ادارة 2009

سلام عليكم و رحمة الله و بركاته

الموضوع دة بالذات للى فى قسم ادارة و طبعا قسم محاسبة ينوورونا

عايزين نتناقش هنا نشوف هنعمل ايه فى القسم بتاعنا و اى مناقشات لينا عن اى انشطة هنعملها تكون هنا باذن الله

عشان نكون فريق كوميرساوى و ادارى جامد باذن الله و تكون ادارة 2009 و تجارة 2009 كلها باذن الله اجمد دفعه ذى ما كنا بنحلم انها تكون من زمان

سلاااااااام علييييكم ورحمة الله و بركاته

و اول حاجة ممكن نتكلم فيها سوا كبدايه .. ايه انطباعاتكوا عن القسم و ناويين تعملوا ايه فيه ؟؟؟

السلام عليكم ورحمة الله وبركته
بجد موضوع جميل ياندى تسلم ايدك
اما عن انطباعى عن القسم فانا سعيدة انى دخلت ادارة وكمان لى اصحاب كتير دخلوا معى
ان شاء الله تكون سنة سعيدة علينا كلنا
وتقبلى مرورى

طيب فيه مشاركة ليكي يا ندي كانت استفزتني


قالت ان ادارة طلعت عايزة مخ والكلام ده


لو فاكرة يعني المشاركة دي


يا ريت توضيح

يمكن ادارة تزيد واحد

ولو انها مش فارقة كتير

موضوع كويس

وربنا معاكو

سواء ادارة ولا محاسبة

احنا بنحفظ مش بنفهم

وده نظام التعليم فى مصر

اهلا يا شادية نورتى موضوعك يا جميل

اما هشام فبجد يا ريت تجرب بس تحضر فى ادارة و بعدين قرر حسب ما تحب

بالذات لو حضرت معانا تخطيط و رقابه او حضرت بحوث عمليات

هى فعلا ( ود ة كمان رد على مصطفى ) انا حاسه و يمكن اغلب اللى معايا حسينا ان الموضوع مش حفظ ابدااااااا

لا دة تفكير و تشغيل دماغ على طول

يعني بجد مادة بحوث العمليات دى حتى الان مبناخدش الا فوازير تقريبا و كل شويه يشغللنا مخنا و بجد جابلنا تحدى اننا نذاكر و نحاول نحل

يعنى انا كنت فى محاضرته اللى بدا يشرح لينا فيها فى الاول اتخضيت ووو قلت شكلى هفكر ارجع و ادخل محاسبة .. القسم دة شكله صعب عليا و انا دماغى على قدى

بس مفيش عشر دقايق و لقيت الاحباط دة الحمد لله اتحول لان عارفين لما حاجة تستفزكوا و تقولوا لا بقى انا هقدر عليها

و اعدت احاول احل طول المحاضرة و لما خلصت ادالنا فزورة كدة واجب

فضلت احاول و اجرب و كل مرة يطلعلى نتيجة مختلفة و فى نفس الوقت حاسه ان كلها نتايج مش منطقيه

بس لما الحمد لله وصلت لحلها بجد بقيت مبسوطة جداااا

عارفين لما تحسوا ان دماغكوا كانت نايمه سنين و بعدين بتفوق وو تصحى واحدة واحدة .. بجد دة اللى انا حسيت بيه

و القسم بجد لذيذ ..مش بقولكوا ادخلوةه بس جربوا حتى تحضروا بس هتحسوا باستفادة بجد باذن الله


و طبعا بالنسبه لان كان سؤالى فى الموضوع ايه هو انطباعكوا عن قسم اارة فانا انطباعى بياين اكيد من كلامى و هو انى بجد مبهوورة بيه و سعيدة جداا و فخورة انى دخلته الحمد لله

و دة طبعا لا يمنع احترامى الشديد لقسم محاسبه عشان اتفهمت غلط قبل كدة

انا بحب المحاسبه جداا و عارفه اهميتها و منغير المحاسبه الدنيا تتلخبط و مفيش شركة هتعرف تمشى صح و حتىالمديرين ميقدروش يستغنوا عن تقارير المحاسبين

فانا فى رايي ان القسمين او ال3 اقسام كمان مهمين بس لو كل وواحد حب مجاله اووى و ابدع فيه و اشتغل فيه بضمير اكيد هيكون ليه دور كبير باذن الله


ربنا يكرمكوا و يوفقنا كلنا لكل خير

سلاااام عليييكم و رحمة الله و بركاته

بلاش حكاية ايه الاحسن .. عشان متحصلش فتنة طائفية

و كل الاقسام حلوة باذن الله و احلى حاجة اننا نستفيد من خبرات بعض عشان نبقى استفدنا من مزايا التخصص

صح كده زى ما قالت ندى

المحاسبة احسن طبعا من الادارة

هههههههههههههههههههه

عموما ربنا يوفق الجميع

وان شاء الله كلنا نشتغل لان ده هدفنا بعد الكلية ان شاء الله

للاسف انا ما حضرتش ولا محاضرة السنة دي حتي الان


فان شاء الله هحاول احضر هنا وهناك واشوف



ادعولي

ربنا يكرمك و يوفقك و يوفقنا كلنا و نشتغل باذن الله حاجات تفيدنا و تفيد بلدنا

و يتشرف قسم ادارة بدعوتكم لحضور محاضرات يوم الاتنين و التلات معانا .. هتتبسطوا ان شاء الله ..

سلااااام عليكم و رحمة الله و بركاته

انا عندى سؤال مهم جدا جدا جدا

ياترى فى دكاترة عندنا بيقعدوا يسألوا الطلبة فى وسط المحاضرة ؟؟

السيف المسحور كتب:

انا عندى سؤال مهم جدا جدا جدا

ياترى فى دكاترة عندنا بيقعدوا يسألوا الطلبة فى وسط المحاضرة ؟؟

ده بيحصل عندنا فى اداره

انا بجد لو مكنتش دخلت اداره كنت هندم اوى
ودفعه اداره السنه دى ان شاء الله هتبقى دفعه جامده جدا جدا جدا انا متفائل خير

و انا كمان متفائلة جدااااااا و الحمد لله بجد انى دخلت ادارة


و بالنسبه لحكاية الاسئل من لدكاترة هو مش بيجبر واحد يقوم يرد لكن بيسال و اللى يحب يجاوب يجاوب
بس على فكرة شعور جميل انك تحاول تجاوب

مشكلتى انى لسه موصلتش لاكتر من انى اجاوب و انا فى البنش الاول .. ربنا يسهل و اتشجع اكتر .. انا حاسه انى بقيت واحدة تانيه و شخصيتى بقت ايجابيه اكتر الحمد لله بعد ما دخلت ادارة و كمان و يمكن دى برضه اكتر بعد ما سمعت قصص القران

الحمد لله كما ينبغي لجلال وجهه و عظيم سلطانه

و الله انا لسه قايلاها لمها النهاردة .. قسم ادارة اول ما تدخليه تقلقى عشان مش مجموعتنا بقى و اسلوب جديد عموما فى تعامل الدكاترة فبيخض شوية بس بعد كدة بجد قسم يتحب جدااا و الانسان بيبقى فخور و هو فيه

انا نفسي امشى معايا يافطة اقول فيها انا فى ادارة اعمال

الحمد لله

و كمان الناس فى القسم انا اول ما شفتهم قلت مش هكلم حد الا من ج و مليش دعوة بيهم انا معرفهمش
اكتشفت ان فى ناس لذيذه جدا و تفكيرها حلواوى و ايجابي و كويسين جداا جداا لدرجة انى بقيت حاسه انى فى مدرج اعرف الناس اللى فيه من كذا سنة
و لدرجة ان صاحبتى متضايقه مني انى مش ببقى معاها كتير .. و اقولها معلش و الله اصلى اعرف ناس كتير اعمل ايه

و كفايه كدة ترويج للقسم بقى

و ربنا يوفقنا كلنا فى كل اقسامنا

سلاااااااااام علييكم و رحمة الله و بركاته

انا على فكرة اشتركت في المنتدى بتاع الدفعة اللي فاتت

والمنتدى طلع جميل جدا

وربنا يوفقكوا في القسم وتشرفونا كدة

ربنا يكرمك و ان شاء الله انت بقى تمسك الرايه فى 2010

بس انا معرفش منتدى ايه بتاع الدفعه اللى فاتت .. اان شفتلهم موقع مفهوش حاجة ادوهولنا لكن مكانش فيه منتدى حتى .. ممكن تحطلنا اللنك ؟؟

ربنا يكرمك

هو ده اللينك بتاعهم [ندعوك للتسجيل في المنتدى أو التعريف بنفسك لمعاينة هذا الرابط]


انا كتبت ادارة 2008 في جوجل عشان اعرفهم اكتر

طلع معايا اللنك ده

ده منتدى حالته صعبه جدا

تحسو عامل زى البيت المهجور

وشكله وحش وغريب كده

معلش بتوع ادارة بقى هانعمل ايه

ربنا يكرمكم يا رب

اقتباس :

ربنا يكرمك

هو ده اللينك بتاعهم [ندعوك للتسجيل في المنتدى أو التعريف بنفسك لمعاينة هذا الرابط]


انا كتبت ادارة 2008 في جوجل عشان اعرفهم اكتر

طلع معايا اللنك

ميرسى ربنا يكرمك

اقتباس :

معلش بتوع ادارة بقى هانعمل ايه

لو سمحت مبحبش حد يتكلم عن ادارة بطريقة وحشة و محدش اساء للمحاسبة هنا عشان تتكلم كدة

عموما الحمد لله احنا فى منتهى الثقة ان قسمنا ممتاز و بيخلى اللى يدخل فيه باذن الله مبدع و مفكر

اقتباس :

ربنا يكرمكم يا رب

ربنا يكرمك

سلاااااااام عليكم و رحمة الله و وبركاته

ندي وترافيلر


انا بحذركم


انتم عمالين تستفزوني


وفيه متغيرات في حياتي شكلها بتسوقني الي اني اغير فكري واتجه لادارة



بس تمهيدا لده


يا ريت اعرف منكم كلكم


ايه هو قسم ادارة

من الالف للياء

وتصوركم عن اللي لسه ما تعرفوهوش

وكل حاجة واي حاجة في نفسكم

احمدك يا رب

بص بقى اولا يا ريت يا ريت لو تحاول تحضر معانا بكرة ان شاء الله

قسم ادارة بقى لو اتكلمنا عنه اجمالى فهو قسم اكتر من رائع عايزك تكون مشغل دماغك ووبتفكر و من النوع اللى بيحب التفكير فى المستقبل و ازاى نحسنه ..
المحاضرات اغلبها حوار بين الدكتور و الطلبة و تحس ان فيه حرية راي .. الناس اللى فى القسم بجد من ردودهم على الدكاترة تحس انهم عقليات جامدة و طموحه مش اى كلام

لو هنمسك مادة مادة

عندكبحوث العمليات و دكتور حسين عطا

الدكتور دة مقتنع ان المادة دى متنفعش غير فى الدراسات العليا لانها محتاجة خلفية رياضيه قوية جدااا فهو قالهالنا باختصار كدة .. بحوث عمليات (طظ ) فيها .. انا عايز انضفلكوا دماغكوا

و امتحانه مش بيبقى للمادة و انما على الحاجات اللى بينضفلنا بيها دماغنا دى و بيحط بس كام سؤال عادى كدة عشان الناس متسقطش

و لغايت دلوقتى خدنا يعتبر محاضرتين بجد اكتر من تحفه .. الاولى كلها فوازير بس محتاجة تفكير جامد (هتلاقيهم فى الساحة بتاعت بحوث عمليات انا حطاهم ) و التانيه معادلات اداهالنا بس مش بتعتمد اننا نحل المعادلات
انما اعتماده انه يخلينا نفكر و نبصلها بمجرد النظر نعرف نجيب الحل او نرف ان دى مش منطقيه و ملهاش حل

فهو هدفه ينضفلنا دماغنا

و هو كبير اوى فى السن بس ما شاء الله جااااامد
و هو شديد شوية فى تعامله معانا بس بيتاسف فى الاخر لو زعق فى حد
هو معتبرنا احفاده يعنى


تخطيط و رقابة ..و دكتور اشرف عبد الرحمن

دكتور اولا دمه خفيف جدااا و قريب اوى من الطلبه و مصاحبهم و كذا مرة يقعد فى البنش جنب الطلبة و حد من الطلبة يقوم يتكلم فهو متواضع اوى معانا و صغير فى السن

المادة بتاعته فى منتهى الجمال .. مع اننا مخدناش فيها الا محاضرة واحدة شرح للمادة بس بجد اصلا المادة جميلة جدااا شكلها كدة و كل الناس الى قبلنا كمان بيشكروا فيها و فى الدكتور
و اللى استنتجته انها بتتكلم ازاى نخطط صح و نحط اهادف بس مننساش الماضى و مننساش التنفيذ و نقيم نفسنا و نراقب و حاجات متهيالى هتعجبك اوى
و اكتر جمله عجبتنى الدكتور بيقولها تقريبا كل مرة
التخطيط بدون تنفيذ عار
و التنفيذ بدون تخطيط دمار

و نص المحاضرة كان تقريبا الطلبة اللى بيتكلموا مش الدكتور فكانت تحس انك فى مناقشه مش محاضرة و هو بنفسه قال كدة

بعد كدة عندك ادارة البنوك و دكتورة ابتهاج

لسه معرفتهاش كويس لاننا خدنامحاضرة واحدة

بس واضح انها دكتورة برضه قريبه من الطلبة و هى مش صغيرة بس روشة و اللى حسيته انها بتحب الطالب اللى يفهم اسلوب تفكيرها و يكون مطلع على الاحداث الخارجيه و طلبت مننا نعمل بحث عن الازمة المالية اللى فى امريكا و اثرها على العالم كله

المحاسبة الاداريه ..د خالد حجازى

المادة بجد طلعت غير تصورى و دكتور شكله متطور عن دكاترة محاسبه اللى واخدين عليهم و كان كلامه جاامد المرة اللى فاتت

بس برضه لسه مقدرش اقول تصور عن الموضوع لاننا لسه متعمقناش

الاقتصاديات ..جزء الادارة ..د ايمن

دكتور شرحه تحفففففففه و ماشى معانا واحدة واحدة (و بيدينا محاضرة اضافيه ) بس بجد تخرج فاهم يعنى فاهم .. المادة لذيذة بتتكلم عن دراسات الجدوى و احلى حاجة مشوقانى للمادة انه اضاف فصل جديد عن دراسات جدوى المشروعات الصغيرة لانه هيعلمنا ازاى نعملها عشان نقدر نعمل مشاريع ناجحه باذن الله


جزء المحاسبة ..د هاله

شرحها جمييل اوى و بسيط و المادة هى عبارة عن الجزء المحاسبى فى دراسات الجدوى .. بس شكله سهل اوى ان شاء الله و بسيط و هى شرحهها حلو و برضه بتسمع اى اسئله و تتناقش و كل دكاترتنا تقريبا احل ى حاجة فيهم انك ممكن تقضى المحاضرة مناقشات

فبتكسر الملل اللى فى المحاضرات و تخليك تتفاعل و تتحمس و تبقى عايز تشتغل

و جرب تيجي ..مش هتخسر حاجة

و اسيب بقى المايك لبقيت الاداريين يتكلموا عن القسم

اولا

بلاش طريقة الكلام الناشفة ديه علشان مش بتعجبنى وانا بضايق منها

وانا مش بتكلم فى حد من ادارة وانا قولت الكلمة عفويه جدا ومش قصدى بيها حاجة

ياريت كل واحد يحاسب على رده كويس

وانت يا عم هشام

انت بيديك عباقرة المحاسبة فى المجموعة بتاعتنا

ناس كتير جدا ممتازة

وكمان قسم ادارة بيعتمد على الحفظ وده اللى هما هايشوفوه بعد كده

و الامتحانات هاتبين كده

ولو فيه جدا تفكير يعتبر بسيط لايضاهى الجزء العملى اللى موجود عندنا

فى حاجات كتير مستوى ذكاء المسائل والمواد العملية

وتشغيل المخ

بس للاسف انت مش بتحضر علشان كده مش عارف لسه حاجة ومذبذب

والمحاسبة هى من اقوى نظم التجارة انتشارا واعتمادا عليها

خش هنا واتفرج [ندعوك للتسجيل في المنتدى أو التعريف بنفسك لمعاينة هذا الرابط]

المشكلة انك يا ندي كلامك كله حلو عن الادارة


بس بدأتي الكلام بأوحش دكتور ( طبعا مش قصدي كشخصية )

انا اقصد اوحش من ناحية انه عايز رياضة


وانا مش بطيقها طبعا زي ما انتي عارفة


فده السبب الرئيسي اللي هيخليني اغير رأيي تاني


يللا ادينا هنشوف ان شاء الله

ههههههههه
ندى جبتلك المفيد
انا عن نفسى كنت كاتب محاسبه وجيت على اول السنه عملت صلاه استخاره وحولت اداره ولما دخلت القسم عرفت بجد ان قرارى كان صح وفى محله
اختار الحاجه الى انت حببها بصرف النظر عن اى حاجه تانيه وحاول متتأثرش بالتوجه العام للناس الى حوليك او اى اعتبارات ماديه لان فى الاخر ده رزق (وفى السماء رزقكم وما توعدون) يعنى لا قى ايدى ولا فى ايدك ولا فى ايد اى حد ده فى السماء

المهم انك تختار الحاجه الى انت حببها وتسعى فيها اوى وتجتهد ولا يضيع الله اجر من احسن عملا

بالنسبة لكلام مصطفى .. انا مش معترضه على اهمية المحاسبة .. بس مش عارفه بصراحة انت جبت الكلام اللى على قسمنا دة منين لان كل خريجين رابعه ادارة بيقولوا شعررررر فى القسم و دة اللى احنا حاسينه

هو القسم مش سهل بس لذيذ و ممتع

و عموما كل واحد مرتاح فى قسمه و الحمد لله و ربنا يوفقنا كلنااااااا

و مصر محتاجة كل التخصصات .. لو كله راح محاسبة غلط و لو كله راح ادارة غلط


بالنسبة لهشام .. انا صح متحمسه للقسم لكن مش بنصحك انك لازم تدخله

بص ادارة عايزة شغل جامد جدا ..دة رايي .. و قسم بجد مختلف عن سنين الكلية اللى فاتت

فانا كان رايي تجرب ..ممكن يعجبك و ممكن لا .. و ربنا يوفقك لاحسن حاجة .. انا بس حسيت انها ممكن تفيد شخصيه ذى شخصيتك بتحب المشاريع و الشغل الخاص
غير محاسبة اعتقد ملهاش لازمة بالنسبه لك

فدى كانت بس وجهة نظرى لكن بكررها هى قم صعب مش سهل .. بس لذيذ جدا الحمدلله


و النهاردة كان يوم مهم فى ادارة 2009

لان بدا يبتدى شغلها و دكتور عادل حضر معانا و بداوا الطلبه يعرضوا عليه افكارهم و بداوا تكوين الفرق اللى هتشتغل
كان يووم مفيد الحمد لله

بس مشكلته انه فكرنى بايام سنه تانيه

و بجد انا كنت مبسوطة اوى و لو اى حد فيوا كان موجود كان هيتبسط اوى اوى من كلام دكتور عادل على مجموعتنا و انه متابع لينا و مشترك معانا على الجروب و بيتابع اخبارنا باستمرار

بجد الحمد لله انا كنت مبسوطة اوى من كلام عميد كليتنا علينا كدة ..بجد كنت فخورة ..مع ان يمكن يكون محدش فهم هو بيتكلم عن ايه لما اتكلم على انه مشترك معانا فى الجروب بس انا كنت مبسوطة اوى من فخر الدكتور الجميل دة بينا

يا رب نكون عند حسن ظنه

و نكمل مسيرتنا يا كوميرساويين ..سواء ادارة او محاسبة ..كلنا فى الاخر كوميرساويين و اخوااااااات (انا لما بروح مدرج رابعه د بقول لصاحبتى رايحه اعمل صلة رحم ..لانى بجد بحس ان المدرج دة اهلى و عيلتى ..)

و انتوا كمان بقى ابقووا .. تعالوا زورونا .. ممكن تستفيدوا من اللى بناخده حتى كعلم بس مش للشهادة و الامتحان

سلاااااااااام عليكم و رحمة الله و بركاته