عيد الحب

جزاكِ الله خيراً ... أنا كنت داخل هعمل موضوع كدة عنه لأني كل سنة بعاني من ده علشان اليوم ده 14 فبراير وأنا عيد ميلادي 16 فبراير ف بحس إني قرفان من الشهر كله .... كل مرة كمية الأحمر المفروض كانت بتزيد لكن بقت بتقل في الحجم وبتزيد في العدد لأن في ناس مش بتفرق معاهم ولا صيف ولا شتاء
لا مانع أن نحب بعضنا في الله أكثر ... نحب بلدنا أكثر .. نحب الإسلام أكثير ... نحب الرسول أكثر ... ونحب كل ما يقربنا لله وما ينفعنا .... وبهذا نكون قضينا على مجرد اتباع سلوك متخلف ... وأيضاً استفدنا ولو لمرة لم ننقد وراء عادات وتقليد أعمى
شخصياً أرى الاحتفالات المخصصة في أيام معينة لا بأس بها ولكن لا نوليها ذلك الاهتمام المرضي المستفز ... وأيضاً نعمم الأيام الجيدة طوال العام .. نعيش بحب وسلام طوال العام .. نحتفل بالأم طوال العام .... لا أدعو ولا أشجع على الطريقة التي يتعاملون بها في هذا اليوم ولا أشرع ولا أفتي بالطبع .. ولكن أنا أراها هكذا وهكذا أتعامل مع تلك الأمور ... والله الموفق

المشكلة إنه جاي أول يوم دراسة في التيرم التاني وهنتشل بقى من كمية الرومانسية المزيفة والأحمر اللي مدهون على الوشوش والملابس ... ومجرد لو ربنا أنزل المطر يومها هتلاقيهم كلهم مسوخ ... ربنا يهدي الجميع ... لكني هعمل موضوع والله صادف إنه جه في الوقت ده ملهوش علاقة بحاجة
جزاكِ الله خيراً

جزانا الله واياك

وهو فعلا جاى اول الدراسه والكليات هتبقى ....... استغفر الله العظيم

ربنا يهدى المسلمين ويرحمهم ويبعد عنهم كل ضال مضل وكل بدعه

امين يارب

فتوى الشيخ العثيمين العلامة الجليل



والفقيه الكبير الشيخ محمد بن صالح العثيمين ـ رحمه الله ـ حينما سئل عن الاحتفال بما يسمى (عيد الحب)

والمشاركة فيه، أجاب رحمه الله:

الاحتفال بعيد الحب لا يجوز لوجوه:

الأول: أنه عيد بدعي لا أساس له في الشريعة.

الثاني: أنه يدعو الى العشق والغرام.

الثالث: أنه يدعو الى اشتغال القلب بمثل هذه الامور التافهة المخالفة لهدي السلف الصالح رضي الله عنهم.

فلا يحل أن يُحْدَث في هذا اليوم شيء من شعائر العيد، سواء كان في المآكل أو المشارب أو الملابس أو التهادي أو غير ذلك.
وعلى المسلم ان يكون عزيزا بدينه، وان لا يكون إمعة يتبع كل ناعق.

أسأل الله تعالى ان يعيذ المسلمين من كل الفتن ما ظهر منها وما بطن، وان يتولانا بتوليه وتوفيقه.

انتهى كلام الشيخ محررا بيده. شبهات كثير ممن يحتفلون بهذا العيد من المسلمين لا يؤمنون بالأساطير والخرافات

المنسوجة حوله سواء ما كان منها عند الرومان أو ما كان عند النصارى،

وأكثر من يحتفلون به من المسلمين لا يعلمون عن هذه الأساطير شيئا،


وإنما دفعهم إلى هذا الاحتفال تقليد غيرهم أو شهوة ينالونها من جراء ذلك.

وقد يقول بعض من يحتفل به من المسلمين: إن الإسلام دعا إلى المحبة والسلام،

وعيد الحب مناسبة لنشر المحبة بين المسلمين فما المانع من الاحتفال به؟!

ثم قد يقول قائل: أنتم هكذا تحرمون الحب، ونحن في هذا اليوم إنما نعبر عن مشاعرنا وعواطفنا وما المحذور في ذلك؟!
وللإجابة نقول :


أولاً: أن الأعياد في الإسلام عبادات تقرب إلى الله تعالى وهي من الشعائر الدينية العظيمة،

وليس في الإسلام ما يطلق عليه عيد إلا عيد الجمعة وعيد الفطر وعيد الأضحى.

والعبادات توقيفية، فليس لأحد من الناس أن يضع عيداً لم

يشرعه الله تعالى ولا رسوله صلى الله عليه وسلم.

وبناءا عليه فإن الاحتفال بعيد الحب أو بغيره من الأعياد المحدثة يعتبر ابتداعا في الدين وزيادة في الشريعة.

ثانياً : من الخطأ الخلط بين ظاهر مسمى اليوم وحقيقة ما يريدون من ورائه؛

فالحب المقصود في هذا اليوم هو العشق والهيام واتخاذ الأخدان والمعروف عنه

أنه يوم الإباحية والجنس عندهم بلا قيود أو حدود . . .
.
وهؤلاء لا يتحدثون عن الحب الطاهر بين الرجل وزوجته والمرأة وزوجها.

ثم إن التعبير عن المشاعر والعواطف لا يسَوِّغ للمسلم إحداث يوم يعظمه ويخصه من تلقاء نفسه بذلك،

ويسميه عيداً أو يجعله كالعيد إذ الأعياد من خصائص الأديان . فكيف وهو من أعياد الكفار؟!

ثالثاً:لا يوجد دين يحث أبناءه على التحابب والمودة والتآلف كدين الإسلام،

وهذا في كل وقت وحين لا في يوم بعينه بل حث على إظهار العاطفة والحب في كل وقت

كما قال عليه الصلاة والسلام إذا أحب الرجل أخاه فليخبره أنه يحبه) أبو داود 5124، والترمذي 2392،

وهو صحيح
وقال: (والذي نفسي بيده لا تدخلوا الجنة حتى تؤمنوا، ولا تؤمنوا حتى تحابوا أَوَلاَ أدلكم على شيء إذا فعلتموه تحاببتم ، أفشوا السلام بينكم) مسلم 54.

بل إن المسلم تمتد عاطفته لتشمل حتى الجمادات

فهذا جبل أحد يقول عنه عليه الصلاة والسلام (هذا أحد جبل يحبنا ونحبه) البخاري2889، ومسلم1365.

الحب الحقيقى اعلم أخى... اعلمى أختاه أن الحب أكبر مما يحجمه البعض أو يصوره

لذا سأقول لكما احتفلا بالحب فى كل يوم وكل ساعة ، واستقبلا الحياة بحب لتكونا سعداء .

فلنحب أهلنا وإخواننا وزوجاتنا وأبناءنا والمسلمين والمسلمات كافة ..

ولنعلم أن الحب عطاء ،ولاء، أخوة، تقدم, نجاح لا كما تصوره الفضائيات علاقات محرمة بين الجنسين .

. فلنبذل هذا الحب لهذا الدين ولأهله، ولنتذكرحديث الحبيب صلى الله عليه وسلم:

(مثل المؤمنين فى توادهم وتراحمهم وتعاطفهم كمثل الجسد الواحد إذا اشتكى منه عضو تداعى له سائر الأعضاء

بالسهر والحمى)رواه مسلم.

. هذا هو قمة الحب فكونا بين هؤلاء المسلمين واجعلا لهم الولاء والحب ..




منقول

ونسال الله تعالى العفو والعافيه من البدع والضلال ونساله وهو الهادى ان يهدينا الى ما يحب ويرضى

اللهم آمين

اة والله

يوم مبيجيش منة غير البلاوى

فالحيين بس كل واحد لابسلى احمر فى احمر و ماسكلى دبدوب احمر و ماشى فاتح بؤة سبعة متر

و مبسوط اوى كأنة اتبرع للايتام مثلا ولا فك ضيقة حد

و هى دى بقى اللى بيسموها تفاهه

و اللى يغيظ اكتر بقى ان هما مش مكفيهم يوم واحد

لا عاملين واحد عالمى و واحد مصرى

اهو زيادة بلاوى عشان الناس مبتلحقش تعمل كل حاجة فى يوم واحد

فتكمل فى اللى بعدة

جزاكى الله خيرا على الموضوع يا فداء

جزانا الله واياك

عندك حق والله فاكرين انهم عملوا اللى ما يتعملش

ربنا يهدى

أتفق مع كل ما قيل ... بس أقولك حاجة ممكن ندخل بعدها في نقاش لو مكنتش واخدين بالكم منه
هي إن الاحتفال بمولد النبي صلى الله عليه وسلم بدعة برضه لأنه ولا عيد الفطر ولا عيد الأضحى ولا حتى يوم جمعة ... والنبي نهى عن الاحتفال بيه على ما أفتكر لكن مش فاكر وقائع دلوقتي .. وكان على ما أفتكر برضه بيصوم في يوم مولده وبس .... احنا بقى بنجيب حلاوة المولد ... اللي حاجة منسوبة غلط .. وكلها مضرة جداً كما أكد كل الدكاترة .. وغالية على الفاضي لأنهم مستغلين ... طب ليه في اليوم ده م هي موجودة طول السنة لو عايزين تاكلوها برضه في أي وقت تاني ... بكره الحاجات اللي بتكون موجودة علطول ونخصصلها يوم معين
طب م يخترعوا دواء لمرض جديد أو ياخدوا نوبل ولا حاجة أحسنلهم وأحسن واحد ينفع في الحكاية دي هو دكتور حسين عطا

هو ليه ده كله
الواحد مش بيحتفل بيه على اساس انه ذكرى رجل دين مسيحى و كمان بنقول عيد الحب بالعربى بالانجليزى مش فارقه ده غير انه مش اساسى انه يكون ده اصل الموضوع اصلا لان مفيش حاجه تاكد و فى كذا روايه لاصل اليوم ده و منها انها كانت فى روايه لشيكسبير
ومش اساسى انه تشجيع للشهوات و العلاقات المحرمه ولا التقرب من واحده لا تحل له
و الواحد شايف انه عادى انه يبقى في يوم بيركز على الحب بس ده الواحد بيفرح لما حد يعبره فى اى مناسبه و بيفرح اكتر فى اليوم ده علشان بيحس ان فى حد قريب منه و ان هو قريب من حد
و بيبقى فرصه للمتجوزيين و المخطوبين انهم يصالحوا بعض لو فى مشاكل
و المخطوبيين اكتر لانه لو واحد متقدم لها متعرفوش من قبل كده و تحس انه فاكرها و تحس انها بقت قريبه منه ممكن تفكر و لو كانت مش قابلاه تقبل و كده
دول فئتين
يتظلموا بسبب الثالثه ليه ( الحبيبه )
وها نوعين عالم بتتسلى ( زباله ) و ناس داخله على جواز و مستنى يخلص و يتقدم او يتقدم فى اخر سنه و يعرف الناس و اهله و اهلها و دول انا اعرف منهم كتير واعرف ناس كانت مرتبطه فى الجامعه واخر سنه اتقدم ولما اتخرجوا اول ما اشتغل اتجوزوا
لو عيد الحب غلط يبقى عيد الام غلط و كل حاجه غلط
على العموم الواحد شايف انه عادى لما يتعمل تركيز على حاجه معينه فى يوم معين دى بتخلى الواحد يحس ان فى بشر ان فى احساس يعنى كل الواحد ما يشوف اخبار الحوادث يلاقى واحد قتل امه او مراته او بيسرق او او او او طول السنه يحس ان مفيش حد بيبر امه او اهله عموما وان مفيش حد بيحب حد خالص
يجى عيد الام لا ازاى الناس لسه كويسه بتشترى هدايا و اكيد مش هتترمى فى النيل و يجى عيد الحب ناس كتير تشترى هدايا اكيد زى اللى قبلها هتروح لناس
غير انه بيبقى سوق للمحلات و الاشتغالات فى الهدايا و طرق التقديم و كده

بحسن ان الناس لسه بتحب بعض و ان اللى بيكتب فى الحوادث حالات قليله وان لسه فى بشر مش الات تاكل تشرب تشتغل تدخل الحمام و تنام بس

بصراحة برضه انا زى فامبير
الله اعلم مش هفتى يعني ..بس عادى علماء كتير قالوا ان مفهاش حاجة الااحتفال باى شىء ما دام طبعا الغرض منه خير و مش اى حاجة غلط

لكن طبعا الهبل الى بيحصل فى الجامعه دة مش هو اللى اقصده انى موافقه عليه ...ربنا يهديهم و يهدينا جميعا

و انا بصراحة بحس انه امفهاش حاجة و كنت نوية اقولكوا امبارح كل سنة و انتوا طيبين بس قلت انكوا بتتبعوا راى انه بلاش منه فقلت خلاص مش لازم

لكن لما اشوف واحدة صاحبتى كنت بقولهم كل سنة و انتوا طيبين اقولهم انى بحبهم و ممكن نجيب لبعض هدية بسيطة ..دة كله مفهوش حاجة متهيالى لان النيه منه زيادة الحب فى الله
و مثلا لو كنت مخطوبة و لا متجوزة متهيالى كنت هزعل لو مقاليش كل سنة و انتى طيبه

حاسة انها شىء عادى اننا ناخد جزء من ثقافة غيرنا بس ميكونش هيبوظ ثقافتنا ..يعني ناخد الحلو منه و هو معنى الاحتفال بالحب اللى هو اسمى الاشياء ..لكن اى حاجة غلط او حرام و مترضيش ربنا اكيد طبعاااااااااا غلط غلط غلط

انا مش هفتى بس دة اللى برتاحله ..و عموما الايام اللى بنحتفل بيها دى فى منها الى برتاحله و منها لا ..بس دة بحس انه مبيزعلش حد ما دام مفهوش حاجة حرام هتحصل


سلااام علييكم و رحمة الله و بركاته

أولا :- عيد الحب المصريين بيحتفلوا بيه أكتر من الغرب يعني المفرض العكس

واحنا غلبناهم في الاحتفال بيه بالحاجات الحمرا والهبل اللي موجود في كل مكان

وده لأن في شباب (ولاد او بنات) تافهيين وكمان المصريين شاطرين اوي في الحاجات ده الاعياد واللعب والتهريج

واللي حصل ان الغرب نقلوا حاجة ( عيد الحب ) لينا واحنا أستجبنا بشكل غريب وحد كبير
وبكده حققوا هدفهم اولا في شبابا هيتشغل ثانيا هيصرفوا الفلوس في كلام فارغ
وبكده يضيع شبابنا

ايه الكلام الكبير ده بس شباب يضيع ايه
و بعدين ده مش فى مصر ولا العالم العربى بس و مش يوم فى الاسبوع ده يوم فى السنه
و كل دول العالم بتعمل التفاهه دى
ولو على التفاهه اليايانيين اتفه ناس بس احسن ناس تشتغل عندهم يوم ممنع استخدان المصاعد الكهربائيه سلالم بس و يوم تانى يروحوا الشغل بلبس بيت و كذا حاجه يعنى الحاجات دى اه مش بتاثر على الشغل ولا بتضيع شباب

لأ .. انا مش معترض على عيد الحب نفسه لكن ولا على طريقة الأجانب ولا على طريقة المصريين
لأن طريقة الأجانب وسيبنا من زمان والقصص بتاعت الفالنتين دي لكن الحب كحب ده في حد ذاته فيمة وشئ سامي جداً ( مع الاعتذار لسامي جداً )
ولأن طريقة المصريين تقليد كل حاجة تضيع الوقت .. مش كلهم طبعاً لكن من الظاهر إن في اليوم ده بيبقى فيه تساهل البنات علشان يبقوا رومانسيين وكدة بيلبسوا حاجات مش مقبولة علشان لفت النظر مش للناس كلها بس للي بتحبه أو فاكرة إنها بتحبه بس م هو الناس كلها بتشوفهم
برضه مش بعمم .. لكن اللي يقدر يحتفل بيه على طريقته براحته لكن بحيث إنه ميعملش حاجة مختلفة عن الأيام التانية اللي بيعملها .. مش زي م عيد الفطر بييجي بعد رمضان وفيه ناس كانت بتبقى ماسكة نفسها بالعافية في رمضان من السجاير أو اللي أنقح منها أول يوم العيد والله في ناس من بعد آخر يوم رمضان في الفطار ممكن يشربوا حاجات تانية ويضيعوا كل ثواب رمضان
المهم إني لما هحب أحتفل بعيد الحب هحتفل بيه على طريقتي زي م بيقول نزار كدة وبيغنيها كاظم ( عارف إني قرفتكوا بكاظم بس معلش ):
كل عام و أنتي حبيبتي
أقولها لك على طريقتي
رافضاً كل العبارات الكلاسيكية التي يرددها الرجال على مسامع النساء

وعلشان كدة بقول أنا كمان في موضوع كنت عاملة في عيد ميلادي اللي فات :

ممكن اقول حاجه

ربنا نزلنا شريعه تحكمنا والشريعه دى فى مصلحتنا

وربنا هو الرحيم هو الارحم بعباده والاعلم بايه اكتر حاجه هما محتاجينها

وهما علشان يعيشوا سعداء يحتفلوا بايه وايه لا وامتى؟

وكل مسام ينطق بالشهادتين مقتنع بكده

الشريعه وصلتنا عن طريق القران والسنه

لو مش موجود حكم حاجه فى القران بتبقى موجوده فى السنه

احنا عمرنا سمعنا فىا لسنه او الائمه الاربعه او الصحابه حد تلكم عن احد الاعياد المبتكره دى

عيد النصر عيد الحب عيد الام

لو كان الخير فى البشر مش هيحصل الا بالاعياد دى ,

كان ربنا قالنا انها اعياد لينا وامرنا بالاحتفال

احنا ربنا امرنا بالاحتفال بامنا فى كل يوم وكل دقيقه

تعرفوا ان فيه ناس ولا تعرف حاجه عن امهاتها ابدا وتيجى اليوم ده وتسال عنها

هو ربنا امره بكده ربنا امره باللى يفرح امه

واللى يفرحها انه يسال عنها عل طول مش يوم واحد فى السنه

ومحدش يقول اهو لولا اليوم ده محدش هيسال عن امه لالالالالالالالالا

مايبقاش الناس غلطانه وكمان بتحلل غلطها انه صح

اللى اخترع عيد الام ده ظلمها لانه خلى الناس ما تفتكرهاش الا فى اليوم ده

وعيد الحب الموضوع بجد اتكلم عنه كتير وشرح كل حاجه

احنا مسلمين والمسلمين مأمُورين بان يتحاببوا بينهم وبين بعض فى كل وقت


قال رسول الله صلى الله عليه وسلم ((الا ادلكم على شىء اذا فعلتموه تاحببتم

قالوا بلى يا رسول الله قال افشوا السلام بينكم ))

الحديث تحدث عن الحب وامرنا بيه نبينا

مش احنا بنقول سبيونا يوم نحتفل بالحب

ما نبينا امرنا بكده وما امتثلناش لامره وكان برضه بيامرنا بالحبلا ويه اننا نحب فى كل الاوقات ..

مش يوم واحد بس

اشمعنى لما الغرب قالوا ..عايزين نمتثل اوى كده ؟؟؟؟؟؟؟؟؟؟؟؟؟

وانهم يجيبوا لبعض هدايا فى كل وقت مش فى يوم واحد بس

الم يقل نبينا تهادوا تحابوا

هل تهادينا لنتحابب ولا احنا استنينا يوم الحب نتهادى فيه والباقى مالناش دعوه

طيب لو كان الهديه ليها يوم مش كان النبى هيقولنا

اللى جعل النبى يقولنا ازاى نحب بعض كان ممكن برضه انه يقول اننا نحب بعض فى يوم واحد بس

او ماتنظهرش الحب ده الا فى يوم واحد

ده ربنا سهلها علينا واحنا اللى بنصعبها على نفسنا

طيب بالله عليكوا لو دخل عليك واحد صاحبك فى اى يوم من السنه وجايبلك هديه

وقالك لانى بحبك لله فى الله

ودخل واحد تانى يوم االلى بيسموه عيد الحب وجايب هديه بمناسبه الفانتين ده

انهى يفرحك اكتر ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

الانسان اللى فاكره بمناسبه ومن غير ولا اللى علشان بس جت مناسبه فعبرك ؟؟

احنا بنحب الناس كلها طول العمر وطول الوقت وفى كل المناسبات الحزينه والسعيده

احنا حتى بنحب الجماد اللى حولينا

احنا مسلمين والمسلمين مش زى باقى الناس

احنا ربنا اصطفانا بلا اله الا الله ولازم ما يكونش عباد الله

مثل عباد من دون الله او من اشركوا مع الله شيئا

والرسول صلى الله عليه وسلم اروع مثال فى الحب

نبينا عليه الصلاه والسلام

مكنش بينتظر يوما ليظهر فيه حبه لامنا عائشه او خديجه او اى من امهاتنا عليهم رضوان الله

كان دائما وفى كل وقت

يا مسلمين احنا وصل بينا الحب ووصل بنبينا اللى حب الجماد

الرسول عليه الصلاه والسلام قال (احد جبل يحبنا ونحبه )

احنا بنحب كل شىء فى كل وقت ودون تحديد

ربنا رحمنا ووسعها علينا ليه احنا نضيقها على نفسنا

لسه كنا بنتكلم عن موضوع الفالنتين ده فى الكليه وواحده قالت (ونحسبها عل خير )

ان النبى صلى الله عليه وسلم عندما ذهب الى المدينه وجدهم يحتفلون باحد الاعياد

غير العيدين (الفطر والاضحى )

ونهاهم الرسول عن ذلك وقال لهم انكم قد اُبدِلتُم خيرا منهم بهاذين وهما الفطر والاضحى ..

والله الذى لا اله الا هو لو كان الخير فى ان نصنع عيدا للحب لصنعه معلم الحب

صلى الله عليه وعلى اله وصحبه وسلم تسليما

الله اهدنا فيمن هديت وتولانا فيمن توليت وعافنا يا الله فيمن عافيت

اللهم امين

عذرا عل الاطاله ولكن كل محدثه بدعه وكل بدعه ضلاله وكل ضلاله فى النار

اللهم انا نعوذ بك من النار وما قرب اليها من قول وعمل
امين يارب العالمين

يا فداء ناس كتير قالت مفهاش حاجة و علماء

و كلامك كله جميل و تمام و طبعا احنا حبنا و هدايانا تبقى دايما مش فى يوم واحد

بس مفيش ما يمنع ان يوم نزود فيه الموضوع شوية ..علشان الناس اللى بتنسى تفتكر

و بعدين الحكمة ضالة المؤمن ..اينما يجدها فهو اولى بها (تقريبا الحديث بيقول كدة)

يعني اىى حاجة كويسه ..دى للمؤمن ..اول ما يلاقيها يعملها ..هو اولى بعملها من غيره

بصى علشان حاسة انى خايفة اكون ماشية افتى اليومين دول فى كذا موضوع

كالعادة نقول ..نستفتى قلوبنا ..طالما اختلف العلماء

و كل واحد يعمل اللى يرتاحله قلبه .. و ربنا يتقبل من كل واحد حسب نيته

انما الاعمال بالنيات


سلااام عليكم و رحمة الله و بركاته

أشكرك جداً يا فداء على كل كلمة كتبتيها لأنك لو مكنتيش كتبتي الكلام بالطريقة كنت هقول انك استسلمتي .. لأن بد كلامك فيه الخلاصة ( رغم إنها خلاصة أطول من الشئ موضوع التلخيص نفسه ) لكن مش مهم ... أنا كنت بتكلم في جزئية معينة وكل واحد دخل كان بيتكلم من وجهة نظره .. لكن كلنا نسبح في فلك واحد هو إننا عارفين إننا مش بنعمل اللي بيتعمل برة ده ولا هنغضب ربنا ولا حاجة .. لكن بنوصل لحل أمثل .. حل واقعي دنيوي على أساس ديني يصلح نتعامل بيه بدون مثالية لأننا مش أنبياء ... كلنا صح ودي مش فتوى ده تحليل للكلام لكن كنا مش ماشيين على وتيرة واحدة ... مش بنفتي ولا حاجة لكن ربنا طلب مننا نفكر في حاجات وحاجات لأ ... دي مسألة دنيوية جداً ليها شروط دينية طالما محدش انتهكها يبقى مفيش مشاكل إننا نحطلها إطار معين يربط بين أحسن كل حاجة ... أنا عن نفسي زي م بتفق معاكي إن موضوع اليوم الواحد ده ملوش لازمة طالما وقفت على اليوم ده بتفق برضه مع ندى إن في اليوم ده ميجراش حاجة بتزيد شوية بتفق برضه مع عاشق الجنة إننا منقيدش نفسنا .... لكن كل ده في إطار ميتعداش الطبيعي ولا ينافي ما اعتدنا عليه ونتخلى عنه لمجرد أن نتناسى ما يجب فعله
أنا أول واحد مش بحب إني أحصر كل اللي عايز أعمله في يوم واحد .. حب الأم أو الوطن أو ربنا أو الأعياد والعبادات ... حتى حب الحب نفسه ... لما حد بيتصل بيا في العيد مثلاً علشان يباركلي وكدة بهزؤه (بهزأه) مش متأكد بتتكتب إزاي أياً كان بوبخه لأنه ما اتصلش قبل كدة غالباً بتكون النتيجة إنه مش بيتصل تاني ولا حتى في عيد الشرطة .. لكن سايب الايام كلها وجاي دلوقتي .. لكن الأمر يختلف لو كان في عيد ميلادي أكيد لو حد كلف نفسه منهم وافتكره يبقى كويس لكن لو بعدها بتضايق مش أوي يعني .. الأمور نسبية وبتختلف .. لكن فعلاً هناك ضوابط موضوعة مسبقاً ونحن نتغافل عنها كثيراً

وندى زي ما قالت كدة بس أنا عايز أفهمها إننا مش بنفتي أو بنجادل إحنا بنتناقش لأن إحنا اللي عايشين اللحظات دي دلوقتي مش الشيخ اللي متجوز بالفعل ومش عارف بنمر بإيه ... أكيد مر بالحكاية دي لكن إحنا لازم ناخد فرصتنا برضه ونجرب الصح .. مش نجرب الغلط بادعاء إننا نعرف الصح ... لأ إحنا عارفين الصح من الغلط لكن عايزين نفهم الصح ونعرف الغلط غلط ليه
بس كدة وشكراً
اللهم ارحمنا واغفر لنا
وشكراً للجميع مرة أخرى

المسج دى جاتلى عل الميل وبجد فيها كل اللى انا عايزه اقوله ياريتنى شوفتها قبل ما اكتب كل كلامى الاولانى

حصل خير

(بعد رغى اللى انا رغيته ده كله ولسه فى حاجه عايزه اقوله,<<مش فاهمه انا ايه ده .)


{ علمَني الحب ..!




لست مجبراً ..أن أعترف لكم في هذا اليوم أني أحب !

ولست مجبراً أن أهب حياتي كلها أندب حظي لمقتل إله الحب «فالنتاين»حتى أخلد ذكراه!!

لست مجبراً أن أتغنى بالحب لمن يقتلون الحب في بلادي، لمن يقتلون حلمي ويسرقون شبابي،

لست مجبراً أن أغدو كـ طفلٍ بريءٍ بليد لأستلم منهم قلباً أحمر باليمين، وأُطعن غدراً خلف ظهري باليسار،




[ندعوك للتسجيل في المنتدى أو التعريف بنفسك لمعاينة هذه الصورة]

سحقاً يا إله الحب «فالنتاين» فتأريخك عندي سحقته أقدام من جاؤوا إلى بلدي ليسحقوا تأريخه،

سحقاً فلن تكون عندي أكرم من قتل الأبرياء، ولن تخدعني ابتسامتك الصفراء لتنسيني دماء الشهداء،

لن أستطيع أن أخفي وجهي في القاع لأشارككم الأفراح وأنسى ما بأمتي من أتراح .




[ندعوك للتسجيل في المنتدى أو التعريف بنفسك لمعاينة هذه الصورة]

لست مضطراً.. أن أعيش إمعةً يجبرونني بيومٍ أتذكر فيه من أحب،
فأحباب قلبي كثير، إن كان لديهم «فالنتاين»! فعندي «محمد صلى الله عليه وسلم»

علمني أن تكون حياتي كلها حب، وأيامي كلها حب،


[ندعوك للتسجيل في المنتدى أو التعريف بنفسك لمعاينة هذه الصورة]

علمني إذا أحببت شخصاً أن آتيه مسرعاً لا أنتظر 14
فبراير، ولا 1 مارس، لأقول له: "يا فلان إني أحبك"،

علمني أن مرسال الحب هو الهدايا بأي لونٍ كانت وكيفما تكون فقال لي: "تهادوا تحابوا"،

علمني أن أكون أجمل وأرقى فقال لي: "إن الله جميل يحب الجمال".

علمني «محمد صلى الله عليه وسلم» أن الله يحبني لأني أعيش بالحب فقال:
"وَجبَتْ مَحبَّتِي للمتحابِّين فيَّ، والمُتجاِلِسين فيَّ، والُمتزاورين فيّ"

ووعدني بأن أكون معه إذا أحببته فحبه صلى الله عليه وآله وسلم ليس كلاماً يباع بلا ثمن، فقال لي:
"المرء يحشر مع من أحب"،

وأرشدني إلى قول ربي : "الأخلاء يومئذ بعضهم لبعض عدو إلا المتقين"،

وأخبرني أن أساس حبي في الحياة هو لله وفي الله فقال:
"من أحب لله وأبغض لله وأعطى لله ومنع لله؛ فقد استكمل الإيمان"




[ندعوك للتسجيل في المنتدى أو التعريف بنفسك لمعاينة هذه الصورة]

علمني «محمد صلى الله عليه وسلم» أن أختار من أحب حتى لا أندم على حبي هذا
" وَيَوْمَ يَعَضُّ الظَّالِمُ عَلَى يَدَيْهِ يَقُولُ يَا لَيْتَنِي اتَّخَذْتُ مَعَ الرَّسُولِ سَبِيلاً *
يَا وَيْلَتَى لَيْتَنِي لَمْ أَتَّخِذْ فُلَاناً خَلِيلاً * لَقَدْ أَضَلَّنِي عَنِ الذِّكْرِ بَعْدَ إِذْ جَاءنِي
وَكَانَ الشَّيْطَانُ لِلْإِنسَانِ خَذُولاً "،

أما المتحابون في الله

فإن الله يظلهم يوم القيامة في ظله يوم لا ظل إلا ظله، ويؤويهم إلى كنف محبته،
فينادي الله بهم يوم القيامة قائلاً: "أين المتحابون بجلالي ؟ اليوم أظلهم في ظلي ، يوم لا ظل إلا ظلي"،

ويمدحهم قائلاً: "المتحابون في جلالي لهم منابر من نور يغبطهم النبيون والشهداء".

[ندعوك للتسجيل في المنتدى أو التعريف بنفسك لمعاينة هذه الصورة]

سحقاً ليوم حبٍّ أرى فيه أتباعه يسخرون من نبيي برسوماتهم وأفلامهم،

كيف أشاطركم يوم حبٍّ يخرج فيه اليوم برلماني هولندي ليقول للعالم :
(إذا كان المسلمون يريدون العيش هنا فعليهم أن يمزقوا نصف القرآن ويلقوه بعيداً )
– مزق الله ملككم وأخرس ألسنتكم وشل أيديكم –

إن كان ضعاف العقول من بني جلدتي قد أسرتهم بهرجتكم الكذابة، وزيف إعلامكم المهتر المتهالك،

فما زال فينا الكثير الكثير ممن عرفوا واقعاً ماهو الحب في دينكم !!.

كويس انكوا فتحتوا الموضوع ده
لانها بجد بقت حاجه زياده عن اللزوم اوي و بقينا منفتحين لكل العادات و الثقافات الغريبه و السيئه

و بقي في بعض الافكار الي اتمني اننا نتخلص منها , و بقينا في وضع مستائين منه جدا الي لا دينا و لا مجتمعنا و لا العرف نص عليه

ربنا يصلح من حالنا ان شاء الله

و اراء كلها جميله جدا منكوا...... و ربنا يجازينا خيرا ان شاء الله

ان شاء الله

والحمد لله اننا كلنا متفقين عل المبدأ الاساسى وهو اننا مش مع اللى بيحصل ده

انا هتكلم على حاجه تانيه خالص
انت استشهتى بالقران الكريم
قال الله تعالى{ورهبانية ابتدعوها ما كتبناها عليهم} سورة الحديد 27
هنا الكلام على حاجه تانيه خالص و هنا انت اخذتى جزء من ايه يعنى مش ايه كامله و كمان فى مختصر تفسير ابن كثير لقيت ان المقصود بيها و ده عن الرسول عليه الصلاه و السلام
ان بعد المسيح سيدنا عيسى عليه السلام المسيحيين انقسموا الى 72 فرقه 3 منهم بس اللى كانوا على حق و نجوا الاولى اعلنت الدين و حاربت و الثايه لم تكن تقوى على القتال و اعلت الدين و قطعوا بالمناشير و الثالثه اللى هما فى الايه اللى استشهتى بيها هربوا الى الجبال لانه لم يقوا على القتال و شقوا على انفسهم و ترهبنوا و نجوا

اللى عاوز اوصله ان ياريت نشوف احنا بنستشهد بايه و فين

و تانى حاجه هيا ان الواحد لما يفتكر تضحيه عملها حد ( ده للناس اللى بتحتفل به على اساس انه للقديس ) مع العلم انه قتل علشان دينه و متمسك به دى مش مشكله
مع الفارق الشاسع فى المقارنه بس ده اللى بيدور فى دماغى
ان اليهود كانوا بيصوموا يوم عاشوراء لان سيدنا موسى عليه السلام نجا فى اليوم ده من فرعون و لما الرسول عليه الصلاه و السلام عرف من اليهود نفسهم كده لما سالهم عن صومهم فى اليوم ده قال انه هيصومه بعد كده و انه هيصوم يوم قبله كمان
اليوم ده احتفال بطريقه مختلفه ( الصوم ) لحدث حصل

ثالث حاجه ان عيد الام تحديدا علشان انا ده اللى سمعته ساعتها السنه اللى فاتت من مفتى الديار المصريه يوم الجمعه البرنامج اللى بعد الصلاه قال انه مفيش مانع دينى للاحتفال بالمناسبه دى لان حد اتصل و سال على الاحتفال بعيد الام و قال انه مش عيد الاضحى ولا عيد الفطر و مش موجود فى القران او السنه و قال انها كمان يمكن اعتبارها سنه حسنه لان الرسول عليه الصلاه و السلام قال من سن فى امتى سنه حسنه كان له اجرها و اجر من عمل بها من بعده لا ينقص ذلك من اجورهم شيا
و قال المفتى ان هنا الرسول عليه الصلاه و السلام اعفى الناس من مشاكل كثيره لان كل حد كان هيعمل حاجه مش فى السنه النبويه او مش فى القران كان هتبقى مشكله و كان هيبقى فى جمود

انت خلتنى قومت دورت على تفسير الايه فى مختصر ابن كثير

وفى تفسير القران العظيم

لابن كثير برضه وفى تفسير القرطبى

وفى كتاب فى ظلال القرآن لسيد قطب

كل ده بس بتاكد

وطبعا ان شاء الله فالثواب ليك

ولاقيت التفسير زى ما انت قولت بالضبط

بس بالتفصيل علشان اللى معندوش الكتاب كالتالى

(ورهبانيه ابتدعوها ) اى النصارى هم من ابتدعوا

(ما كتبناها عليهم )اى ما شرعناها وانما هم التزموها من تلقاء انفسهم ,

وفى تفسيرالقرطبى قال انهم(ويقصد الفرقه الثالثه التى لم تقوى على مجابهه الحكام )

حَمَلُوا انفسهم على المشقات

فى الامتناع من المطعم والمشرب والنكاح والتعلق بالكهوف والصوامع

زى ما انت قولت .. جزاك الله خيرا على بحثك وتوضيحك لتفسير الايه


انا بعد التفسير والتاكد منه كمان ما اقدرش اقول حاجه

بس انا ممكن اقول ان المستشهد بالايه قد يكون يقصد يقول

ان الفرقه دى زودت على الى ربنا امرهم بيه فتعبوا

فبيدى مثال ومش عايز ان الناس تزود فى حاجه حتى

لو بيحبوها علشان ما تبقاش العاقبه سيئه

لان الفرقه الثالثه هى اللى ابتدعت على نفسها الرهبانيه


والرهبانيه هى عباده مش حاجه غلط مثلا بس بزياده فى العباده على اللى ربنا امر بيه

ثم ورد فى تكمله الايه

(فما رعوها حق رعايتها )

اى فما قاموا بما التزموه حق القيام وهذا ذم على وجهين

(احدهما ):الابتداع فى دين الله ما لم يأمر به الله

و(الثانى ):فى عدم قيامهم بما التزموه مما زعموا انه قربه يقربهم الى الله عز وجل ...

وده ورد فى كتاب مختصر تفسير ابن كثير ,

يعنى هما حملوا نفسهم فوق طاقتهم زعما منهم ان ده قربات من الله

وقال المفسر ان لفظ الايه وهو (فما رعوها حق رعايتها ) ذم من الله عز وجل لهم

وتفسبر الذم على راين

واحد منهم انهم ابتدعوا فى الدين يعنى اخترعوا امر جديد فى ديننا نقدر نقول بدعه

والذم الثانى انهم لم يلتزموا ما فعلوه زعما بانه قربى لله عزوجل

فبعد الجزء التانى ده من التفسير ممكن فعلا يكون المُستشِهد

فى الموضوع يقصد هذا الجزء من الايه

وانا مش ببرر او بفسر عل مزاجى ده قرآن واى كلمه فيه هتبقى افتراء على الله عز وجل

ونعوذ بالله تعالى ان يكون منا مُفترِ على الله

فبجد جزاك الله خيرا على بحثك

وجزاك الله خيرا انك خلتنى قومت فتحت الكتب دى واللى مش باجى نحيتها خالص

لانى فاكره انى مش بفهم فيها وانها صعبه وان انا لسه صغيره ما افهماش

وطلعت بفهم فيها اهو وطلعت طريقه الشرح مبسطه جدا

بجد ربنا يارب يجزيك كل خير على الثواب اللى عملته فيا

وحتى لو احنا خرجنا من الموضوع ده وانت ما غيرتش رايك او انا ما غيرتش راى
.
فكفايه عليا اللى اتعلمته انهارده

واللى باذن الله هينغعنى كتيررررررر بعد كده

ويارب تفهموا الشرح اللى نقلته وتفهموا وجهه نظرى

اللى وضحتها

اه معلش انا علقت عل اول جزء بس فى كلامك

لانى اعتبرت الاهم واتشغلت فى الكتب وكده

وبالنسبه لعيد الام فانا بحتفل بامى دايما من غير اوقات

وبجبلها الهدايا برضه من غيراوقات

وكل مفتى او كل شيخ عارف كويس هو بيقول ايه وعارف

انه هيشيل ثواب او وزر من اتبعوه


اللى تستريحله اعمله او اتبنى فكرته لان دايما

دايما اختلاف العلماء رحمه لينا احنا

اللنك ده فى حاجه تبع الموضوع لاقيتها من الاخبار

اللى بتعدى فى الشريط الى فوق فى المنتدى

[ندعوك للتسجيل في المنتدى أو التعريف بنفسك لمعاينة هذا الرابط]


وارجع اقول فى النهايه

احذروا مواضع الشبهات

استفت قلبك ولو افتوك

الاثم ما حاك فى صدرك وكرهت ان يطلع عليه الناس وكثرت حوله الظنون

(الكلام مش بالنص )

بالظبط يا فداء..استفتى قلبك

و مننساش ان فى سنة حسنة زى ما قال فمبير ..فى حاجات كتير بتبقى سنة حسنة مش بدعه

البدعه هى على حسب ما اتذكر بتكون فى اصول الدين ..زى على سبيل المثال واحد يقول و الله احنا هنصوم الدهر كله ..دة بدعه و حصلت ايام الرسول و نهى عنها

او مثلا واحد يقول صلاة الفجر ركعتين و دى ثوابها كبير ..انا هبقى اصليها اربعه بدل اتنين ..دة حسب معرفتى بمصطلح استحداث شىء فى الدين ..و اللى طبعا كلنا عارفين كل محدثة بدعه و كل بدعه ضلاله و كل ضلالة فى النار

و فى فرق بين البدعه و السنة الحسنة ..حسب ما اعرف

نفسي الاقى موضوع عن الحكاية دى

و ابقوا اقروا موضوع الاختلاف ميزة و سعه يا ريت

سلاااااام عليييكم و رحمة الله و بركاته

(الكلام مش بالنص )
ده اللى كنت عاوز اوصله
وفى الاخر زى ما قولتوا استفتى قلبك
و طول ما الواحد مش بيعمل حاجه غلط و مفيش حاجه تثبت حرمانيتها خلاص