ندوة لمعز مسعود يوم 7-2

محاضره معز مسعود في ساقيه الصاوي



بيانات المناسبة

المضيف:	اقبلنا يارب ... انا جي ومليش غيرك
النوع:	تعليم - محاضرة
الشبكة:	Global

الزمان والمكان

التاريخ:	07 فبراير، 2009
الزمان:	07:30 مساءً - 10:30 مساءً
المكان:	‎Sawi Cultural Wheel Street: ‎
الشارع:	شارع 26 يوليو - الزمالك City/Town:
المدينة/البلدة:	Cairo, Egypt

دي بيانات جاتلي علي النت وانا ان شاء الله هحاول احضرها

شكرا يا زمزم على المعلومه
بس هي الندوه دي مجانا لكل الناس ولا للأعضاء بتوع الساقيه بس؟

هراجع تاني موضوع ده
انا مش متاكده بصراحه
ومكنتش اعرف ان في اعضاء لساقيه الصاوي هتاكد وابلغكم

بالنسبة للندوة بتاعت أ معز
الحضور مجاناُ و الدعوة عامة و *
ياريت كلنا نقول لكل أصحابنا علشان يحضروا معانا *
الحضور من غير حجز ولا حاجة*

مستنينكم كلكم تنورونا و تشرفونا بالحضور

جزاكم الله خير

في أعضاء للساقية لكن علشان الحاجات الرسمية بتاعت الأنشطة
لكن أعتقد الندوات عادية .. بس الحفلات وكدة الأعضاء بيدفعوا أقل من السعر بخمسة جنيه
يعني الكارنيه بيقلل خمسة جنيه من فلوس الحفلة .. لكن الندوات أظن معظمها مجاني والله أعلم
هو أنا عضو في الساقية لكن مجددتش من فترة
ربنا يسهل والناس كلها تقدر تروح

الحمد لله
معلش أنا كنت بضيف الرد في نفس الوقت
كويس يارب الناس كلها تستفيد

اقتباس :

بالنسبة للندوة بتاعت أ معز
الحضور مجاناُ و الدعوة عامة و *
ياريت كلنا نقول لكل أصحابنا علشان يحضروا معانا *
الحضور من غير حجز ولا حاجة*

مستنينكم كلكم تنورونا و تشرفونا بالحضور

جزاكم الله خير

وجزاكي الله خيرا عنا

شكرا علي توضيح
وان شاء اله هسال علي مكوضوع عضويه دي
عشان في حاجات جميله جدا بتتعمل هناك


جزانا واياكم

نفسي روووووووحهه وى ..بس مش عارفههقدر و لا ل عشان حكاية انها هتخلص10 و نص

يا رب اخوي يطلع جدع و ويودينى

جزاك الله خيرا يا زمزم
و كان نفسي من زمان احضر لمعز ندوه من ندواته لانها بجد بتبقي رائعه جدا
و ان شاء الله ابقي متواجد

ميرسي اوي يا هبه

ربنا يكرمه ويكرمكم

ربنا يكرمك يا زمزم على انك قولتيلنا على الندوة دي

بالنسبة للعضوية في الساقية انا كنت بروح الساقية فترة عشان كنت مشترك مع فريق ( معا ) لتوظيف الموارد البشرية واستفدت منها كتيير الحمد لله اما بدات اروح الساقية ببقى فيه جدول كدة للساقية فيه كل الندوات والحاجات اللي هتتعمل في الساقية وكان فيها حاجات جميلة جدا ، يعني كان فيه ندوة قبل كدة عن ادارة الوقت لدكتورة من الجامعة الامريكية وكان فيه برده ندوة لعلاء الاسواني عن رواية شيكاغو ومحاضرة لوليد جلال ( مدرب تنمية بشرية تبع فريق زدني ) جامدة جدا بشهادة كل الناس اللي حضروها

كل الندوات والمحاضرات دي ( مجانا ) ، ولو عملت اشتراك يبقى ليك مميزات اكتر عن لو مش عامل عضوية

فيه خبرين مهمين جدا عايز اقولهملكوا بمناسبة الساقية :

1- فريق معا للتوظيف بدا دورة جديدة يوم الجمعة اللي فاتت وهتستمر لحوالي شهرين

حضورها مجانا

كل يوم جمعة من الساعة 3 للساعة 6 في قاعة الكلمة

هتعرفوا فيها هرم الشخصية المهنية وازاي تقويه

ازاي ممكن تحصل على منح للماجستير وغيرها وازاي تعد نفسك ليها

ازاي تعمل advanced search على النت

وحاجات كتيييير هتفيدكم جدا ان شاء الله





2- كل شهر لازم بيبقى فيه ندوة للداعية مصطفى حسنى وندوة لمعز مسعود في الساقية ياريت تتابعوهم عشان بجد هتفيدكوا جدا جدا

مشكلة ندواتهم دى انها بتبقى حلوووة اوى اوى بس مواعيدها دايما بليل

مينفعش انهم يخلوها بدرى شوية

هو فريق معا يعني مش بليل قوي من 3 - 6 واكتر حاجة فادتني بصراحة هناك

مصطفى حسني عادة بيبدأ من 5 أو 6 ويخلص على 7 ونص كدة مش بيطول كتير

بس لو روحي مرة ع الاقل وخدتي الجدول بتاعهم هتعرفي اكتر عن الندوات والمواعيد

لو 7 و نص يبقى كويس

ان شاء الله ابقى اجرب اروح

http://ar.culturewheel.com/sections/zamalek-branch-calendar-1

ده اللينك بتاع الجدول بتاع الساقية ... فيه ندوة معز مسعود
لما تدوسوا عليها هيفتح صفحة فيها التفاصيل ومكتوب الميعاد من 6 ونص مش مش مكتوب لكام؟
المهم يارب يكون اللينك مفيد كدة زي أ. معز مسعود
ربنا يكرم الجميع

شكراا ..ربنا يكرمك

ربنا يكرمك انت وزمزم