هتعمل اية

ممكن افكر اني ذاكرت كويس واني تعبت في مذاكرة
وربنا كريم ورحيم وان شاء الله ماساءة الترم اللي فات مش هتكرر عشان لو اتكرر هيحصلي حاجه بجد
ربنا يستر

ياااارب استر يارب

طيب تعمل ايه
لو كنت في طيارة ووكان معاك براشوت واحد وكان معاك طفله 6 سنين وست حامل وست عجوزة ودكتور تنقذ مين

انا هانقذ الدكتور

لانى بدوره ممكن ينقذ كتير برده

ولذلك حكمة

نفسه؟

كنت في طيارة ووكان معاك براشوت واحد وكان معاك طفله 6 سنين وست حامل وست عجوزة ودكتور تنقذ مين

ممكن انقذ الست حامل واخليه تمسك بنت الصغيرة وانط انا ودكتور وست عجوزة من طيارة قبل ما تقع




طيب تعمل ايه لو روحت انتر فيو طلب 5 مشروبات بحرف الس غير السحلب

هقوم و اسيب اللى بيسأل يكمل لوحدة

هو فى مشروبات غير السحلب بحرف السين ؟

انا فاشل اوى فى لعبة الحروف دى

طب نفسة ؟

لعبة الحرووف ..ياااه بتاعت عالم سمسم

هو فى اختراع اسمه سوبيا معرفش هو ايه
و سفن اب بس تبع المقاطعه
و سن توب ..برضة مقاطعه مع الدنمارك
سيموتال ..دة دوا طعمه وحش اوىىىىى .. و ممكن تجيبيله ادوية كتير بقى و اسالى عمرو اخوكى عشان صيدلة

بس متهيالى عشان فى انترفيو اكيد ليه مغزى معين

ممكن مثلا تبتكرى و تقوليله سحلب بالشكولاته و سحلب بالنسكافيه و سحلب بالشاى و هكذا

و تصدقى ممكن يبقى طعمه حلو لو بالشكولاته

طب اللى بعدى

تعمل ايه لو ملاكش نفس تذاكر بس وراك حاجات المفروض تعملهااااا ضرورررى

هقوله هو السحلب أساساً بيبدأ بحرف السين؟

ممكن أقوله زي م قالت ندى لكني والله كنت بكتب الرد من الأول
غير السلحب ... سحلب بالبندق .. سحلب بالسوداني .. سحلب بالكاكاو لو فيه يعني
أصيع عليه يعني
أعترف آه إني فكرت في مشاريب تانية ومعرفتش يمكن خيالي مكانش حاضر ساعتها


طب تعمل إيه
لو كل ما تفتكر إنك بتبني تطلع بتهد ومش واخد بالك؟
يعني كنت فاكر إنك لما تعمل حاجة تحسن موقفك تطلع بتبوظه ؟!

الأستعانه بربنا سبحانه وتعالى انه يساعدني ،واخد راحه شويه حلوين بس أحس فيهم إني غيرت جو وجددت نشاطي وحسب كل واحد بيلاقي ده فين.. وبعدين ارجع أذاكر تاني بعد ألاقي الموضوه سهل وجميل إن شاء الله

عليك بكره حاجات الصبح ف الجامعه ومحاضرات بليل من 5 ل8
السؤال تروح ولا تكمل باقي اليوم متواصل هناك؟
هتعمل ايه؟

لو الحاجات دى هتخلص بدرى اوى زز11 او 12 مثلا ..اروح
لو هتتاخر عن كدة لو بيتى بعيد مش هروح لو قريب هروح

طب اللى بعدى

تعمل ايه لو انت فى فريق المفروض تشتغل معاهم و هما كويسين اوى بس تفكيرهم غيرك و مش حاسس ان اختلافكوا هيكملكوا .. لكن حاسس انك مش قادر يبقى ليك حماس معاهم لانك مش حابب نفس اهتماماتهم
بس انت مش لاقى فريق تانى برضه عشان حت تعتذرلهم و تقولهم معلش مش حاسس بنفس رؤيتكوا فهدخل مع التانييين

تعمل ايه ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

طيب هو مفيش إحتمال اقنعهم كلهم بوجهة نظري انا او الطريقه اللي انا شايف بيها الموضوع
وفي نفس الوقت:
مفيش مجال إني أقتنع بوجهة نظرهم هما او احب إهتماماتهم
طيب مينفعش أكون فريق جديد غير اللي موجودين مثلا
تقريبا دي الحلول اللي عندي دلوقتي
نفسه

اقتنع بوجه نظرهم ... لا دماغى ناشفة

او هو مش كدة عشان برضه فكره اقنعهم بوجهة نظرى

هى المشكلة انك لو حاسس انك مش مستريح للشغل فى الفريق دة .. حاسس ان دماغك مش راكبة معاهم مش عارف ليه ..

طب لو عايز تسيبهم بس خايف يزعلوا(هما مش كلهم انت مختلف معاهم ) و برضه خايف متلاقيش حد تانى

أدور على حد تاني الأول ... ولو حسيت إني هتفق معاهم يبقى ساعتها مفيش حاجة إسمها زعل ... المهم الصالح العام في النهاية إن اللي يعمل حاجة يتقنها ويحبها .. مش يعملها غصب عنه ... و أهم حاجة التفاهم (بغض النظر عن الأصدقاء والعلاقات الشخصية)
حصلت معايا وتقريباً اتسوحت ... سبت ناس علشان كنت حاسس إنهم كتير وكل واحد بفكرة وياريتهم بيتفقوا أو كمان مش بينجزوا في أي حاجة .. وروحت لناس تانية علشان صحابي لكن كل واحد في وادي ... ربنا يسهل وأجمعهم ونظبط دماغنا مع بعض كلنا

ربنا يوفقك

نفسه؟

انا من ضمن اللى ممكن يتقال عنهم مش عايزين ينجزوا .. مشكلتى انى مبحبش اتسرع فى الشغل (مع انى متسرعه فى حاجات كتير ) و هما مصرين يشتغلوا بسرعه اوى و انا مش حابة التسرع برضه .. انا شعارى فى الحياة فى التانى السلامة و فى العجلة الندامة

عارفه انننا فى عص السرعه و الكلام دة وا نى ممكن اضيع فرص .. بس برضه لابد من التخطيط الجيد

مش عارفة .. مش مستريحة و خلاص و مش عارفه اعمل ايه

و سمعت اصلا النهاردة كلام عجيب .. ان الدكتور لما قسمنا لتسويق و انتاج و تمويل و اتش ار و مشتريات دى عايز كل مجموعه من دول تقعد و تحط كلام يبقى موحد و نشتغل بيه كلنا و ان كدة مفيش منافسه بين الفرق المتنوعه بعد كدة
مفهمتش حاجة و لخبطونى اكتر

ربنا يسهل و نفهم بقى

أساساً أنا مش متفق إننا احنا اللي نحط خطة العمل اللي مفروض نمشي عليها لأن كل واحد هيقول اللي على مزاجه المفروض لما حد بييجي يختار بين بدائل يكون محتار بينهم فعلاً لكن لما حد يقترح بديل علشان لما يطرح أمامه يبقى يختاره ده مسموش اختيار سليم
كان هو مفروض يقولنا المعايير الي نمشي عليها ومن هنا يجي التميز والاختلاف وكل ده
بتفق معاكي في حكاية التخطيط الجيد لكن فعلاً أنا من زمان بفكر في الحاجات دي وكان نفسي بس يتاح لي التطبيق مش أكتر علشان أقول اللي عندي لكن زي م كويس العمل في جماعة .. بتبقى وحشة إنهم مش شايفيين اللي انتي شايفاه .. لما الواحد بيكون متخيل حاجة كاملة ورجع للبداية علشان يعرف يختار النهاية بيكون هو أدرى واحد بالمراحل اللي بين البداية والنهاية
لكن علشان منتوهش كتير ... أما نشوف هيعمل إيه المرة الجاية إن شاء الله

فعلا نستنى و خلاص نشوف اخر الكلام ايه

احنا جربنا نكلمه كانوا بيقترحوا انهم عايزين يعملوا البحث على مكان معين فهو قالهم اصبروا انتوا لسه خدتوا المنهج علشان تطبقوه .. و انا بقى فرحت فيهم(مش عارفه ايه الشر اللى انا فيه دة ) و قلتلهم عشان تسمعوا كلامى و تبطلوا استعجال

و برضه مصرين يستعجلوا و يقولوا ان فى ناس بدات شغل و اصلا اللى بيقولوا انهم بداوا شغل دول ييجوا يقوللوانا احنا بنفكر ننفض للبحث

حاجة تجنن .. ربنا يستر

انا فعلا نفسي اننا فعلا نبقى دفعه جامدة و مفيش زيها .. بس ازاى

ربنا يستر
و ممكن المناقشه عن البحث هنا احسن بدل ما ساحة المذاكرة فاضية
[ندعوك للتسجيل في المنتدى أو التعريف بنفسك لمعاينة هذا الرابط]


اللى بعدى

تعمل ايه لو حاسس انك مفتقد حاجة فى نفسك .. كانت فيك و مش عارف تجيبها تانى ..كل ما تجيبها تجرى منك تانى

هاحاول على قد ما اقدر انى ارجعها تانى

وكل واحد جواه حاجات بتروح وحاجات بتيجى

بس الواحد يعمل اللى عليه ويحاول

نفسه؟

دي من مشكلاتي ... لأني حاسس دلوقتي إني بقيت رخم ... زمان كنت على نياتي وطيب وممكن أكون عبيط بس كنت متضايق من كدة ... من فترة بقيت سئ الظن مش في حاجات وحشة لكن بحس إن محدش ليه أمان ... يمكن لما حصل مشاكل مع أصحابي المقربين .. لكن دلوقتي الحمد لله بطلت الحكاية دي .. لكن برضه بحط كل الاحتمالات الحلوة والوحشة

غالباً هشوف أنا كنت بعمل الحاجة الكويسة دي ازاي ومعه مين أو كدة وأحاول نفتكرها سوا وأشجع نفسي إني لسة فيا الحاجة دي لكنها قلت ... مش راحت خالص

اللهم اهدنا لصراطك المستقيم

نفسه؟

هفضل وراها لحد ما جبها

تعمل ايه لو فى حد بيأذى نفسه وبيأذى الى حوليه وهوا مش واخد باله ؟

لازم انبه لان ده غلط ولو انا سكت يبقى بشاركه فى ده

الساكت عن الحق كال.............

نفسه؟

ممممممم
طب لو نبهته مثلا ومافيش فايده؟

اخللي حد تاني ينبهه

فكره برده

طب تعمل ايه لو فيه قدامك كذا حاجه مهمه عايز تعملها بس مافيش وقت لكل ده ؟

مفيش حاجة اسمها مفيش وقت انا بكره الكلمة ديه

كل حاجة ليه وقت ولو الواحد عايز يفضى هايفضى نفسه بس المشكلة فينا

نفسه؟

اللى بيضر نفسه و اللى حواليه دة لازم افضل انبهه ممكن يكون بيحاول و عايز تشجيع فافضل انبه عليه وو اخلى غيرى ينصحه برضه

و لو عندى حاجات كتير اوى ..ارتب اولوياااااااااااتى
ورقه و قلم و اقعد اكتبهم كدة ووو ارتبهم
و ابدا اقسم وقتى و اعمل الحاجات اللى ليها اولوية الاول و ان شاء الله اخلصها و ادخل فى اللى بعدها و احققه و اللى بعدها و احققه و هكذااا و هلاقى نفسي بحقق كل اللى عاوزاه ان شاء الله

مممممممم
طيب تعمل ايه لو عايز تحضر درس وندوة لمصطفي حسني
وتقعد مع ماماتك عشان زهقانه
وعندك محاضرة مهمه
وكلهم في نفس وقت
تختار ايه او تنظمها ازاي ؟؟

مصطفى حسني يعني هيتذاع الندوة بتاعته في أي وقت تاني .. أو أقدر أجيب الحلقة في أي وقت ومرة تانية أبقى أحضرله .. وماما زهقانة يعني أقعد معاها لكن المحاضرة مهمة يبقى أروح المحاضرة وأرجع علطول أقعد معاها ... يبقى أقل الخسائر أظن

طب تعمل إيه
لو حاسس بفراغ كبييييييييييييير أوي لكن في الحقيقة وراك مليون حاجة وحاسس إنك مش متشجع وعارف إن فيه حاجات هي اللي بتشجعك لكنها بعيدة المنال أو صعبة التحقيق حالياً ؟