تعبت ادارة ولا محاسبة

ربنا معااكى يا قمر

و تدخلى احلى حاجة ليكي

بس هو هقولك حاجة و الله يا نونا ..سنة تالته بتفرق مع ناس كتييير


انتى هتاخدى مواد متخصصه اكتر فى المحاسبة و الادارة هتتعرفى منهم اكتر ايه اللى يناسبك


و قبل كل شىء و بعد سنة تالته لانك بتختارى فى اخرها فى الامتحانات هتلاقيكي مرتاحة لحاجة اكتر و تعملى استخارة و تتوكلى على الله و تدخليه

---------------------

دة اولا

ثانيا ...اكلمك بقى عن قسم ادارة و يناسب ايه


بصى يا ستى ىقسم ادارة :


تحسي انك داخله حاجة جديدة غير تجارة

مدرج صغير و الدكاترة بتتفاعل و تتناقش و تتكلم معاكم

تحسي ان الدفعه كلهم اصحاب و كلهم عارفين بعض و دة غالبا ما يؤدى زى فى دفعتنا و الدفعات اللى فاتت الى تعاون كبيييير ما بينهم و انجازات كتيير

بيتطلب منكم ابحاث كتير و حاجات عملية كتير

الدكاترة بيشرحوا بامثلة عملية وواقعيه و يطبقوا على حاجات موجودة فى الواقع

بتحسي انك بتتعلمى حاجات بجدددددددددد كويسة و مفيدة اوى

ما عرفش حد دخل اادارة و ندم ..مهما جاب ايه فى الامتحانات اللا و بتلاقيه سعيد بقراره للدخول فى ادارة


بتعملوا حفله فى اخر السنه للتخرج ( الصور اللى عندك دى كلها ادارة )











هو بصى بتبقوا دفعه حلووة اوى و قريبه من بعض اوى و متصاحبين على الدكاترة و قريبين منهم و بتستفيدوا من خبراتهم و تتعلموا حاجات كتيييير


كلنا اتمنينا كنا نبقى فى اداارة من سنه اولى نتعامل بنفس اللى بننتعامل بيه فى ادارة










بس بصى يا نونا


ادارة عايزة شغل

يعني متعببه شوية بس تعب لذيذ

يعني محتاجة مجهود شوية
فى مواد لو محضرتيهاش تبقى صعب اوى تفهميها ان لم يكن مستحيل
و حاجات عايزة تركيز عالى ...بس بتحسى انك لذيذة و مستمتعه بيها لانك حاسة انك بتستفيدي بجد

و ابحاث هتعمليها

فى مواد مالهاش كتب يعني لازم حضور و الابحاث تتعمل

----

ناس كتير كمان دخلت ادارة جابت تقدير اكتر من اللى كانت بتجيبه قبل كدة فالتقدير سهل فيها ان شاء الله


بصى هى مش صعبه ..بس قصدى محتاجة جهد شوية زيادة



بصى انا مش عارفة اقول ايه بالظبط

بس بجد كانت من احلى سنين حياتى




اه معلش نسيت النظرى و العملى


الترم الاول اغلبه عملى اكتر من النظرى بكتييير فى الدرجات و فى مواد عملى بالكامل

الترم التانى نظرى بس لذيذ اوى ..هو عملى بمعنى كلمه عملى (يعني تطبيق عملى للحياه ) لكن مفهوش ارقام و كدة

بس مواد خفيفة و لذيذة جداااااااااا جدااااااااا



دة كان ملخص


و تحت امرك يا قمر فى اى استفسارات

طبعا يا أستاذه نونا لازم نشارك عشان نقدر نحقق ليكي اكبر قدر من الإستفاده وأكبر حجم من المعلومات اللي تقدري بناء عليه تتخذي قرارك
أولا انا هعرض ليكي نظام الدراسة في محاسبه والمواد وكده عشان تبقي على دراية :
الترم الأول:

المحاسبه الاداريه مش فاكر غير إنها كانت ماده طويلة شوية عشان كان بيدينا نصها دكتور محمد عبد العظيم وده مش متعود يسيب أجزاء ميشرحهاش بس هي ماده لذيذه

اقتصاديات المشروع ( تعملي مشروع ولا لأ يبقى لازم تعرفي هيكسب لما تعمليه ولا لأ وده ملخص للماده كلها )

النظم المحاسبيه ( نظام يعني مدخلات وعمليات ومخرجات مع شوية تفاصيل )

دراسات في المراجعه ( المراجعه على دفاتر الشركات ودي اللي كان مخليها حلوه هو الدكتور اللي كان بيدهالنا )

المحاسبه الضريبيه (ازاي إنتي كشركة تعملي إقرار ضريبي عشان تحددي الوعاء الضريبي اللي هتدفعيه )

الترم التاني:
محاسبه المنشأت المتخصصه(ودي ماده لذيذ وجامده وهتفيدك كمحتوى لأنها بتوضح النظام المحاسبي بتاع البنوك بس مدى استفادتك منها بيتوقف على الدكتور اللي بيدهالك)

بحوث العمليات في المحاسبه ( ودي ماده لذيذه لو انتي بتحبي الرياضه لأنها فيها شبه في جزء كبير منها بالإحصاء وفيها سمبلكس وكده)

نظم محاسبه التكاليف ( زي مادة التكاليف اللي خدتيها في سنه اولى بس المره دي بتوسع وتفاصيل اكتر وموضوعات جديدة )

السياسات الاداريه ( مداه لذيذه خدنا فيها الكتاب بتاع دكتور محمد المحمدي وفيها بتعرفي يعني ايه إدارة استراتيجيه وتحديد رؤية ورسالة للمنظمة ومراحل الصياغه والرقابه وخلافه)

نظم المعلومات المحاسبيه (ودي نفس الماده اللي في الترم الاول بس هتاخديها بالإنجليزي)

==========================================

اما بالنسبة لنظام الدراسة فممكن تجيبي كلام ندى بتاع الأبحاث والأعداد والمدرج وتعكسيه يعني من الاخر هيستمر الوضع اللي انتي شفتيه في التلات سنين كما هو بس في الغالب العدد هيقل شوية

وممكن دكتور يطلب منكوا بحث ويبقى عمله إختياري ليكوا او ممكن يطلبه عشان الإمتحان بس الكلام ده بيبقى إحتمالاته قليلة

============================================

اما بالنسبة للشغل فإنتي لما تتخرجي من محاسبة هيبقى قدامك مجالااااااااااااات كتير جدا تشتغلي فيها كمحاسب في اي مؤسسه او شركه او هيئه حكومية مثلا
وممكن تشتغلي في مكتب محاسبه بعد لما تتدربي فيه لفتره او تفتحي مكتب خاص بيكي
او مكتب للمراجعه
لو لو حابه مجال البنوك مفتوح قدامك ويفضل إنك تكوني خدتي تدريب في بنك قبل كده خلال الصيف
وفي حاجات كتير تانية

انا حاولت أعرض المواد والأمور بحيادية عشان مأثرش على قرارك
وربنا يوفقك وتخشي قسم مناسب ليكي وتتفوقي فيه

على فكرة انتى كدة واخدة راي اكبر مشجع للمحاسبة و اكتر مشجعه للادارة


و على فكرة فى كذا مادة مشتركين \\
المحاسبة الادارية
الاقتصاديات (دى اللى هى دراسة الجدوى ) ليها كذا اسم
بحوث العمليات (كنت اسمع انها بتختلف بس من كلام محمد باين عليها واحدة ..لكن فى ادارة هيديكى دكتور حسين ..دة ماركة مسجله )
السياسات
السيستم


يعني 5 مواد متكررين

و 5 مختلفين


بصى يا ستى

لو كنتى بتحبى المحاسبة السنين اللى فاتت و شاطرة فيها و نفسك تشتغلى كمحاسبه لما تتخرجى ان شاء الله

ادخلى محاسبة

لو كنتى بتحبى التسويق ..و لما هتاخدى السنه دى التمويل و الاتش ار ... ادخلى ادارة
(ادارة اغلب اللى بتدرسيه تسويق و تمويل بس بتوسع )

بجد اهمممممم حاجة يا نانو
شوفى بتحبى ايه و ادخليه

لو دخلتى حاجة بتحبيها بجد هتتميزي فيها و تتبسطي فيها


متشغليش بالك باى حاجة

و لا درجات و لا دكاترة و لا امتحانات و لا فرص شغل

كل دة بيتغير و كله رزق من عند ربنا

المهم شوفى انتى ايه اللى بتحبيه فى المواد اللى درستيها و اللى هتدرسيها السنه دى و حددى و قررى



انا على فكرة دخلت ادارة و انا درجاتى فى المحاسبة احلى مليون مرة ..و كنت متوقعه انى داخلاها منغير اصحاب معايا و كنت مبكرهش المحاسبة

بس لانى بحبها ..صممت بعد ما استخرت ربنا طبعا انى ادخلها
و دخلتها و الحمد لله
بجد كانت من احلى سنين حياتى ..وة اصحابى اغلبهم لقيتهم جم على ادارة ..و اتصصاحبت كمان على ناس جداد فى منتهى الجمال و اتعلمت فيها كتيير اوى و استفدت كتيير




و برضه اكيد اللى دخل محاسبة حاببها اكيد استفاد و اتعلم و ربنا وفقه و كرمه



متشغليش بالك يا جميل ..و السنه دى هتفرق كتيييير معاكى فى اختيارك ان شاء الله

و متنسيش الاستخارة قبل ما تكتبيها

و ما تقلقيششش و ان شاء الله ربنا هيكرمك و يفرحك يا قمر

ندى كتب:

على فكرة انتى كدة واخدة راي اكبر مشجع للمحاسبة و اكتر مشجعه للادارة

شفتي بقى يا نونا
عشان متقوليش حرمينك من حاجه


و على فكرة فى كذا مادة مشتركين \\
المحاسبة الادارية
الاقتصاديات (دى اللى هى دراسة الجدوى ) ليها كذا اسم
بحوث العمليات (كنت اسمع انها بتختلف بس من كلام محمد باين عليها واحدة ..لكن فى ادارة هيديكى دكتور حسين ..دة ماركة مسجله )
السياسات
السيستم


يعني 5 مواد متكررين

و 5 مختلفين

اها
انا نسيت فعلا موضوع المواد المشتركه ده
ونسيت كمان أقولك على المواد العملي والنظري
ثواني وهكتبلك مشاركه فيها تفاصيل العملي والنظري لمواد الترم الاول والتاني إن شاء الله

الترم الأول ::

المحاسبه الاداريه : عملي خدناها على جزئين

اقتصاديات المشروع : نظري وعملي بس النظري بيخدم العملي

النظم المحاسبيه : نظري وفيها خرائط تدفق كام خريطه كده وبس لكن هي ماده نظريه

دراسات في المراجعه : نظري وممكن تاخدي فيها حالات عمليه للمراجعه على دفاتر شركات وممكن متخديش حسب الدكتور اللي بيديكي

المحاسبه الضريبيه : عملي

الترم التاني ::

محاسبه المنشأت المتخصصه :عملي

بحوث العمليات في المحاسبه : عملي

نظم محاسبه التكاليف :عملي
السياسات الاداريه : نظري وفيها كام فصل عملي بس لكن معظمها نظري

نظم المعلومات المحاسبيه : زي اللي فوق بس بالإنجليزي يعني مادة نظرية وفيها كام خريطة تفق كده بالإنلجيزي

وطبعا الكاتره بيختلفوا من دكتور لدكتور ممكن دكتور مشرحش لينا النظري بتاع ماده لكن دكتور تاني يشرحه وهكذا
وربنا يوفقك
ولو في اي استفسار عن الجزء المحاسبي قولي وإن شاء الله أقدر أفيدك

ادارة شغل والتزام ودراسة حقيقية ( علي حد قول زملاءنا بتوع ادارة )


محاسبة دلع وتقضية وقت وتكملة لسلسلة التعليم التعبانة اللي مرينا عليها



ده رايي بايجاز

الكلمة اللي اقولها


النجاح فيها سهل جدااااااااااااااااا


انا ما قريتش كلام محمد الصراحة علشان راجع تعبان جدا من العسكرية

فى راي برضه لدكتور خيري الجزيرى شبه راي هشام

كان بيقول جايب جيد او اكتر ..ادخل ادارة
جايب اقل من جيد خليك فى المحاسبة

هو دكتور ادارة

بس وجهة نظره انا بقولهالك دلوقتى مش معناه محاسبة قسم للى مش شاطرين ..بالعكس دة غالبا الاول على الدفعه ككل بتلاقيه من محاسبة

و هو دة بيرجع لانها غالبا اسهل

يعني بصى انا حتى خريجة ادارة الحمد لله ..بس اعلى درجات غالبا عندى محاسبة

حتى الترم الاول كانت اعلى درجة عندى المحاسبة



هى المحاسبة عموما درجاتها احلى و دكاترتها تصحيحهم اكرم شوية
غير ادارة عشان برضه الموضوع فيه اراء و طرق و اساليب تفكير فبيخلى الدرجات مش دايما كويسة

بس بتبقى زيك زي بقيت دفعتك

-------------------------------------

بس دة بالنسبة للقاعدة العامة من البشر


لو انتى من الناس اللى مكانوش بيحبوا المحاسبة ممكن تدخلى ادارة تجيبي تقدير اكبر من السنين اللى فاتت بكتير

و دة حصل مع ناس اعرفهم كتير









-------------------


طب بقولك انتى يا نونا

هسالك كام سؤال




ايه اكتر مواد حبتيها فى الكلية ؟؟


ايه اكتر مواد جبتي فيها درجات حلوة جيد جدا و امتياز ؟؟


ايه طبيعه الشغل اللى تتمنى تشتغلى فيها ؟؟


ايه مدى قدرتك على الاهتمام بالدراسة ؟؟

بتحبى الدككاترة المتفاعلين مع الطلبة و لا اللى بيدخل هو فى حاله و انتم فى حالكم و ينجز و يخلص بسرعه ؟؟

والله يا نونا انا شايف ندى ومحمد ربنا يكرمهم قاموا بالواجب وزياده


بصى يا نونا

انت استخيرى ربنا

واكيد انت من جواكى مياله لحاجه معينه وعارفه



بس نصيحه منى

لو انت بتحبى المزاكره وعندك استعداد تدرسى بجد وزاكرتك كويسه ومش بتحبى العملى
توكلى على الله وادخلى اداره


اما لو زى المعظم ومش بتحبى تقعدى تزاكرى ومش بتزاكرى طول السنه
وملكيش فى النظرى وبتحبى العملى الارقام يبقى على محاسبه علطول


وانت يا نونا بتهىء لى عارفه نفسك وعارف ايه المواد اللى بترتاحى فى مزاكرتها وايه اللمل ليكى

واستخيرى وتوكلى على الله

احنا سجلنا فى وقت واحد


بس بعد كلامك ده



يلا على محاسبه واستخيرى برده الاول

على فكرة ادارة اغلبها عملى

---------------

استنى بقى يا نونا ..هو انا مبشجعش على القسم دة عشان مش بحبه خالص


بس فى قسم رياضه و تامين

ليه مفكرتيش فيه ؟؟

ما دام عشقك الاول و الاخير هو الرياضه كدة

بس انتى بتحبى العمل الجماعى .. و بتحبى التفاعل .و عندك قدرة على المذاكرة (و على فكرة و الله مش صعبه اوى هى اصعب سنة من المحاسبه بس لو حبتيها هتلاقيها بسيطة ..و الله فى ناس بتذاكر اى كلام و بتعدى كويس اوى ..انا يا ستى مش بموت نفسي مذاكرة يعني و بتسلى كتير برضه و جبت جيد جدا الحمد لله .مش صعبه اوى يعني ..لكن اعتقد محاسبه اسهل )


بصى اخر 3 مواصفات يخلونى اقولك ..اجرى على اادارة على طول

اما اول سؤالين هما اللى مخليينى متلخبطة

طب بصى

هو و الله بجد السنه دى (تالته) هتاخدى ادارة و محاسبة بجد



يعني الضريبيه و التكاليف دول مادتين حسب معرفتى البسيطة بيتدرسوا فى رابعه محاسبة بتكمليهم

فهتبقى عارفه بدايتهم ايه



و هتاخدى الموارد البشريه مادة لذيذة جدا و هتاخدى تمويل و مشتريات .هتتعرفى اكتر على الادارة

و هتاخدى التامين و الانشورانس فتعرفى التامين اللى مخدتيش عنه اى حاجة قبل كدة










بجد تالته بتفرق كتيييير


بس اخر 3 اجابات بجد يبقى اكيد ادارة

محاسبة برضه شغلها حسب ما اعرف بتبقى مستقلة شوية لوحدك و غالبا شغلك على كمبيوتر و مكتب و كدة ..

و نظام الدراسة فيها زى ما اعرف و زى محمد ما قال زى ال3 سنين اللى فاتوا

لكن ادارة مختلف شويتين زى ما قلتلك




و برضه متتعبيش نفسسسسك لسه قدااامك سنه تالته ..دى ربع الكلية

تالته فيها مواد لذيذة كتيير








و قوليلى برضه ايه بتحبيه غير الرياضة ؟؟؟؟؟

قسم رياضة و تامين يا ستى معلوماتى عنه

صغير جدا ..كانوا 35 واحد تقريبا
بيحضروا مش فى مدرجات .بيحضروا فى السكاشن باين او فى تجارة انجلش و و بيحضروا مع ادارة المواد المشتركة
و غالبا بقى بيشتغلوا فى شركات التامين ..
شغل التامين بيعتمد كتير على الرياضه

بس الموضوع مرتبط برضه بانك بتعتدى ان التامين حلال و لا حرام ..يعني انا كنت شايلاه من اعتبارى عشان سمعت كتير ان التامين حرام و لما درسته فى سنه تالته الدكتور قاللنا ان العلم فعلا مش حرام لكن للاسف بيتطبق غلط و بيعملوا حاجات حرام

عموما هتاخديه و تتعرفى عليه ان شاء الله

----------------------------------------

اما بقى شغلك و اللى بتحبيه فى المذاكرة .هقولك جملة واحدة يا ستى

انتى ان شاء الله هتشتغلى ييجى 40 سنه كدة مثلا لغايت ما تطلعى على المعاش و ممكن تكملى كمان ان شاء الله

لكن الدراسة هما 5 مواد فرق ..يعني من الاخر ترم

ففكرى كويس
















و اى معلومات تحت امرررك يا قمر

ملحوظة من دكتور كان بيديلنا و دخل محاسبة و جربها و بعدين دخل ادارة


قالنا النظرى و العملى فى محاسبة و ادارة متساويين

يعني كل منهم فيه نظرى و عملى


بس بما انى اللى اعرفه هو نظرى الادارة ..فهوو لذيذ جداااااااا جدااااااااا
مادة زى الاتصالات التسويقيه مثلا دى كلها ما فهاش ارقام
بس عارفة بتدرسي ايه

بتقعدى تدرسي الاعلانات و الدكتور يخليكوا تتابعوها و تتعلموا منها ..حاجة سكر كدة

و بحوث التسويق دى و لما يديهالك دكتور وائل ..حاجة فى منتهى السهولة ..[يشرحلك ازاى تعملى بحث تسويقى و امتحانه كله حالات

يجيبلك حاله مثلا عندك 3 انواع من انواع بحوث التسويق انتى عارفه اسماءهم

فهو ييجييبلك 3 ابحاث عمليين اتعمل فيهم ايه و يقولك دة نوعه ايه ؟؟


فحاجة فى منتهى السهولة و بتركز فى مخك لانك بتطبقيها عملى

فهو كلام ما فهوش ارقام بس عملى

تعب ايه بس يا حبيبتى

انا و الله مبسوطة اوى و احنا بنتكلم هنا

انا اصلي بمووت فى الكلية

و اى حاجة ليها علاقه بيها و لا بدكاترة اعرفهم و لا المواد قوليلى يا حبيبتى و انا هزهقك كلام ان شاء الله

بس يا رب يكون بيفيدك فعلا



و تحبى اعرفك على مواد سنه تالته ..تبقى عندك فكرة عامة عن المادة و طريقة مذاكرتها و كدة ؟؟؟؟؟

from my eyes

in sha2 ALLAH

سؤالين عالماشي


بتذاكري وعندك قدرة علي الاستيعاب والجلوس امام المذاكرة لفترة طويلة ، وايضا التفاعل في الكلية وفي وجود فرق عمل؟



السؤال التاني

هل سنة رابعة ، هتبقي متفرغة فيها ، بحيث ما يحصلكيش اي ظروف خارجة

يعني مثلا حد يبقي حامل ويولد ، حد هيسافر ، حد مثلا هيغيب فغيابه هيبقي مؤثر

هتعزلي مثلا

كل الكلام ده؟


جاوبي وانا اقولك

بس على فكرة ادارة مش عايزة مذاكرة كتير زى ما انتوا متصورين

اخر شهر مذاكرة بيبقى حلو اوى