مواقف محرجة جدا ......ولكن

مش قضية


يا اما هنزل

يا اما هسيب مع السواق اي حاجة اقدر اسيبها


ده طبعا بعد ما احاول افهمه الموقف بيني وبينه


وبعدين برضه اللي بيتوكل علي الله اول ما بينزل من بيته ما بيشيلش في دماغه حاجة



انا بقي عندي مواقف محرجة كتييييييييييييييييير

موضوع هيبقا كلوا فضايح

انا حصلى موقف زى دا قبل كدا بعس مكنتش بعدت عن البيت كتير

انا بقا مش بحط قلوس فالمحفظه بحطها فالشنطه لما بغر الشنطه

لازم انسا حاجه وطلبت من السواق يقف عشان انزل وارجع اجيب الفلوس

فضل مصر ان استحاله هنزل وحلف وكمان كان عايز يدينى فلوس عشان اروح بيها

ههههههههههههه بس انا مرضتح واستلفت من صحابى كان يوم محرج من اولوا

وحصلى موقف محرج جداا من يومين

ادبست فتقديم حفله ومكنتش محضره حاجه خالص

قعد فنفس اليوم حضرت مقدمه جامده جدااا

وقلتها ومحضرتش خاتمه قعدوا يقلولى مش مشكله خاتمه طلابيه اى كلام وخلاص

هيكون كل الناس مشت ومفضلتش غير الطلبه

الكارثه بقا ان محدش مشى ومكنتش عرفا اقول ايه

بس لغبط جدااا قدام ناس كتير

انا بعد الحفله كنت عيزا اعيط من كنت الاحراج الى كنت حسا بيه سعتها

بالنسبة للموقف الاولانى انا لو فيه هقول للسواق و الامر لله و اطلب منه انى انزل

و الموقف بتاعك يا ياسمينتى .. انا واثقه انك كنتى قدها واكيد كانت حلوة . بس انا لو مكانك هرفض و بشدة و اللى يحصل يحصل ..انتى عارفانى او هحاول اتماسك و اتوكل على الله واقول اى كلمتين فيهم ما قل و دل كدة

و بجد ميرسى اوى على الموضوع دة جميل اوى اننا نحاول نحل المشكل اللى بتحصل لنا ..يمكن كنا قبل كدة بنحط المواقف دى فى قسم اللعب بس كدة احسن .. ربنا يكرمك على الموضوع دة و اهل بيك معانا

انا بقى فى موقف ان فى دكتور واخد عني صورة معينه انى متفوقه جدا و الاولى على الدفعه بسبب انه لما ادانى طلعت نتيجة الترم الاول و فعلا كنت ساعتها الاولى بس بعد كدة بقى يطلعلى درجات عجيبة اصلا و للاسف المستوى تدهور (مش مستوايا انا لكن الدرجات اللى بيدوهالى ) و لدرجة ان السنه اللى فاتت معرفش ازاى لقيت اخر السنه التقدير جيد بالرغم انى كنت الترم الاول قريب اوى من الامتياز

المهم الحمد لله على كل حال

بس انا حاسه بالاحراج ان الدكتور دة مقتنع تماما ان انا دايما مفيش اشطر مني فى الدنيا و حاسه انى لو قلتله هخيب ظنه و مش بحب حد ياخد عنى فكرة عن حاجة انا مش فيها فعلا لانى حاسه ان دة نوع من الخداع
و المشكله انى دايما اشوفه يبقى فى وسط ناس كتير و يتفاخر بيا ..مبحبش اقوله لا انا مش كدة قصادهم عشان انا اعرف ان مش من الادب انى اكدب حد قدام الناس و فى نفس الوقت ببقى حاسه اكنى كدابه (مع انى مليش ذنب و الله )

و مش عارفه و لا مرة الاقيه لوحده و اقوله الحقيقه المرة

غير انى مكسوفه من نفسي و كل ما افتكر تقدير سنة تالته بحس انى بتجرح و اصلا بحاول انساه

لو انتوا مكانى تعملوا ايه ؟؟؟؟؟؟

و اسفه على التطويل

هههههههههههههههههههه

انا هقولك الحل يا نودا عشان الدكتور مخدوع فيا انا كمان بما انى صحبتك

هسيبوا مخدوع بدل ميتصدم

يارب محدش فينا يتحط في أي موقف محرج أو أي موقف يخليه يضايق
شكرا ع الموضوع يا مصطفى وليا عوده عشان أحكيلك على مواقف محرجه كتير

يا رب فعلا محدش يتحط فى موقف محرج

اقتباس :

. لكن لو عايزة الحل ممكن تحاولي تكوني في نفس الصورة اللي هو رسمهالك . واكيد هو شاف فيكي حاجة انتي مش شايفاها

يا رب .. ادعولى اوصل للصورة اللى هو فاكرنى فيها و يا رب كلنا نكون فيها

اقتباس :

هسيبوا مخدوع بدل ميتصدم

لا يا بنتى .. احنا نقوله و الامر لله بس مرة نلاقيه لوحده هقولهاله بطريقه متصدموش

بلاش موضوع سنة تانيه

انا ممكن اكلمه عن شفت يا دكتور المشكله اللى انا فيها .. اصل سنه تالته نزلتلى تقديرى جامد .. و يعني اى حاجة بقى اقولها

ليه بس الفضايح دى ؟؟

انا حصلى موقف عمرى ما هنساه

ولما بفتكره ببقى .......مش عارفه اعمل ايه ؟

تليفون البيت رن عادى ورحت ارد لاقيت واحد يعنى شاب او واحد كبير يعنى مش صغير

وبيقولى ايوه بيت مين ده

فقولتله حضرتك اللى متصل فقالى اصل الرقم ده اتصل بينا حالا

فقولتله لا احنا متصلناش بحد (قبلها محدش خالص كان ماسك التلفون ومحمد وخالد مكنوش موجودين )
وبعدين قالى لا الرقم ده اتصل بينا فقولتله طب حضرتك مين جايز تكون معارف اخويه

فقالى طيب انتوا منين فقولته ميت غمر فقال وانا كمان ميت غمر

فقولته طيب جايز حضرتك اخو واحد صحبى بدل ما اقول اخو صاحب اخويه قولت اخو واحد

صحبى ولما سمعت الجمله كنت هعيط لان الراجل هيفتكرنى مش مؤدبه ومصاحبه صبيان بقى

وروحت قيلاله اسفه اقصد اخو صاحب اخويه معلش اصلى اتلخبط وطبعا هو قعد يضحك عليا

وانا كمان ضحكت على نفسى من هبلى

وكل ما افتكر يبقى هاين عليا اعرف مين ده واقوله والله العظيم انا واحده مؤدبه

انا عمرى ما هنسى الموقف ال اقول ايه عليه بس ؟؟؟؟

هههههههه ايه المواقف دى يا بنتى

بس دة شكله بيستعبط و بيعاكس ما دام محدش فعلا كان ماسك التليفون

انا اللى مرة يا بنتى واحد اتصل وفهمنى انهم بيعملوا استقصاء باين و قعد سال عن مليون حاجة و فى الاخر طلعمكانش فى اى استقصاءات و تقريبا اتضحك عليا وافتكرتها حاجة مهمه

حوار الفلوس ده محرج جدا بس انتوا داخل القاهره و الحوار عادى ممكن تتمشى للبيت انما انا كنت فى القاهره و البنطلون جيبه اتقطع و ممعيش فلوس و مش عارف اروح ازاى
بس ربنا سهل و لفيت على السواقين اللى فى الموقف اسال على سواق اسمه حماده ده السواق اللى بروح واجى معاه و لقيت واحد يعرفه كلمت حماده كلم السواق خلاه و صلى لحد البيت فى الفيوم و ادتله فلوس زياده بس عدى على خير

ايه دة حمادة دة مشهور .. اخويا كان بيركب معاه ..اصله كان بيروح الفيوم و كان بيركب كل يوم مع حمادة او علاء
ومرة ناس وقفوهم فى وسط الطريق يتخانقوا باين مع حمادة دة او اخوه حاجة زى كدة و خدوه رهينة و اخويا واصحابه مكانوش عارفين يروحوا ازاى

اهىدى المواقف الاكشن بقى

انا مرة قبل كده ماشى فى الشارع عادى جدا

ولقيت حد عمال يقول يا امير يا امير

انا طبعا مش فى دماغى لانه مش اسمى

بس قولت ابص وخلاص

لقيت بنت زى القمر وبتقولى هاى ازيك مش انت امير

بصراحة انا مش رديت والشباب اكيد عارفين السبب

سابتنى ومشيت لانى مش رديت عليها

وكان نفسى اقولها ايوة انا امير

ههههههههههههههههههههههههههه

ندى كتب:

هههههههه ايه المواقف دى يا بنتى

بس دة شكله بيستعبط و بيعاكس ما دام محدش فعلا كان ماسك التليفون

انا قولت كده برضه لما قفلت بس شويه واتصل تانى بس اللى اتكلمت واحده بنت بس انا طبعا مردتش انا خلت بابا هو اللى يرد


انا اللى مرة يا بنتى واحد اتصل وفهمنى انهم بيعملوا استقصاء باين و قعد سال عن مليون حاجة و فى الاخر طلعمكانش فى اى استقصاءات و تقريبا اتضحك عليا وافتكرتها حاجة مهمه

هههههههههههه لا دى حصلتلى على الموبيل

اول ما جبته لاقيت واحد بيتصل وبيقولى ايوه احنا شبكه الكهربا وعايزين نعرف عندك كهربا ولا لا وكان على الموبيل

فانا استغربت اوى كهربا ايه ما يتصلوا على البيت

وبعدين لاما ما رديتش لانى مش فاهمه قعد يقول الو الو فبقوله ايوه قالى عندك دايره كهربا فبقوله كهربا ايه ؟؟؟؟؟

قالى طيب تعرفى تلفى حواليها ؟؟؟؟

طبعا انا فهمت انه كده بيعاكس وسمعت صوته بيكلم اصحابه وبيقوله استنوا وانا هشتغلكم البت دى ..

فروحت قفله وقعدت انا والاء نضحك على اللى حصل يجى نص ساعه وكل ما نفتكر لازم ما نقدرش نمسك نفسنا من الضحك ..

ههههههههههههههههههههههههه

الحمد لله ان الراجل معملش فيكم حاجه

والله راجل صبور جدا

وكويس انك لاقيت حاجه تعملها

بدل ما كنت تقعد تتفرج على الناس حواليك وتضايق انك معرفتش تحل حاجه

ومعلش على الامتحان قدر الله وماشاء فعل .وخيرها فى غيرها ان شاء الله ...

جميييييييل الموضوع
االابقه بيحصلى مواقف كتير مضحكه ومحرجه جدااااااااااا
بس مش فاكر منها كتير

يعنى مثلا مره كنت فى رحله وكلها اولاد وبنات من سننا تقريبا
المهم انا دخلت الحمامى عشان اغسل ايدى وحنفيه الحوض كانت مش شغاله
فتحت الحنفيه بتاعه الخلاط بتاعه الدش على انها هتنزل من الحنفيه اللى تحت الدش
اتفتح الدش وانا حاطط ايدى تحت الحنفيه لقيت الميه نازله سيول من فوقىطبعا اتغرقت واول ما خرجت الرحله كلها ماتت من الصحك عليا
ملقتش غير انى اضحك وياهم وكان موقف زباله اوى
فضلت واقف فى الشمس ييجى ساعتين عشان انشف

يا عم محمد امال لو عرفت اني حصل معايا موقف زي اللي حصل مع احمد عيد في فيلم ازاي البنات تحبك


لما غيروا له اليافتة من عالحمام


انا خرجت لقيت واحدة قدامي واتسحبت من وراها وطلعت اجري



ولسه من اسبوعين

طلعت المطار اجيب قرايبي جايين زيارة من الاردن

وماشي بالعربية لحد ما خلصت اخر كوبري في صلاح سالم وخلاص داخل المطار


وافتكر اني ما اخدتش فلوس خالص ، لأني دايما ما بهمتمش بالموضوع ده ومش بيفرق معايا


والمفروض فيه رسوم انتظار في المطار

قعدت افكر بقي هعمل ايه واسوي ايه؟ طيب اركن العربية واستقبلهم علي اني جاي من غيرها وانساها لحد ما ارجعلها

طيب اتصرف ازاي

لحد ما الحمد لله لقيت فيه كذا حل ، وفي الاخر لقيت فلوس في جيبي




ومرة كنت في الكلية وبكلم ناس علشان اقابلهم

فاتصلت الو انتوا فين؟ طيب انا واقف في الحتة كذا منتظركم بس بسرعة علشان مستعجل.......

فعمال اتكلم واستعجل فيهم ومش سامع صوت من شدة نقاء الشبكة ساعتها

واتدور الاقيهم في وشي والموبايلات مش في ايديهم


لقيتهم ميتين علي روحهم من الضحك وواقفين منتظريني اخلص كلام معاهم ، وطلعوا انهم ردوا عليا وشافوني وقفلوا السكة في اول 10 ثواني


وانا رايح جاي عمال اتكلم



طبعا انا لحد دلوقتي من السنة اللي فاتت بيتريقوا عليا

علاوة علي اني حمدت ربنا في الموقف ده ساعتها ان الموبايل ما رنش من حد تاني

كان هيبقي منظري وحش اوووووووووووووووووي

هههههههههههههههههههههههههههههههههههههه
ههههههههههههههههههههههههههههههههههه

حاجه فظيعه بجد الله يكون فى عونك

هههههههههههههههههههههههههههههههه

احم احم الواحد بقاله فتره ما قراش حاجه تضحك فى الموضوع ده

اسمعوا

وانا فى تالته اعدادى او اولى ثانوى كنت باخد درس وكان معاده 6 الصبح

وكنت بروح انا واتنين اصحابى ساكنين كلنا جمب بعض

وكان الدرس قريب مننا بعدنا بحوالى 5 شوارع وكنا بناخد الاء معانا لانها عندها درس فى نفس المعاد بس ابعد فكانت

بتنزل معانا علشان ما تمشيش لوحدها وبنمشى من على الشارع الرئيسى طبعا

وبعدين قبل ما نوصل للشارع اللى فيه الدرس لاقينا مجموعه كلاب معتبره حوالى 10 كلاب او اكتر وعمالين يهوهوا

كتيرررررررر اوووووووى وانا كنت بخاف جدااااااااااااااااااااااااااااااااااااا
من الكلاب بترعب منهم

قولتلهم لا انا لا يمكن امشى من جمب الكلاب دى ورحنا لفينا علشان ندخل من الشارع الجانبى على وصلنا للشارع اللى

جوه لاقينا الكلاب جت هناك وقفت ولازم نقعدى من جمبها علشان نوصل وانا طبعا اسمرت مكانى وبقيت هموت من

الخوف وهما حاولوا يحركونى بس مفيش امل طبعا

هددونى انهم هيسبونى ويمشوا لاننا كنا متاخرين على الدرس والاء كمان كانت متاخره ولسه هتمشى كتير

وانا قولتلهم طب نرجع من الشارع ونمشى تانى من على الرئيسى قالولى هنتاخر اكتر والحصه بدات امشى وهنخليكى

فى النص مش هيحصل حاجه

وبعدين قابلت اتنين بنات معانا فى الدرس ومنهم واحده خيفه تمشى زى

قامت التانيه مشيت مع اصحابى والاء وسابوا احنا الاتنينن لوحدنا والمصيبه الكبرى ان الكلاب قربت مننا
عملنا احنا ايه ايه ؟؟؟؟؟؟

استخبينا فى اول عماره قابلتنا لحد ما الكلاب بعدت خااالص

وبعدين روحنا الدرس انا وهى وطبعا كان الاستاذ شاف الواجب وسئل وعلى وشك انه يبدا او بدا ...

واول ما دخلنا لاقيننا المجموعه كلها عماله تضحك علينا صبيان وبنات
(موقف محرج جدااااااااااااا )

والاستاذ وهو مبتسم ابتسامه عريضه جدااا كنتى فين يا فداء ؟؟؟؟؟؟؟؟

وكانت اجابتى: اكيد هما قالولك (قصدى اصحابى اللى سبقونى ) , قالى فى حد يخاف من الكلاب؟

انا استفزتنى الجمله دى جداااااااااااااااااااااااااا

وقولتله امال لو مخفناش من الكلاب هنخاف من ايه ؟

وبس اكتر حاجه مفيده من الموقف ده انى بقيت مبخفش ن الكلاب خالص الا لو كلب جه قرب منى اوى وشكله كان وحش اوى

لكن لو كلب ما شى مممكن امشى وما لي دعوه بيه وعادى جداااااااااا

ههههه جامد يا فداء

انا برضه بترعب من الكلاب و كل الحيوانات

عالم خوافة

ههههههههههههههه

عالم خوافه ؟؟

لو على الخوف يبقى الواحد يخاف من الصوره اللى انت حطتها دى

بما انى معنتش بخاف من الكلاب يبقى الصوره بتاعتك اولى انها تخوفنى...

بالله عليك ايه وجهه نظرك فيها ؟؟؟؟