بهدوء لو سمحتوا

سلام عليكم و رحمة الله و بركاته

يا جماعه اكيد كلكوا سمعتوا حكاية الاضراب اللى عايزين يعملوه دة


بدون الشتيمة و الزعيق و التعصب ارجوكوا

يا ريت تردوا بس على وجهة نظرى للى ممكن غريبه شويه دى


اول حاجة الناس عايزة تضرب عن الشغل !!!!!!!!!!!!!!!!!!!!!!!!1

شوفوا لو الانتاج توقف اليوم دة

دة مصر هتخسر كتيييييييييييييييييييييييييييييييييييييير اوى اوى اوى

يبقى بنحل لمشكله بمشكله اكبر

ذى اللى يقول انا منجحتش السنه دى طب مش مذاكر تانى



تانى حاجة

حلوة اوى اضراب الطلبه عن الذهاب للجامعه

يا سلااااااااام

طب ما الدكتور هييجى و يشرح كدة كدة

و اللى مش هييجى اليوم دة هيبقى ذيه ذى اللى مبيحضرش محاضرات من اساسه

و متهيالى هو الوحيد الخسران



تالت حاجة و دى اللى متهيالى محدش واخد باله منها مع انها مهمه اوى اوى بقى


عايزين اضراب عن الشراء و فى اللى بيقول يضرب عن الشراء اسبوع غير للسلع الاساسيه


اوكى احنا مش هنتضر

بس البياعين الغلبانين

و فى ناس بيبقى بيبيع و الفلوس اللى تجيله هى دى اللى بيصرف بيها على ولاده ليوم دة

واحد من اللى بيبقى الفلوس بتجيله اليوم بيومه

دة لو محدش اشترى منه اسبوع

يجوع هو وولاده و ميلقوش ياكلوا


مش عارفه انا دى وجهة نظر غلط عندى و لا لأ

انا قلت اقولهالكوا هنا و نتناقش بشويش مع بعض كدة و احنا اخوات لو حد فاهم حاجة غلط نصحهها لبعض

بس دى وجهة نظرى ان دة مش الحل الصح

يمكن انا معرفش الحل الصح اذاى بالظبط لكن المهم انى شايفه ده هيضر اطراف كتير

و مينفعش نحل مشكله بمشكله

صح و لا ايه

ربنا يستر و مكونش بقول كلام غلط بس ده اللى انا شايفاه و لو دة غلط و ف وجهة نظر مخالفه تثبت ان كلامى غلط يا يت تعرفوهالى

لان مش عارفه انا حاسه ان دى حاجة غلط اوى

سلاااااام عليييكم و رحمة الله و بركاته



و ايه رايكوا لو يكون الحل حاجة عكس كدة

نعمل يوم الانتاج

كل مصرى لازم ينتج حاجة جديدة فى يوم معين نتفق عليه

و نبقى زودنا 70 مليون منتج للمنتجات المصريه

وجه نظر كويسة فيها موضوعية اكتر

بس احنا محتاجين كده

لازم نقف بقى ونقول كفاية

بجد يا شباب فيه ناس فى نصر بتموت من الجوع

وفيه ناس بتنام من غير عشا

يبقى احنا فين

بجد هو لازم نقف ونقول كفاية حرام ارحمو الشعب الغلبان

ايه الشعر ده

ههههههههههههههههه

على العموم انا نازل الجامعة

انا مش ناوى اتدخل فى اى حاجة فيها مصلحة البلد

انا بس صعبان عليا الناس واهالينا

بجد ربنا يكون فى عونهم ويكرمهم ويصبرهم

تسلم ايدك يا ندى موضوع جميل بجد

عندك حق يا ندي و يا مصطفي
هو فعلا كفايه زي ما بتقول بس مش بالاسلوب ده و لا بالتصرف ده اللي هايضر اكتر ما هايفيد
لازم يكون في حل اكتر منطقيه و فعلا يحاول يعمل حاجه مش يهدم

ربنا يكرمكم
و دة اللى فعلا اقصده

المشكله موجودة بس نفكرها فى حل موضوعى مش يجيب خساير اكتر

حل ايه بعد اللى حصل فى البلد

بجد انتو مش شايفين الناس حالها بقى عامل ازاى

ربنا يكرمكم

ايوة اكيد فى حلول كتير ان شاء الله

و بعدين احنا لو بصينا المشكله فى غلاء الاسعار مش هيقللوها بمزاجهم

الموضوع برضه بيحكمه ان اقتصادنا ضعيف للاسف

صح فى احتكار و فى زياده جامده اوى فى الاسعار تمادى فيها البعض

بس برضه كدة كدة السعر هيبقى عالى لان الاقتصاد مش عالى

احنا عشان نتقدم و الاسعار تقل لازم الجنيه يبقى قوى

و عشان يبقى قوى لازم يبقى عندنا موارد هى اللى هتخليه قوى

لازم نصدر مش نستورد و بس
و نقلل الاستيراد

و نعتمد على الصناعه الوطنيه و نحسنها و نطورها و نشجعهها

لكن دة حتى المصريين مش بيشتروا السلع المصريه و يقول المستورد و حلو و لا رخيص و لا اى حاجة من الكلام دة

احنا الحل لمشكلتنا باننا نحسن اقتصادنا
نقويه
نشجعه
نننننننننتتتتتتتتتتتججججججججججججججججججججججججججججج

نكون منتجيييين
مش بس تجار نستورد من غيرنا و نبيعلهم موادنا الخام و يبيعوهالنا سلع

دى كارثه
هى دى المصيبه

اننا مش بننتج
مش بنعتمد على نفسنا

احنا حالتنا سيئه جدا

بذمتكوا كام حاجة عندكوا صنع فى الصين و كام حاجة صنع فى مصر

او فى ايه بقى مكتوب عليه صنع فى مصر

دة انا بشوف الكلمة بعمل فرح

و غالبا تلاقيها مواد غذائيه بس و غالبا فى خمسين فى الميه تلاقيها بتوكيل من شركة كذا اللى فى بلد كذا


مصر بتاعت القطن طويل التيله احسن قطن

اللى صناعة الغزل و النسيج فيها من اهم الصناعات

دلوقتى انزل اشترى اللبس اغلبه ميد ان تشينا

الصين احتلتنا اقتصاديا خلاص

لازم نحاول نواجههم

نشترى منتجاتنا حتى لو كانت اعلى فى لسعر شويه نحاول لو احنا قادرين نشجع منتجنا لغايت ما يكبر و يبقى قوى

نحاول نكون منتجين

كل واحد مننا ييحاول فى الصيف يتعلم اى حاجة بسيطه و نبقى منتجين

ايه رايكوا

يعنى نخلى لاجازة السنه دى ان شاء الله لازم ننتج فيها اى حاجة و لو بسيطه

احنا نفسنا هنفرح بنفسنا

هنبقى ساعدنا

هنبقى ذى ما بيقولوا اللى ولع شمعه فى وسط الظلام احسن من اللى سابها ضلمه عشان مستنى ان لازم اضاءة كامله يا اما بلاش

و دلوقتى نذاكر بقى و نشد حيلنا عشان بجد بجد مش نافع نقول الكلام دة و نعترض و احنا نفسنا مليانين عيوب كتير اوى اوى

احنا نصلح نفسنا دة رقم واحد و بعد كدة نبدا فى اسرتنا بعد كدة اصحابنا بعد كدة المجتمع القريب بعدين الابعد فالابعد فالابعد

لغايت ما ان شاء الله نغير اى حاجة وحشه فى الدنيا

و مش صعبه

ان شاء الله

بس احنا ننوىىىىى

زى ما كلامك واضح يا ندى

انا اوضحكلك فكرة

ان الحكومة بتاعتنا هى اللى عملت كده فى اشعب

يبقى ما نجيش دلوقتى بعد ما اتسرقت كل موارد البلد نقول ننتج ونشجع الصناعة

لازم هى تتحلل من فوق الاول

اضرب المربوط يخاف السايب

لا احنا السبب بقى

و المهم عايزن نشوف نعمل ايه اقتراحات يعنى

و بفكركوا باسم الموضوع اوك

مش عايزين نقدم اعتراضات و انما نقدم حلول

يمكن نقدر نقدم حاجة كويسه

سلاااااااام عليكم و رحمة الله و بركاته

ده اكيد

طيب احنا ممكن نغير فى نفسنا

نعرف ايه اسباب الكسل ونقضى عليها

واسباب النجاح ونتخذ بيها

وهكذا
يعنى مجرد فكره

صوح كدة

اسباب النجاح

بالنسبه لينا كطلبة تالته ج كلية تجارة

التعليم من خلال المذاكرة بس بجد نهتم اننا نتعلم

ننمى قدراتنا عشان نتخرج على كفاءة

نستغل الاجازة كويس

نعملانشطة \ نساعد اللى حوالينا \ .........


و ان شاء الله كدة ننجح

و اهم حاجة نكون دايما بنذكر ربنا و بنتوكل عليه و نصلى فى المواعيد و هو هيرزقنا من حيث لا نحتسب


((و من يتقى الله يجعل له مخرجا و يرزقه من حيث لا يحتسب ))

نتقى ربنا و كل حاجة هتتحل


اسباب الفشل عشان نتلافاها

انا بالنسبالى شايفه انها اهما البعد عن الطريق اللى ربنا قالنا نمشى فيه
اى حد بيعمل حاجة غلط مبيكسبش
و دة طبعا اللى ممكن يكون بيجمع اسباب الفشل مجتمعه فيه بس بالنفصيل ممكن نقول منها حاجات غير ارتكاب المعاصى ذى :

1- تضييع الوقت و اهدااااره و عدم تنظيمه (و لقيت بجد حل حلو اوى بيساعد شويه و هو اغتنام الوقت اللى فيه بركه و اللى هو الصبح بدرررى ..النهاردة ذاكرت ساعتين بعد الفجر احسن من اللى كنت بذاكره فى يومين ..بجد فيهم بركه و النبى صلى اله عليه و سلم قال حديث بما معناه ان الساعات دى فيها بركة )

2- الاهتمام بالحاجت اللى مش مهمه

لازم نخلى اهتماماتنا كويسه
طبعا نتسلى بس نحاول تكون حتى تسليتنا مفيده


3 ممممممم افكر و اقولكوا ان شاء الله

هههههههههههههههههههههههههههههههههههههههههههههههههههههههههه
من غير ما اقرأ الردود كامله
وكفايه انى قريت الموضوع المكتوب


والله يا انسه ندى انا حاسس ان انت مش عايشه معانا هنا
متزعليش
مش القصد
لكن انت عندك امانى ورديه اوى زياده عن اللزوم

انت وانت بتكتبى الموضوع حاسسه انك بتقوللى حاجه غلط...مش كده

(يوم الانتاج) انتاج ايه بس وبتاع ايه
والله انت طيبه اوى وفاكره الناس كلها زيك

انا بتعارض معاكى بشده فى موضوع اننا منعملش مقاطعه للشراء

انت بتقوللى ان فى ناس غلبانين هينضروا
بصى يا ندى

الراجل الغلبان ده والاف زيه اه صحيح هينضروا
بس مش هيموتوا من الجوع من يوم واحد

اللى هينضر فعلا الناس اللى فوق
اللى بيبيعوا اصلا للتجار الجمله
دول لمجرد امقاطعه يوم واحد هيخسروا ملايين
يعنى خساره كبيره جدا
لا تقارن بخساره بائع التجزئه الغلبان

مقاطعه الشراء هى الحل الوحيد وان كانت هى الحل الافضل كمان

لان زى ما قلتلك
مقاطعه يوم واحد بتأثر بشكل كبير على المحتكرين الكبار الحراميه .
فيها ايه نجوع يوم يومين اسبوع شهر

مش احسن ما نسكت
وبعدين نجوع سنين وغصب عننا بقه المره دى
لاننا مش هنلاقى ناكل بعد كده
دلوقتى هنجوع بمزاجنا

بكره هنجوع غصب عننا


انا مع مقاطعه الشراء



وعمر بن الخطاب رضى الله عنه
لما حصل ان اسعار السلع غلى جدااااااافى عهده
وجت الرعيه يشتكوا
قاللهم اتركوا لهم بضائعهم

وفعلا السعر نزل اقل من الاول كمان

وجاعوا برده بس رجعوا ورجعوها اقل من الاول



مع كامل احترامى
انا بعترض بشده على رأى حضرتك


والاختلاف فى الرأى......

3

اننا مانخدش بالنا من بعض

انت بتقول الاختلاف فى الراء والكلام ده

وازاى انت بتضحك فى اول المشاركة

انت لو عندك رأي قوله

بس بلاش تجرح فى رأى اللى قدامك

يعنى عندك رأى قوله وانا هانتكلم فيه

هو بس اولا


انا بكتب الموضوع وو مقتنعه جدا برايي انا كنت بتسائل لو دة غلط لانى مسمعتش حد تاني قاله و شايفه ناس كتير بتعمل الاولانى

فمش عارفه اتصور الموضوع ايه وجهة نظرهم فى النقطه دى
وانا المفروض ببقى شايفه ان رايي صواب يحتمل الخطا و راي المخالفين ليه خطا يحتمل الصواب

ثانيا

انا عايشه معاكوا فى البلد و عارفه ظروفها كويس بقى

و لو سمحتوا محدش يتهمنى بكدة تانى

بس انا ليه وجهة نظر متفائله دة مش معناه انى مش عيشه معاكوا او مبشوفش او مبحسش
لكن معناه انى بحاول انجح

انا لو تشائمت لا يمكن انجح والتشاؤم غلط اساسا

ما ينفعش انا كمسلمه اتشائم لان لازم عندى ثقه ان ربنا معانا و هيرزقنا و رزقنا مكتوبلنا من قبل ما نتولد

احنا بس علينا نسعى و بس

و دة اكيد كلنا متفقين فيه بس بتختلف طرق سعينا (اه صحيح افتكرت مش عشان بتكلم كدة انى زعلانه يعنى انا مش بزعل بس مبحبش حد يقول عنى حاجة مش فيه و بمجرد انى اوضح انها مش فيه مش ببقى زعلانه )

المهم

طرق سعينا بقى لازم تكون منغير ما نضر حد

اوكى انا دلوقتى كنت محتاجه حد يتناقش معايا وو الا مكنتش عملت الموضوع و كنت نفسى اعرف وجهة النظر المخالفة

و انا احترمتها دلوقتى بس مش مع كل حاجة

يعنى ممكن حل وسطى

نقاطع الشراء ماشى
نقاطع الانتاج لا

و الناس الغلبانه اللى بتبيع اتبرعولهم بقى

انا بضحك
مش للاستهزاء
ده شىء كويس جدا انها فكرت تتناقش فى الموضوع ده


انا بضحك عشان هى طيبه وبتفكر بالعاطفه


واسف انا اتفهمت غلط
وده عيب من عيوب النت


انا مش بقول اننا نتشائم






التعارض كله

ان المقاطعه ده شىء كويس جداااااااااااااااااا
وهى المفروض تكون معاها

بس كده


اسف انى اتفهمت غلط
وانا عمرى ما اتريقت او جرحت فى رأى حد على فكره يعنى
واسأل من ورايا يا مصطفى.

خير خير

احنا جايين نتناقش و الموضوع اسمه بهدوء

و انا معمريش ازعل من اخواتى و بعدين طبعا النت و مشاكله فى عدم التوضيح

فعادى يا جماعه المهم نتناقش فى الموضوع و متملوهولناش بقى مصالحات و خناقات

صلوا على النبى

انا عايزة نتوصل لحلول موضوعيه
و على العموم كدة كدة المقاطعه دى يوم واحد المهم بعد كدة هنعمل ايه عشان اقتصادنا يعلى
فعايزين نتغير

و حاجة مهمه تانيه
عندنا سكاشن يوم الاحد اوعوا تفوتوها عشان مستقبلكوا مهم جدا و يعتبر من الضروريات اللى لا يمكن تتساب

عليه افضل الصلاه والسلام

انا اللى منرفزنى انى فعلا داخل اتناقش مش اتريق او غيره

يلا ما علينا زى ما قلتى احنا اخوات


ندخل فى المهم

انا عايزز اقول

ان فكره المقاطعه فى حد زاتها هى الحل الصحيح ولا بديل عنه
يعنى نتفق اولا اننا نعمل مقاطعه

بعد كده
وبعد ما تجتمع الاراء
نبدأ بقه نشوف المقاطعه دى هتكون ازاى ولسلع ايه بالظبط
يعنى لازم نحدد سلع معينه

ماهو مش معقول هنقاطع السلع كلها


يعنى ممكن مثلا نقاطع الرز (ونناكل مكرونه شويه)

يعنى نتفق على فكره المقاطعه
ثم بقه التفكير العمييييييييق ونختار سلع معينه
ونوعى الناس ازاى يتصرفوا فى عدم وجودها
وهكزا
هى دى بقه فايده امخاخنا العطلانه

معايا فى الرأى وفهمتونى
ولا انا غلطان



وانت يا مصطفى يا حريقه اما اشوفك

جميل

وانا شكلى اللى قهمتك غلط

وانا قولت رأيي قبل كده فى الموضوع ده

ده مجرد يوم

احنا ممكن نستنى ايه اللى هايحصل ونتعلم منه ونناقشه ونستفيد كمان

بقولك أيه ياندى

أنتي قصدك على الأضراب اللي عايزين يعملوا الموظفين يوم الأحد

الرد على كوتماية
مش هاخد كوبى عشان المشاركة تبقى صغنتوته شويه ( بوحيلكوا بكدة يعنى)


بالنسبه لحكاية الاتفاق على المقاطعه
نتناقش و نشوف ادينا قصادنا يوم اهه ان شاء الله

و انك قلت تبقى مش لكل السلع

فعلا هو انت كدة جبت النقطة االصح

احنا عايزين نقاطع الحاجات اللى استعبطوا جامد فى زيادة سعرها

عشان يبقى ذى االموقف اللى انت قلته بتاع سيدنا عمر

يتركوا السلع اللى زودوهالهم دى

مقاطعه جزئيه ماشى لكن اضراب عام لااااااا

و كمان يا ريت بالمرة نركز على الاضراب عن المنتجات اللى مش مصرية عشان يبطلوا يستوردوها

و فهمنا رايك كدة تمام الحمد لله

سلام علييكم و رحمة الله و بركاته

الرد على محمود الجوهرى :

سلام عليكم و رحمة الله و بركاته

**بالنسبه لان الاضراب دة فكرة طبقوها فى كل العالم و بتنجح
فدة بشرى حلوة
لكن يا رب تكون ظروفنا تناسب دة
و يا رب يكون تصرفنا برضه هادى مش نقلب على كل حاجة مرة واحدة يعنى قصدى ذى كوتمايه ما قال مقاطعة جزئيه

و نخليها للسلع اللى زودوا اسعارها بطريقه جامدة اوى مبالغ فيها


**و صح التجار هيرخصوا الحاجات ممكن كدة

بس انا قصدى ان كدة انتاج الحاجة ممكن يتوقف لو كان السبب فى ارتفاع السعر مش مجرد استعباط لكن فعلا لان المواد الخام المستعمله مثلا غليت عليهم هما نفسهم بسبب ضعف القوى الشرائيه للجنيه للاسف


** و كويس انك شايف برضه ان اضراب الطلبه ملوش لازمة و التعليم ملوش علاقه
عشان اان حاسه ان فى ناس كتير واخدة المسأله دى حجه للغياب مش اكتر (سواء طلبه او موظفين )
و انا شفت دة بنفسى


** و اوكى ماشى كل الناس غلبانين و بيعانوا من الارتفاع فى الاسعار و فى حاجات بيستعبطوا فيها

لكن قصدى برضه احنا مش واخدين بالنا ان ارتفاع الاسعار ليه شقين (حلوة شقين دى )

اولا ان القوى الشرائيه للجنيه منخفضه و دى حاجة كلنا عارفينها

الجزئيه دى متعتبروهاش فى المشاركه دى مش ليكوا كلكوا

اقتباس :

( و عشان مصطفى مخدش اقتصاد لسه ممكن يكون مش عارفها ..

القوى الشرائيه يعنى ان الفلوس بتاعت البلد بتقوى و تضعف حسب قوة اقتصادها
يعنى الجنيه عدد الحاجات اللى نقدر نشتريها بيه بتقل لما اقتصادنا يبقى ضعيف لكن عندك اليورو و الدولار تلاقيهم عملات قويه بسبب ان اقتصادهم قوى فعدد العملات اللى عندهم فى قدامها انتاج كتير

لكن احنا عندنا عدد معين من الجنيهات مطبوعه مفيش قصادها انتاج كتير فبيحصل ظاهرة التضخم ان يبقى فى عدد عملات مطبوعه كتير و معندناش قدامها الا سلع قليله فالسلعه سعرها يزيد و بكدة تقل القوى الشرائيه للجنيه ))

و غير انخفاض القوى الشرائيه

ثانيا
ان البياعين منهم كتير استعبط و يقول اشمعنى كذا زاد طب انا كمان و فى محتكرين كتير



فاحنا لازم نلعب على الناحيتين مش واحده بس و اللى ممكن تكون مش هى الاهم

فنقاطع اللى مبالغين فعلا اوىىىىىى عشان يبطلوا مبالغتهم

و اهم شىء مننساش الشق الاول من المشكله

** و بالنسبه لانك بتقول بس بسبب برده نفس البياعين دول فيه ناس مش لاقية تاكل طول الشهر .. مش اسبوع بس
فانا مقصدش التجار الكبار

انا اقصد الصغيرين اوى اللى ملوش ذنب و مشترى الحاجة غاليه اساسا

و ان الحكومة تقدر انتاج شعبها
فالحكومة هى جزء من لشعب
لو قدرنا نفسنا و اهتمينا بانتاجنا و بجد نقاطع ( فى حدود ما نقدر طبعا) اى منتج مش مصرى حتى لو لبلد مش عدوتنا و لا حاجة بس عشان نقوى انتاجنا و نشجعه

فاكرين الاعلان بتاع يلا يا مصرى اشترى المصرى

اهه الدوله بتشجع انتاجها

بس المشكله اننا مش كلنا بنشجعه

يعنى لما ابقى نازله اشترى لبس وواحده تقولنا دة الموسم دة هيجيلنا حاجات مستورده و مبسوطة اوى و اكنها بتفتخر قصادى بالمنتج المستورد دة
يبقى احنا كدة بنشجع انتاجنا ؟؟؟؟؟؟؟!!!


مش بقول كلنا بس الغالبيه مبقاش حاطط فى مخه فكرة قوة الاقتصاد و الانتاج و التفكير الاستثمارى مش موجود

الغالبيه بتفكر فى الربح السريع

مش بيفكروا فى اقتصاد بلدنا للاجل الطويل
و اننا نستحمل و نضحى شويه من اجل عوائد افضل فى المستقبل

مع ان نص البلد خريجين تجارة و دارسين الاستثمار لكن نادر جدا المستثمرين المصريييين

بقينا بنشحت استثمار

و انا مصرة

احنا السبب

يعنى احنا كام واحد مننا ممكن يستثمر مصروفه

اه المصروف حاجة شهريه او اسبوعيه او يوميه بس ممكن برضه نستثمرها

ذى فى اللى بيفكروا و يشتروا كروت شحن و يبيعوها

اهه بيستثمر فلوسه

و الاحسن بقى نستثمرها فى النتاج
نحوش مصروفنا و ننتج بيه حاجة

اكيد لو عرفنا نخلي تفكيرنا كدة من واحنا صغيرين

هنقدر باذن الله نكون مستثمرين كبار فيما بعد

و عايزن و فكرونى فى الاجازة لازم نفكر اننا ننتج شىء كلنا لو نتجمع و نحاول حتى لو نعمل اى حاجة بسيطه صغننه بس يبقى لكوميرس 2009 مشروع و لو قد كدة

عايزين نبقى منتجين

كل واحد بقى يجيب حصاله و يحط فيها كل شويه ربع جنيه كدة ولا حاجة تحت حساب مشروع كوميرس
عشان يبقى معنا راس المال الكافى للمشروع ان شاء الله

ان شاء الله
سلام علييكم و رحمة الله و بركاته


معلش انها طلعت طويله منى برضه بس مش هعرف اعبر باقل من كدة هحس انه ما قل و لم يدل

أنا مع المصريين في الحكايه ديه ولازم نعمل حاجة عشان الأسعار اللي بتغلى ديه

ولو النقل والمواصلات عملوا أضراب يبقى أحلى بكتير لأن محدش هيروح الشغل والبلد هتقبى واقفة

وده بيفكرني بالثورة السلبيه اللي عملتها مصر ضد أنجلترا

وإن شاء الله الجهات العليا مش هتسكت لأنهم لوسكتم

هتبقى النتائج وخيمة