه اساسيه
زي الالتزام
بالدين والصلاة طبعا
ومستوي الاجتماعي مش المالي
قصدي نفس طريقه الكلام
ونفس لغة الحوار
دول اللي فارقين معايا دلوقتي بعدين يا عالم
لان لكل فترة صفات معين

بس
الي بعدي
نفسه

كان قلبى حاسس ان السؤال دة هييجى ههههه

ما انا قلت قبل كدة حوالى مليون صفة فى استوديوالنجوم

بس يلا نقول تانى
ملتزززززززززززم دينيا جداااااااااااااااا بس فاهم الدين صح مش متشدد يعنى ذى عمرو خالد كدة

الاخلاق تكون عاليه

ذى هبه ما قالت المستوى الاجتماعى مش المادى و اسلوبه فى الكلام و فى التصرفات يكون متناسب معايا

يكون شههههم واحس انى ورايا راجل كدة و ذكى (مش عبقرينوا بس يعنى يفهمنى و يقدر يقنعنى لو انا غلطانه و كدة )
و طيب وحنين و يقدر مشاعرى واهتماماتىىىىى و يكون دمه خفيف بس مش من اللى مقضينها نكت و هزار بايخ و فاكر ننفسه دمه خفيف و يكون متفوق فى مجاله وكمان احس ان فى قبوووول ما بيننا عموما وحاجات تانيه كتير

ما هو البنات طماعين هههههه




اللى بعدى نفسه برضه

وحشتووووووووووووووووووونى اوى اوى اوى

ازيكوا عاملين ايه ؟ لسه شغالين رغى برضه ههههههههه
عالعموم انا جايه ارغى معاكوا يا حبايبى

والسؤال ده يعنى باكسف منه بس هاقولوكو يعنى شويه حاجات كده

يعنى طبعا يكون متدين وقلبه طيب ومش عصبى ومخلص وحساس علشان يقدر يحس بيا
ومش جبان وحنين جدا جدا جدا وعقله كبير يعنى احس انه عقله ناضج
وطبعا الشهامه وكده يعنى والاهم انى احس انه فاهمنى

كفايه كده بقى .

اللى بعدى

نفسه

هههههههه هو السؤال دة لسه شغال

انا جاوبته بقى كفايه كدة


طب اللى بعدى

تحبى يبقى عندك ولاد كام واحد و نوعهم ايه ولاد و لا بنات و اسماءهم ايه

ان شاء الله








سلااااااام عليييييييكم و رحمة الله و بركاته

انا مافكرتش فى الحكاية دى قبل كدة بس قولى مثلا ولدين وبنتين , بعنى كويس اربعة علشان مايحسوش بالوحدة
مازن ومروان وجنا ودنا
وبحب بردة يوسف وعبد اللة وعبد الرحمن وكريم
ورواند ومريم وملك وكنزى

اللى بعدى
نفس السؤال

متهيالى ولد و بنت و ابقى اشوفلهم اصحاب ههههه

والاسماء بقى كتيير اوى

الولد ممكن احمد او محمد او يوسف او عمرو او عمر او طارق او زياد او بلال او هشام
مش عارفه بقى اسامى كتيرة اوى
البنوته بقى نور او ملك

اية يا نودى سؤالك فين ؟
نقول مثلا
اية اكتر استايل فى اللبس بتحبى تلبسية ؟