هتعمل اية

موضوع صعب قوي بالذات لما تكون انت القائد
بس انا لو مكانك هشيله
عشان لو طوبه بايظه هتبوظ باقي الحيطه
بس لازم اتاكد انه اللي عمله قليل لاحسن اكون ظلمته والامر شوري
في اخر



تعمل ايه بقي لو محتار في حاجتين
تعتمد علي ناس مشتغلتش معاها قبل كده بس حاسس انهم قداها وشوفت حماس كبير قوي عندهم

وبين ناس اشتغلت معاها وعارف عيوب كل واحد ايه ومميزات كل واحد ايه بس مشكله الحماس مش متماثل في حاجتين

لو الناس اللى أنا عارفهم وعارف عيوبهم وأشتغلت معاهم قبل كده
قادرين على تحقيق الهدف بكفائة عالية أكيد او حتى متوسطة بس برده أكيد هاشتغل معاهم

لكن الناس التانيه اللى عندهم حماس جامد وحاسه انهم قدها ...بلاش تجربيهم خاصة لو حاجه مهمة ومصيرية .....ليه بقى ؟؟؟؟؟؟؟؟؟؟؟؟
لان ممكن حماسهم ده يكون وقتى وعند الجد الوضع يختلف ....
وممكن احساسك ده ما يكنش فى محله ....وبعدين بتقولى حاسه يعنى ممكن اه وممكن لأ
....................عصفور فى اليد خير من ألف على الشجرة...................



تعملى ايه حضرتك بقى لو فيه حد على طول بيعارضك فى أى حاجه تعمليها وانتى متأكده انك صح
ومهما ناقشتيه مش بيقتنع بوجهة نظرك

لو هرد عليك يا تيمو هقولك إنك طالما متأكد إنك اللي بتعمله ده صح يبقى ملكش دعوه باراء الناس من حولك وطالما الحد ده مش بيقتنع يبقى من الأفضل إنك توفر إقناعك ليه وتكمل في طريقك طالما شايفه صح
-------------------------------------------------------------------
ولو هرد على سؤالك يا زمزم هقولك قبل ما تركزي على حماس الناس دي (اللي هو عامل مهم برضه) شوفي شغلهم والحاجات اللي عملوها وعلى فكره الحماس لوحده مش بينجح لكن لازم يقوم على قدرات وإمكانيات كويسه عشان يتحول لتنفيذ

محدش رد علي سؤالي

وهو سؤال حضرتك كان ايه ؟؟؟؟

بلاش حضرتك


وسؤالي كان عن خيانة الامانة

اذا كان انسان غالي علي
اكيد راح ابكي دم بدل الدموع لاني وثقت بانسان مايستاهل و خلاص ماعد اوثق باحد مهما كان
اما اذا كان انسان عادي اتوقع منه اكثر


اللي بعدي نفسه

انا مش هأجاوب ، لأني اللي حاطط السؤال

فعايز اعرف باقي الآراء


وربنا يكرمك يا اناليزا

تعمل ايه لو فى حاجة معينة انت عايز الناس تشارك فيها و بعدين لقيت بعض اصحابك بيقولولك دى غلط
انت مش عارف هى غلط و لا لا

هى ممكن تبقى غلط فى حالات و حالات لأ

و مش عارف هل الحالة اللى هيبقى فيها صح تستاهل انك تحاول فيها عشان توصللها و لا لأ

عروستي


الكلام ده فوق مستوي القاعدة عندي ( علي راي عادل امام )


علشان كده مش فاهم حاجة


يا ريت تبسيط شوية يا ندي :hhhhhhhhhhhh:

أنا برضه مفهمتش أوي .. بس اللي حسيته إنه حيرة بين ناس بتقول غلط
و الرأي الشصخي مش متأكد صح ولا غلط

والله هو على حسب الحاجة لو مهمة ليا ممكن أجرب لو مش هيترتب عليها حاجة وحشة أو مضرة سواء ليا أو لغيري

لكن فيه نفع من وراها هعملها و كلي نية خير إني أعملها للإفادة واللي يحصل يحصل لأن إن شاء الله هتكون العواقب سليمة

لكن لو حاجةلا تخضع للضرر أو النفع و حاجة عادية بس هو مجرد وجهات نظر حد بيقول لأ الرأي ده صح و رأي تاني بيقول غلط

أستفتي قلبي و أتأكد أنا عايز أعمل إيه أكتر و أجرب .. لأن الحياة تجارب

ممكن استخارة بقى لو حاجة كبيرة أو مهمة

والله أعلم .. ده حسب م فهمت


نفسه ؟

ممممممممم انا فكرت و قلت ممكن ما دام هى ممكن تبقى صح فى حالات و حالات غلط ..انى اعملها بس احطلها ضوابط و قوانين عشان اتاكد ان هى تتنف> بالطريقة الصح

و ربنا يسهل


(معلش يا جماعة لو لقيتوا حرف الذال عندى معمول علامة اكبر من > اصل مكانه مختلف فى الكى بورد اللى قدامى و انا بتلخبط )

و ربنا يكرمكوا على ردودكم و يجازيكوا عنها كل خير




و اللى بعدى

تعمل ايه لو حاسس انك عايز تعمل حاجات كتير عشان توصل لهدف معين بس حاسس انك فى جزيرة منعزلة

هاعمل من افكارى قارب نجاح يوصلنى لشاطىء الاهداف

نفسه؟

إيه يا ابني ده ؟
و تقولي أنا اللي خيالي ؟ ده طلعت ( روبنسون كروزو ) ذات نفسه

المقولة حلوة .. لكنها مش واقعية .. لأن الواحد لما بيكون في مكان مينفعش يعمل فيه تواصل يبقى تعمل لما بعد الفترة دي ...

يعني زي م احنا مش كلنا أو معظمنا مش قادر يعمل حاجة كبيرة لفلسطين مثلاً يبقى ندور على فكرة نحاول نعملها لما نقدر .. مجرد التفكير هيوفر كتير بعدين

وتدوين الأفكار اللي بتيجي في دماغنا ده أهم بكتير

قياساً على كدة

نقول أنا كان نفسي أعمل حاجات تانية تتطلب القعاد في البيت أو في مكاني المعزول ده

لكن لما كنت حر و أقدر أخرج و الظروف بتخليني مش فاضي أعمل اللي هعمله يبقى لما أفضى بقى

فبالطريقة دي هنلاقي إن ممكن نعمل حاجات نستفيد بيها أكتر و احنا متقيدين بمكان معين

نتعلم لغة من على النت .. الحاجة اللي كانت عايزة قعاد كتير في البيت و ده لما كان اختياري مكناش بنعمله .. لكن لما يبقى إجباري ممكن يكون خيار كويس بدلاً من السكوت والفراغ

نحاول نحفظ قرآن ونسمعه بصوت حد بنحبه و نتعلم تفسيره لو مش عارفين يبقى برضه من على النت

حاجات كتير .. ممكن تيجي في بالنا

أظنها ممكن تهون علينا وتشعل وقتنا

أنا الفترة دي من حياتي بكتب كل اللي بيجي في ذهني أياً كان .. و مش فاكر حتى معظم الحاجات بحطها فين لأني في حاجات مش بلحق أصنفها .. لكني عارف إن هيجي وقت عليا و ميكونش عندي أي إنتاج هضطر أجيب من مخزون الأفكار والتدوينات القديمة .. وبكدة يبقى مضيتعش وقت زمان ولا دلوقتي

بالطبع ده اللي هيحصل معايا في الجيش لو إن شاء الله أو لا قدر الله دخلت
يبقى هحاول أحغظ القرآن هناك .. و أكتب اللي يجي في بالي برضه

معلش لو طولت لكن حاجة أخيرة برضه

عبد الرحمن الأبنودي لما كان في السجن و السجن بتاعهم كان معتقل سياسي يعني حتة كورنر صغير كة مش بيدخل غير النور .. كان بيستغل ده إنه يكتب .. مش مهم يكتب إيه بس بيكتب
ومن هناك طلعت أفضل إبداعاته

ده اللي بنفذه أحياناً .. لكن طبعاً لا أدعي إني شاطر في كدة

نفسه ؟

اكتر اتنين بحب انهم يختلفوا فى الاراء

بروف وحنظله لانهم ساعاتها بيطلعوا مواهب ما شاء الله عليهم بجد


وبما انى مش فاهمه منك اى حاجه يا ندى

ففكرى كويس وشوفى الحاجه اللى هتعمليها دى صح ولا لأ وانتى الطريقه اللى هتعمليها بيها

برضه صح وترضى ربنا ؟؟ لو كانت صح خلاص توكلى على طول واعمليها

وان شاء الله خير


تعمل ايه لو نفسك تشوف اصاحبك قووووووووووووووى ومش قادر؟؟؟

اتصل بيهم واقولهم وحشتوني اوي ومش قادر اشوفكم


تقدروا انتم تشوفوني؟

هاحاول اكلمهم وننزل نتقابل ونخرج ونتبسط

مفيش حاجة صعبة

احنا بس اللى بنحب الاعذار والحجج

نفسه؟

تشوفهم حتي لو هتسافر للصين
وكمان مش فيه كورسات جايه فان شاء الله مفيش حجج يعني



وسؤالي تعمل ايه لما تلاقي انك عايز تفجر كل غلط حواليك بس مش قادر

آه والله سؤال حلو أوي

أنا بحس بيه كتييييييييييير أوي

بس ممكن الحل إني أعمل الصح و أغيظ الناس الغلط بيه بدل م أتغاظ أنا !

نفسه؟

والكاظمين الغيظ





بس برضه كل حاجة بالوقت بتتحل


اللي بعدي

نفسه؟

انا ادور على البيئة اللى هاغير فيها الاول (محدش يفهم غلط )

انا اقصد لو تغير جذرى فى الحكومة يبقى انسو

لو فى حياتك انت قادر على كده ان شاء الله

لو فى النماس اللى حواليك يبقى محتاجه وقت وجهد

وفى كل الحالات انت هتحتاج الايمان بالله والصبر

نفسه؟