ههههههههههههههههههههههه
مواقف الكلاب دي لا تعد ولا تحصي
زمان والي الان
في البلد عندنا ساكن ورا بيتنا جزار
فمربي حوالين البيت كلاب بلدي صعيدي شحط محط
بتاكل الحديد
حاجة كده بسم الله ما شاء الله
بيحرصوا المنطقة مسافة 50 متر ابعد
ويا ويله اللي يعدي
فاحنا طبعا بنروح كل كام شهر مرة
فمرة واحنا صغيرين انا واخواتي وولاد عمتي
راجعين البيت متاخر الساعة 2 وشوية بليل
كنا عند عمي وهو ساكن قريب
وطبعا لازم نتسحب علشان نعرف ندخل المنطقة
وهوب طلعلنا الكلاب فجأة
كل واحد ساب اخته واخوه وجري في مكان
علي ما اذكر ان المواقف دي اتكررت معانا بالهبل
مرة من المرات انا وابن عمتي نطينا علي بابا حديد وقعدنا نتشعلق فيه لحد ما وصلنا لأخره والكلاب واقفالنا تحت
وفضلنا متشعلقين لحد ما تم انقاذنا ( طبعا مش بواسطة الهيليكوبتر زي عبود ) هههههههههههههههههه
بس الحمد لله ما بقيتش اخاف من الكلاب خالص تقريبا
خصوصا بعد موقف حصلي عند محطة المترو اللي في العمرانية
من كام سنة
ابقي احكيه بعدين
اما بقي الحاجة التانية
مرة كنا بنتمشي انا وبروف وواحد صاحبنا تاني عالكورنيش
فقرروا مرة واحدة انهم يعدوا كوبري اكتوبر فوق النيل قدام العربيات الطايرة
طبعا يتحايلو عليا وانا متمسمر في مكاني
لحد ما هووووووووووووب اخدوني شيل وجريوا يعدوا الشارع
ولقينا عربية جاية تيييييييييييييييييييييييييييييييييييييييت
روحت انا واقف في مكاني في وسط الطريق وشادد واحد منهم معايا
راح شاددني هو وطار بينا عالرصيف
طبعا كان كل الاعصاب راحت مننا
وشالوني فعلا علي الناحية التانية لما عدوا النص التاني من الكوبري
ونزلنا نعدي من قدام رمسيس هيلتون
وانا بقي حلفت مش متحرك ومش هعدي
راحوا شادني جامد من التيشيرت
لقوا نفسهم عدوا بالتيشيرت بس وانا فضلت واقف بدون اي حاجة
طبعا الكورنيش كله فطس من الضحك
كفاية تشريد بقي دلوقتي
