سلام عليكم و رحمة الله و بركاته
دة ديوان عظيم ليا
اختارتلكوا منه بعض العبط ..( القصائد )
هسميه ديوان فى ظلال كشكول الانشورانس
و هو من نوعية جديدة خالص و هى شعر الحث على المذاكرة
مش عايزين تريقة اوكى
يعنى ادينى كنت بجرب بقى
و اجرب فى مين يعنى لو مجربتش فيكوا
---------------------
مصر يا غالية اوى عليا
وحشانى و اشتاقتلك عنيا
نفسي ارجعلك فى اللحظة ديا
يا قلبى و روحى و كل ما ليا
يا بلدى يا بلد الشعب الاصيل
وحشانى وواحشنى شمسك و النيل
و الخضرة و السحاب و الشجر و النخيل
و الحب و الخير و كل شىء فيكى جميل
2-7-2008
فى السعودية
---------------------------------
احلامى موجودة قدامى
لكن الغيوم حيشانى
انى اشوفهها و اوصلها و احققها من تانى
مع انها سهلة و كانت
حققتها فى سنين فاتت
لكن الظلم منعنى عنها
خلانى مش عارفه احققها
و اكيد ده خير ليا ما دام
انا سعيت و مشيت قدام ..
هفضل وراكى يا احلامى
و مش هسيبك من تاني
و اقف و هقدر اكون اقوى .من كل اللى قدامى
دة انتى انتى احلامى .. ارجوكى متسيبينيش تانى
2- 3- 2008
تخاريف نتايج كانت دى
------------------------------
لو الطريق قدامك مسدود
عمال تحاول و تجرب لكن لنفس النقطة تعود
.. اقف و ادعى ربنا الفتاح
هتلاقى كل الطرق اتفتحت و كل هم بعد و انزاح
و النجاح عمال يجيلك و حياتك كلها افراح
يا رب فرحنا و اكرمنا و اهدينا لطريق الفلاح
----
مش عارفه ايه انزاح دى هههه
برضه يوم 2- 3-2008
------------------
كان نفسي كون طيارة
لكن دخل تجارة
و لما دخلتها احترت ادخل محاسبة و لا ادارة
المحاسبة انا شاطرة فيها
مكرهتهاش لكن مبموتش فيها
و الشغل فيها كتير و اصحابى هيكونوا فيها
لكن كل اما اذاكرها حياتى تتقلب عليها
الاقى نفسى جدول . عواميد و بضرب فيها
اما الادارة فحبتها و كمان ممتازة فيها
مع ان درجاتى مش دايما حلوة فيها
بس دة ظلم و الدليل ..اتفضل اسالنى فيها
و عاجبنى اسلوب التفكير
و كمان دكاترة فيها كتير
شرحهم حلو و بضمير
خلونى احبها و اتمنى
ادخلها و افرح و اتهنى
لما انجح فيها و احقق بيها اهدافى علشان اوصل للجنة
ان شاء الله
برضه 2- 3- 2008
-------------------
ذاكرى يا بت يا ندود
عشان تغيظى اخوكى محمود
فاكر انه ذكى . و ان انتى ذكائك محدود
ووريله ان تجارة
دى كلية الشطارة
و الابداع و المهارة
مش حتة بنا لعمارة
يا سلام يا سلام ياسلام على اشعارك الجبارة
برضه 2- 3 و اخويا مهندس عشان كدة بقول بناء لعمارة
اصله بيتريق على تجااارة
------------------------
و دة كان رده عليا
(تولوش جرير يهجوا الفرزدق و الفرزدق يهجوا جرير بتوع اولى ثانوى )
ندودة يا فشارة
ياللى بتتريقى على بنا العمارة
عمالة تتريقى و انتى فى كلية تجارة
كبيرك تبقى محاسبة او تشتغلى فى الادارة
طظ فيكى (
)فاكرة نفسك شاطرة و انتى حمارة
انا مش فشارة خالص هو بس عشان القافيه
-------------------
فانا رديت
...
الله يسامحك يا مود
يا اخى اللدود
كدة تشتم كليتى حبيبتى يا محمود
بكرة تشوف انا هعمل ايه فى عالم بلا حدود
-----------------------------
---------------------------
يا نفسى يا تعبانى
دايما مدوخانى
مع انى بحبك لكن انتى مزهقانى
مش عايزة تذاكرى ليه
و نايمه فى الخط بقالك اسبوع و بتتدلعى كدة ليه
اضربك يعنى .. و لا اعمل فيكى ايه
بجد لو مبطلتيش اللى انتى فيه
هتشوفى بجد هعمل معاكى ايه
فاهمه و لا اوريكى عقابى شكله ايه
يلا ابدئى جد بقى . عشان تحققى حلمك اللى نفسك فيه
اوكيه و لا مش اوكيييييي
----------------------------------------
بص شوية لنفسك .شوفهها عامله ايه
بتتكلم و تحاسب ..طب و انت عملت ايه
شوف نفسك الاول قبل ما تنتقد غيرك
و حاسبها الاول بعيدن حاسب غيرك
------------------
حاسب نفسك الاول .. بعدين حاسب غيرك
ماشى تزعق و تتكلم .. طب الاول راعي ضميرك
شوف اديت عملك تمام و لا سيبته لغيرك
غير نفسك الاول هتلاقى الدنيا تجيلك
----------------------
يعنى ايه مصر
يعنى امل. يعنى خير. يعنى شعب اصيل
يعنى شمس .يعنى قمر .يعنى شجر و نخيل
يعنى حب . يعنى اهل . يعنى كل شىء جميل
ينى بلدى . يعنى اهلى . يعنى ارض النيل
--
ايه دة دة شبه اللى فوق
-------------------
ليه دايما بننسى خيرها
و نشوف الخير فى غيرها
و دايما ننساها
-
مع انها اللى كبرت
و تعبت و نورت
و برضه ننساها
-
دى مصر دى امانه
فى عيوننا و فى هوانا
دى هى امنا
مش عايزين تانى ننساها
-----------------------------
كله كلام و بس و مبنعملش حاجة
كلام كبير و كتير و يطلع و لا حاجة
طب ما نتحرك شوية
انا اقوم اعمل اللى عليا
و انت تقوم معايا و نكون سوا ايد واحدة قوية
-----------------------------------
قوم من النوم و كفاية كسل
عايزين شغل ..عايزين امل
الاجازات خدناها كتير عايزين نبدا فى العمل
يلا نفكر و نطور
يلا نشوف اذاى هنغير
و نكون ايد واحده و هنعمر ..
مصر بلدنا. و مستقبلنا هيكون اجمل مما بنتصور
11- 4- 2008
5:57 am
-------------------------------------
كل مرة اقول دى اخر مرة
لكن ارجع اعيد نفس الكًرة
نفسى اغير نفسى . تفضل على طول حلوة
لكن دة بقى طبعى .. يوم وحشة و يوم حلوة
لكن انا انسانه
مش عيب اكون غلطانه
لكن العيب انى . على غلطى ما اكون ندمانة
و الحمد لله ربى
انه بيغفرلى ذنبى
مهما بقصر
مهما بكرر
لكن رحمة ربى اكبر
بس انا مكسوفه من نفسى .. نفسى بجد بجد اتغير
8 - 5- 2008
2:54 am
------------------
نفسى اوصل للهدف االلى فى بالى
مش يبقى بس مجرد حلم فى خيالى
انا تعبت كتير من الايام و الليالى
نفسى بقى يرتاح بالى و احقق كل امالى
8- 5- 2008
11:44pm
------------------------
ذاكرى يا دودو المشتريات
فاضل ايام عالامتحانات
لازم تخلصى و تلحقى تذاكرى كل اللى فات
8-5-2008
11:52pm
------------------------
احلى شعور جانى
نفسى يجيلى تانى
امشى فى الطريق الصح و اعرف عنوانى
و ماتوهش من نفسى و الاقيها قدامى
---------------------------
نفسي ابطل كلام و بس
نفسى ارجع تانى بحس
ذى ما كنت زمان
كنت صحيح انسان
عارف يمشى اذاى ..مش تايه و ندمان
فيها ايه لو اصبر
و ارجع تانى افكر
اكون دايما اشطر
و على نفسى اكون اقدر
و الحياة دى ايه ..دى مش حياة بجد
الحياة فى الاخرة .. فى جنة الخلد
يبقى ليه نتوه .. و ليه منكونش جد
و ازاى نسيب نفسنا ..نكون ذى اى حد
مش عارف طريقه و لا عمره خدها جد
19-5-2008
12:55pm
----------------------------------
وقت المغربية
عصافير بتصوصو و تقول احلى اغنية
و فى نسمة رقيقة جت و عدت عليا
و كلهم بيسبحوا بحمد ربنا
غيرت منهم اوى و قلت اشمعنى انا
انا هسبح معاكم و احمد ربى الرحمن
اللى خلقنى و كرمنى و هدانى بالقران
و ادعى و اقوله يا ربي ادخلنى احلى جِنان
و اجمعنى بحبيبى رسولك العدنان
عليه الصلاة و السلام
19-5-2008
7:46 pm
--------------------------------
عيلة و لا كبيرة. انا مش عارفه
طيبة و لا شريرة .انا مش شايفة
عاقلة و لا عبيطة. حقيقى انا خايفة
قوية و لا ضعيفة .بجد انا انا مش عارفة
دة كنت لسعت
20- 5- 2008
---------------------------------
دى صفحة جديدة فى الكشكول .. و صفحة جديدة فى حياتى
نفسى اكون دايما على طول... ..مبسوطة دايما من ذاتى
21- 5- 2008
--------------------------------------
حبك يا رب دة احلى شىء فى الدنيا
يخلى الواحد سعيد . كل لحظة و كل ثانية
مين قد اللى يحبك و تحبه يا رب
و ينول شرف انه وصل لاعظم حب
21 - 5- 2008
------------------------------------------
كتاب منغير سطور
فيه سما و شجر و طيور
و قمر و ليل و بحور
و ناس كتيرة فيه .. منهم شقى و مسرور
هو كتاب الحياه
نتعلم منه كتير و يا رب ماننسى اللى اتعلمناه
و نمشى فيه و نضيف صفحاته و دايما ننمى و نملاه
بالخير و الحب و السلام و الهنا ا
21 - 5- 08
1:22pm
---------------------------------
ما دام ربك معاكى هتخافى ليه
ما دام ربك معاكى قلقانه ليه
دة كل اللى هتتمنيه
خلاص هتحققيه
مادام لجئتيله و دعيتيه
احلامك هتلاقيها جيا ليكى
و الابواب كلها مفتوحة ليكى
اوعى بقى تخافى تانى او تقلقى من بكرة
دة ربنا معاكى .. دايما خليكى فاكرة
23-5-2008
-----------------------
دايما لما ادعيك يا ربى تستجيب لدعاياا
كيف اشكرك يا ربى يا مولايا
بتحققلى دايما كل مناايا
و لو حتى محصلتش بلاقى خير احلى من اللى كان جوايا
23-5-08
1:46am
--------------------------
المشتريات.. مادة جميلة و امورة و مليانة حاجات
المشتريات ..هذاكر كتابها و سكاشنها و المحاضرات
المشتريات ..دى محاضراتها مليانة ذكريات
المشتريات .. المشتريات.. ياسلااام على المشتريات
........
دى كانت اغانى تشجيعيه كدة فى ليالى الامتحان
-----------------------------------
كلية التجااارة
كليتى الجبااارة
كلية جامدة جدا و اااخر شطارة
فيها محاسبة و ادارة
فيهم فن و مهارة
كليتى حبيبببتى كلية التجارة
و احلى حاجة فيها هيا
مجموعتى الحلوة ديا
مليانة ناس ذكية
و طيبة و شقية
31-5-2008
10pm
----------------------------------
يلا كفاية كدة
سلاااااااااام عليييييييكم و رحمة الله و بركاته
و دلوقتى نفسى ييجى يبقى معانا و مش مهم حتى يشتمنى بس ميبقاش هو فى بلد و احنا بلد تانيه 
