سلام عليكم ورحمة الله وبركاته
وعليكم السلام ورحمه اله وبركاته
1- قبل اسمك ماذا تحب أن تكتب ؟
امممم فكرت كتيرر فى السؤال ده
ممكن نكتب حرف الميم يعنى
م/فداء امال هى الواحده ليها ايه غير بيتها وعيالها وجوزها
هههههههههههههههههههههههه
2- حيوان تشعر انه مظلوم ؟
الحمار بيصعب عليا من كتر ما الناس بتهينه وهو مفيد جدااا والله
ما عدا صوته لانه صوته منبوذ فى القران (ان ابغض الاصوات لصوت الحمير )
3- حقيبة اسرارك عند من تودعها ؟
فى حقيبه بودعها مع نفسى وحقيبه مع ماما والاء وامنيه وحقيبه مع باقى اصحابى
4- أحد علماء النفس قال ذات مرة : أنه باستطاعة الانسان العيش من دون اصدقاء .. ماذا ترى أنت؟؟
طبعا كان خاطىء تماما فى كلامه وهقول تخيلوا الاسلام بدون الصحابه رضى الله عنهم
او بدون ابو بكر الصديق ؟؟؟؟؟؟؟
5- أين تأخذك ذروة الغضب ؟
لعصبيه شديده جدااااااااااا وتصرفات ممكن اضايق منها جدا بعد كده (بسش مش دايما قليل لما بيحصل كده )
وبعدين اهدى اهدى زى الاطفال وممكن فى ساعات ادخل اوضتى واعيط
وبعدين اهدى وممكن انام
6- ما أجمل شيء في الاسلام ؟
سؤال ده سأله عمرو خالد ايام ما كان عامل اول مره حج الناس معاه
وناس قالوا كلام كتيررر وكله كان تحفه وهو رد فى الاخر وقال ان فى شاب قاله
ان اجمل حاجه فى الاسلام ان ربنا هو ربنا الجمله دى عجبتنى جداااااااااااااااااااااا واقتنعت بيها تماما وحسيتها اوووى
7- لماذا لم تصبح مشهورا ؟
والله .... انا شايفه نفسى فى الاطار اللى انا عايشه فيه مشهوره
يعنى الحمد لله فى ناس كتير عرفانى بالخير والحمد لله
وفى ناس وخدانى قدوه ليها فى حياتها وانا اصلا معرفهمش ولا عمرى شفتهم
فدى حاجه الحمد لله عليها وهى دى الشهره اللى اى انسان مسلم يتمناها انه يكون قدوه فى الخير للى يعرفهم واللى ميعرفهمش ودى حاجه بحمد ربنا عليها اوى (اللهم لك الحمد كما ينبغى لجلال وجهك وعظيم سلطانك )
8- متى يعاندك النسيان ؟
لما اكون عايزه انسى حد مهم اووووووووووى فى حياتى وكان ليه تاثير فيها
وعشت معاها سنين حياتى بحلوها ومرها
9- متى يقسو قلبك ؟
عندما يكثر عليه الغبار
10- هل حدث أن انتصرت على نفسك يوما وأحصيت عيوبك ؟
اه حصل
11- متى تخجل من نفسك ؟
عندما افعل ما لا يرضى ربى
(اللهم امتنا وانت راض عنا )
12- في زمن البحث عن المادة ... عن ماذا تبحث أنت ؟
عن اشخاص لا يبحثون عن الماده !!
13- ماهو هدفك بالحياة؟
انى اعيش بالايتين دول
بسم الله الرحمن الرحيم
(وما خلقت الجن والانس الا ليعبدون )
(واذ قال ربك للملائكه انى جاعل فى الارض خليفه )
14- ضمن من تصنف نفسك سلبي ام ايجابي؟
ايجابيه والحمد لله بس طبعا مش دايما ومش بنسبه 100%
15- رتب هذه الكلمات حسب الافضليه لديك
الصحه_المال_الأم_الخروج للترفيه_الحصول على اعلى المناصب_راحة البال
الام ,الصحه ,راحه البال ,الخروج للترفيه ,الحصول على اعلى المناصب ,المال
16- عندما يحتد النقاش وتحس انك تناقش موضوع لا جدوى من مناقشته لانه لن يتغير الوضع ماذا تفعل؟
بقفل على الموضوع
17- عندما تتناقش ايضافي موضوع وفي النهايه بعد اصرار منك بالبدايه انك على حق فتكتشف ان الذي امامك على حق ماذا يكون ردة فعلك؟
بتكسف وبعدين بقولهم معلش يا جماعه حصل خير
والانسان الصح هو اللى يتعلم من اخطائه وميكررهاش
18- لو تفاجئت بخيانه شخص عزيز ايا كان كيف تتصرف معه؟
اولا هتعب جدااااااااااااااااااااااااااااا نفسيا وهتاثر اوى لدرجه انى ممكن معملش حاجه
19- لو طلب منك تولي منصب الوزير من تختار من الوزارات وماهي قراراتك؟
وزاره التربيه والتعليم
انا شايفه انى لو مسكت الوزاره لمده يوم وعملت حاجه الناس يدعولى بيها احسن من اللى مسكنها بقالهم سنين والناس بتدعى عليهم
اول قرار هيكون ...... مش عارفه بس اكيد حاجه لصالح المعلم ورفعه شأنه وجعله اهم وظيفه فى الدوله
وهستغل الشباب المبعوثين وخبراتهم وهفتح باب السفر للخارج للدراسه على نفقه الدوله على شرط انه يكون لمده معينه ويرجع اجبارى للدوله علشان بنفذ اللى درسه ويعلم اولاد بلده وينمى مجتمعه
20- انت من مدينة تحبها وتعشقها بكل مافيها فاذكر مدينتك وعبر عنها بكلمتين فقط؟
ميت غمر عمر قد يتجدد
21- أعضاء تعجبك كتابتهم وقل رأيك بشخصياتهم سواء ايجابيه ام سلبيه؟
انا جاوبت على السؤال ده كتير بس هجاوب تانى
ندى شخصيتها ايجابيه جدااا ودايما بتحاول تغير نفسها للاحسن وعارفه ايه اهدافها فى الحياه وازاى تنفذها
وربنا معاها ان شاء الله وتكمل ..
مها بحب كل حاجه فيها السيف المسحور شخصيه من اهم صفاتها الطيبه لدرجه عاليه وانسان كوميدى بيحب الهزار
وفى نفس الوقت لما يكون فى حاجه جد بيبقى جد ومواضيعه كلها تحفه وما شاء الله مليه المنتدى ..
وردوده بتضحك
الاء لانها اختى
ولانها دايما فى ردها عليا او على اى بنت فى المنتدى لازم تقول منوره يا قمر
لحد ما خنقتنى بالجمله دى
شخصيتها مش ايجابيه اوى لانها عمرها ما بتتعلم من اخطائها ولا حتى بتحاول تصلح الحاجات الغلط
(ربنا يستر وما اضربش بعد الجمله دى
)
هشام شخصيه حلوه ما شاء الله بطريقه التفكير وساعات كمان بتكون بطريقه التفيذ
بس مش بيدخل كتير
ترافيلر وجنه لافر ماشاء الله عليهم برضه شخصياتهم حلوه واراثهم ومواضيعه دايما ليه اهداف جميله
ومحمد 14 اخر مواضيع نزلها كانت اكثر من رائعه ..
والعضو الجديد مصطفى مجدى ما شاء الله برضه عنده افكار حلوه وعامل مواضيع جميله وردوده حلوه ..
بروفيسور بحس انه انسان ايجابى ودايما بيسعى نحو التغير للافضل
وكل الاعضاء طبعا بحترمهم جدااا وكلهم افكار اكييييييييييد حلوه بس فيه اللى بنختلف معاهم وفى اللى بنتفق ...
