نقاش حول حلقة خدعوك فقالوا : عن الحب

معلش مش هقدر اقول رايى لانى مشفتش الحلقة ياريت حد يقولى علي معياد الاعادة
وجزاك الله كل خيير

انا برضه مشفتهاش للأسف مش ينفع تكون موجوده ع النت مثلا او هتتعاد زي ما شاديه بتقول؟

هو كان فيه إعادة 12 بليل بس زمانها خلصت من 1 ونص
الاعادة التانية أظن يوم السبت أو الحد مش متأكد الساعة 3 العصر تقريباً
والاعادة التالتة يوم الاتين الساعة 8 الصبح

ممكن تتأكد من الموقع .. أو هشوفلك برضه لو عرفت

مواعيد الإعادة هي كالآتي

أولا البث المباشر كما هو:-
الجمعة ..
08:00 مساءا بتوقيت القاهرة

ثانيا: مواعيد الإعادة الإعادة الأولي
السبت 12:00 مساءا بتوقيت القاهرة( أي بعد البث المباشر بساعتين ونص من نفس اليوم)
الإعادة الثانية
الأحد 03:00 عصرا بتوقيت القاهرة
الإعادة الثالثة
الاثنين 09:30 صباحاا بتوقيت القاهرة

ان شاء لله بكرة ادخل اشارك علشان للاسف نسيت معاده و لما دخلت المنتدى و قريتاسم الموضوع كانت 1 الا ربع فملحقتوش كله

ان شاء الله اسمعه كله و ادخل اتناقش معاكم..و ربنا يكرمك

إن شاء الله

اقتباس :

[النقطة الأولى : هي أنه عندما نحب في الله فنحن نحب من يذكرنا بالله ...

اعتقد هو يقصد ان لما بتشوفه بتفتكر ربنا علشان انت بتحبه عشان ربنا و بس ..منغير اى صالح
فلما بتشوفه بتفتكر ربنا عشان انت بتحبه عشان ربنا ..و محددش الانسان دة تقي و لا عاصى
و حتى قعد يتكلم عن ان حتى الكافر ميتكرهش و كلام كدة من اللى معناه (اكره اى غلط و متكرهش الغلطان )
و اننا لازم نحب كل شىء و كل النااااااااس

اقتباس :

ربما نحب شخصاً غير مسلم أو غير موجود ... فما ضير ذلك؟

هو مش ضد دة
و الا مكانش قال ان النبى صلى الله عليه و سلم كان حابب حتى غير المسلمين و يتمنالهم الهداية

اقتباس :

لا أختلف مع هذا التعريف كثيراً ولكن أول ما تبادر إلى ذهني في تعريف الحب في الله أنه بلا مصالح أو مقابل أو ماديات أو غيرها ...

دة اكييييييييييد

هو بس فى موضوع الرد على الاسئلة دى بيتكلم بسرعه فمش بيستفيض فى الكلام اوى ..و هو زى ما تقول حب يعرف الكلمة بسرعه ..فممكن للاسف متفهمتش منه كويس

اقتباس :

حب طاهر قد يكون ما بين كل الناس من كل الأجناس و الألوان حب لمجرد صفة الحب بأنه يعني أن المتحابين في الله أساساً أشخاصاً لا تجمعه صلات قرابة أو زواج ... أي من الممكن أن يحب أخاً أخاه أو أختاً أختها في الله .. ولكن في المجمل قد يرتاح ذكراً إلى أنثى ويعتبره حباً في الله ... ليس بأن يبيح الحرمة بينهم أو ما إلى ذلك ولكن عندما يسأل أحدهم لما تفعل هذا لها أو هي لما تلبي له شيئاً لم يطلبه فيكون جوابهما دون علم أو تفكير لأننا نحب بعضنا في الله ... لا يقصد بها شئٌ محرم طالما اقترن لفظ الجلالة بهذا ...

ما هو قال ..انه بيحب كل المسلمات فى الله ..لكن الفكرة انه فعلا عنده حق فى تعليق الراجل بتاع تونس ..ان فى بنات بتتصل بيه تقوله بحبك فى الله ..فعلا هو نفسه بيبقى شكله اتكسف و انا بحس ان الكلمة مش حلوة خالص تتقال
ايوة كلنا بنحب كل المسلمين ..بس كلمة بحبك دى متتقالش كدة عشان صعبه شوية ..و هو نفسه قال انا مش بنفتى بس الكلمة مش لذيذة و فعلا عنده حق ..مش لذيذه انها تتقال على حد بعينه بالذات لو سنه مناسب لسنها ..غير مثلا تقول لطفل انا بحبك مش مشكلة او لواحد قد باباها تقوله بحبك فى الله .

هو دة اللى يقصده متهيالى

اقتباس :

أظن أن المسى من أطهر ما يكون ... ولا مانع من وجوده بين اخوة الدم أو الأقرباء أو الأزواج ... ولكن أتفق معه بأن المفهوم قد يكون راسخاً في الأذهان ولكن لا يصح أن يقال بالأفواه بأننا جميعاً نحب بعضنا في الله .... إني أحبكم في الله

يعني ايه مسى ؟؟

اقتباس :

النقطة الثانية: مسألة أن الأنثى إذا أحبَّت فلتؤدي صلاة استخارة لأنه إذا كان خيراً لها أو لهما بالأصح فيوفقها الله وهنا فهي تشعر بالحب ... - وهو ما لم يذكره طوال الحلقة وسأذكره في النقطة الثالثة - وهو لا أهمية لقراره ؟ ويقول أنه إذا أحب فلا داعي للاستخارة فليذهب ويتقدم لأهلها ..

لا بقى انا ركزت فيها للمرة التانيه

قال لو واحدة تدعى و مش هتقدر تعمل غير كدة ..و دة فعلا صح طبعا علشان متبقاش معندهاش حياء

اما لو واحد فهو هيكون قادر يتقدم ..لو مش قادر يبقى يدعي برضه

و هو ادى مثال بالاستخارة قبل الدعاء علشان برضه بتدي راحة نفسية يعرفوا و يحددوا من اولها

و طبعا ميقصدش اكيد ان اللى هيروح يتقدم مايستخيرش ..و اكيد هيقولها المرة الجاية لما هيتكلم عن الزواج ..هو كان بيرد بسرعه بس

اقتباس :

كل ذلك لم يأخذ جزءاً من الدقيقة لأنها كانت اجابة مقتضبة على أحد الأسئلة ...

اديك قلت بنفسك .

اقتباس :

وأنا أعترض على مسألة التقدم مباشرة لأهلها دون علمه بموافقتها أو أن هناك حباً متبادل ... لا أستطيع أن أتخيل أن رجلاً تقدم لامرأة للزواج ظناً منه أن المعيار هو التقدم لها وطالما أنه يحبها ولكن جاء والدها وقال لها ألا تعرفها و تعرف رأيها؟ فقال أريد سماعه وإذا بها تقول أنها لا تحبه أو لا تعرفه جيداً وما إلى ذلك ؟ فما هذا الموقف المحرج الذي يضع نفسه فيه ؟؟ فما هي المعادلة السليمة عند التقدم لضمان أن هناك أحدهم يحب إحداهن ويتقدم لها ويكون الأمر في المسألة هو قبوله من قبل أهلها أم لا .. أي أن الخطوة الأولى قد انجزت فالاثنان مقتنعان بالزواج لأنهما يحبان بعضهما ... كيف يوصل ليها مشاعره الصادقة حتى وإن لم تكن تعلم به أو لا تبادله الشعور أو بمعنى الحب من طرف واحد ... قبل أن ندخل في مرحلة أولى وهي التقدم والأساس لم يكتمل لأن أحداً منهما ليست متأكداً من شعوره فما بالكم إذا لم يكن الشعور موجوداً من الأصل؟ ... مجرد تفكير بصوت عالي

متهيالى كان فى مناقشه عن الموضوع دة قبل كدة

مش عيب انه يتقدم و هو مش عارف رايها .. لان المفروض رايها ميتقالش بصراحة الا لاهلها ..ممكن يحاول يعرف رايها بطريقه غير مباشرة مثلا ..لو معرفش يروح يتقدم و خلاص
و لو قالت معرفوش يصمم و يحاول (ما دام بيحبها بقى ( انه يخلى اهلها يستضيفوه مرة و يتعرف عليها فى وجودهم بحيث تقدر تحكم عليه

اقتباس :

النقطة الثالثة : وهي التي لم يذكرها بأن الحب في الله يكون للناس جميعاً أو بين الأزواج .. ولكنه لم يذكر أنه يجب أن يكون هناك حباً قبل الزواج والذي يبنى عليه الزواج ... أتحدث هنا عن العلاقات الناجحة المبنية على التفاهم وإذا كانت المبادئ الأساسية موجودة فما بعد ذلك يمكن تفاديه ...
ما العيب أن يحب شاباً فتاة ثم يصارحها وإذا حظي بالقبول يحتفلان بذلك بأن تتم الخِطبة كي ترسخ هذا الحب أو تنفيه ثم إذا استمر فالزواج هو نهاية المطاف ... ؟؟
لماذا حصر الحب في هاتين الحالتين الحب للناس جميعاً أو بين الأزواج ... ومن أين ستأتي الأزواج ويحبون بعضهم إذا لم تكن هناك سابقة للحب بينهم ؟؟؟ .... مجرد أسئلة بريئة تحتاج لتوضيح

محدش قال مش هيحبوا بعض ..بس يبقى قدام الناس ..يروح يتقدم و يبقى فى خطوبة و يتعرف عليها فيها

لكن اى حاجة من ورا االاهل دى مترضيش ربنا ..دة اكنهم بيسرقوا .. ربنا يحفظنا و يهدينا كلنا

اقتباس :

ختاماً أنا لا أهاجمه ولكنني أود الوصول إلى الصيغة النهائية الواقعية .. فنحن بشر .. أو بالأصح أتكلم عن نفسي أرجو منكم أن تساعدوني عليه ... لقد قررت أن أتنحى ... آسف ... جملة خطأ .. شكراً
وأنتظر الردود

مفهمتش اخر كام كلمة

و كويس انك مش بتهاجم ..واضح انك بس عندك تساؤلات مش لاقيلها اجابه

بس و الله محدش بيعمل اللى يرضى ربنا غير و بيرتاح ..و اى حاجة خارج نطاق شرعنا مبيجيش من وراها غير الهم

و بص فى حاجة متهيالى عمرو خالد قالها ..تريح اى حد

قال ان الرزق مكوب من قبل ا تتولد ..فلو واحدة مكتوبالك ..هتاخدها هتاخدها ..مش مكتوبالك ..لو عملت ايه مش هتوصلها

هنقول بس لازم نسعى للرزق.. السعى اللى ربنا امرنا بيه هو السعى الحلال

يشتغل يجهز و يبقى كويس و يروح يتقدم ..لوهى نصيبه ربنا هييسر الامور..لو موافقتش تبقى هى اكيد مش نصيبه

و يتاكد ان ربنا كاتبله حاجة تانيه افضل ..اكيييد هيبقى متضايق فترة بس دة اكيد فيه خير

لكن مانسعاش باللى ربنا ميرضاش بيه و نقول بنسعى و ربنا امرنا بالسعى

و ربنا يكرمنا جميعا

سلاااااااام علييكم و رحمة الله و بركاته

معظم الكلام أتفق مع ما قلتِ فيه وهناك بعض التوضيحات

اقتباس :

يعني ايه مسى ؟؟

مش عارف الصراحة دي جت منين بس أكيد كنت هكتب كلمة بس مكملتش .. بس أظن (المسمى) من أطهر ما يكون ... غالباً كان قصدي على مسمى (الحب في الله) .. آسف على الهذيان ده

اقتباس :

لا بقى انا ركزت فيها للمرة التانيه
قال لو واحدة تدعى و مش هتقدر تعمل غير كدة ..و دة فعلا صح طبعا علشان متبقاش معندهاش حياء
اما لو واحد فهو هيكون قادر يتقدم ..لو مش قادر يبقى يدعي برضه
و هو ادى مثال بالاستخارة قبل الدعاء علشان برضه بتدي راحة نفسية يعرفوا و يحددوا من اولها
و طبعا ميقصدش اكيد ان اللى هيروح يتقدم مايستخيرش ..و اكيد هيقولها المرة الجاية لما هيتكلم عن الزواج ..هو كان بيرد بسرعه بس

ده انتي مستحلفالي بقى ... اللي لأ ده أنا كنت مركزة ومستعدة يعني
المهم أنا مش قصدي بالمعنى ده .. مش قصدي على إن ليه البنت تعمل الاستخارة أو متعملش .. وأتفق معكِ في موضوع إن حياء البنت يمنعها رغم إن ده بيعطل الحكاية كتير ومش هيقلل من الحياء لكن برضه مفيش مشاكل .. أنا كنت بتكلم على الجملة كاملة اللي هي ( اشمعنى البنت تعمل استخارة طالما عندها إحساس بالحب والولد لو بيحب يتقدم وهو مش عارف إيه نظامها وزي م تيجي تيجي سواء يعمل استخارة ولا لأ )

اقتباس :

متهيالى كان فى مناقشه عن الموضوع دة قبل كدة
مش عيب انه يتقدم و هو مش عارف رايها .. لان المفروض رايها ميتقالش بصراحة الا لاهلها ..ممكن يحاول يعرف رايها بطريقه غير مباشرة مثلا ..لو معرفش يروح يتقدم و خلاص
و لو قالت معرفوش يصمم و يحاول (ما دام بيحبها بقى ( انه يخلى اهلها يستضيفوه مرة و يتعرف عليها فى وجودهم بحيث تقدر تحكم عليه

على الأقل إن يكون فيه تلميح بالقبول اللي هو أتقدم ولا لأ ... آه يبقى كويس ويتقدم .. لأ يبقى خلاص ياخدها من الآخر ويسكت ... لكن لو هو ميعرفش حاجة هيتقدم ليه ؟ أهلها على أساس إيه هيحكموا ؟ إذا كان من الأول هي مش متقبلاه ولا فيه حاجة من ناحيتها .. أصل الحكاية مش سهلة ده مش رايح يجرب حظه و يا صابت يا خابت ... ومع احترامي هي ازاي هتحكم عليه من مقابلة ولا ستين حتى ومفيش على الأقل تعامل في الحياة العامة أنا مش بقول خروجات لأننا عارفين إن الخروجات متنفعش ومتصحش وكمان هيكون فيها الحركات بتاعت تجميل ماء الوجه والكذب والخداع بتاع كل واحد بيظهر إنه أحسن واحد .. لكن بتكلم على تشوفه ويشوفها في التعامل العادي يكون فيه ما بينهم كلام عادي حتى على أي حاجة يشوفوا تفكير بعض بس هيتفقوا ولا لأ ... حكم عليها صح ولا لأ ينفعها ولا لأ .. كدة .. لكن إنه يقعد معاهم وهي مثلاً تسأله عن حاجات ويجاوب أكيد محرجة أولاً ثانياً مش هيطلع اللي عنده صح وممكن يكدب علشان الموضوع يتم وخلاص لكن لو الموضوع جاي عادي مش باختلاق الموقف هيكون الحكاية طببعية .. قد أكون مخطئ طبعاً لكن ده عايز موضوع لوحده هعمله قريب إن شاء الله

اقتباس :

محدش قال مش هيحبوا بعض ..بس يبقى قدام الناس ..يروح يتقدم و يبقى فى خطوبة و يتعرف عليها فيها
لكن اى حاجة من ورا االاهل دى مترضيش ربنا ..دة اكنهم بيسرقوا .. ربنا يحفظنا و يهدينا كلنا

مش من ورا أهلها إطلاقاً لكن هل الأهل هيتجاوبوا من غير م يكون في تمهيد منها بعد م راح كلمهم علشان يكون فيه أساس الأهل يحكموا عليه منه
يعني الموضوع أنا شايفه كدة .. واحد عايز يتقدم لواحدة يتقدم يشوف رأي الأهل في الرد المبدئي وبعد كدة هي تكون عارفة عنه معلومات توصلها لأهلها بحيث إن لما يجي الكلام اللي بجد والأهل شايفين هيحكموا عليه من الحاجات دي يبقوا عارفين إنهم بيتكلموا على أساس ... أعتقد كدة ... كله هيبقى في الموضوع برضه

اقتباس :

مفهمتش اخر كام كلمة
و كويس انك مش بتهاجم ..واضح انك بس عندك تساؤلات مش لاقيلها اجابه

لأ أنا كنت بهزر ... أصل كتبت الكلام وقت السؤال بتاع (بتحب عبد الناصر ؟) دي كانت من ضمن خطاب التنحي .. جت في وسط سياق الكلام يعني ... بستخف دمي شوية لأني لقيت إني ممكن أتفهم غلط .. بس الحمد لله اتفهمت غلط برضه

اقتباس :

بس و الله محدش بيعمل اللى يرضى ربنا غير و بيرتاح ..و اى حاجة خارج نطاق شرعنا مبيجيش من وراها غير الهم
و بص فى حاجة متهيالى عمرو خالد قالها ..تريح اى حد
قال ان الرزق مكوب من قبل ا تتولد ..فلو واحدة مكتوبالك ..هتاخدها هتاخدها ..مش مكتوبالك ..لو عملت ايه مش هتوصلها
هنقول بس لازم نسعى للرزق.. السعى اللى ربنا امرنا بيه هو السعى الحلال
يشتغل يجهز و يبقى كويس و يروح يتقدم ..لوهى نصيبه ربنا هييسر الامور..لو موافقتش تبقى هى اكيد مش نصيبه
و يتاكد ان ربنا كاتبله حاجة تانيه افضل ..اكيييد هيبقى متضايق فترة بس دة اكيد فيه خير
لكن مانسعاش باللى ربنا ميرضاش بيه و نقول بنسعى و ربنا امرنا بالسعى

أكيد طبعاً محدش قال غير كدة ... والحمد لله بحس إني كل حاجة بعملها بتعامل بيها من المنطلق ده ... بعمل اللي عليا مش في كله طبعاً لكن بحاول والنتيجة لو كويسة بقول الحمد لله .. ولو وحشة برضه بقول الحمد لله بس كان تقصير مني و بكون متوقع حاجات كدة ... وأهم حاجة النصيب ده فعلاً أنا بحس إنه كدة بحس إني مش ممكن أندم على نصيبي ومش بعلق نفسي بحاجة وخلاص يعني فكرت في كدة كذا مرة قولت أنا مش مستعجل على حاجة نصيبي هيجيلي لحد عندي لكني مش هخليني ساكت هروحله برضه وربنا هو اللي هيوفقني في ده مش أنا ولا أي حد

اقتباس :

و ربنا يكرمنا جميعا
سلاااااااام علييكم و رحمة الله و بركاته

يارب .. ويكرمك
وعليكم السلام ورحمة الله وبركاته

اقتباس :

ومش هيقلل من الحياء لكن برضه مفيش مشاكل

لا طبعا ازاى ..دة يقلله ان لم يكن سيجعله منعدم اصلاااااااا

ازاى بنت هى اللى تروح تكلم ولد بنفسها يعنى ؟!!


---------------------

و بالنسبة لبقيت الكلام هو انا بصراحة مصرة على ان الراى الصح ان الواحد ميكلمش واحدة بنفها و يكلم اهلها ..او ممكن مثلا (و دة احتمال يكون غلط ..الله اعلم ) لو هو خلاص ناوى يتقدم خلاص يسالها الاول عن رايها و بس (لكن مش يقعد يتعرف عليها و الكلام دة )


سلااااام علييييكم و رحمة الله و بركاته

اقتباس :

لا طبعا ازاى ..دة يقلله ان لم يكن سيجعله منعدم اصلاااااااا
ازاى بنت هى اللى تروح تكلم ولد بنفسها يعنى ؟!!

لأ طبعاً مش هي اللي تروح تكلمه أنا بتكلم عن طبيعة الرد لما يصارحها تفهمه المفروض يحصل إيه ... مش تسيبه كدة ميعرفش حاجة ممكن .. يعني لو قالها هل عندك مانع أفاتح أهلك ( هي جت كدة مش قصدي طريقة مش حلوة !) لكن بجد قصدي يعني يكون عارف هي موافقة على المبدأ ولا لأ .. علشان نوفر المسافة ويكون هو كمان بيتكلم على أساس

---------------------

اقتباس :

و بالنسبة لبقيت الكلام هو انا بصراحة مصرة على ان الراى الصح ان الواحد ميكلمش واحدة بنفها و يكلم اهلها ..او ممكن مثلا (و دة احتمال يكون غلط ..الله اعلم ) لو هو خلاص ناوى يتقدم خلاص يسالها الاول عن رايها و بس (لكن مش يقعد يتعرف عليها و الكلام دة )

صح كدة ... مع بعض الملاحيظ .. لكن ده مبدأ كويس
الموضوع شائك جدً أصله وكبير أوي .. ربنا يوفق الجميع ويكرمهم

اقتباس :

سلااااام علييييكم و رحمة الله و بركاته

وعليكم السلام ورحمة الله وبركاته

اه الموضوع ده انت اتكلمت فيه فى الموضوع اللى كان فى

منوعات وانا كنت رد عليك هناك

بس بيتهيالى انك ما شوفتش الرد

بس بجد الاساس ان اللى عايز يتقدم لوحده يروح على بيت اهلها

على الاقل هى تبقى عارفه انه محترم وشاريها مش بتاع كلام و...ومعرفش ايه ؟

وكمان انت دايما تقول لازم يعرف رايها ! ما انت هتعرف رايها لما اهلها هما اللى يسالوها

وكمان لو خايف يترفض ماهو ممكن هى توافق واهالها يرفضوا هيا هياها ؟؟

لا بجد مبدا يسالها الاول والحاجات العجيبه دى انا مختلفه معاك تماما عليه

احنا طول عمرنا عارفين ان اللى بيشوف واحده وعايز انها تبقى زوجته

بيسال عنها وعن اهلها وبعد كده على بيت ابوها عدل (واذا هيصلى استخاره افضل )

لا يقول اسالها ولا ما اسالهاش

ده راى وسورى لو باين انى متعصبه

بس فى امور مافيهاش كلام

بجد الحلقة كانت جميلة جدااا واسلوب مصطفى حسني ما شاء الله عليه ربنا يحفظه

عجبني قوي ف الحلقة انه قال سوء الظن هو عدو التسامح الاول عشان كدة اول ما بيروح الواحد بيحس ان كان فيه حاجة قافلة على قلبة وراحت ويقدر بعدها يسامح بسهولة

( خليك إشعاع حب للي حواليك ) بجد الجملة دي عجبتني جداا والحركة اللي عملها معاه صاحبه بتاعة القلب جميييييلة جدااا

رده على الراجل اللي سألو عن يقول ايه لو حد لو كان فيه نساء بتقوله بحبك في الله ، ومعاه جدا في رايه ان ماينفعش بنت تقول لولد حتى لو كان زميلها بحبك في الله لان ده ما يمشيش مع حياء البنت خااااااااااالص

انما ممكن تقول لمحارمها زي اخوها والدها طفل صغير مش مشكلة انما غير كدة ماينفعش

بالنسبة لموضوع لو ولد اعجب ببنت وحاسس انهم ممكن يصلحوا لبعض كازواج يفضل انه يعرفها بشكل عام أخلاقها .. طباعها .. أهلها .. طموحها ويشوف هل متانسبين مع بعض ولا لا ، لو حاسس انه أه ويقدر يتقدم ( وطبعا يكون صلى استخارة في الاول وحس ان نتيجتها ايجابية معاه ) يتقدم ويتعرف عليها اكتر من خلال حاجة رسمية و بمعرفة الاهل عشان ربنا يبارك لهم بعد كدة في جوازهم

غير كدة البركة بتقل في الجواز بعد كدة وعن تجارب كتيير جدااااا

والناس اللي اتبعوا الطريقة الاولى حصلتلهم البركة في الجواز بفضل الله عشان هما اتقوا ربنا قبل الجواز لدرجة ان ناس منهم بتقول بعد ماتجوزوا بفترة وخلفوا 3 اطفال على لسان احد الازواج ( أنا حاسس اني لسة بحبها حب كتب الكتاب )

وده كان في قصة لعمرو خالد في كتيب صغير كدة اسمه ( الحب ) إنه كان بيحب زوجته (حاليا ) وهما كانوا مشتركين في نادي وكل النادي عارف الموضوع ده وكانوا مع بعض على طول .. بس بعد فترة هو ابتدى يدخل في التدين ويتعمق فيه اكتر ، وجيه في يوم قالها ( أنا شايف انك انسان كويسة ونفسي اتقدم لك بس للاسف دلوقتي مش هقدر ، كان هو في الفترة دي في 3 هندسة ، فهنقطع دلوقتي اي اتصالات وتكون اختي هي الوسيط بينا لحد ما اتخرج واشتغل واقدر اتقدم لك بعدها )

وفعلا قطعوا الاتصالات لحد ما تخرج هو و اشتغل واتقدم لها وكتبوا الكتاب بعد كدة واتجوزوا وقال الجملة دي بعد ما خلفوا 3 اطفال ( لسة بحبها حب كتب الكتاب )

وعشان احنا اتقينا ربنا قبل الجواز ربنا عوضنا بالبركة دي بعد الجواز

اقتباس :

طبعاً مش هي اللي تروح تكلمه أنا بتكلم عن طبيعة الرد لما يصارحها تفهمه المفروض يحصل إيه ... مش تسيبه كدة ميعرفش حاجة ممكن .. يعني لو قالها هل عندك مانع أفاتح أهلك ( هي جت كدة مش قصدي طريقة مش حلوة !) لكن بجد قصدي يعني يكون عارف هي موافقة على المبدأ ولا لأ .. علشان نوفر المسافة ويكون هو كمان بيتكلم على أساس

لا انا شايفه انها برضه متقولش الراى النهائى لو كان بالقبول الا لاهلها
و حتى لو سالها تجننه و ماتقولوش

ازاى يعني تتكلم عادى

اقتباس :

اه الموضوع ده انت اتكلمت فيه فى الموضوع اللى كان فى

منوعات وانا كنت رد عليك هناك

بس بيتهيالى انك ما شوفتش الرد

بس بجد الاساس ان اللى عايز يتقدم لوحده يروح على بيت اهلها

على الاقل هى تبقى عارفه انه محترم وشاريها مش بتاع كلام و...ومعرفش ايه ؟

تمام يا دودو

اقتباس :

وكمان انت دايما تقول لازم يعرف رايها ! ما انت هتعرف رايها لما اهلها هما اللى يسالوها

بالظبببببببط كدة

يعني هى هتقوله هو الحقيقة و لاهلها الكدب !!!

اقتباس :

وكمان لو خايف يترفض ماهو ممكن هى توافق واهالها يرفضوا هيا هياها ؟؟

عندك حق

اقتباس :

لا بجد مبدا يسالها الاول والحاجات العجيبه دى انا مختلفه معاك تماما عليه

احنا طول عمرنا عارفين ان اللى بيشوف واحده وعايز انها تبقى زوجته

بيسال عنها وعن اهلها وبعد كده على بيت ابوها عدل (واذا هيصلى استخاره افضل )

لا يقول اسالها ولا ما اسالهاش

ده راى وسورى لو باين انى متعصبه

بس فى امور مافيهاش كلام

و انا كمان سورى لو باين انى متعصبة (مع انى حاسة انى مش شكلى متعصبة و لا حاجة..بس احتياطى )

اقتباس :

عجبني قوي ف الحلقة انه قال سوء الظن هو عدو التسامح الاول عشان كدة اول ما بيروح الواحد بيحس ان كان فيه حاجة قافلة على قلبة وراحت ويقدر بعدها يسامح بسهولة

فعلا الحتة دى حلوة اوىىىىىى ..و هو سوء الظن دة فعلا اللى بيخلى الناس مش متسامحة و دايما يبقوا مصرين ان اللى قدامهم مش بيحبهم و قاصد يأذيهم

اقتباس :

رده على الراجل اللي سألو عن يقول ايه لو حد لو كان فيه نساء بتقوله بحبك في الله ، ومعاه جدا في رايه ان ماينفعش بنت تقول لولد حتى لو كان زميلها بحبك في الله لان ده ما يمشيش مع حياء البنت خااااااااااالص

انما ممكن تقول لمحارمها زي اخوها والدها طفل صغير مش مشكلة انما غير كدة ماينفعش

تماااام ..ربنا يكرمك

اقتباس :

بالنسبة لموضوع لو ولد اعجب ببنت وحاسس انهم ممكن يصلحوا لبعض كازواج يفضل انه يعرفها بشكل عام أخلاقها .. طباعها .. أهلها .. طموحها ويشوف هل متانسبين مع بعض ولا لا ، لو حاسس انه أه ويقدر يتقدم ( وطبعا يكون صلى استخارة في الاول وحس ان نتيجتها ايجابية معاه ) يتقدم ويتعرف عليها اكتر من خلال حاجة رسمية و بمعرفة الاهل عشان ربنا يبارك لهم بعد كدة في جوازهم

غير كدة البركة بتقل في الجواز بعد كدة وعن تجارب كتيير جدااااا

ربنا يكرمك ..اكيد فعلا اى حاجة مترضيش ربنا هتخلى الواحد ميعيشش فى سعادة
و لسه و الله شايفة حالة واقعيه ..مش حاسة بسعادة علشان مرضيتش ربنا ..ربنا يهدينا جميعا

اقتباس :

والناس اللي اتبعوا الطريقة الاولى حصلتلهم البركة في الجواز بفضل الله عشان هما اتقوا ربنا قبل الجواز لدرجة ان ناس منهم بتقول بعد ماتجوزوا بفترة وخلفوا 3 اطفال على لسان احد الازواج ( أنا حاسس اني لسة بحبها حب كتب الكتاب )

وده كان في قصة لعمرو خالد في كتيب صغير كدة اسمه ( الحب ) إنه كان بيحب زوجته (حاليا ) وهما كانوا مشتركين في نادي وكل النادي عارف الموضوع ده وكانوا مع بعض على طول .. بس بعد فترة هو ابتدى يدخل في التدين ويتعمق فيه اكتر ، وجيه في يوم قالها ( أنا شايف انك انسان كويسة ونفسي اتقدم لك بس للاسف دلوقتي مش هقدر ، كان هو في الفترة دي في 3 هندسة ، فهنقطع دلوقتي اي اتصالات وتكون اختي هي الوسيط بينا لحد ما اتخرج واشتغل واقدر اتقدم لك بعدها )

وفعلا قطعوا الاتصالات لحد ما تخرج هو و اشتغل واتقدم لها وكتبوا الكتاب بعد كدة واتجوزوا وقال الجملة دي بعد ما خلفوا 3 اطفال ( لسة بحبها حب كتب الكتاب )

وعشان احنا اتقينا ربنا قبل الجواز ربنا عوضنا بالبركة دي بعد الجواز

ايوة القصه دى جمييييييلة جداا ..فعلا من يتقى الله بيجعل له مخرجا و بيرزقه من حيث لا يحتسب

و ان من ترك شيئا لله ربنا بيعوضه بخير منها

فهما لما صبروا سنتين ربنا عوضههم بطول العمر و فى الاخرة كمان اكيد بسعادة دائمة

بس للاسف الناس فاكرين الطريق الصح مافهوش سعادة

ربنا يهدينا جميعا للطريق المستقيم

سلااااااااام عليكم و رحمة الله و بركاته

بجد الحلقه روووووووووعه

كلها احلى من بعضها

وعجبتنى اوى حكايه ان الانسان اللى بينقد الناس كتير مش بيحسوا معاه بالامان

اعرف حد كده وكنت هموت واعرف ايه السبب بس

عرفت لانه فعلا مش بيطل انتقادات فى الناس

ربنا يهدى يااااااارب

وطبعا انا قولت راى قبل كده وانا متفقه طبعا مع ندى وعاشق الجنه فى كلامهم

والقصه اللى قالها عاشق الجنه

بجد روووووووووووووووووووووووعه حلوه جددا

(ومن يتقِ الله يجعل له مخرجا ويرزقه من حيث لا يحتسب )

جزاكم الله خيرا على كلامكوا على الحلقه اللى خلانى اشوفها

معلش انا بتاسف لو شكلنا كلنا جينا ضدك فى الموضوع .. هى الفكرة ان احن حبينا نوضح هو بيقول كدة ليه مصطفى حسنى .لكن مش قصدنا هجوم يعني

اصلى فكرت لو انا عامله موضوع و بقول وجهة نظر وو لقيتكل الناس ضدى هتضايق ..فاتمنى يكون دة مضايقش حضرتك

سلااام علييكم و رحمة الله و بركاته

لأ إطلاقاً ... أنا عمري م بزعل ولا بتضايق من النقاش المفيد والهادف .. وكلنا بنستفيد
مش بتضايق من حد يعني ... أنا بس متضايق من نفسي في حاجة تانية ...
ده غير إن اليوم النهاردة كان طويل وصعب علي لأني منمتش من امبارح الصبح